Xo̱jo̱n Salmoo̱ 10
10
Nga ndokjo̱a̱a̱ Néná nga je kiniꞌán
1Ji Ne, ánní nga achichí kjin tindyinní,
kó timindyiꞌminí kjiꞌanga nda̱ kjimana.
2Xota̱ xi ꞌniú ndajiín kjo̱a̱nkꞌatakoón ndyi̱tsꞌènkjién nga ndyi̱tsꞌènkjié xota̱ ni̱ma̱a̱.
¡Ti̱kuii chja̱ya̱ xi ndyi̱ꞌbíndo xi ngatixóyà!
3Ngatꞌa̱ xota̱ xi ndajiín, achichí nkꞌa maá yojoo̱ kjo̱a̱a̱ ni xi mejeén ini̱ma̱a̱,
kó xota̱ xi xki̱ꞌá to̱o̱n, chꞌo tsó ko̱jo tsꞌenchꞌó Néná.
4Xota̱ xi ndajiín kjin má mején kje̱n nga nkꞌakon maá yojoo̱,
mongasejín Néná, ti̱nde chiíjín tsꞌénkjó Kuí.
5Ngatsjéni̱xtjin nga ńkjá ngájén ndi̱yà xí tjimá.
Kjin síndonii̱ kjo̱a̱botíjé xí boeꞌé Ji,
chꞌoo̱ ngayeje kondra̱a̱,
6kó bi̱ tsó ngi̱jin ini̱ma̱a̱:
Jmíni̱xtjin sti̱ngí an, kó jmíni̱xtjin nga ni xi ndajín ka̱mana.
7Én xí chji̱a̱ tsꞌoa, tjikítsie maá ni xi ndajín,
ko̱jo kjo̱a̱ndiso, ko̱jo kjo̱a̱chꞌáṉcha̱
kó ngindie na̱je̱n síndoꞌmaá ni xi tsꞌénꞌónná, ko̱jo ni xi ndajín xi mejeén sa̱ꞌín.
8Ki̱a̱ ꞌbíndoꞌmá, tiña nínga síndo ndiꞌaa̱ xotaa̱,
kó kondaꞌma nga tsꞌenkꞌién xota̱ xi jmíjéjiín,
konda chikín chíkín xota̱ xi májiín ꞌboxiéꞌá yojoo̱.
9Ngatsjéni̱xtjin nga ꞌbímaꞌma,
xikó maá xandi̱je̱ xi ꞌbíndoyá ti̱xa̱na̱xi̱i̱,
ngatsjéni̱xtjin nga síndonda nga stso̱bo̱a̱ xota̱ ni̱ma̱a̱,
kó ngije katsoboá, xikoó tsi ki̱a̱ nda̱ꞌya̱a̱ mindyiá.
10Kó bo̱a̱ tsꞌén ki̱a̱ ni̱ma̱kjo̱a̱ ꞌbíndo ko̱jo mindyiańña,
kó kjín má xota̱ ni̱ma̱a̱ xi je ki̱a̱ ngi̱ya tsja síndo.
11Kó bi̱ tsó ngi̱jin ini̱ma̱a̱: Néná jè kichíyaá,
jè íꞌmá kje̱n, kó ngiti̱ bejín ni xi kjimaa̱.
12¡Ye ꞌne̱ Ne, ti̱sítji̱n Ji! ¡Chjanínkꞌé ndse̱ Ji,
kó nga niꞌínchíyéjín Ji xota̱ xi ni̱ma̱kjo̱a̱a̱!
13Míkjo̱a̱a̱ nga xota̱ xi ndajiín chꞌoo̱ Néná.
Míkjo̱a̱a̱ nga tsꞌénkjó nga jmí xki̱ chji̱e̱ꞌéjíi̱n.
14Ta̱nga tiye Jí, ngatꞌa̱ titsitsijìi̱n kjo̱a̱ni̱ma̱ ko̱jo ni xi ndajín xi ndyi̱tsꞌèn,
tsi̱ꞌe̱ nga ji ko̱e̱ꞌée̱ ni xi tsoboaá.
¡Jí boá xi kjima ꞌniákoón xota̱ xi jmíjiín xi bosikójoo̱!
¡Jí boá xi ꞌnaxiéꞌé Ji xota̱ xi xꞌi̱a̱a̱n!
15¡Chjátꞌé Jí tjiaa̱ ko̱jo ṉꞌni̱u̱ xota̱ xi ꞌniú ndajiín!
¡Ti̱ꞌinkjie ji ni xi ndajín xi ndyi̱tsꞌèn, ngaskande nga kju̱i̱e̱ yeje kui nii̱!
16Néná boá xi Re ta̱kjiꞌání,
xota̱ na̱xi̱ńdá xí kisꞌińdo tꞌanangi xi tsi̱ꞌe̱, je jesón yeje.
17Ji Ne, Jí boá xi kandaꞌyée̱ ni xi mejeén xota̱ xi ni̱ma̱kjo̱a̱a̱.
Jí boá xi boeꞌé ngaꞌníi̱ ini̱ma̱a̱, kó niꞌínsée̱n nga Ji chji̱a̱a̱,
18kó ꞌmijindeje̱ Ji xota̱ xi síndo xꞌi̱a̱a̱n,
ko̱jo xota̱ xi ndajín kjimataꞌii̱n,
tsi̱ꞌe̱ nga ingojín xota̱ nga̱sondiee̱,
xi ni xi ꞌniú ndajín sa̱ꞌínjo̱ kje̱ꞌe xota̱.
Currently Selected:
Xo̱jo̱n Salmoo̱ 10: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
