Abakuu̱k 3
3
Nga jetꞌani nga tsíchji̱a̱a̱ Néná Abakuu̱k
1Bi̱ tsꞌén tsíchji̱a̱a̱ Néná nda̱chji̱ni̱e̱ꞌe̱én Néná xi ꞌmí Abakuu̱k, tsi̱ꞌe̱ nga ngo só si̱ꞌankjanietꞌani kui eén.
2¡Ji Ne, jè tsintꞌiée̱ ée̱n, kó achichí tsꞌéntsakjon an!
Ji Ne, ngamasiee̱n kui ni̱xtjii̱n ti̱ꞌinkꞌijñí ji ni xi kiniꞌínde ji.
Ngamasiee̱n kui ni̱xtjii̱n take ji, kó ngamasiee̱n kjo̱a̱tamáa̱,
¡ngatjaꞌátsjiee̱n nga kꞌuieé kjo̱a̱ni̱ma̱takón!
3Néná ndeskande nangi Temaa̱n tsꞌéndibá,
kui nda̱ tsjie xi chji̱a̱ni na̱xi̱ Paraa̱n,
kjo̱a̱jee̱ boꞌmá ndiꞌakꞌajmii̱, kó tꞌanangii̱ sꞌikitsie maá kjo̱a̱niꞌántsjaà.
4Nda̱a̱ ndiꞌií, bo̱a̱ má kjiꞌi xikoó ndiꞌií ndoboaá,
ndiꞌí ꞌna̱a̱ ngi̱ya tsja jatjoni, kó ki̱a̱ kisꞌijñaꞌma ngaꞌniuú.
5Kje̱n nínga kijí kuí, ki̱a̱ kisꞌie chiꞌin,
kó nga̱xto̱n kui, kisꞌie ndiꞌí xí ꞌniú sibé kamá.
6Kisꞌijña xió, kó tsꞌachi̱bo̱a̱ tꞌanangii̱,
askotsijen, kó jatsié ngayeje na̱xi̱ńdaá,
na̱xi̱ xi xchá síndonii̱ ixóndó, kó ngaskande ngindie jàn kijí,
ta̱nga ndi̱ya̱à kui, kuí boá xi ndi̱yà xí ngatsjéni̱xtjin síndoo̱.
7Jè kamábe an nga ndasen síndo ki̱a̱ ndiꞌańjñoo̱ xota̱ xi chji̱a̱ni Kusaa̱n,
kó jatsié má ndiꞌańjñoo̱ xota̱ xi chji̱a̱ni nangi Mandiaa̱n.
8Ji Ne, a tiniꞌínxchínje̱ jí ndejeèꞌ.
A ndejeèꞌ xí tiniꞌínxchínje̱ ji, axa̱ kjo̱a̱a̱ ndáchíkoón boá xi kjimaxtinii̱.
Tsi̱ꞌe̱ nga ku̱i̱ndyisée̱n ndi̱je̱e̱, kó kꞌuinyé ji karroo̱ nga je kiniꞌín ji.
9Nga kisꞌijñatsijen yáchjonyáa̱,
kó jè katseꞌé ji ndso̱ꞌbe nga ko̱ti̱jée̱ xota̱ tji̱e̱e̱.
Jí boá xi jmi ji ndi̱yà tꞌanangii̱ nga niꞌínkjìn jí ndejeèꞌ.
10Fotsié má na̱xi̱i̱ nga bee ji, kó ndibá stséꞌniuú,
kó ti̱xa̱na̱nga̱a̱ tꞌanangii̱ ndaꞌyaá nda̱a̱, kó xikoó tsi kjininkꞌa tsja nga ndibá ngaꞌniuú ndáfoaa̱.
11Tsꞌueé ko̱jo saá xió kisꞌińdo ki̱a̱ ndiꞌakꞌajmii̱,
nga kamábe ndiꞌií yáyojó xi niꞌínkjìn jí.
12Achichí kiniꞌínxchín jí nga kajnání ji tꞌanangii̱,
achichí xtií nga kiniꞌínkjítie ji na̱xi̱ńdaá.
13Kꞌinkasíke̱je ji xota̱ na̱xi̱ńdáa̱, tsi̱ꞌe̱ nga kaꞌnaxiéꞌé ji xi je kachjeꞌéjin ji,
niꞌínkjatsén jí ndiꞌaa̱ xota̱ xi ndajiín,
kó ꞌbíjñíkiꞌixtí ji ndeskande ngindiee̱ ngaskande nkꞌaa̱.
14Ti̱kuii yáyojó xi tsꞌénkjién já chꞌokoón xi kiniꞌínkjaꞌaxtikjée̱ kui,
kó kastsojoboa jájuún, xikoó tsi ngo ngi̱jin ndyíkí,
bo̱a̱ kamaá kjiꞌanga je sa̱ꞌínkjié ꞌmá xi sa̱ꞌínꞌoón katsaki.
15Ndi̱je̱ xi tsꞌentje̱je ji kiniꞌínkjìn nga kajnání ji ndáchíkoón,
kó ꞌniú kamátíyaá ndáfoaa̱.
16Nga tsintꞌie an kui nii̱, achichí ni xi kamaá yojona,
kó ngaskande jatsié má ndso̱ꞌba án nga tsintꞌiée̱ nda̱a̱,
ni xi ndajiín tsꞌasꞌienjin ngi̱jin ńdana,
kó ngi̱jin yojona jatsié má, ngatꞌa̱ chjiéngá skoya xió xióo̱ ni̱xtjin nga nda̱ ka̱maa̱,
kjiꞌanga kui xota̱ na̱xi̱ńdá xí kji̱ndi̱bá kjánjo̱jne̱ kji̱ndi̱bájo̱ jájuún.
17Ndatsi ngiti̱ jmí naxó ko̱a̱ja̱jiín yáꞌingoo̱,
ko̱jo ndatsi ngiti̱ jmí to kꞌuiéjiín ńꞌniuú tostsi̱je̱è,
ndatsi ngiti̱ kꞌuiéjín to oliboo̱,
kó ndatsi ngiti̱ jmí nichinie tsja̱ajín tꞌanangii̱,
ndatsi kju̱i̱e̱ cho̱tsa̱nga̱ xi ndyi̱a̱ nchꞌoaá,
kó ndatsi ngiti̱ kꞌuiéjín cho̱yojo ki̱a̱ nínga mindyiaa̱.
18Ndatsi bo̱a̱ kjiꞌi ni xi ka̱ma, ta̱nga an, achichí tsjá ka̱mana kjo̱a̱a̱ Néná,
kui Néná xí tsꞌaxiéꞌána.
19Néná kui xi Ndi̱a̱a̱, kuí boá xi tsjangaꞌniúna,
kuí boá xi tsjána nga tsá má an, xikoó ngo ndi̱kꞌijñá chjo̱on,
kó kuí boá xi tsjandièna nga ma fi an nínga nkꞌaa̱.
Currently Selected:
Abakuu̱k 3: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Abakuu̱k 3
3
Nga jetꞌani nga tsíchji̱a̱a̱ Néná Abakuu̱k
1Bi̱ tsꞌén tsíchji̱a̱a̱ Néná nda̱chji̱ni̱e̱ꞌe̱én Néná xi ꞌmí Abakuu̱k, tsi̱ꞌe̱ nga ngo só si̱ꞌankjanietꞌani kui eén.
2¡Ji Ne, jè tsintꞌiée̱ ée̱n, kó achichí tsꞌéntsakjon an!
Ji Ne, ngamasiee̱n kui ni̱xtjii̱n ti̱ꞌinkꞌijñí ji ni xi kiniꞌínde ji.
Ngamasiee̱n kui ni̱xtjii̱n take ji, kó ngamasiee̱n kjo̱a̱tamáa̱,
¡ngatjaꞌátsjiee̱n nga kꞌuieé kjo̱a̱ni̱ma̱takón!
3Néná ndeskande nangi Temaa̱n tsꞌéndibá,
kui nda̱ tsjie xi chji̱a̱ni na̱xi̱ Paraa̱n,
kjo̱a̱jee̱ boꞌmá ndiꞌakꞌajmii̱, kó tꞌanangii̱ sꞌikitsie maá kjo̱a̱niꞌántsjaà.
4Nda̱a̱ ndiꞌií, bo̱a̱ má kjiꞌi xikoó ndiꞌií ndoboaá,
ndiꞌí ꞌna̱a̱ ngi̱ya tsja jatjoni, kó ki̱a̱ kisꞌijñaꞌma ngaꞌniuú.
5Kje̱n nínga kijí kuí, ki̱a̱ kisꞌie chiꞌin,
kó nga̱xto̱n kui, kisꞌie ndiꞌí xí ꞌniú sibé kamá.
6Kisꞌijña xió, kó tsꞌachi̱bo̱a̱ tꞌanangii̱,
askotsijen, kó jatsié ngayeje na̱xi̱ńdaá,
na̱xi̱ xi xchá síndonii̱ ixóndó, kó ngaskande ngindie jàn kijí,
ta̱nga ndi̱ya̱à kui, kuí boá xi ndi̱yà xí ngatsjéni̱xtjin síndoo̱.
7Jè kamábe an nga ndasen síndo ki̱a̱ ndiꞌańjñoo̱ xota̱ xi chji̱a̱ni Kusaa̱n,
kó jatsié má ndiꞌańjñoo̱ xota̱ xi chji̱a̱ni nangi Mandiaa̱n.
8Ji Ne, a tiniꞌínxchínje̱ jí ndejeèꞌ.
A ndejeèꞌ xí tiniꞌínxchínje̱ ji, axa̱ kjo̱a̱a̱ ndáchíkoón boá xi kjimaxtinii̱.
Tsi̱ꞌe̱ nga ku̱i̱ndyisée̱n ndi̱je̱e̱, kó kꞌuinyé ji karroo̱ nga je kiniꞌín ji.
9Nga kisꞌijñatsijen yáchjonyáa̱,
kó jè katseꞌé ji ndso̱ꞌbe nga ko̱ti̱jée̱ xota̱ tji̱e̱e̱.
Jí boá xi jmi ji ndi̱yà tꞌanangii̱ nga niꞌínkjìn jí ndejeèꞌ.
10Fotsié má na̱xi̱i̱ nga bee ji, kó ndibá stséꞌniuú,
kó ti̱xa̱na̱nga̱a̱ tꞌanangii̱ ndaꞌyaá nda̱a̱, kó xikoó tsi kjininkꞌa tsja nga ndibá ngaꞌniuú ndáfoaa̱.
11Tsꞌueé ko̱jo saá xió kisꞌińdo ki̱a̱ ndiꞌakꞌajmii̱,
nga kamábe ndiꞌií yáyojó xi niꞌínkjìn jí.
12Achichí kiniꞌínxchín jí nga kajnání ji tꞌanangii̱,
achichí xtií nga kiniꞌínkjítie ji na̱xi̱ńdaá.
13Kꞌinkasíke̱je ji xota̱ na̱xi̱ńdáa̱, tsi̱ꞌe̱ nga kaꞌnaxiéꞌé ji xi je kachjeꞌéjin ji,
niꞌínkjatsén jí ndiꞌaa̱ xota̱ xi ndajiín,
kó ꞌbíjñíkiꞌixtí ji ndeskande ngindiee̱ ngaskande nkꞌaa̱.
14Ti̱kuii yáyojó xi tsꞌénkjién já chꞌokoón xi kiniꞌínkjaꞌaxtikjée̱ kui,
kó kastsojoboa jájuún, xikoó tsi ngo ngi̱jin ndyíkí,
bo̱a̱ kamaá kjiꞌanga je sa̱ꞌínkjié ꞌmá xi sa̱ꞌínꞌoón katsaki.
15Ndi̱je̱ xi tsꞌentje̱je ji kiniꞌínkjìn nga kajnání ji ndáchíkoón,
kó ꞌniú kamátíyaá ndáfoaa̱.
16Nga tsintꞌie an kui nii̱, achichí ni xi kamaá yojona,
kó ngaskande jatsié má ndso̱ꞌba án nga tsintꞌiée̱ nda̱a̱,
ni xi ndajiín tsꞌasꞌienjin ngi̱jin ńdana,
kó ngi̱jin yojona jatsié má, ngatꞌa̱ chjiéngá skoya xió xióo̱ ni̱xtjin nga nda̱ ka̱maa̱,
kjiꞌanga kui xota̱ na̱xi̱ńdá xí kji̱ndi̱bá kjánjo̱jne̱ kji̱ndi̱bájo̱ jájuún.
17Ndatsi ngiti̱ jmí naxó ko̱a̱ja̱jiín yáꞌingoo̱,
ko̱jo ndatsi ngiti̱ jmí to kꞌuiéjiín ńꞌniuú tostsi̱je̱è,
ndatsi ngiti̱ kꞌuiéjín to oliboo̱,
kó ndatsi ngiti̱ jmí nichinie tsja̱ajín tꞌanangii̱,
ndatsi kju̱i̱e̱ cho̱tsa̱nga̱ xi ndyi̱a̱ nchꞌoaá,
kó ndatsi ngiti̱ kꞌuiéjín cho̱yojo ki̱a̱ nínga mindyiaa̱.
18Ndatsi bo̱a̱ kjiꞌi ni xi ka̱ma, ta̱nga an, achichí tsjá ka̱mana kjo̱a̱a̱ Néná,
kui Néná xí tsꞌaxiéꞌána.
19Néná kui xi Ndi̱a̱a̱, kuí boá xi tsjangaꞌniúna,
kuí boá xi tsjána nga tsá má an, xikoó ngo ndi̱kꞌijñá chjo̱on,
kó kuí boá xi tsjandièna nga ma fi an nínga nkꞌaa̱.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014