Mìn-su Ki 12

Mî-li-ôn Pûn Song-chú Chit-fa̍t

1Mô-sî sṳt thó yit-ke Kú-sṳ̍t#12:1 “Kú-sṳ̍t” ya-he yi̍t-cho “Mí-thien” ya-he “Sû-tân”. ke se-moi-é cho pû-ngiòng; Mî-li-ôn lâu Â-lùn vi liá-khien sṳ phî-phìn Mô-sî. 2Kì-têu kóng: “Kám kóng Song-chú tân-tân thûng-ko Mô-sî kóng-fa? Kám m̀-he ya thûng-ko ngài-têu kóng-fa?” Liá-fa Song-chú thâng-tó lé. 3Mô-sî he yit-ke khiâm-pî ke ngìn; kì pí sṳ-kiên só-yû ke ngìn hàn-kha khiâm-pî.

4Song-chú fut-yèn tui Mô-sî, Â-lùn lâu Mî-li-ôn kóng: “Ngì sâm-sà to Ngài sṳn-chong-phùng liá-vi lòi.” Kì sâm-sà chhiu hi lé. 5Song-chú chhai yùn-chhû chûng kong-lìm, khî chhai sṳn-chong-phùng mùn-héu, ham-kóng: “Â-lùn! Mî-li-ôn!” Kì lióng-sà chhiu khî chhut-lòi. 6Song-chú kóng: “Ngì-têu thâng Ngài kóng!

Ngì-têu tông-chûng yû siên-tî ke sṳ̀,

Ngài — Song-chú chhai yi-siong chûng hiong kì khí-sṳ Ngài chhṳ-kâ,

chhai mung-chûng tui kì kóng-fa.

7Chúng-he Ngài ke phu̍k-ngìn Mô-sî m̀-he án-ngiòng;

Ngài phai kì kón-lî Ngài só-yû ke chṳ́-mìn#12:7 “Ngài phai kì kón-lî Ngài só-yû ke chṳ́-mìn” ya-he yi̍t-cho “kì chhai Ngài chhiòn-kâ he chûng-sîm khó-kho ke”..

8Só-yî Ngài lâu kì mien-tui-mien kóng-fa,

chhîn-chhîn chhú-chhú, m̀-sṳ́ yung liang-é.

Kì sṳm-chṳ khon Ngài — Song-chú ke hìn-siong!

Ngì-têu ngióng-pân án thai-tám phî-phìn Ngài ke phu̍k-ngìn Mô-sî nè?”

9Song-chú hiong kì-têu fat-khién, chhiu lì-khôi kì-têu. 10Yùn tui sṳn-chong-phùng táng-kô sái-khôi ke sṳ̀, Mî-li-ôn ke phì-fû fut-yèn pot thái-kô chhiong siet án-pha̍k. Â-lùn khon-tó Mî-li-ôn pot thái-kô, 11chhiu tui Mô-sî kóng: “Thai-ngìn â, khiù ngì m̀-hó pûn ngài-têu yîn-vi ngong-tong fam-chhui lòi su-tó liá-ke chit-fa̍t. 12M̀-hó pûn Mî-li-ôn chhiong yit chhut mû-thôi chhiu mièn-thet yit-pan ke sí-thôi.”

13Mô-sî chhiu hiong Song-chú khì-khiù kóng: “Song-ti â, khiù Ngì yî-chhṳ kì!”

14Song-chú en Mô-sî kóng: “Na-he kiâ-pâ phi héu-lân chhai kì ke mien, kì ya yin-kôi ngiûn-su chhit-ngit ke kien-seu. Liá-ha, oi chiông kì koân chhai yàng-ngoi chhit-ngit, yèn-heu chang cho-tet tai kì chón-lòi.” 15Só-yî, Mî-li-ôn pûn-ngìn koân chhai yàng-ngoi chhit-ngit; ngìn-mìn tén kì chón-lòi heu chang sái-yàng. 16Kì-têu lì-khôi Ha̍p-sé-liu̍k, lòi-to Pâ-làn khóng-yâ ôn-yàng.

Currently Selected:

Mìn-su Ki 12: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 12

Videos for Mìn-su Ki 12

Numbers 10:11-12

Spoken Gospel

Episode 11: The Red Sea

Under The Hood

Mìn-su Ki 12

Popular Bible Verses from
Mìn-su Ki 12

Videos for Mìn-su Ki 12

Numbers 10:11-12

Episode 11: The Red Sea

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 12

Mìn-su Ki 12

Popular Bible Verses from Mìn-su Ki 12

Videos for Mìn-su Ki 12

Numbers 10:11-12

Episode 11: The Red Sea

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 12

Popular Bible Verses from
Mìn-su Ki 12