Abakuu̱k 1
1
1Én xí katsóyà nda̱chji̱ni̱e̱ꞌén Abakuu̱k, kjo̱a̱a̱ ni xi akakoo̱.
Abakuu̱k tsíchji̱a̱jo Néná
2Ji Ne, ngaskande kjiꞌání, nga to̱kó skjandáyà an, tsi̱ꞌe̱ nga ko̱si̱ke̱jení,
ngatꞌa̱ ji, nde ko̱nda̱ꞌyéjínní.
Skjandáyà an ngindyikin ji nga xiyà an kjo̱a̱a̱ ni xi ndajín xi kjimataꞌin an,
ta̱nga ji, nde ko̱ꞌna̱xiéꞌéjínní.
3Míkjo̱a̱a̱ nga boeꞌéndiè ji nga skuie an ni xi ꞌniú ndajiín,
ko̱jo nga skuie an kjo̱a̱ni̱ma̱a̱.
Ni xi ndajiín ko̱jo kjo̱a̱niꞌánkjieé kjánjo̱na,
ngindyikón án ndibá kjo̱a̱xtii̱ ko̱jo kjo̱a̱bixkaán.
4Kuíni nga kjo̱a̱kitii̱, jè tjichájá ngaꞌniuú,
kó kjo̱a̱kixi̱i̱ ngiti̱ kuijín xi tsꞌén ngase,
ngatꞌa̱ xota̱ xi ꞌniú ndajiín, jè íchjáꞌyá xota̱ xi kixi̱i̱,
kó kjo̱a̱kixi̱i̱, jè kamá tsobéjii̱n.
5Kó Néná, bi̱ katsó:
Tsitsíjìi̱n na̱xi̱ńdaá, tꞌíndikín jí, kó ngatjíndikoón,
ngatꞌa̱ ngo ni sa̱ꞌin an kui ni̱xtjii̱n,
ngo ni xi nda, xi tsi kꞌuini̱jmi̱ì, nde sꞌi̱jinjiín.
6Ngatꞌa̱ ngotꞌe̱ ꞌne̱, sa̱ꞌinkjastjíe̱n an xota̱ Kalndeaa̱,
kui xota̱ na̱xi̱ńdá xí ndajiín, ko̱jo xi je síndonda nga ko̱e̱je̱,
xikó kjiꞌi nga tiyaá nga̱sondiee̱, nga ko̱e̱je̱tsꞌéntsíꞌe̱ nangi xi kje̱ꞌe xota̱ je síndo.
7Achichí nga ndajín ko̱jo ndakon kui xota̱ na̱xi̱ńdaá,
kui xi ti̱kuíní xi chji̱a̱ ni xi kixi̱ ko̱jo ni xi ndikón.
8Ndi̱je̱e̱ tsá ngase ta̱bo̱a̱jiín xaꞌindoó,
ko̱jo tamá ngase ta̱bo̱a̱jiín cho̱lobo̱ xi ꞌbé nga jñoó.
Xota̱ xi ꞌbíndosoón ndi̱je̱e̱, ta̱ kjin ndibánií nga ꞌniú ndyi̱monga,
kó fítji̱e̱n má xikoó ja̱ xi je skji̱ni̱e̱ cho̱ xi kjinie.
9Ngayejee̱ nga achichí ndyi̱tsꞌènxchán nga ndyi̱ndibá.
Kje̱n ki̱a̱ ndyi̱kotsijee̱n xtji̱e̱e̱n tjo̱ xi ndibánií nínga fotjo tsꞌueé,
kó tsoboá xota̱ xi fíjo̱ꞌniú xikoó tsi tsomí.
10Mojnókie já ree̱, ko̱jo xota̱ xi tjiín xaá,
mojnókie ngayeje ngi̱ndie xi ꞌniú,
ngatꞌa̱ tsꞌénda ngi̱ndie nínga ma bitja,
tsi̱ꞌe̱ nga tsꞌéntsi̱ꞌe̱ ngi̱ndiee̱.
11Ta̱nga jaskan fí a̱si̱énni̱xtjii̱n, sꞌe̱ tsꞌénxchán, ko̱jo tsꞌénjé,
ngatꞌa̱ je Néná tsoó ngaꞌniú xí tjiín.
12Kó an Abakuu̱k, bi̱ xian an:
¡Ji Ne, ji xi Néna, ko̱jo ji xi tsjie ji!
A jijín bo̱a̱ xi tindyin ji ndeskande koó nga tjón tjón.
¡Ji Ne, ꞌméjín ji!
Jí boá xi akake ji kui jeé kjiꞌanga ko̱ti̱jé jí,
kó ji, ji xi xikoó ngo Ndi̱jo̱je,
jí boá xi ikꞌíjñí ji tsi̱ꞌe̱ nga sa̱tíjeé.
13Achichí tsjie ndyikin ji, tsi̱ꞌe̱ nga xche̱ ni xi ndajiín,
kó mejénjiín xche̱ sakon sakon ji ni xi ndajiín.
Ánní nga ki̱a̱ tsitsijinkòo̱n kui xota̱ xi tsꞌenchꞌoó jí,
kó xió mindyin ji kjiꞌanga xota̱ xi ndajiín tsꞌenkjié xota̱ xi kixi̱i̱
14Ánní nga bo̱a̱ niꞌínje̱ ji xota̱ nga̱sondiee̱,
xikoó tji̱o̱ xi tjín ngi̱jii̱n ndáchíkoón,
xikó maá cho̱ ndáfoa xi jmí ndi̱a̱jiín.
15Xota̱ Kalndeaa̱ tsoboá xikoó tsi tsitin ndyi̱mejèn,
xikoó tsi nda̱ꞌya̱a̱ tsoboájo̱, kó ꞌbitíkó, ko̱jo achichí tsjá maá.
16Sꞌe̱ jaskan tsꞌenkꞌásꞌién kjo̱a̱tjó kui nda̱ꞌya̱a̱,
kó chji̱e̱ tsꞌenkꞌásꞌienni kui ni xi ítikó,
ngatꞌa̱ ta̱ngatꞌanii̱ kui nga achichí ni xi sakoó,
ko̱jo nda chinie ni xi kjinie.
17A to̱kó ku̱i̱jén nda̱ꞌya̱a̱.
A to̱kó ndasénjín ka̱maa̱ nga sa̱ꞌínkjié na̱xi̱ńdaá.
Currently Selected:
Abakuu̱k 1: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Abakuu̱k 1
1
1Én xí katsóyà nda̱chji̱ni̱e̱ꞌén Abakuu̱k, kjo̱a̱a̱ ni xi akakoo̱.
Abakuu̱k tsíchji̱a̱jo Néná
2Ji Ne, ngaskande kjiꞌání, nga to̱kó skjandáyà an, tsi̱ꞌe̱ nga ko̱si̱ke̱jení,
ngatꞌa̱ ji, nde ko̱nda̱ꞌyéjínní.
Skjandáyà an ngindyikin ji nga xiyà an kjo̱a̱a̱ ni xi ndajín xi kjimataꞌin an,
ta̱nga ji, nde ko̱ꞌna̱xiéꞌéjínní.
3Míkjo̱a̱a̱ nga boeꞌéndiè ji nga skuie an ni xi ꞌniú ndajiín,
ko̱jo nga skuie an kjo̱a̱ni̱ma̱a̱.
Ni xi ndajiín ko̱jo kjo̱a̱niꞌánkjieé kjánjo̱na,
ngindyikón án ndibá kjo̱a̱xtii̱ ko̱jo kjo̱a̱bixkaán.
4Kuíni nga kjo̱a̱kitii̱, jè tjichájá ngaꞌniuú,
kó kjo̱a̱kixi̱i̱ ngiti̱ kuijín xi tsꞌén ngase,
ngatꞌa̱ xota̱ xi ꞌniú ndajiín, jè íchjáꞌyá xota̱ xi kixi̱i̱,
kó kjo̱a̱kixi̱i̱, jè kamá tsobéjii̱n.
5Kó Néná, bi̱ katsó:
Tsitsíjìi̱n na̱xi̱ńdaá, tꞌíndikín jí, kó ngatjíndikoón,
ngatꞌa̱ ngo ni sa̱ꞌin an kui ni̱xtjii̱n,
ngo ni xi nda, xi tsi kꞌuini̱jmi̱ì, nde sꞌi̱jinjiín.
6Ngatꞌa̱ ngotꞌe̱ ꞌne̱, sa̱ꞌinkjastjíe̱n an xota̱ Kalndeaa̱,
kui xota̱ na̱xi̱ńdá xí ndajiín, ko̱jo xi je síndonda nga ko̱e̱je̱,
xikó kjiꞌi nga tiyaá nga̱sondiee̱, nga ko̱e̱je̱tsꞌéntsíꞌe̱ nangi xi kje̱ꞌe xota̱ je síndo.
7Achichí nga ndajín ko̱jo ndakon kui xota̱ na̱xi̱ńdaá,
kui xi ti̱kuíní xi chji̱a̱ ni xi kixi̱ ko̱jo ni xi ndikón.
8Ndi̱je̱e̱ tsá ngase ta̱bo̱a̱jiín xaꞌindoó,
ko̱jo tamá ngase ta̱bo̱a̱jiín cho̱lobo̱ xi ꞌbé nga jñoó.
Xota̱ xi ꞌbíndosoón ndi̱je̱e̱, ta̱ kjin ndibánií nga ꞌniú ndyi̱monga,
kó fítji̱e̱n má xikoó ja̱ xi je skji̱ni̱e̱ cho̱ xi kjinie.
9Ngayejee̱ nga achichí ndyi̱tsꞌènxchán nga ndyi̱ndibá.
Kje̱n ki̱a̱ ndyi̱kotsijee̱n xtji̱e̱e̱n tjo̱ xi ndibánií nínga fotjo tsꞌueé,
kó tsoboá xota̱ xi fíjo̱ꞌniú xikoó tsi tsomí.
10Mojnókie já ree̱, ko̱jo xota̱ xi tjiín xaá,
mojnókie ngayeje ngi̱ndie xi ꞌniú,
ngatꞌa̱ tsꞌénda ngi̱ndie nínga ma bitja,
tsi̱ꞌe̱ nga tsꞌéntsi̱ꞌe̱ ngi̱ndiee̱.
11Ta̱nga jaskan fí a̱si̱énni̱xtjii̱n, sꞌe̱ tsꞌénxchán, ko̱jo tsꞌénjé,
ngatꞌa̱ je Néná tsoó ngaꞌniú xí tjiín.
12Kó an Abakuu̱k, bi̱ xian an:
¡Ji Ne, ji xi Néna, ko̱jo ji xi tsjie ji!
A jijín bo̱a̱ xi tindyin ji ndeskande koó nga tjón tjón.
¡Ji Ne, ꞌméjín ji!
Jí boá xi akake ji kui jeé kjiꞌanga ko̱ti̱jé jí,
kó ji, ji xi xikoó ngo Ndi̱jo̱je,
jí boá xi ikꞌíjñí ji tsi̱ꞌe̱ nga sa̱tíjeé.
13Achichí tsjie ndyikin ji, tsi̱ꞌe̱ nga xche̱ ni xi ndajiín,
kó mejénjiín xche̱ sakon sakon ji ni xi ndajiín.
Ánní nga ki̱a̱ tsitsijinkòo̱n kui xota̱ xi tsꞌenchꞌoó jí,
kó xió mindyin ji kjiꞌanga xota̱ xi ndajiín tsꞌenkjié xota̱ xi kixi̱i̱
14Ánní nga bo̱a̱ niꞌínje̱ ji xota̱ nga̱sondiee̱,
xikoó tji̱o̱ xi tjín ngi̱jii̱n ndáchíkoón,
xikó maá cho̱ ndáfoa xi jmí ndi̱a̱jiín.
15Xota̱ Kalndeaa̱ tsoboá xikoó tsi tsitin ndyi̱mejèn,
xikoó tsi nda̱ꞌya̱a̱ tsoboájo̱, kó ꞌbitíkó, ko̱jo achichí tsjá maá.
16Sꞌe̱ jaskan tsꞌenkꞌásꞌién kjo̱a̱tjó kui nda̱ꞌya̱a̱,
kó chji̱e̱ tsꞌenkꞌásꞌienni kui ni xi ítikó,
ngatꞌa̱ ta̱ngatꞌanii̱ kui nga achichí ni xi sakoó,
ko̱jo nda chinie ni xi kjinie.
17A to̱kó ku̱i̱jén nda̱ꞌya̱a̱.
A to̱kó ndasénjín ka̱maa̱ nga sa̱ꞌínkjié na̱xi̱ńdaá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014