Nauu̱n 3
3
Ngo só xa̱ꞌya̱
1Xi̱xꞌi̱a̱n xò kuí na̱xi̱ńdáꞌniú xi ndajín ko̱jo xi ꞌboṉcha̱a̱,
kui xi tjikítsie maá ni chejé, kó jmíni̱xtjin tsꞌéntsiee̱ kui nii̱.
2Jè ndaꞌyaá nga kjandayà latingoo̱, ko̱jo nga fonie ni ńtsoó,
ko̱jo nga monga ndi̱je̱e̱, ko̱jo nga kayakajon karro̱ kjo̱a̱xcha̱án.
3Nga ndyi̱fí já ndi̱je̱e̱, nga kjifoaꞌaꞌna̱ ki̱cha̱ndojoó, ko̱jo nga kjifoaꞌatꞌe yáyojoó,
Achichí kjín má xi je tsiejénꞌón, achichí má xi je jesón,
achichí kjín má xota̱ xi je ndajín kamaá, ngaskande stingí má ñá xota̱ xi je jesoón.
4Ta̱ngatꞌanii̱ nga ꞌniú katsꞌéntsjajo̱ yojoo̱ na̱masiee̱n,
kui xi achichí tsjákjiꞌii̱, ko̱jo xi ꞌniú maá tsꞌén kjo̱a̱tjiꞌee̱,
kui xi tsꞌéntjiee̱ xota̱ na̱xi̱ńdaá, kósꞌe̱ xota̱ xi kastiñaá tsꞌén,
kó kjo̱a̱tjiꞌe tsꞌeén xota̱ nga̱sondiee̱.
5¡Jè tikón an kondra̱ tse̱ ji! Tsó Néná xí tsi̱ꞌe̱ jájuún,
án boá xi skjininkꞌa an xtjímasienkjáa̱ tsi̱ꞌe̱ nga ko̱óꞌmá kje̱n ji,
kó kokóo̱ kjo̱a̱kjiꞌixtíi̱ na̱xi̱ńdaá ko̱jo ngi̱ndie nínga botíxomaa̱, tsi̱ꞌe̱ nga soboá ka̱maa̱.
6Kó xtjié skjitjónjoón, kó ata̱ ni̱ma̱ sa̱ꞌinjoo̱,
kó ngayeje xi kokóo̱ kjo̱a̱soboáa̱.
7Kó xi sku̱i̱e̱e̱, ko̱ngaboaꞌaá nga bi̱ ka̱tso̱:
¡Jè kiniꞌánkjié na̱xi̱ńdáꞌniú Nínibe̱!
¡ꞌYá xí ni̱ma̱ ka̱maa̱ ji ngotꞌe̱ ꞌne̱!
¡Ñá sa̱kóná xí sa̱ꞌíndajoo̱n!
8¡A nda ngase ji ta̱bo̱a̱jiín na̱xi̱ńdáꞌniú Tebaa̱!
Kui xi ki̱a̱ kisꞌijña ngi̱jii̱n ndejèꞌ xí achichí ndáfoa kisꞌiee̱,
kui xi ndejèꞌ Niloo̱ xi askoo̱n,
kó xoó ndeskande ndejeèꞌ katjoninkꞌani.
9Nangi Etiopía̱ ko̱jo nangi Ejipto̱ boá xi kamá ngaꞌniú xí jmíni̱xtjin fee̱,
kó nangi Fuu̱t ko̱jo Libia̱ boá xi asíko̱jo nga katsjangaꞌniuú.
10Ta̱nga ko̱jo na̱xi̱ńdáꞌniú Tebaa̱ tsangínjo̱ꞌniú, kó kiniꞌánkꞌatio kjo̱a̱ni̱ma̱ nga,
kó jákjíndií ki̱a̱ kiniꞌánxi̱ nga akjatójó ki̱a̱ ngi̱ya ndi̱yàtieé,
kó kjo̱a̱a̱ jáxíꞌiín kjo̱a̱chꞌáṉcha̱ kańtonni,
kó xota̱ xi yandikoón ńꞌniúki̱cha̱ ikꞌítꞌaꞌniú.
11Kó ti̱ bo̱a̱ ti̱ tsꞌén ka̱machꞌi̱ ji, kó ku̱i̱ńtje̱ꞌma ji,
kó ti̱ bo̱a̱ ti̱ tsꞌén ku̱i̱ndyinꞌmíi̱ kondra̱a̱ nga.
12Ki̱a̱ ngi̱ndie nínga síndo ngaꞌniúu̱, kuí boá xi ka̱ma,
xikoó yáꞌingo̱ xi tjikítsie maá to ingo xi je kichjií,
kó kjiꞌanga ꞌbítsanieyá, ki̱a̱ má bixó ngi̱ya tsꞌoa xi kjinie kui too̱.
13Tsitsíjìi̱n kókón xtín jájún xi ki̱a̱ síndojii̱n,
ja̱kon ínchjín xí je ndyi̱fíkoón kondra̱a̱ má kón,
kó nga̱ntjo̱a̱a̱ tꞌanangi nínga tindyin ji, jè tji̱e̱nti̱xa̱ tiyá tiyá,
kó ndiꞌií je katsꞌénkjié ki̱cha̱ xi ꞌbíchjájo̱ni nga̱ntjo̱a̱a̱.
14Te̱ꞌée̱ ndáfoa tsi̱ꞌe̱ nga kjo̱chíkjo̱a̱a̱ xíndaá,
ꞌniú ti̱ꞌinkꞌínde ji xota̱ xi ꞌboxiéꞌaá,
tꞌenjin ji ndásee̱, kó jna̱jin ji ńdiee̱,
kó ꞌniú tjaꞌní jí ni xi niꞌándajo̱ni ńdiekachjaán.
15Ngatꞌa̱ kuí má chi̱bo̱a̱a̱ nga sa̱ꞌínkjieé ndiꞌií,
xikótsꞌèn tsꞌenkjiéná chjo̱bo̱a̱a̱, bo̱a̱ tsꞌén sa̱ꞌínkjieé ki̱cha̱ndojoó,
ndatsi ka̱makjín ji xikoó chjo̱bo̱a̱ xi yiꞌii̱,
ndatsi ka̱makjín ji xikoó chjandii̱.
16Chjo̱bo̱a̱a̱ bosíkjo tji̱xi̱ín, kósꞌe̱ fítji̱e̱n,
ndatsi xota̱ xi botiñá nii̱, kjín ngase ma ta̱bo̱a̱jiín ńño xi tjín nkꞌa jàn.
17Xota̱ xi botixómaá, bo̱a̱ má kón xikoó chjo̱bo̱a̱a̱,
kó xota̱ xi ngito̱ko̱o̱ jájúu̱n, bo̱a̱ má kón xikoó chjo̱bo̱a̱ xi yiꞌii̱,
ki̱a̱ foyojotꞌa xoó, kjiꞌanga ma ni̱xtjin nchꞌaàn,
kó nga fotjo tsꞌueé fítji̱e̱n, kó nde yà jàn ñá xtji̱e̱e̱n fí.
18¡Ji re xi chji̱a̱ni nangi Asiria̱, jè kisꞌiyojofé jáa̱ xi koo̱n cho̱tsa̱nga̱a̱!
Já ngito̱ko̱o̱ jájúu̱n je ixó tꞌanangi,
jájúu̱n je tsanga nga kastsojoboa ki̱a̱ ngi̱jin kꞌijñaá,
kó nde jmíjín xi ꞌbitíkó nginí.
19Ngiti̱ jmí ndikijiín kjo̱a̱ni̱ma̱ xi tibitjatí ji,
jè ngiti̱ ka̱mandayajín kui stsié xí je tikoón.
Ngayeje xota̱ xi ku̱i̱ntꞌiè kjo̱a̱a̱ ni xi kjimaa̱,
sa̱ꞌíntsen má tsjá kjo̱a̱a̱ ji,
ngatꞌa̱ ꞌyá xí katsoboájiín kui ni xi ndajín xi ngatsjéni̱xtjin kiniꞌín ji.
Currently Selected:
Nauu̱n 3: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Nauu̱n 3
3
Ngo só xa̱ꞌya̱
1Xi̱xꞌi̱a̱n xò kuí na̱xi̱ńdáꞌniú xi ndajín ko̱jo xi ꞌboṉcha̱a̱,
kui xi tjikítsie maá ni chejé, kó jmíni̱xtjin tsꞌéntsiee̱ kui nii̱.
2Jè ndaꞌyaá nga kjandayà latingoo̱, ko̱jo nga fonie ni ńtsoó,
ko̱jo nga monga ndi̱je̱e̱, ko̱jo nga kayakajon karro̱ kjo̱a̱xcha̱án.
3Nga ndyi̱fí já ndi̱je̱e̱, nga kjifoaꞌaꞌna̱ ki̱cha̱ndojoó, ko̱jo nga kjifoaꞌatꞌe yáyojoó,
Achichí kjín má xi je tsiejénꞌón, achichí má xi je jesón,
achichí kjín má xota̱ xi je ndajín kamaá, ngaskande stingí má ñá xota̱ xi je jesoón.
4Ta̱ngatꞌanii̱ nga ꞌniú katsꞌéntsjajo̱ yojoo̱ na̱masiee̱n,
kui xi achichí tsjákjiꞌii̱, ko̱jo xi ꞌniú maá tsꞌén kjo̱a̱tjiꞌee̱,
kui xi tsꞌéntjiee̱ xota̱ na̱xi̱ńdaá, kósꞌe̱ xota̱ xi kastiñaá tsꞌén,
kó kjo̱a̱tjiꞌe tsꞌeén xota̱ nga̱sondiee̱.
5¡Jè tikón an kondra̱ tse̱ ji! Tsó Néná xí tsi̱ꞌe̱ jájuún,
án boá xi skjininkꞌa an xtjímasienkjáa̱ tsi̱ꞌe̱ nga ko̱óꞌmá kje̱n ji,
kó kokóo̱ kjo̱a̱kjiꞌixtíi̱ na̱xi̱ńdaá ko̱jo ngi̱ndie nínga botíxomaa̱, tsi̱ꞌe̱ nga soboá ka̱maa̱.
6Kó xtjié skjitjónjoón, kó ata̱ ni̱ma̱ sa̱ꞌinjoo̱,
kó ngayeje xi kokóo̱ kjo̱a̱soboáa̱.
7Kó xi sku̱i̱e̱e̱, ko̱ngaboaꞌaá nga bi̱ ka̱tso̱:
¡Jè kiniꞌánkjié na̱xi̱ńdáꞌniú Nínibe̱!
¡ꞌYá xí ni̱ma̱ ka̱maa̱ ji ngotꞌe̱ ꞌne̱!
¡Ñá sa̱kóná xí sa̱ꞌíndajoo̱n!
8¡A nda ngase ji ta̱bo̱a̱jiín na̱xi̱ńdáꞌniú Tebaa̱!
Kui xi ki̱a̱ kisꞌijña ngi̱jii̱n ndejèꞌ xí achichí ndáfoa kisꞌiee̱,
kui xi ndejèꞌ Niloo̱ xi askoo̱n,
kó xoó ndeskande ndejeèꞌ katjoninkꞌani.
9Nangi Etiopía̱ ko̱jo nangi Ejipto̱ boá xi kamá ngaꞌniú xí jmíni̱xtjin fee̱,
kó nangi Fuu̱t ko̱jo Libia̱ boá xi asíko̱jo nga katsjangaꞌniuú.
10Ta̱nga ko̱jo na̱xi̱ńdáꞌniú Tebaa̱ tsangínjo̱ꞌniú, kó kiniꞌánkꞌatio kjo̱a̱ni̱ma̱ nga,
kó jákjíndií ki̱a̱ kiniꞌánxi̱ nga akjatójó ki̱a̱ ngi̱ya ndi̱yàtieé,
kó kjo̱a̱a̱ jáxíꞌiín kjo̱a̱chꞌáṉcha̱ kańtonni,
kó xota̱ xi yandikoón ńꞌniúki̱cha̱ ikꞌítꞌaꞌniú.
11Kó ti̱ bo̱a̱ ti̱ tsꞌén ka̱machꞌi̱ ji, kó ku̱i̱ńtje̱ꞌma ji,
kó ti̱ bo̱a̱ ti̱ tsꞌén ku̱i̱ndyinꞌmíi̱ kondra̱a̱ nga.
12Ki̱a̱ ngi̱ndie nínga síndo ngaꞌniúu̱, kuí boá xi ka̱ma,
xikoó yáꞌingo̱ xi tjikítsie maá to ingo xi je kichjií,
kó kjiꞌanga ꞌbítsanieyá, ki̱a̱ má bixó ngi̱ya tsꞌoa xi kjinie kui too̱.
13Tsitsíjìi̱n kókón xtín jájún xi ki̱a̱ síndojii̱n,
ja̱kon ínchjín xí je ndyi̱fíkoón kondra̱a̱ má kón,
kó nga̱ntjo̱a̱a̱ tꞌanangi nínga tindyin ji, jè tji̱e̱nti̱xa̱ tiyá tiyá,
kó ndiꞌií je katsꞌénkjié ki̱cha̱ xi ꞌbíchjájo̱ni nga̱ntjo̱a̱a̱.
14Te̱ꞌée̱ ndáfoa tsi̱ꞌe̱ nga kjo̱chíkjo̱a̱a̱ xíndaá,
ꞌniú ti̱ꞌinkꞌínde ji xota̱ xi ꞌboxiéꞌaá,
tꞌenjin ji ndásee̱, kó jna̱jin ji ńdiee̱,
kó ꞌniú tjaꞌní jí ni xi niꞌándajo̱ni ńdiekachjaán.
15Ngatꞌa̱ kuí má chi̱bo̱a̱a̱ nga sa̱ꞌínkjieé ndiꞌií,
xikótsꞌèn tsꞌenkjiéná chjo̱bo̱a̱a̱, bo̱a̱ tsꞌén sa̱ꞌínkjieé ki̱cha̱ndojoó,
ndatsi ka̱makjín ji xikoó chjo̱bo̱a̱ xi yiꞌii̱,
ndatsi ka̱makjín ji xikoó chjandii̱.
16Chjo̱bo̱a̱a̱ bosíkjo tji̱xi̱ín, kósꞌe̱ fítji̱e̱n,
ndatsi xota̱ xi botiñá nii̱, kjín ngase ma ta̱bo̱a̱jiín ńño xi tjín nkꞌa jàn.
17Xota̱ xi botixómaá, bo̱a̱ má kón xikoó chjo̱bo̱a̱a̱,
kó xota̱ xi ngito̱ko̱o̱ jájúu̱n, bo̱a̱ má kón xikoó chjo̱bo̱a̱ xi yiꞌii̱,
ki̱a̱ foyojotꞌa xoó, kjiꞌanga ma ni̱xtjin nchꞌaàn,
kó nga fotjo tsꞌueé fítji̱e̱n, kó nde yà jàn ñá xtji̱e̱e̱n fí.
18¡Ji re xi chji̱a̱ni nangi Asiria̱, jè kisꞌiyojofé jáa̱ xi koo̱n cho̱tsa̱nga̱a̱!
Já ngito̱ko̱o̱ jájúu̱n je ixó tꞌanangi,
jájúu̱n je tsanga nga kastsojoboa ki̱a̱ ngi̱jin kꞌijñaá,
kó nde jmíjín xi ꞌbitíkó nginí.
19Ngiti̱ jmí ndikijiín kjo̱a̱ni̱ma̱ xi tibitjatí ji,
jè ngiti̱ ka̱mandayajín kui stsié xí je tikoón.
Ngayeje xota̱ xi ku̱i̱ntꞌiè kjo̱a̱a̱ ni xi kjimaa̱,
sa̱ꞌíntsen má tsjá kjo̱a̱a̱ ji,
ngatꞌa̱ ꞌyá xí katsoboájiín kui ni xi ndajín xi ngatsjéni̱xtjin kiniꞌín ji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014