Oseaa̱ 6
6
Xota̱ Israee̱l katsꞌénkꞌoyá yojoo̱
1Ndibájnú, kó tjianchóngiñáa̱ Néná,
ngatꞌa̱ Kuí boá xi katsꞌénxi̱ná,
kó Kuí boá xi sa̱ꞌíndaya nginíná,
Kuí boá xi katsꞌénꞌónná,
kó Kuí boá xi ku̱i̱ꞌíxtié nínga onná.
2Tsja̱a nginíná kjo̱a̱mindyion xi ma joó ni̱xtjii̱n,
kó xi ma jaán ni̱xtjin sa̱ꞌínkjaꞌáꞌyáná,
kó ki̱a̱ ku̱i̱ndyión ngindyi̱ko̱n Kui.
3¡Ja̱ ngatamaya ꞌyání xi Kui tsobo̱a̱!
Tjianra nínga ndyi̱mongín tsi̱ꞌe̱ nga xcha̱ Néná,
nga fotjoni, ja̱koxi̱ boá xikoó nga ndibá tsꞌueé,
kó kji̱ndi̱bákónná xikoó stseé,
kui stsé xí sájín boaꞌaa̱, kui xi bosíndaá tꞌanangii̱.
Néná katsꞌénseén xota̱ Israee̱l
4Mí xí sa̱ꞌinjo̱ An xota̱ tji̱e̱e̱ Efraii̱n,
mí xí sa̱ꞌinjo̱jnúꞌun jún xota̱ tji̱e̱e̱ Jundáa̱.
Kjo̱a̱ꞌniátakónjnú xikónií ṉdi̱ xi ꞌbé nga ta̱jño̱ó ma,
ko̱jo xikónií xoño xi ꞌbé nga ta̱jño̱ó kui xi tsá chajaa̱.
5Kuíni nga én xí chji̱a̱ni ndso̱ꞌba Án xí katsꞌenkꞌiénijnúꞌun,
jáchji̱ni̱e̱ꞌe̱én katsꞌenkjién Án nga katsꞌenxi̱jnúꞌun,
tsi̱ꞌe̱ nga kjiꞌanga kjo̱e̱ꞌe ndiꞌií, kji̱ndi̱bá kjo̱a̱botíjéjnú.
6Ngatꞌa̱ kjo̱a̱ꞌniátakón boá xi mejénna, jmí tsi nga cho̱ xi si̱ꞌankꞌienna,
nga xcha̱jnú Néná, kó jmí tsi cho̱ xi kꞌuitína.
7Jún xikónií Andaa̱n kamájnú, ngatꞌa̱ kamáyándikónjínjnú ni xi inda An,
kó ki̱a̱ boá nínga kiniꞌántꞌajnúꞌunkjo̱a̱.
8Na̱xi̱ńdáꞌniú Ngalaa̱nd, ndo̱bo̱a̱a̱ xota̱ xi ꞌniú ndajín je kamá,
je tjikítsie maá jín kuí ngi̱ndiee̱.
9Xikoó xota̱ chejé xí ndyi̱koyaa̱ nga ngo nda̱ sa̱ꞌínchejeé,
bo̱a̱ kon kamá xtín jáchináꞌmii̱, kui xi tsꞌenkꞌién xota̱ ki̱a̱ ndi̱ya̱à na̱xi̱ńdáꞌniú Sikee̱n,
nga ndyi̱tsꞌèn ni xi ta̱nisién ꞌniú ndajín.
10Ki̱a̱ na̱xi̱ńdá Israee̱l achichí má ni xi ꞌniú chꞌokjiꞌi xi je kamábe An,
ki̱a̱ boá nínga katsꞌénmasien yojoo̱ xota̱ tji̱e̱e̱ Efraii̱n,
ko̱jo ki̱a̱ boá nínga katsꞌéndándí yojoo̱ xota̱ Israee̱l,
11kó ko̱jo jún nga xota̱ tji̱e̱e̱ Jundáa̱,
jè tikónda ni̱xtjii̱n cha̱a̱n,
kjiꞌanga An kꞌo̱xiéꞌá An xota̱ na̱xi̱ńdána xi síndoꞌniuú.
Currently Selected:
Oseaa̱ 6: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
