Li-vi Ki 24

Tiám-tên ke Thiàu-li

(Chhut Âi-khi̍p Ki 27:20-21)

1Song-chú fûn-fu Mô-sî: 2“Oi min-lin Yî-set-lie̍t-ngìn chiông chhin-sùn ke kám-lám-yù tai-lòi, cho sṳn-chong-phùng tî-poi tên-thòi ke yù-liau, hó-pûn tên-thòi ke tên sòng-sòng chho̍k-tén. 3Tak am-pû, Â-lùn oi chhai piong yok-khui ke chṳ-sṳn-só thèu-chhièn, ke chong-man ngoi tiám tên-fó, sṳ́ liá tên tui lìm-am-é to thiên-kông chhai Song-chú mien-chhièn chho̍k-tén. Liá thiàu-li he kì ke chṳ́-sûn oi sṳ-sṳ thoi-thoi chûn-sú ke. 4Â-lùn oi fu-chit ke sùn-kîm tên-thòi táng-kô ke tên-fó, sṳ́ kì chhai Song-chú mien-chhièn sòng-sòng chho̍k-tén.

Hien-pûn Song-chú ke Kiûng-piáng

5“Ngì oi yung ngi-sṳ̍p-si kûng-kîn yu-mien-fún phoi sṳ̍p-ngi te piáng, 6yèn-heu chiông piáng pài chhai Song-chú mien-chhièn sùn-kîm ke chok-táng; piáng oi pài-cho lióng-hòng, yit-hòng liuk-te. 7Ngì oi chhai tak-hòng piáng táng-kô ve-têu sùn-nen-hiông, thoi-péu chiông piáng tông-cho hien-pûn Song-chú ke fó-chi. 8Tak-ke ôn-sit-ngit, Â-lùn yit-thin oi chiông piáng pài chhai Song-chú mien-chhièn, yún-yén cho-m̀-tet thìn. Liá he Yî-set-lie̍t-ngìn yún-kiú oi chûn-sú ke yok. 9Liá piáng oi kûi-pûn Â-lùn lâu kì ke heu-thoi. Kì-têu oi chhai sṳn ke só-chhai sṳ̍t liá-piáng; yîn-vi liá he hien-pûn Song-chú ke fó-chi chûng chṳ-sṳn ke phu-fun, he su̍k chi-sṳ̂ ke.”

Kûng-tong ke Sṳ́m-phan

10-11Yû yit-ke ngìn, kiâ pâ he Âi-khi̍p-ngìn, â-mê he Yî-set-lie̍t chûng Tan kî-chhu̍k ngìn Tí-pak-li ke moi-é, miàng ôn-to Sṳ-lò-me̍t. Yû yit-ngit, liá-ke ngìn chhai yàng-tú lâu yit-ke Yî-set-lie̍t-ngìn yên-kâ. Chhai chên-chhàu tông-chûng, kì chu-chú Song-chú ke sṳn-miàng, kì-têu chhiu tai kì to Mô-sî ke-vi, 12chiông kì koân hí-lòi, tén Song-chú chṳ́-sṳ oi ngióng-pân hìn-fa̍t kì.

13Song-chú lâu Mô-sî kóng: 14“Chiông ke-ke ngìn tai-to yàng-ngoi. Só-yû thâng-tó kì chu-chú ke ngìn, chhiòn-phu oi chiông sú piong chhai kì ke thèu-nà táng, chṳn-mìn kì yû-chhui, yèn-heu chhiòn fi-chung oi yung sa̍k-thèu te̍p-sí kì. 15Chiap-tén, ngì oi lâu Yî-set-lie̍t-ngìn kóng: Só-yû chu-chú Song-ti ke ngìn oi khâi chhṳ-kâ ke chhui. 16Só-yû siet-thu̍k Song-chú miàng ke ngìn yit-thin oi chhú sí-hìn; chhiòn fi-chung oi yung sa̍k-thèu chiông kì te̍p-sí. Mò-lun he Yî-set-lie̍t-ngìn ya-he chhiam-he̍t ke lî-hak, na-he kì chu-chú Song-chú ke miàng, yit-thin oi chhú sí-hìn.

17“Chhṳ̀-ngìn ke, thin-chho̍k oi chhú sí-hìn; 18chhṳ̀ phe̍t-ngìn thèu-sâng ke, yit-thin oi phòi thèu-sâng, he yung-miang phòi-miang.

19“Ngìn na sông-hoi phe̍t-ngìn, oi cheu kì ngióng-pân tui-thai phe̍t-ngìn lòi tui-thai kì: 20kut-thèu phòi kut-thèu; muk-chû phòi muk-chû; ngà-chhṳ́ phòi ngà-chhṳ́. Kì ngióng-pân sông-hoi phe̍t-ngìn, ya oi su khiung-yong ke sông-hoi. 21Chhṳ̀ phe̍t-ngìn thèu-sâng ke, yit-thin oi phòi thèu-sâng; chúng-he chhṳ̀-sí ngìn ke, yit-thin oi chhú sí-hìn. 22Mò-lun he Yî-set-lie̍t-ngìn ya-he chhiam-he̍t ke lî-hak, chhiòn-phu khiung-yong oi sú liá fap-li̍t. Ngài he Song-chú — ngì-têu ke Song-ti.”

23Mô-sî tui Yî-set-lie̍t-ngìn kóng-so̍t liá-têu fa, kì-têu chhiu tai ke-ngìn to yàng-ngoi, yung sa̍k-thèu chiông kì te̍p-sí. Án-ngiòng, Yî-set-lie̍t-ngìn chhiu cheu Song-chú pûn Mô-sî ke min-lin hi-cho.

Currently Selected:

Li-vi Ki 24: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Li-vi Ki 24

Video for Li-vi Ki 24

Leviticus 23-24

Spoken Gospel

Li-vi Ki 24

Popular Bible Verses from
Li-vi Ki 24

Video for Li-vi Ki 24

Leviticus 23-24

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 24

Li-vi Ki 24

Popular Bible Verses from Li-vi Ki 24

Video for Li-vi Ki 24

Leviticus 23-24

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 24

Popular Bible Verses from
Li-vi Ki 24