Abakuu̱k 2
2
1Kotíjña̱nda an nga skonda an, kó ki̱a̱ kotíjña̱ an xóna,
kó kjóféjín an tsi̱ꞌe̱ nga kuintꞌie an ni xi ka̱tso̱na kui,
kó míra̱ ni xi ka̱tso̱na kjo̱a̱a̱ ni xi je atijétꞌàa̱.
2Kó Néná, ti̱ tsíchji̱a̱jo nginína, nga bi̱ katsóna:
Tiꞌinꞌindé ji ni tjibókoo̱, kó ngo tie ńdie kachján tjatꞌe ji,
tsi̱ꞌe̱ nga ta̱ꞌyaní xi ka̱maa̱ tsá sa̱ꞌínyà.
3Ta̱nga kji̱e̱ fochójín ni̱xtjii̱n kui ni xi akakoo̱,
kuí boá kui nii̱ xi ku̱i̱chji̱a̱ kjo̱a̱a̱ ni̱xtjin xi fetꞌaa̱, kó jmíjín xi ku̱i̱ꞌíchjaá,
Ndatsi kꞌo̱ndíyaá, chiyée̱ nga kjo̱tjosón,
ngatꞌa̱ kji̱ndi̱bá boá, kó kꞌo̱ndíyájín ngasee̱.
4Xota̱ xi kixi̱jín tikón ini̱ma̱a̱, xota̱ nkꞌakon boá,
ta̱nga xota̱ xi kixi̱i̱, ta̱ngatꞌanii̱ kjo̱a̱sꞌijii̱n nga kꞌuijñáni nga̱sondie.
5Kui nda̱ xi nkꞌa maa̱ yojoo̱, binoo̱ boá xi ndajín tsꞌeén,
kó nde ki̱a̱jín ꞌbíjñá ndiꞌaa̱,
ngatꞌa̱ tsꞌéntiyà ngase ini̱ma̱a̱, xikó maá ndo̱bo̱a̱ṉkꞌi̱e̱e̱n,
kó xikó maá kjo̱a̱bo̱yaa̱ nga jmí ni̱xtjin tsiee̱,
ndatsi kjo̱a̱ꞌáxiín ni xi tjiín ngayeje nangii̱,
ko̱jo nga sa̱ꞌíntsi̱ꞌe̱ ngayeje na̱xi̱ńdaá.
6Ta̱nga ngayeje na̱xi̱ńdá xí je katsꞌéntsi̱ꞌe̱,
ko̱jno̱kie nga sa̱ꞌínkjién én kján, nga bi̱ ka̱tso̱o̱:
¡Xi̱xꞌi̱a̱n xò xí tsꞌéntsi̱ꞌe̱ ni xi kuijín tsi̱ꞌe̱!
Ngaskande kjiꞌání nga to̱kó kꞌuitíkí jí ni xi to̱n ikꞌíjñanginii̱.
7Ata̱ nijánjín má kjo̱stjíe̱n xota̱ xi kjo̱a̱ꞌáxiín níi̱.
A kjo̱stjíe̱njín kui xota̱ xi ꞌniú ndajín sa̱ꞌínjoo̱, tsi̱ꞌe̱ nga si̱ꞌanchejeé ni xi tjiín.
8Ta̱ngatꞌanii̱ nga achichí má na̱xi̱ńdá xí kachjeꞌéxíi̱n nii̱,
xota̱ na̱xi̱ńdá xí ngasee̱ kjo̱a̱ꞌáxiín ni xi tjiín jí,
ta̱ngatꞌanii̱ jín xí kachjatjén ji, ko̱jo ni xi ndajín xi kiniꞌínje̱ ji tꞌanangii̱,
ko̱jo na̱xi̱ńdáꞌniuú, ko̱jo xota̱ xi ki̱a̱ síndo kui ngi̱ndiee̱.
9Xi̱xꞌi̱a̱n xò kuí xota̱ xi ndyi̱ko̱n to̱n xi ndajín tsꞌén kasako fochójo̱ ndiꞌaa̱,
kó nkꞌa ꞌbijñá ndo̱bo̱a̱a̱, tsi̱ꞌe̱ nga kjo̱tjongii̱ yojoo̱ kjo̱a̱a̱ ni xi ndajín xi kjimaa̱.
10Kachjábé jí kjo̱a̱botíxoma xi ndajín tsi̱ꞌe̱ ndiꞌáa̱,
kó achichí kjín má nangi xi kiniꞌínkjié ji,
kó ti̱ jíní xi kiniꞌínjé jí kjo̱a̱a̱ ti̱kuii yojòo̱.
11Kuíni nga ndi̱jo̱o̱ ni̱ma̱ ku̱i̱chji̱a̱ ndeskande ki̱a̱ xó nínga síndoo̱,
kó yándojoó yátie xi síndoo̱ sa̱ꞌínkjanie nda̱a̱.
12¡Xi̱xꞌi̱a̱n xò kuí xi ngi̱jii̱n jín tsꞌénkjinikꞌani na̱xi̱ńdáꞌniuú,
kó ngo na̱xi̱ńdáꞌniú tjítsꞌénda, nínga ni xi ꞌniú ndajín kjima!
13A Néná xí tsi̱ꞌe̱ jájuúnjín xi kjindibánii̱ kui nii̱,
nga nangii̱ ko̱jo na̱xi̱ńdaá ndiꞌií xí sa̱ꞌínxánií,
kó nga xota̱ na̱xi̱ńdaá ta̱kjo̱a̱ndaní nga kju̱i̱e̱nda.
14Ngatꞌa̱ ngayeje nga̱sondiee̱ nga sꞌi̱kitsieni kjo̱a̱kjínkoón kjo̱a̱jee̱ Néná,
xikó maá ndáfoa xi tjiín ndáchíkoón.
15Xi̱xꞌi̱a̱n xò xota̱ xi tsꞌénchꞌi̱ xota̱ xkjín,
kó ni tsꞌenkꞌájii̱n xán xí tsjaá, tsi̱ꞌe̱ nga sku̱i̱e̱ yojo kjiꞌixtií.
16Ta̱nga ta̱sá má ni xi yandikónjiín xi ikꞌíkitsiée̱ yojòo̱,
ta̱bo̱a̱jiín nga ni xi yandikoón.
¡Tꞌi̱ ji nga, kó nga sꞌijña tsijen yojo ndikóo̱n!
Kjo̱a̱botíjé xí je tjiyá tsja kixi̱ Néná kondra̱ tse̱ je tikónni,
kó ngo kjo̱a̱soboá ko̱óꞌmá kjo̱a̱jèe̱.
17Ngatꞌa̱ jí boá xi kꞌo̱kanieé ni xi ndajín xi kamá ki̱a̱ nangi Líbanoo̱,
ko̱jo nga kiniꞌánkjiesón cho̱ tamaá,
ko̱jo nga kachjatjón jiín xota̱ xi kiniꞌánkjiesoón,
ko̱jo ni xi ꞌniú ndajín xi kamaá nga̱sondiee̱, ko̱jo na̱xi̱ńdáꞌniuú,
ko̱jo xota̱ xi ki̱a̱ kisꞌiṉdoo̱.
18Mí chjínií ne xi niꞌándikoón nga kui nda̱ xi maa̱ tsꞌéndaa̱ sa̱ꞌínda,
xi ta̱ a̱si̱én boá, ngo ni xi ndiso boá.
Kó tsꞌén chjiénnií nda̱ xi katsꞌénda kui nii̱,
nga ni xi niꞌándikón xí ni̱ma̱ xi májín chji̱a̱ tsꞌéndaa̱.
19Xi̱xꞌi̱a̱n xò xí bi̱ tsoó chikiín: Ti̱ꞌinkjeꞌée̱ yojòo̱,
kó bi̱ tsoó ndi̱jo̱ xi májín chji̱a̱a̱: Ti̱sítji̱n ji. A ka̱má kuí ko̱kóyaá.
Ngaskande to̱nsinié ko̱jo to̱ntiboa má kjijon, ta̱nga jmí a̱siénni̱xtjínjiín.
20Ta̱nga Néná ki̱a̱ tikón na̱ngo̱xi̱ ndikoón:
Xió ngatꞌíndo ngayeje xotaa̱ ngindyi̱ko̱n kui.
Currently Selected:
Abakuu̱k 2: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Abakuu̱k 2
2
1Kotíjña̱nda an nga skonda an, kó ki̱a̱ kotíjña̱ an xóna,
kó kjóféjín an tsi̱ꞌe̱ nga kuintꞌie an ni xi ka̱tso̱na kui,
kó míra̱ ni xi ka̱tso̱na kjo̱a̱a̱ ni xi je atijétꞌàa̱.
2Kó Néná, ti̱ tsíchji̱a̱jo nginína, nga bi̱ katsóna:
Tiꞌinꞌindé ji ni tjibókoo̱, kó ngo tie ńdie kachján tjatꞌe ji,
tsi̱ꞌe̱ nga ta̱ꞌyaní xi ka̱maa̱ tsá sa̱ꞌínyà.
3Ta̱nga kji̱e̱ fochójín ni̱xtjii̱n kui ni xi akakoo̱,
kuí boá kui nii̱ xi ku̱i̱chji̱a̱ kjo̱a̱a̱ ni̱xtjin xi fetꞌaa̱, kó jmíjín xi ku̱i̱ꞌíchjaá,
Ndatsi kꞌo̱ndíyaá, chiyée̱ nga kjo̱tjosón,
ngatꞌa̱ kji̱ndi̱bá boá, kó kꞌo̱ndíyájín ngasee̱.
4Xota̱ xi kixi̱jín tikón ini̱ma̱a̱, xota̱ nkꞌakon boá,
ta̱nga xota̱ xi kixi̱i̱, ta̱ngatꞌanii̱ kjo̱a̱sꞌijii̱n nga kꞌuijñáni nga̱sondie.
5Kui nda̱ xi nkꞌa maa̱ yojoo̱, binoo̱ boá xi ndajín tsꞌeén,
kó nde ki̱a̱jín ꞌbíjñá ndiꞌaa̱,
ngatꞌa̱ tsꞌéntiyà ngase ini̱ma̱a̱, xikó maá ndo̱bo̱a̱ṉkꞌi̱e̱e̱n,
kó xikó maá kjo̱a̱bo̱yaa̱ nga jmí ni̱xtjin tsiee̱,
ndatsi kjo̱a̱ꞌáxiín ni xi tjiín ngayeje nangii̱,
ko̱jo nga sa̱ꞌíntsi̱ꞌe̱ ngayeje na̱xi̱ńdaá.
6Ta̱nga ngayeje na̱xi̱ńdá xí je katsꞌéntsi̱ꞌe̱,
ko̱jno̱kie nga sa̱ꞌínkjién én kján, nga bi̱ ka̱tso̱o̱:
¡Xi̱xꞌi̱a̱n xò xí tsꞌéntsi̱ꞌe̱ ni xi kuijín tsi̱ꞌe̱!
Ngaskande kjiꞌání nga to̱kó kꞌuitíkí jí ni xi to̱n ikꞌíjñanginii̱.
7Ata̱ nijánjín má kjo̱stjíe̱n xota̱ xi kjo̱a̱ꞌáxiín níi̱.
A kjo̱stjíe̱njín kui xota̱ xi ꞌniú ndajín sa̱ꞌínjoo̱, tsi̱ꞌe̱ nga si̱ꞌanchejeé ni xi tjiín.
8Ta̱ngatꞌanii̱ nga achichí má na̱xi̱ńdá xí kachjeꞌéxíi̱n nii̱,
xota̱ na̱xi̱ńdá xí ngasee̱ kjo̱a̱ꞌáxiín ni xi tjiín jí,
ta̱ngatꞌanii̱ jín xí kachjatjén ji, ko̱jo ni xi ndajín xi kiniꞌínje̱ ji tꞌanangii̱,
ko̱jo na̱xi̱ńdáꞌniuú, ko̱jo xota̱ xi ki̱a̱ síndo kui ngi̱ndiee̱.
9Xi̱xꞌi̱a̱n xò kuí xota̱ xi ndyi̱ko̱n to̱n xi ndajín tsꞌén kasako fochójo̱ ndiꞌaa̱,
kó nkꞌa ꞌbijñá ndo̱bo̱a̱a̱, tsi̱ꞌe̱ nga kjo̱tjongii̱ yojoo̱ kjo̱a̱a̱ ni xi ndajín xi kjimaa̱.
10Kachjábé jí kjo̱a̱botíxoma xi ndajín tsi̱ꞌe̱ ndiꞌáa̱,
kó achichí kjín má nangi xi kiniꞌínkjié ji,
kó ti̱ jíní xi kiniꞌínjé jí kjo̱a̱a̱ ti̱kuii yojòo̱.
11Kuíni nga ndi̱jo̱o̱ ni̱ma̱ ku̱i̱chji̱a̱ ndeskande ki̱a̱ xó nínga síndoo̱,
kó yándojoó yátie xi síndoo̱ sa̱ꞌínkjanie nda̱a̱.
12¡Xi̱xꞌi̱a̱n xò kuí xi ngi̱jii̱n jín tsꞌénkjinikꞌani na̱xi̱ńdáꞌniuú,
kó ngo na̱xi̱ńdáꞌniú tjítsꞌénda, nínga ni xi ꞌniú ndajín kjima!
13A Néná xí tsi̱ꞌe̱ jájuúnjín xi kjindibánii̱ kui nii̱,
nga nangii̱ ko̱jo na̱xi̱ńdaá ndiꞌií xí sa̱ꞌínxánií,
kó nga xota̱ na̱xi̱ńdaá ta̱kjo̱a̱ndaní nga kju̱i̱e̱nda.
14Ngatꞌa̱ ngayeje nga̱sondiee̱ nga sꞌi̱kitsieni kjo̱a̱kjínkoón kjo̱a̱jee̱ Néná,
xikó maá ndáfoa xi tjiín ndáchíkoón.
15Xi̱xꞌi̱a̱n xò xota̱ xi tsꞌénchꞌi̱ xota̱ xkjín,
kó ni tsꞌenkꞌájii̱n xán xí tsjaá, tsi̱ꞌe̱ nga sku̱i̱e̱ yojo kjiꞌixtií.
16Ta̱nga ta̱sá má ni xi yandikónjiín xi ikꞌíkitsiée̱ yojòo̱,
ta̱bo̱a̱jiín nga ni xi yandikoón.
¡Tꞌi̱ ji nga, kó nga sꞌijña tsijen yojo ndikóo̱n!
Kjo̱a̱botíjé xí je tjiyá tsja kixi̱ Néná kondra̱ tse̱ je tikónni,
kó ngo kjo̱a̱soboá ko̱óꞌmá kjo̱a̱jèe̱.
17Ngatꞌa̱ jí boá xi kꞌo̱kanieé ni xi ndajín xi kamá ki̱a̱ nangi Líbanoo̱,
ko̱jo nga kiniꞌánkjiesón cho̱ tamaá,
ko̱jo nga kachjatjón jiín xota̱ xi kiniꞌánkjiesoón,
ko̱jo ni xi ꞌniú ndajín xi kamaá nga̱sondiee̱, ko̱jo na̱xi̱ńdáꞌniuú,
ko̱jo xota̱ xi ki̱a̱ kisꞌiṉdoo̱.
18Mí chjínií ne xi niꞌándikoón nga kui nda̱ xi maa̱ tsꞌéndaa̱ sa̱ꞌínda,
xi ta̱ a̱si̱én boá, ngo ni xi ndiso boá.
Kó tsꞌén chjiénnií nda̱ xi katsꞌénda kui nii̱,
nga ni xi niꞌándikón xí ni̱ma̱ xi májín chji̱a̱ tsꞌéndaa̱.
19Xi̱xꞌi̱a̱n xò xí bi̱ tsoó chikiín: Ti̱ꞌinkjeꞌée̱ yojòo̱,
kó bi̱ tsoó ndi̱jo̱ xi májín chji̱a̱a̱: Ti̱sítji̱n ji. A ka̱má kuí ko̱kóyaá.
Ngaskande to̱nsinié ko̱jo to̱ntiboa má kjijon, ta̱nga jmí a̱siénni̱xtjínjiín.
20Ta̱nga Néná ki̱a̱ tikón na̱ngo̱xi̱ ndikoón:
Xió ngatꞌíndo ngayeje xotaa̱ ngindyi̱ko̱n kui.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014