Yâ-li-mí Ôi-kô 2

Song-chú Chit-fa̍t Yâ-lu-sat-lâng

1Chhám lé!

Chú thai fat-khién, yung vû-yùn châ-tén Siak-ôn-sàng!

Kì chiông Yî-set-lie̍t ke kông-chhái tui thiên-táng te̍p hâ-lòi;

chhai Kì fat-khién ke ngit, lièn chhṳ-kâ ke sṳn-thien#2:1 “sṳn-thien” Hî-pak-lòi-vùn chhṳ̍t-yi̍t he “kiok-ten”. ya m̀-ku.

2Chú fí-me̍t Ngâ-kok ke tak-chak chhûn-chông,

mò pan-si̍t lìn-mén.

Kì chhai thai fat-khién chṳ̂-ha chiông pó-fu Yù-thai ke sàng-pó chhiòn-phu chhak-thet.

Kì sṳ́ liá-koet lâu ke-têu liâng-chhiu su-tó vú-yu̍k.

3Kì khién-to chiông Yî-set-lie̍t só-yû ke li̍t-liong sêu-me̍t;

sù-thi̍t lòi kûng-kit ke sṳ̀, Kì m̀-hén chhut-sú chṳ́n-kiu.

Kì chhiong fó án-ngiòng thûn-me̍t Ngâ-kok,

chiông só-yû ke sêu chhiang-chhiang.

4Kì hiong ngài-têu khôi-kiûng tap-chien,

chhiu-chhiong oi sa sù-thi̍t khiung-yong.

Kì chhṳ̀-thet ngài-têu só khon-chhung ke ngìn;

Kì hiong kûi-chak Yâ-lu-sat-lâng#2:4 “kûi-chak Yâ-lu-sat-lâng” Hî-pak-lòi-vùn chhṳ̍t-yi̍t he “Moi-é Siak-ôn ke chong-phùng”. thai fat-fó.

5Chú chhiong sù-thi̍t án-ngiòng oi lòi sêu-me̍t Yî-set-lie̍t;

Kì sṳ́ Yî-set-lie̍t ke sàng-pó, vòng-kiûng chhiòn-phu pien-cho fông-phû;

Kì sṳ́ Yù-thai ngìn-mìn kâ-thiâm tô-tô ke sông-sîm lâu thai-kieu.

6Kì pho-fái chhṳ-kâ ke chong-phùng,

chhiong fông-fi ke yèn-è khiung-yong,

chhak-thet ngài-têu chhi-fi kin-pai ke sṳn-thien;

Song-chú fi-thet chhai Siak-ôn ke chiet-khì lâu ôn-sit-ngit.

Kì chhai thai fat-khién chṳ̂-ha hi-chhie̍t kiûn-vòng lâu chi-sṳ̂.

7Chú vok-thet chhṳ-kâ ke chi-thàn lâu sṳn-só;

Kì chún thi̍t-ngìn chhak-thet kiûng-thien ke vì-chhiòng;

chhai Song-chú ke sṳn-thien tî-poi,

kì-têu chhiong ko-chiet án-ngiòng thai-sâng chhàu-nau!

8Song-chú kiet-sîm oi chhak-thet Siak-ôn ke sàng-chhiòng;

Kì thàn me̍t-téu-sien cho ki-ho, chhut-sú lòi fí-me̍t kì.

Kì sṳ́ sàng-lèu lâu sàng-chhiòng pî-ôi, cho yit-ha vang-thet.

9Sàng-mùn mài chhai nài-tôi tú;

Kì chiông mùn-kong fí-fái yu áu-thôn.

Kiûn-vòng lâu kui-chhu̍k pûn-ngìn kiuk-to ngoi-koet hi.

Mò-ngìn chai chhòn-kóng fap-li̍t;

siên-tî ya tet m̀-tó tui Song-chú lòi ke yi-siong.

10Siak-ôn-sàng ke fu-ló chhô chhai thi-song,

mò-ngìn chhut-sâng.

Kì-têu chhiòn-phu chok mà-sâm, ve chhṳ̀n-fôi chhai thèu-nà-táng;

Yâ-lu-sat-lâng ke-têu se-moi-é thèu-nà lài-to tap-thi.

11Ngài ke muk-chû kieu-to voi chhiâng-miâng;

ngài ke sîm-kôn thung-to voi lie̍t-thet.

Ngài yîn-vi thùng-pâu ke su pet-hoi chhiu fî-sòng ôi-sông;

ngài khon-tó se-ngìn-è lâu ô-nga-é chhai kiê-lu fûn-thet!

12Kì-têu chhiong chho̍k-sông ke ngìn án-ngiòng vang chhai lu-hong,

kì-têu thôn-hi chhièn hàn chhai â-mê ke hiûng-phù chûng kín mun:

Nai-vi chang yû-hó sṳ̍t? Nai-vi chang yû-hó lîm?

13Yâ-lu-sat-lâng-ngìn â, ngài oi kóng má-ke nè?

Ngài oi nâ má-ke lâu ngì pí nè?

Siak-ôn ke ngìn-mìn#2:13 “Yâ-lu-sat-lâng-ngìn ... Siak-ôn ke ngìn-mìn” Hî-pak-lòi-vùn chhṳ̍t-yi̍t he “Moi-é Yâ-lu-sat-lâng ... Ngìn-kâ-ńg Siak-ôn”. â, ngài oi ngióng-pân ôn-ví ngì nè?

Yû má-ngìn chhiong ngì su-tó án-thai ke châi-nan?

Ngì ke sông-héu chhiong thai-hói án-fat;

má-ngìn yû phan-fap yî-hó ngì nè?

14Ngì ke siên-tî chôn-mùn kóng fâ-liâu;

kì-têu ke yi-siong ya he ká ke.

Kì-têu kóng-tho mò chit-phi ngì ke chhui-ok,

miên-tet ngì-têu pûn-ngìn chok-chéu;

só khon-tó ke khí-sṳ ya mò-yáng mò-chiak,

hoi ngì hàng m̀-chho̍k ke lu.

15Ko-lu ke ngìn chhiòn-phu phok-sú sâu-nat ngì;

kì-têu kín yèu-thèu seu Yâ-lu-sat-lâng, kóng:

Liá chhiu-he ke-chho vàn-mî ke sàng he-mò?

Liá chhiu-he chhiòn sṳ-kie fôn-hí ke sàng mâ?

16Só-yû ke sù-thi̍t khôi-choi met-sa ngì;

kì-têu ngâu-ngà chhiet-chhṳ́ lòi sâu-nat ngì.

Kì-têu kóng: Ngài-têu chiông kì fí-me̍t lé!

Ngài-têu só phan-mong ke ngit to lé!

Liá-ha ngài-têu chhîn-ngién khon-tó lé!

17Song-chú yí-kîn sṳ̍t-hàng chhṳ-kâ ke kie-va̍k,

he sṳ̀n-chhiu Kì thèu-pái tui ngài-têu ke kín-ko;

Kì chiông ngài-têu me̍t-thet, mò yit-si̍t m̀ phan-tet.

Kì pûn ngài-têu ke sù-thi̍t yàng-ko ngài-têu;

Kì pûn ngài-têu ke sù-thi̍t fôn-hí na-thiên.

18Ngìn-mìn ke sîm hiong Chú ôi-khiù.

Siak-ôn ke sàng-chhiòng â,

ngien ngì ke muk-chṳp ngit-ya chhiong hò-pa súi án-ngiòng kín-liù;

ngien ngì muk-chû liù muk-chṳp, chhie̍t-tui m̀-voi thìn hâ-lòi!

19Am-pû-thèu tak-pái von-kâng ke sṳ̀,

ngì oi hong-hí-lòi hiong Chú khiù-ham;

oi chhai Chú mien-chhièn chhiòn-sîm kín-khiù,

chhiong liù-súi yit-chhṳ̍t mò-thìn;

oi vi ngì ke-têu se-ngìn-è khià-sú khì-tó;

kì-têu yí-kîn chhai kiê-thèu hong-mî ngo-to fûn-thet.

20Song-chú â, khiù Ngì lòi khon, khiù Ngì lòi sióng!

Kám yû-ngìn chhiong án-ngiòng pûn Ngì chit-fa̍t ko?

Chhám lé, fu-ngìn-kâ sṳ̍t chhṳ-kâ só-kiung só-siak ke ô-nga-é!

Chhám lé, chi-sṳ̂ lâu siên-tî chhai Chú ke sṳn-thien pûn-ngìn chhṳ̀-sí!

21Ló-ngìn-kâ lâu heu-sâng-ngìn khiung-yong vang chhai kiê-hong;

chhiâng-ngièn nàm-ńg sí chhai thi̍t-ngìn ke tô-kiam hâ-poi.

Ngì chhai fat-khién ke ngit-è chhṳ̀-thet kì-têu,

chhiòn-mò liù-chhìn.

22Ngì hêm-lòi ke sù-thi̍t chhiong lòi ko-chiet yong,

chhai ngài si chû-vì hak ngài;

chhai Ngì — Song-chú fat-khién ke ngit-è,

mò-ngìn sám tet-chéu, mò-ngìn liù-tó sâng-miang.

Ngài só-siak só yông-yuk ke chṳ́-ńg,

chhiòn-phu pûn sù-thi̍t chhṳ̀ chhiang-chhiang.

Currently Selected:

Yâ-li-mí Ôi-kô 2: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yâ-li-mí Ôi-kô 2

Video for Yâ-li-mí Ôi-kô 2

Lamentations 2

BibleProject

Yâ-li-mí Ôi-kô 2

Popular Bible Verses from
Yâ-li-mí Ôi-kô 2

Video for Yâ-li-mí Ôi-kô 2

Lamentations 2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Ôi-kô 2

Yâ-li-mí Ôi-kô 2

Popular Bible Verses from Yâ-li-mí Ôi-kô 2

Video for Yâ-li-mí Ôi-kô 2

Lamentations 2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Ôi-kô 2

Popular Bible Verses from
Yâ-li-mí Ôi-kô 2