Joo̱b 30
30
1¡Ta̱nga ngotꞌe̱ ꞌne̱ ngaskande
xota̱ xi kjindí ngase xikoó an ndyi̱mojnókiena!
¡Kui xi ngaskande xi xchaá tsjandièjàa̱n nga
ki̱a̱ kꞌuíndojii̱n ńñá xi koón cho̱tsa̱nga̱na!
2¡Kó sa̱ꞌín kui xotaa̱,
xi je ngiti̱ jmí ngaꞌniújiín!
3Ta̱ngatꞌanii̱ nga ni̱ma̱ ko̱jo nga bojó kamaá,
kuíni nga kisꞌiṉtso̱ma soboá,
kó nga ni̱xtji̱e̱e̱n kisꞌiṉtso̱ma ngi̱ndie kjitiyaa̱,
nga iskjiniejon ja̱ma̱ xi je kixí.
4¡Ki̱a̱ kisꞌiṉtso̱ma ngi̱jin kꞌijñaá,
nga ítikó xka̱ sa,
kó ta̱soboá ja̱ma̱a̱ yá boá xi iskjinie!
5Kuí boá xi xota̱ xi katsꞌénchꞌó na̱xi̱ńdaá,
kó askjandáyátji̱ngii̱ xotaa̱ xikó má niꞌánjo̱ chejeé.
6Kuíni nga ki̱a̱ kisꞌińdo xo̱ngà kixíyaà,
ko̱jo ngi̱ya ti̱xa̱na̱xi̱i̱, ko̱jo ngi̱jin ndi̱jo̱ yiꞌii̱,
7tjimá ngi̱jin kꞌijñaá,
nga ndyi̱kjandayà xikoó bórró.
8Xota̱ xi jmí ni chjíjiín boá,
¡kuíni nga kaꞌnaxiéni ngi̱jii̱n na̱xi̱ńdaá!
9¡Ta̱nga ngotꞌe̱ ꞌne̱ án boá xi ndyi̱mojnókiena,
kó ngaskande énkjàn chji̱a̱ kjo̱a̱a̱ an!
10¡Achichí chꞌo maá an, kó mongaboaꞌána,
kó ngaskande botítiajón má kje̱n án!
11Kó nga Néná ni̱ma̱kjo̱a̱ íjñána,
ko̱jo nga tsie kjo̱a̱ni̱ma̱ tjítsꞌénkjáꞌana,
achichí chꞌo tsóna nga mojnókiena.
12Achichí kjín má nga ndyi̱kjánjo̱na xtji̱e̱e̱n nínga kixi̱na,
kó tsangińña kꞌi̱e̱ tsangińña ngajánna,
ngatꞌa̱ mejeén nga kꞌo̱ka an ko̱jo nga xcha̱ja an.
13Kixindyiachjá ndi̱yà nínga foaꞌa an,
ngatꞌa̱ kamámejeén sa̱ꞌínkꞌiénna,
kó nde ngojín xi íchjaá nga bo̱a̱ katsꞌén.
14Ndyi̱kjánjo̱na xikó maá ngo xtín jájún
xi je katsꞌéntsi̱ꞌe̱ ngo na̱xi̱ńdá,
nga tjimájin xó xí je ixóndoó.
15Kjifotsié ndikón má án,
ngiti̱ jmíjín xi bendikónna,
kó kjo̱a̱cho̱nna kichajá xikoó ṉdi̱i̱.
16Jè kjiꞌme an, achichí ndasen tikón ini̱ma̱na,
jè tjítsꞌénchajana kjo̱a̱ni̱ma̱ xi tsꞌénfoaꞌatio an.
17Ngatꞌa̱ nga jñoó jè ngiti̱ xixiójín
kui xi so xi ndakjaa̱n.
18Néná jè xikoó tsi iskjíbé kjásén án,
kó xikoó tsi tjítsꞌénxíndona,
19kuí boá xi tsꞌajmijinna ngi̱jin ndásee̱,
kó án jè xikónií tsi ndiso ko̱jo tsi chojo kamá an.
20Ji Ne, ji chjiaá,
ta̱nga ji ndaꞌyéjínní,
fí an ngindyikin ji,
kó ndeskande tsitsijinjínní.
21Achichí nga ndajín tiniꞌínje̱ní,
kó ngaꞌniúu̱ niꞌínkjìn jí nga niꞌínꞌínní,
22chjaninkꞌéní nga foaꞌa tjo̱o̱,
kó ki̱a̱ bichijmijìnní ngi̱jii̱n tjo̱ꞌniuú,
23kó jè be án nga kjiꞌa kjo̱chó ni̱xtjin
ki̱a̱ kꞌuínje̱ní kjo̱a̱bo̱yaa̱,
nínga tikón ngi̱ndie nínga ku̱i̱ndyionjne̱ ngatsjéni̱xtjin.
24Ta̱nga ngojín xi ku̱i̱ꞌeé ngo xi je kiniꞌánchaja,
kui xi ngije nda̱ kjimaa̱ ku̱i̱ꞌa nga ko̱siko̱jo.
25Ta̱sá askjandájo̱ an xota̱
xi tsie kjo̱a̱ni̱ma̱ jaꞌatio,
kó ini̱ma̱na on kamaá ni xi kamátaꞌin xota̱ ni̱ma̱a̱.
26Ta̱nga nga tsꞌénkoyàa̱ ni̱xtjin xi ndaa̱,
ta̱sá ni̱xtjin xi ndajiín jeꞌe,
kó kjiꞌanga askoyáa̱ nga tsijen ka̱mana,
ta̱sá ni̱xtjin xi jñoó kjindibá.
27Ngatsjéni̱xtjin nga achichí ni xi kjimaa̱ ini̱ma̱na,
ngatꞌa̱ ndyiojón ndyiojón tsie kjo̱a̱ni̱ma̱ tsꞌénfoaꞌatio an.
28Achichí ndasen tikón an,
xikó má chon má nga xindyiá ṉdi̱,
mongase an nga ko̱síko̱jona xotaa̱,
ta̱nga ta̱ꞌyajín xi bosikójona.
29Xikoó tsi ntsꞌié án má cho̱ tamá xi ꞌmí chakaa̱l,
kó xikoó tsi amingo̱na ma ni̱sie abestruu̱.
30Jè kjifondo tji̱xin yojona
kó chíchi̱ chíchi̱ kjibixóndó,
xikoó tsi tjítíngajón má ńdana nga ndyi̱a̱na ṉtꞌe̱.
31Arpa̱na jè só xa̱ꞌya̱ kjifoniee̱,
kó yána̱xo̱na jè só ndasen kjifoniee̱ nga.
Currently Selected:
Joo̱b 30: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
