Mìn-su Ki 13

Sṳ̍p-ngi ke Tham-é

(Sṳ̂n-min Ki 1:19-33)

1Song-chú tui Mô-sî kóng: 2“Ngì oi tui sṳ̍p-ngi kî-chhu̍k chûng kok sién-chhut yit-ke liâng-chhiu, phai kì-têu hi tá-tham Kâ-nàm-thi, chhiu-he Ngài oi su-pûn Yî-set-lie̍t-ngìn ke thú-thi.”

3-15Mô-sî chhiu thâng-chhiùng Song-chú ke min-lin, tui Pâ-làn khóng-yâ phai-chhut sṳ̍p-ngi ke liâng-chhiu. Kì-têu ke miàng ki chhai hâ-poi:

Lî-phien kî-chhu̍k: Sat-khat ke lai-é Sâ-mû-â

Sî-mién kî-chhu̍k: Hò-li ke lai-é Sâ-fap

Yù-thai kî-chhu̍k: Yâ-fù-nì ke lai-é Kâ-le̍t

Yî-sat-kâ kî-chhu̍k: Yok-set ke lai-é Yî-kâ

Yî-fap-lièn kî-chhu̍k: Nun ke lai-é Hò-hî-â

Phien-ngâ-mén kî-chhu̍k: Lâ-fù ke lai-é Pha-thì

Sî-pu-lùn kî-chhu̍k: Sô-tí ke lai-é Kâ-thia̍p

Mâ-nâ-sî#13:11 “Mâ-nâ-sî” ngièn-vùn he “Yok-sit ke lai-é, Mâ-nâ-sî”. kî-chhu̍k: Sû-sî ke lai-é Kâ-tí

Tan kî-chhu̍k: Kî-mâ-li ke lai-é Â-mí-li

Â-sat kî-chhu̍k: Mí-kâ-le̍t ke lai-é Sî-thiap

Nâ-fut-thâ-li kî-chhu̍k: Fu̍k-sî ke lai-é Nâ-pí

Kâ-tet kî-chhu̍k: Mâ-kî ke lai-é Khiu-li

16Yî-song liá-têu ngìn he Mô-sî phai chhut-hi ke tham-é. Mô-sî chiông Nun ke lai-é Hò-hî-â kói-miàng cho Yok-sû-â.

17Mô-sî phai kì-têu chhut-hi ke sṳ̀, fûn-fu kì-têu kóng: “Tui liá-vi hiong-pet hàng, to Kâ-nàm-thi ke nàm-phién, yèn-heu chin-ngi̍p sân-khî. 18Khon ke só-chhai he ngióng-pân ke thi-fông, yû kí-tô ngìn he̍t chhai ke-vi, ngìn-mìn he khiòng ya-he ngio̍k. 19Khon ke thi-fông he hó ya-he fái, ngìn-mìn he he̍t chhai sân-yâ ya-he he̍t chhai yû fòng-ví ke sàng-sṳ. 20Khon ke-vi ke thú-thi yû phì mò? Yû su-é mò? Ngì-têu oi chhin-liong chiông ke-vi chhut-sán ke kó-chṳ́ tai-têu chón-lòi.” (Ke-sṳ̀ tú-hó he phù-thò sîn-chhut ke sṳ̀-chiet.)

21Só-yî, kì-têu hiong-pet hàng, tui nàm-phién Chhìm ke khóng-yâ yit-chhṳ̍t tá-tham to pet-phién Ha̍p-mâ ai-héu fu-khiun ke Li-ha̍p. 22Kì-têu siên chin-ngi̍p ke-thi ke nàm-phu, yèn-heu lòi-to Hî-pak-lùn. He̍t chhai ke-vi ke ngìn yû Â-hî-man-chhu̍k, Sṳ-chhî-chhu̍k, Tha̍t-mâi-chhu̍k; kì-têu he kô-thai ke ngìn Â-na̍p-chhu̍k ke heu-thoi. (Hî-pak-lùn-sàng pí Âi-khi̍p ke Só-ôn chó chhit-ngièn hí ke.) 23Kì-têu lòi-to Yî-sṳ̍t-kok sân-lak, chhai ke-vi chám-hâ yit-chiet phù-thò su-kî, táng-kô yû yit thai-chhon phù-thò, oi lióng-sà yung kong-é chang kông tet-hí. Kì-têu ya tai-têu sa̍k-liù lâu vù-fâ-kó chón-lòi. 24(Ke thi-fông ôn-to Yî-sṳ̍t-kok#13:24 “Yî-sṳ̍t-kok” yi-sṳ he “yit thai-chhon”. sân-lak, yîn-vi Yî-set-lie̍t-ngìn chhai ke-vi chám-hâ yit thai-chhon phù-thò.)

25Tham-é chhai ke-thi tá-tham si-sṳ̍p ngit yî-heu, 26chhiu chón-to Pâ-làn khóng-yâ ke Kâ-tâi-sṳ̂, chiông kì-têu só khon-tó ke hiong Mô-sî, Â-lùn lâu Yî-set-lie̍t chhiòn fi-chung po-ko, thùng-sṳ̀ chiông tai chón-lòi ke kó-chṳ́ pûn thai-kâ khon. 27Kì-têu lâu Mô-sî kóng: “Ngài-têu tá-tham ngì phai ngài-têu hi ke thi-fông, fat-hien ke-he liù-nen-lâu-me̍t, chhin-phì ke thú-thi; liá chhiu-he ke thi-fông só chhut-sán ke kó-chṳ́. 28Chúng-he ke thi-fông ke ngìn-mìn tông yúng-chong; kì-têu ke sàng tông-thai tông kiên-ku. Hàn-yû, ngài-têu chhai ke-vi khon-tó kô-thai ke ngìn Â-na̍p-chhu̍k ke heu-thoi. 29Â-mâ-li̍t-ngìn he̍t chhai nàm-phién; Het-ngìn, Yâ-pu-sṳ̂-ngìn lâu Â-mô-li-ngìn he̍t chhai sân-khî; Kâ-nàm-ngìn he̍t chhai Thi-chûng-hói sùn lâu Yok-tan hò-sùn.”

30Kâ-le̍t ham ke-têu tui Mô-sî mài-yen ke ngìn tiâm-tiâm, kóng: “Ngài-têu liá-ha yin-kôi sông-hi cham-liâng ke-phién thú-thi; ngài-têu yû nèn-li̍t chṳ̂n-fu̍k.”

31Chúng-he, ke-têu lâu Kâ-le̍t khiung-ha hi ke ngìn kóng: “Cho-m̀-tet! Ngài-têu mò nèn-li̍t hi kûng-tá kì-têu; ke-vi ke ngìn pí ngài-têu khiòng-chong.” 32Kì-têu chhiu chhai Yî-set-lie̍t-ngìn tông-chûng chhòn-chhut yû-koân ke thi-fông mò khok-sṳ̍t ke po-ko. Kì-têu kóng: “Ngài-têu só tá-tham, ke thi-fông ke chhut-sán hàn m̀-la pún-thi ngìn sṳ̍t. Ngài-têu só khon-tó ke mî-yit ke ngìn chhiòn-phu tông kô-thai. 33Ngài-têu chhai ke-vi hàn khon-tó kô-thai ke ngìn Â-na̍p-chhu̍k ke heu-thoi; ngài-têu kám-kok chhṳ-kâ chhiong chhó-máng án-se, chhai kì-têu ngién-chûng, ngài-têu ya khok-sṳ̍t he án-ngiòng.”

Currently Selected:

Mìn-su Ki 13: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 13

Video for Mìn-su Ki 13

Numbers 13-14

Spoken Gospel

Mìn-su Ki 13

Popular Bible Verses from
Mìn-su Ki 13

Video for Mìn-su Ki 13

Numbers 13-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 13

Mìn-su Ki 13

Popular Bible Verses from Mìn-su Ki 13

Video for Mìn-su Ki 13

Numbers 13-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 13

Popular Bible Verses from
Mìn-su Ki 13