Xo̱jo̱n Salmoo̱ 101
101
Ni xi katsóyàtjón re Ndabii̱ nga sa̱ꞌínkjatjosoón Néná
Só xi katsꞌénda Ndabii̱.
1¡Sie an kjo̱a̱a̱ kjo̱a̱ni̱ma̱takóo̱n ko̱jo kjo̱a̱kixìi̱!
Jí boá xi siee̱ salmo̱ Ji Ne.
2Mejénna skotsijen cha̱n cha̱a̱n ndi̱ya̱à ni xi kixi̱i̱.
Kjiꞌání kji̱ndi̱béchinní.
Kjiꞌanga kjótsoꞌbá an ki̱a̱ ndiꞌana,
kixi̱ kjótsoꞌbá an xikó tsꞌén kixi̱ tikón ini̱ma̱na.
3Nde ngojín ni xi ꞌniú ndajín xi koaꞌaxki̱ an,
ngatꞌa̱ chꞌóna ni xi tsꞌén xota̱ xi xín ndi̱yà kjiee̱n,
kó tsjandièjín an nga ki̱a̱ nijan sa̱ꞌínkamajo̱na.
4Sa̱ꞌinkjìi̱n yojona ini̱ma̱ xi ni xi ndajín tsꞌénkjoó,
kó chiíjín skuiendikón án kui xi ni xi ndajín ndyi̱tsꞌeèn.
5Sa̱ꞌinkjié an kui xota̱ xi én tsꞌéndataꞌin ꞌmá xkjín,
sa̱ꞌinchíkjo̱a̱jáa̱n xota̱ xi nkꞌa maa̱ yojoo̱,
ko̱jo xi nkꞌakon maa̱ ini̱ma̱a̱.
6Ta̱nga ki̱a̱ skotsijèe̱n xota̱ xi maꞌniátakón xi tjín kuí tꞌanangii̱,
tsi̱ꞌe̱ nga nijan kꞌuíndojo̱na.
Kó kui xota̱ xi ndi̱yà xí kixi̱i̱ tjimaá, kuí boá xi ka̱ma sa̱ꞌínxátꞌana.
7Nde ngojín xota̱ ndiso xi ka̱ma ki̱a̱ kꞌuijñá ndiꞌana.
Kui xi chji̱a̱ éndísoó ka̱májín ki̱a̱ kꞌuijñá ngindyikón án.
8Ndyiojón ndyiojón sa̱ꞌinkjié an ngayeje xota̱ xi ꞌniú ndajín xi tjín nga̱sondiee̱,
tsi̱ꞌe̱ nga kjoaꞌaxín an ngayeje xota̱ xi tsꞌén ni xi ꞌniú ndajiín, ki̱a̱ na̱xi̱ńdáꞌniuú Néná.
Currently Selected:
Xo̱jo̱n Salmoo̱ 101: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
