Yâ-li-mí Ôi-kô 1

Yâ-lu-sat-lâng ke Pî-sông

1Chhám lé!

Yî-chhièn chhin-tô ngìn he̍t ke sàng-sṳ,

liá-ha kû-tân vang chhai ke-vi!

Yî-chhièn chhai kok-koet chûng cho thai ke,

liá-ha chhiong koá-fu!

Yî-chhièn he kok-sén ke ńg-vòng,

liá-ha cho nù-pî.

2Kì kûi am-pû thai-kieu,

muk-chṳp liù-to mân-mien.

Yî-chhièn ke-têu chhîn-oi ke phèn-yû,

liá-ha mò yit-sà lòi ôn-ví kì.

Kì ke thùng-phân chhiòn-phu chhut-mai kì,

chhiòn-phu sàng-cho kì ke sù-thi̍t!

3Yù-thai ngìn-mìn he khó-lièn ke nù-chhòi,

pûn-ngìn pet-to lì-khôi kâ-hiông#1:3 “he khó-lièn ... kâ-hiông” ya-he yi̍t-cho “lì-khôi kâ-hiông, sám-khôi cho nù-chhòi ke thung-khú”..

Kì-têu liù-long to ngoi-pâng,

mò thi-fông hó ôn-sîm he̍t.

Kì-têu chhai khú-nan chûng,

pûn-ngìn tûi-to mò lu hó chéu.

4Oi hi Siak-ôn ke kiê-lu chhî-liòng;

yîn-vi mò-ngìn hi ke-vi ko-chiet.

Sṳn-thien chhong-kô ke se-moi-é pî-sông;

ke-têu chi-sṳ̂ chṳ́-yû ôi-sông than-sit.

Sàng-mùn lâng-lo̍k;

Siak-ôn pî-ôi!

5Thi̍t-ngìn pien-cho kì ke chú-ngìn;

kì ke sù-thi̍t ôn-lo̍k chhṳ-chhai.

Yîn-vi kì ke chhui-ok chhin-tô,

Song-chú chang voi sṳ́ kì su-khú;

kì ke chṳ́-ńg pûn thi̍t-ngìn chok-chéu.

6Siak-ôn-sàng#1:6 “Siak-ôn-sàng”: Hî-pak-lòi-vùn chhṳ̍t-yi̍t he “Moi-é Siak-ôn”, hìn-yùng sàng-sṳ chhiong se-moi-é, chṳ́ Yâ-lu-sat-lâng, pún-sû sòng-sòng chhut-hien. yí-kîn sṳt-thet kì ke kông-yùng.

Kì ke liâng-chhiu chhiong chhìm m̀-tó chhó-chhòng ke lu̍k-é;

tá-lia̍p ke ngìn lòi-kiuk kì-têu, kì-têu mò-li̍t hó chéu.

7Yâ-lu-sat-lâng chhai chhî-liòng fông-fi ke tông-chûng,

chang sióng-tó thèu-pái yit-chhiet ke yùng-fà fu-kui.

Kì ke ngìn-mìn lo̍k chhai thi̍t-ngìn sú-chûng ke sṳ̀,

ya mò yit-ke ngìn lòi pông-chhu kì.

Sù-thi̍t khon-tó liá chhìn-hìn,

chhiu sâu-nat kì ke me̍t-mòng.

8Yâ-lu-sat-lâng chhui-ok tông-thai,

sàng-cho mò chhiang-li ke tûng-sî.

Ngièn-lòi chûn-kin kì ke,

khon-tó kì chhak-sṳ̂n lu-thí, chhiu khon-khiâng kì.

Kì chṳ́-yû théu thai-hi,

chón-sṳ̂n m̀-kám kien ngìn.

9Kì ke ô-chô kò-tó khiùn;

kì mò kháu-li chhṳ-kâ ke chiông-lòi.

Kì thai sṳt-phai;

ya mò-ngìn ôn-ví kì.

Kì kóng: Song-chú â, khon ngài ke khú-nan,

yîn-vi thi̍t-ngìn tet-sṳn lé.

10Sù-thi̍t chhióng-chéu kì só-yû ke chhòi-pó;

kì khon-tó kì-têu chhong-tén ngi̍p sṳn-thien,

chhiu-he Ngì — Song-chú kim-chṳ́ ngoi-pâng-ngìn ngi̍p-hi ke só-chhai.

11Ngìn-mìn kín théu thai-hi, hi tak só-chhai chhìm sṳ̍t ke tûng-sî;

kì-têu nâ pó-vu̍t hi-von sṳ̍t-vu̍t, sióng-oi vì-chhṳ̀ sâng-miang.

Chhiòn-sàng khì-khiù:

Song-chú â, khiù Ngì lòi khon, khiù Ngì lòi sióng;

ngài he ngióng-pân pûn-ngìn khon-khiâng!

12Ngì liá-têu ko-lu ngìn â, liá-sṳ ngì-têu mò koân-sîm he-mò!

Ngì-têu oi chu-yi khon.

Chhṳ-chhiùng m̀-sṳt yû-ngìn chhiong ngài su-tó án-ngiòng ke thung-khú;

liá he Song-chú thai fat-khién ke sṳ̀ kâ-pûn ngài ke thung-khú.

13Ngài ke kut-thèu chhiong pûn fó sêu-tó,

he Kì tui thiên-táng kong hâ-lòi ke.

Kì ôn lò-mióng, sṳ́ ngài kang tiet-tó.

Kì fit-thet ngài, sṳ́ ngài kûi-ngit thèu-nà fùn-fùn.

14Kì chiông ngài ke ko-fam,

nâ-lòi thak-cho yit-chhon,

chhiong ak án-ngiòng koa chhai ngài ke kiáng-kîn,

chiông ngài chak-to chhin-thiám.

Chú chiông ngài kâu-pûn sù-thi̍t;

ngài mò li̍t-liong lòi tí-khong.

15Ngài só-yû ke yúng-sṳ, Chú mò khon chhai ngién-chûng;

Kì phai thai-kiûn lòi kûng-kit ngài ke heu-sâng-ngìn.

Chú chien-tha̍p Yù-thai ke ngìn-mìn#1:15 “Yù-thai ke ngìn-mìn”: Hî-pak-lòi-vùn chhṳ̍t-yi̍t he “Ngìn-kâ-ńg Yù-thai”.,

chhiu-chhiong tha̍p phù-thò khiung-yong.

16Ngài vi liá-têu sṳ kín-kieu,

ngài ke muk-chṳp liù mò-thìn.

Mò-ngìn yû phan-fap ôn-ví ngài;

mò-ngìn nèn pûn ngài yúng-hi.

Sù-thi̍t tá-yàng ngài;

ngài ke ngìn-mìn má-ke tû mò lé.

17Siak-ôn chhûn-sú khiù pông-chhu,

chúng-he mò-ngìn hén then-sú.

Song-chú min-lin sù-thi̍t,

tui si-mien pat-fông lòi pâu-vì Ngâ-kok ke heu-thoi;

kì-têu khon Yâ-lu-sat-lâng cho ô-chô ke tûng-sî.

18Song-chú he kûng-ngi ke,

Kì án-ngiòng tui-thai ngài, he#1:18 “Kì án-ngiòng tui-thai ngài, he” Hî-pak-lòi-vùn mò liá kí-chak sṳ. yîn-vi ngài vì-poi Kì ke min-lin.

Kok-thi ke ngìn-mìn â, oi chu-yi thâng;

khon chhîn-chhú ngài só su ke thung-khú.

Ngài ke chhiâng-ngièn nàm-ńg pûn-ngìn chok-chéu lé!

19Ngài khiù ke-têu chhîn-oi ke phèn-yû pông-chhu,

chúng-he kì-têu chhiòn-phu khî-phien ngài.

Vi-tó oi chhìm sṳ̍t ke tûng-sî vì-chhṳ̀ sâng-miang,

ngài ke-têu chi-sṳ̂ lâu liâng-chhiu ya sí chhai kiê-hong.

20Song-chú â, khiù Ngì khon ngài ke yù-sèu!

Chhiáng khon ngài sîm-lìn só su ke thung-khú!

Ngài ke sîm-chhòng pho-sui thung-khú,

yîn-vi ngài thai-thai phoi-ngia̍k Ngì.

Ngoi-poi yû hiûng-sat, vuk-tú yû sí-sṳt.

21Yû-ngìn thâng-tó ngài ke than-sit,

chúng-he mò-ngìn ôn-ví ngài.

Sù-thi̍t yîn-vi Ngì hiong ngài kong châi-nan

chhiu lòi fôn-hí khoai-lo̍k.

Ngien Ngì siên-ko ke ngit-è kiak-kiak lòi-to;

ngien ke-têu sù-thi̍t lâu ngài su khiung-yong ke khú-nan.

22Ngien Ngì chit-phi kì-têu ke chhui-ok;

khiù Ngì chit-fa̍t kì-têu,

chhiu-chhiong Ngì yîn-vi ngài ke chhui chit-fa̍t ngài khiung-yong.

Ngài kân-khú to kín-chhên,

ngài ke sîm-kôn fî-sòng thung-khú!

Currently Selected:

Yâ-li-mí Ôi-kô 1: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yâ-li-mí Ôi-kô 1

Video for Yâ-li-mí Ôi-kô 1

Lamentations 1

BibleProject

Yâ-li-mí Ôi-kô 1

Popular Bible Verses from
Yâ-li-mí Ôi-kô 1

Video for Yâ-li-mí Ôi-kô 1

Lamentations 1

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Ôi-kô 1

Yâ-li-mí Ôi-kô 1

Popular Bible Verses from Yâ-li-mí Ôi-kô 1

Video for Yâ-li-mí Ôi-kô 1

Lamentations 1

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Ôi-kô 1

Popular Bible Verses from
Yâ-li-mí Ôi-kô 1