Joo̱b 40
40
1Kó Néná ti̱ bi̱ ti̱ katsó ngasee̱ Joo̱b:
2A kjo̱a̱kjíntakón boá nga ji ko̱ndókjo̱e̱tije̱ ji xi tsi̱ꞌe̱ ngayeje ngaꞌniuú,
ja̱ tsi ji xi kandokjo̱e̱tije̱ ji, ja̱ ndókjo̱e̱ꞌéni ngotꞌe̱.
3Kó Joo̱b bi̱ katsoó Néná:
4Kó xián án nga kuichjiáꞌaa̱ ji,
xi jmí ni chjíjiín an,
ta̱sá xió kotíjña̱ an.
5Ngo ndi̱yà jè tsíchji̱a̱ an, ta̱nga jè ngiti̱ jmí ni xiánjín an,
sꞌe̱ ti̱ tsíchji̱a̱ nginí an xi ma joó ndi̱yà, kó ngiti̱ jmí ni kixianjín an.
6Kósꞌe̱ Néná tsíchji̱a̱jo Joo̱b ndeskande ngi̱jin ngo tjo̱ꞌniú,#40:6 Xi ma joó ndi̱yà nga tsíchji̱a̱ Néná, tsíchji̱a̱ kjo̱a̱a̱ xikó kjiꞌi kjo̱a̱je xi tjiín, ko̱jo ni xi bejín xota̱ nga̱sondiee̱, kó ndatsi tsie kjo̱a̱ni̱ma̱ foaꞌatio, jmí tsi kui nii̱ xi tsó nga kixi̱jín tsꞌénjo̱ná Néná. (40.7—41.34). kó bi̱ katsoó:
7¡Ja̱ stsitsíjen máráa̱ a kjénraá nga tá chꞌokon sèe̱ yojòo̱!
Án mára kosíyaá ngotꞌe̱,
kó jí ndókjo̱e̱ ji ni xi kosíyaá.
8A niꞌínchjíjínríi̱ kjo̱a̱kixi̱ xi tsꞌen an,
a si̱ꞌinjéní tsi̱ꞌe̱ nga ko̱ké ji nga ji xi tjiín ngakixi̱.
9A tjiínri ngaꞌniú xikoó an.
A ka̱má kjo̱ni̱e̱ nda̱a̱ xikótsꞌèn fonie cho̱ꞌo̱o̱n xikoó tsa̱ꞌa̱n.
10Tsi bo̱a̱ kjiꞌi, ¡ja̱ ngatꞌieé kjo̱a̱je ji,
ko̱jo ngatamayandikoón!
11Ti̱ꞌinkjìn jí ngayeje kjo̱a̱xcháa̱n
¡kó ni̱ma̱kjo̱a̱ tꞌínde ji xota̱ xi nkꞌakoo̱n!
12Tsitsíjìi̱n kui xota̱ xi ꞌniú ndajiín, kó ni̱ma̱kjo̱a̱ ti̱ꞌin,
kó ti̱ꞌinkjie ji ta̱ nínga síndo,
13¡tjanijín ji ki̱a̱ tꞌanangii̱,
kó tjaꞌme ji kje̱n tsi̱ꞌe̱ nga kꞌuíndo nínga jñoó!
14Kósꞌe̱ kjiꞌá boá nga skuie an
nga ta̱nisién tjiín ngaꞌniú
kó nga kuíni nga kiniꞌín ji.
15Tsitsíjìi̱n cho̱ chꞌokjiꞌi xi ꞌmí beemoo̱t,#40:15 Beemoo̱tKuí boá ngo cho̱ chꞌokjiꞌi xi ndokjo̱a̱ ki̱a̱ xo̱jo̱n eén Néná, kó tjín xota̱ xi tsó nga mejeén ti̱ kuí xò ni xi tjiín yojoo̱ kui cho̱ xi ꞌmí ipopotamoo̱ tjiín.
kui cho̱ xi an katsꞌenda an nga xikoó ji,
kꞌijñá xkjuién kjinie,
xikó maá cho̱yojo toro̱ xi bokján tꞌanangii̱,
16kó ngayeje ngaꞌniuú ki̱a̱ ndibánií ńdayìtsꞌe̱n,
kó achichí ngaꞌniú xí tjiín yojo nga̱tsꞌo̱a̱.
17Tsꞌéntíyaà ńtsꞌen xikoó ngo yákón,
kó naxá xí tjiín ti̱ꞌmi̱í ngaskande tsꞌájin maá xkjín.
18Ńdaa̱ bo̱a̱ má kón xikoó ki̱cha̱ bronsee̱,
kó ti̱ꞌmi̱í bo̱a̱ má kón xikoó ki̱cha̱ xi ndaa̱.
19Ngi̱jii̱n ngayeje cho̱ xi katsꞌenda an,
kui boá xi tjón katsꞌenda an,
kó tsi an xi mejénna, ta̱ án tsí xi ka̱mana sa̱ꞌinkꞌién an.
20Ndi̱xcho̱ xi tjín ngi̱jin kꞌijñaá boá xi kjinie,
ki̱a̱ ngi̱ndie nínga tsꞌéntsobé cho̱ tamaá.
21Ki̱a̱ kjojñá ngindiee̱ ndikingándaá,
kó ki̱a̱ kꞌuijñáꞌmá ngi̱jii̱n yána̱xo̱o̱, ngi̱ndie nínga ndyi̱i̱,
22kó ngindiee̱ kui xka̱a̱ ki̱a̱ fojña,
kó ngindie tji̱nkꞌi̱e̱én yá xí kjiꞌi tꞌachji̱ndi̱e̱e̱ tsꞌénkjaꞌyá.
23Tsi ka̱ma je ndejeèꞌ, tsakjónjín má,
ndatsi ngaskande ndáfoaa̱ ndejèꞌ Jorndaa̱n jè tsꞌénboꞌmá má.
24ꞌYá xí ka̱maa̱ skjánjo̱ kjiꞌanga kjiꞌiféjín.
ꞌYá xí ka̱maa̱ stso̱bo̱a̱ nga ko̱sién ti̱xa̱ ṉtjo̱n.
Currently Selected:
Joo̱b 40: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
