Mìn-su Ki 15

Hien-chi ke Thiàu-li

1Song-chú lâu Mô-sî kóng, 2Yî-set-lie̍t-ngìn to Song-chú su-pûn kì-têu ke thú-thi yî-heu, oi chûn-sú yî-ha ke thiàu-li. 3Sêu-hien pûn Song-chú cho sêu-fa-chi, vàn-ngien-chi, kâm-sîm-chi, ya-he chûng-kau chiet-khì yin-kôi hien ke chi, cho-tet yung ngiù-kú, yòng-kú, mièn-yòng, sân-yòng cho chi-vu̍t; liá-têu chi-vu̍t ke hiông-mi he Song-chú só fôn-hí ke. 4-5Hien mièn-yòng ya-he sân-yòng cho sêu-fa-chi pûn Song-chú ke, chhai hien mî-yit chak thèu-sâng ke sṳ̀, oi thùng-sṳ̀ tai yit kûng-kîn yu-mien-fún kiâu yit kûng-sṳ̂n kám-lám-yù ke su-chi, hàn-oi lâu yit kûng-sṳ̂n ke chiú khiung-ha hien. 6Hien mièn-yòng-kú ke sṳ̀, oi thùng-sṳ̀ hien lióng kûng-kîn yu-mien-fún kiâu yit kûng-sṳ̂n pan kám-lám-yù ke su-chi, 7hàn-oi lâu yit kûng-sṳ̂n pan ke chiú khiung-ha hien. Liá-têu chi-vu̍t ke hiông-mi he Song-chú só fôn-hí ke. 8Hien ngiù-kú pûn Song-chú cho sêu-fa-chi, vàn-ngien-chi, ya-he phìn-ôn-chi ke sṳ̀, 9oi thùng-sṳ̀ hien sâm kûng-kîn yu-mien-fún kiâu lióng kûng-sṳ̂n kám-lám-yù ke su-chi, 10hàn-oi lâu lióng kûng-sṳ̂n ke chiú khiung-ha hien. Liá fó-chi ke hiông-mi he Song-chú só fôn-hí ke.

11Hien yit-chak ngiù-kú, yòng-kú, mièn-yòng ya-he sân-yòng ke sṳ̀, chhiòn-phu oi án-ngiòng phan-lî. 12Na hien yit-chak yî-song, lièn-tai oi hien ke chi-vu̍t yin-kôi cheu thèu-sâng ke su-muk chen-kâ. 13Mî-yit ke pún-thi kiung ke Yî-set-lie̍t-ngìn chhai hien Song-chú só fôn-hí ke chhîn-hiông fó-chi ke sṳ̀, chhiòn-phu yin-kôi án-ngiòng phan-lî. 14Mò-lun nai sṳ̀, he̍t chhai ngì-têu tông-chûng ke ngoi-chhu̍k ngìn, put-kón he chhiam-sṳ̀ ya-he yún-kiú thin-kî, chhai hien Song-chú só fôn-hí ke chhîn-hiông fó-chi ke sṳ̀, ya oi cheu liá-ke thiàu-li án-ngiòng lòi phan-lî. 15Liá-thiàu khiung-yung ke thiàu-li oi cho ngì-têu lâu ngì-têu tông-chûng ke ngoi-chhu̍k ngìn sṳ-sṳ thoi-thoi chûn-sú ke kûi-chet. Ngì-têu lâu kì-têu chhai Song-chú khon-lòi he khiung-yong ke. 16Só-yî, khiung-yong ke thiàu-li lâu kûi-chet yung chhai ngì-têu sṳ̂n-song, ya yung chhai kì-têu sṳ̂n-song.

17Song-chú lâu Mô-sî kóng, 18Yî-set-lie̍t-ngìn to Song-chú thu kì-têu ngi̍p-hi ke thú-thi yî-heu, oi chûn-sú yî-ha ke thiàu-li. 19Kì-têu hióng-su ke-thi só chhut-sán ke liòng-sṳ̍t sṳ̀, yit-thin oi nâ-chhut yit phu-fun cho thi̍t-phe̍t ke lî-vu̍t hien-pûn Song-chú. 20Ngì-têu phoi-piáng ke sṳ̀, oi yung chui-siên sû-sṳ̀n ke ma̍k-é só-phoi ke thi-yit te piáng cho thi̍t-phe̍t ke lî-vu̍t hien-pûn Song-chú, chhiu-chhiong nâ chang tá-hó ke ma̍k-é hien-cho thi̍t-phe̍t ke fung-hien án-ngiòng. 21Ngì-têu sṳ-sṳ thoi-thoi oi tui só-phoi ke liá-chúng piáng chûng, chiông thi-yit te nâ chhut-lòi cho thi̍t-phe̍t ke lî-vu̍t hien-pûn Song-chú.

Vù-yi chûng Fam-chhui Oi Hien-chi ke Thiàu-li

22Na-he ngì-têu vù-yi chûng vì-poi Song-chú fûn-fu Mô-sî ke thiàu-li — 23chhiu-he tui ke-ngit chhṳ̍t-to sṳ-sṳ thoi-thoi ke fi-chung mò vàn-chhiòn chûn-hàng Song-chú thûng-ko Mô-sî só pân-pu ke min-lin — 24fi-chung pin m̀-tî án-ngiòng cho he m̀-chho̍k, chhiòn fi-chung chhiu yit-thin oi hien yit-chak ngiù-kú cho sêu-fa-chi, cho Song-chú só fôn-hí chhîn-hiông ke fó-chi, thùng-sṳ̀ oi hien yin-kôi hien ke su-chi lâu chi-chiú. Nang-ngoi, kì-têu hàn-oi hien yit-chak sân-yòng-kú cho su̍k-chhui-chi. 25Chi-sṳ̂ oi vi Yî-set-lie̍t chhiòn fi-chung su̍k-chhui, sṳ́ kì-têu tet-tó sa-miên; yîn-vi kì-têu cho m̀-chho̍k m̀-he ku-yi ke, kì-têu ya yîn-vi chhṳ-kâ ke m̀-chho̍k chiông fó-chi lâu su̍k-chhui-chi hien-pûn Song-chú. 26Án-ngiòng, Yî-set-lie̍t chhiòn fi-chung lâu he̍t chhai kì-têu tông-chûng ke ngoi-chhu̍k ngìn chhiòn-phu voi tet-tó sa-miên, yîn-vi kì-têu cho m̀-chho̍k m̀-he ku-yi ke.

27Na-he yû yit-ke ngìn vù-yi chûng fam-chhui, chhiu yit-thin oi hien yit-chak yit-se thai ke sân-yòng-mà cho su̍k-chhui-chi. 28Chi-sṳ̂ oi chhai Song-chú mien-chhièn vi kì hàng kiet-chhiang-lî, chhù-thet kì ke chhui, sṳ́ kì tet-tó sa-miên. 29Mò-lun he pún-thi kiung ke Yî-set-lie̍t-ngìn ya-he he̍t chhai kì-têu tông-chûng ke ngoi-chhu̍k ngìn, vù-yi chûng fam-chhui, chhiòn-phu yit-thin oi sú khiung-yong ke thiàu-li.

30Chúng-he ke ku-yi fam-chhui ke, put-kón he pún-thi kiung ke Yî-set-lie̍t-ngìn ya-he ngoi-chhu̍k ngìn, chhiòn-phu he fam-liáu vú-yu̍k Song-chú ke chhui, yit-thin oi chhú sí-hìn. 31Yîn-vi kì méu-sṳ Song-chú ke fa, ku-yi vì-poi Song-chú ke min-lin, ke-ngìn chúng-oi chhú sí-hìn; kì ke chhui-ngiak oi kûi-to kì ke sṳ̂n-song.

Fam Ôn-sit-ngit ke Ngìn

32Yî-set-lie̍t-ngìn hàn chhai khóng-yâ ke sṳ̀, yû yit-sà chhai ôn-sit-ngit chhut-hi ngiâm-chhèu, pûn-ngìn fat-hien. 33Ke-têu fat-hien kì ngiâm-chhèu ke ngìn, chhiu chiông kì tai-to Mô-sî, Â-lùn lâu chhiòn fi-chung ke-vi, 34chiông kì koân hí-lòi, yîn-vi tông-sṳ̀ m̀-tî oi ngióng-pân hìn-fa̍t kì. 35Heu-lòi Song-chú tui Mô-sî kóng: “Liá-ke ngìn yit-thin oi chhú sí-hìn; chhiòn fi-chung oi chhai yàng-ngoi yung sa̍k-thèu te̍p-sí kì.” 36Só-yî chhiòn fi-chung chiông kì tai-to yàng-ngoi, cheu Song-chú min-lin Mô-sî ke, yung sa̍k-thèu te̍p-sí kì.

Liòn Chhui-é ke Thiàu-li

37Song-chú min-lin Mô-sî, 38oi fûn-fu Yî-set-lie̍t-ngìn kóng: “Ngì-têu oi chhai sâm ke piên-sùn si-kok liòn chhui-é, chhai tak-thiàu chhui-é táng oi yû yit-thiàu làm-set ke se tai-é. Ngì-têu sṳ-sṳ thoi-thoi oi án-ngiòng cho. 39Liá chhui-é he oi thì-siáng ngì-têu, tak-pái khon-tó kì chhiu voi sióng-tó Ngài só-yû ke kie-min, pin hi chûn-hàng. Án-ngiòng, ngì-têu chang m̀-voi cheu chhṳ-kâ ke sîm-yi lâu ngién-muk ke yu̍k-mong lon-lòi. 40Liá chhui-é voi thì-siáng ngì-têu chûn-sú Ngài só-yû ke kie-min. Ngì-têu oi fûn-phe̍t vì-sṳn kûi-su̍k Ngài. 41Ngài he Song-chú — ngì-têu ke Song-ti; Ngài sṳt thu ngì-têu chhut Âi-khi̍p, oi cho ngì-têu ke Song-ti. Ngài he Song-chú — ngì-têu ke Song-ti.”

Currently Selected:

Mìn-su Ki 15: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 15

Videos for Mìn-su Ki 15

Numbers 15-16

Spoken Gospel

Episode 15: Healing of Jairus’ Daughter and the Bleeding Woman

The Bible Show

Mìn-su Ki 15

Popular Bible Verses from
Mìn-su Ki 15

Videos for Mìn-su Ki 15

Numbers 15-16

Episode 15: Healing of Jairus’ Daughter and the Bleeding Woman

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 15

Mìn-su Ki 15

Popular Bible Verses from Mìn-su Ki 15

Videos for Mìn-su Ki 15

Numbers 15-16

Episode 15: Healing of Jairus’ Daughter and the Bleeding Woman

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 15

Popular Bible Verses from
Mìn-su Ki 15