Oseaa̱ 8
8
1¡Tꞌíjñíi̱ ndso̱ꞌbe ji tjioo̱, kó ti̱ꞌinkjani ji!
¡Xikoó tsi ngo ja̱ je ndibá kondra̱a̱ xota̱ ndiꞌaa̱ Néná!
¡Ngatꞌa̱ kamábendikónjín kjo̱a̱ꞌbíndana, ko̱jo katsjánié kjo̱a̱kitina!
2Án boá xi bi̱ ka̱tso̱na xota̱ Israee̱l:
¡Ji Ne tsa̱ji̱n, jè kamáyàjne̱ ꞌyání Jí!
3Ta̱nga xota̱ Israee̱l jè katsꞌénchꞌó ni xi ndaa̱,
kuíni nga kondra̱ tsi̱ꞌe̱ ko̱ngatji̱ngii̱.
4Índo xota̱ xi ree̱ kamá, kó nde Ánjín xi jaꞌajin An,
índo xota̱ xi atíxomaa̱, kó nde Ánjín asíyána,
to̱ntiboaa̱ ko̱jo to̱nsinieé katsꞌénkjién nga katsꞌéndani ni xi ne katsoó,
tsi̱ꞌe̱ nga ti̱kuii xi katsꞌénkjatsón yojoo̱.
5Jún xota̱ Samaria̱, chꞌóna ndií cho̱yojojnú,
kjo̱a̱xchánna jè kondra̱ tsa̱jún je tikón,
kó, a ngatsjéni̱xtjin boá nga ka̱májínjnú si̱ꞌantsjiejnú yojojnú.
6Ngatꞌa̱ kui ndií cho̱yojoo̱, ki̱a̱ chji̱a̱ni na̱xi̱ńdá Israee̱l,
xota̱ xi maa̱ tsꞌenda nii̱ boá xi katsꞌénda, kó Nénájín bo̱a̱ kui nii̱,
kó ka̱maxi̱ boá kui ndií cho̱yojo xi chji̱a̱ni nangi Samariaa̱.
7Jún boá xi ikꞌítji̱e̱jnú tjo̱, kuíni nga tjo̱ꞌniú sa̱kójnú,
ngiti̱ ka̱májín ni tjiéjnú, ti̱nde naxoó to ndso̱ko̱a̱n ṉño̱paa̱n ngiti̱ ka̱májín nga,
kó tsi ka̱ma ngase, xota̱ xi xín nangii̱ sa̱ꞌínkjié nga skji̱ni̱e̱.
8Na̱xi̱ńdá Israee̱l ko̱jna̱jen ndo̱jò,
kó ngi̱jii̱n na̱xi̱ńdaá xikoó tsi ngo ni xi niꞌánkjién,
xi jmí ni chjíjiín ka̱ma.
9Ngatꞌa̱ ki̱a̱ kijí xtji̱e̱e̱n nangi Asiria̱,
kó xota̱ tji̱e̱e̱ Efraii̱n, xikó maá ngo bórró kitikjo̱a̱
xi tsoꞌbá soboá nga kijí kamá, kó tsꞌatsie xi̱ńꞌniú.
10Ta̱nga ndatsi xín nangi kꞌo̱tsie xi̱ńꞌniú,
An kꞌuitiko Án, kó kꞌuindo ndasen An,
ngatꞌa̱ ngo nda̱ re ko̱jo xota̱ xi nijan botixómá, ni̱ma̱kjo̱a̱ sa̱ꞌínjo̱.
11Xota̱ tji̱e̱e̱ Efraii̱n katsꞌénkjín ngase ṉchaa̱n nee̱, tsi̱ꞌe̱ nga katsꞌénjé,
ta̱ tsi̱ꞌe̱ nga katsꞌénjé boá nga katsꞌénda kui ṉchaa̱n.
12Ndatsi katsjáa̱ ni nda ni yiꞌi xi kjitꞌa kjo̱a̱kitina,
iskjíbé, ta̱nga xikoó tsi ni xi ta̱chiboa kamá.
13Ndatsi cho̱ sa̱ꞌínkꞌién nganda tsa̱ꞌa̱n,
kó ndatsi skji̱ni̱e̱ yojoo̱, ta̱nga Néná sa̱ꞌínjo̱ꞌojín kui nii̱.
Kjo̱a̱ꞌátsjienrií ni xi ꞌniú ndajín xi katsꞌén,
kó sa̱ꞌínjeé kjo̱a̱a̱ jé xí katsꞌén,
chjiéngá ko̱e̱je̱ꞌoyá nginí nangi Ejipto̱.
14Ngatꞌa̱ xota̱ Israee̱l je katsꞌénchíyà Kui xi katsꞌénda,
kó katsꞌénda ndo̱bo̱a̱xa̱á,
xota̱ tji̱e̱e̱ Jundáa̱ kjín na̱xi̱ńdáꞌniú xí tjíchjáꞌyá katsꞌénda,
ta̱nga Án boá xi kuitꞌandiꞌí Án na̱xi̱ńdáꞌniuú,
kó kui ndiꞌií xi sa̱ꞌínkjié ndo̱bo̱a̱xa̱á.
Currently Selected:
Oseaa̱ 8: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
