Yâ-li-mí Sû 52

Yâ-lu-sat-lâng ke Ham-lo̍k

(Lie̍t-vòng Ki-ha 24:18–25:7)

1Sî-tí-kâ ngi-sṳ̍p yit-se ke sṳ̀ cho Yù-thai-vòng; kì chhai Yâ-lu-sat-lâng thúng-chhṳ sṳ̍p-yit ngièn. Kiâ-mê ôn-to Ha̍p-mu-thâ, he Li̍p-nâ-sàng Ya̍p-li-mí ke moi-é. 2Sî-tí-kâ hàng Song-chú khon-cho sià-ok ke sṳ, chhiong Yok-ngâ-kin só-cho ke khiung-yong. 3Song-chú tui Yâ-lu-sat-lâng lâu Yù-thai ke ngìn-mìn fat-khién, tui chhṳ-kâ mien-chhièn chiông kì-têu kiuk chhut-hi.

Sî-tí-kâ fán Pâ-pí-lùn-vòng Nì-pu-kap-nì-sat, 4só-yî Nì-pu-kap-nì-sat tai-liâng chhiòn-kiûn lòi kûng-tá Yâ-lu-sat-lâng; ke-sṳ̀ he Sî-tí-kâ chhai-vi thi-kiú ngièn sṳ̍p-ngie̍t chhû-sṳ̍p. Kì-têu ôn-yàng chhai sàng-ngoi, chhai sàng-chhiòng si chû-vì hí thú-tôi lòi kûng-sàng, 5yit-chhṳ̍t pâu-vì to Sî-tí-kâ-vòng chhai-vi thi sṳ̍p-yit ngièn. 6Ke-ngièn si-ngie̍t chhû-kiú, yîn-vi sàng-nui kî-fông fî-sòng ngiàm-chhung, ngìn-mìn yí-kîn mò tûng-sî hó-sṳ̍t, 7chui-mî, sàng-chhiòng pûn-ngìn kûng-pho. Sûi-yèn Pâ-pí-lùn kiûn-chhui hàn pâu-vì sàng, ke am-pû vòng lâu fòng-sú ke kiûn-chhui ya chhiòn-phu thò-chéu. Kì-têu tui vòng-kiûng fâ-yèn mò kí-yén ke-thiàu lu, chhôn-ko lióng-chho sàng-chhiòng chûng-kiên ke mùn, hiong Yok-tan sân-lak fông-hiong thò-chéu. 8Chúng-he Pâ-pí-lùn kiûn-chhui kiuk Sî-tí-kâ-vòng, chhai Yâ-li-kô fu-khiun ke phìn-ngièn kiuk-tó kì. Ke-sṳ̀ kì ke kiûn-chhui chhiòn-phu lì-khôi kì, san-thet hi lé. 9Kì-têu chok-tó kì, chiông kì tai-to Nì-pu-kap-nì-sat-vòng ke-vi hi. Ke-sṳ̀ Nì-pu-kap-nì-sat-vòng chhai Ha̍p-mâ thi-khî ke Li-pí-lâ; kì chhiu chhai ke-vi sṳ́m-phan Sî-tí-kâ. 10Chhai Li-pí-lâ, Pâ-pí-lùn-vòng tông Sî-tí-kâ ngién-chhièn, chiông Sî-tí-kâ ke-têu lai-é chhiòn-phu chhṳ̀-sí, ya chhṳ̀-sí só-yû Yù-thai ke liâng-chhiu. 11Chiap-tén, kì chiông Sî-tí-kâ ke lióng-chak muk-chû yet chhut-lòi, yung thùng lien-é thak-tén kì, chiông kì tai-to Pâ-pí-lùn hi. Sî-tí-kâ pûn-ngìn koân chhai Pâ-pí-lùn ke kâm-ngiu̍k, chhṳ̍t-to kì sí ke-ngit.

Sṳn-thien Fí-me̍t

(Lie̍t-vòng Ki-ha 25:8-17)

12Pâ-pí-lùn-vòng Nì-pu-kap-nì-sat ke sṳ̍p-kiú ngièn ńg-ngie̍t chhû-sṳ̍p, vòng ke ku-mun kiâm sṳ-ví-chóng Nì-pu-sat-lâ-tan lòi-to Yâ-lu-sat-lâng. 13Kì piong-fó chiông Song-chú ke sṳn-thien, vòng-kiûng lâu Yâ-lu-sat-lâng só-yû ke vuk-sa sêu-thet, lièn ke-têu thai-kôn ke vuk ya sêu chhiang-chhiang. 14Thèn sṳ-ví-chóng lòi ke phu-chhui chiông Yâ-lu-sat-lâng si chû-vì ke sàng-chhiòng chhiòn-phu chhak-thet. 15Yèn-heu, sṳ-ví-chóng Nì-pu-sat-lâ-tan chiông liù chhai sàng-tú ke ngìn — chui khiùng-khú ke ngìn, thèu-hòng Pâ-pí-lùn ke ngìn, lâu ke-têu chhûn-tó yû sú-ngi ke ngìn chhiòn-phu chok-to Pâ-pí-lùn hi. 16Chúng-he kì chiông khì-thâ chui khiùng-khú ke ngìn liù chhai Yù-thai, ham kì-têu chhai phù-thò-yèn lâu thièn-tú kûng-chok.

17Pâ-pí-lùn-ngìn khau-sui Song-chú sṳn-thien tú ke thùng-chhû, thùng-phùn-chho lâu thùng-hói, chiông só-yû ke thùng tai-to Pâ-pí-lùn hi. 18Kì-têu ya chiông chhîn-kiet chi-thàn yung ke chhán-è lâu chông-fôi ke vo̍k-é, chuk-fâ chién-tô, chông sên-ngì ke hiet yung ke thai-vón, phàn-è, lâu lî-pai yung ke kok-chúng thùng-hi chhiòn-phu tai-chéu. 19Sṳ-ví-chóng yu tai-chéu kîm-ngiùn cho ke kok-chúng yung-phín: Yû se phùn-è, chông fó-than ke lù-è, chông sên-ngì ke hiet yung ke thai-vón, vo̍k-é, tên-thòi, phàn-è lâu kin-sṳ̀n ke chiú-pî. 20Só-lò-mùn-vòng vi sṳn-thien só chu-chho ke thùng-hi yû: Lióng-kî thùng-chhû, sṳ̍p-chak thùng-phùn-chho, yit-chak thùng-hói, chhang thùng-hói ke sṳ̍p-ngi chak thùng-ngiù; liá-têu thùng-hi tô-to mò fap-thu lòi-chhṳn. 21Lióng-kî thùng-chhû phiàng-thai kî, tak-kî kô pat kûng-chhak, chû-vì ńg kûng-chhak sâm kûng-chhun. Chhû-é he khûng-sîm ke, thùng-phì yû chhit-sṳ̍p-ńg kûng-lì phûn. 22Tak-kî thùng-chhû ke táng-kô yû chhû-thèu, kô lióng kûng-chhak lióng kûng-chhun, chû-vì chông-sṳt thùng-chṳ ke mióng-è lâu thùng sa̍k-liù. 23Tak-ke chhû-thèu mien-táng ke mióng-è chû-vì yû yit-pak chak sa̍k-liù, tui thi-mien-song khon tet-tó kiú-sṳ̍p liuk chak.

Yù-thai Ngìn-mìn Pûn-ngìn Chok-to Pâ-pí-lùn Hi

(Lie̍t-vòng Ki-ha 25:18-21,27-30)

24Nì-pu-sat-lâ-tan sṳ-ví-chóng ya chok-chéu chi-sṳ̂-chóng Sî-lòi-ngâ, fu chi-sṳ̂-chóng Sî-fân-â, lâu sâm-ke chhai sṳn-thien chóng-mùn ke. 25Kì yu chhai sàng-tú chok-chéu yit-ke chṳ́-fî-kôn, chhit-ke liù chhai sàng-tú ke vòng-sṳt ku-mun, yit-ke chôn kón kiûn-chhui vùn-khien ke sû-ki-kôn, lâu liuk-sṳ̍p ke thi-fông song chhung-yeu ke ngìn-vu̍t. 26Nì-pu-sat-lâ-tan sṳ-ví-chóng chiông kì-têu tai-to Pâ-pí-lùn-vòng mien-chhièn; ke-sṳ̀, vòng chhai Ha̍p-mâ thi-khî ke Li-pí-lâ. 27Vòng chhiu chhai ke-vi tá kì-têu, chiông kì-têu chhṳ̀-sí.

Án-ngiòng, Yù-thai ngìn-mìn pûn-ngìn chok-chéu, lì-khôi pún-koet. 28Hâ-poi he Nì-pu-kap-nì-sat chok-chéu ke ngìn-su: Kì chhai-vi thi-chhit ngièn chok-chéu sâm-chhiên làng ngi-sṳ̍p sâm-ke Yù-thai-ngìn; 29thi sṳ̍p-pat ngièn tui Yâ-lu-sat-lâng chok-chéu pat-pak sâm-sṳ̍p ngi-ke ngìn; 30thi ngi-sṳ̍p sâm ngièn, sṳ-ví-chóng Nì-pu-sat-lâ-tan chok-chéu chhit-pak si-sṳ̍p ńg-ke Yù-thai-ngìn. Chúng-su he si-chhiên liuk-pak ke ngìn.

31Yî-vi-Mí-lò-tha̍t cho Pâ-pí-lùn-vòng ke-ngièn, kì hó khoán-thai Yù-thai-vòng Yok-ngâ-kîn, piong kì chhut kâm-ngiu̍k. Liá-sṳ fat-sên chhai Yok-ngâ-kîn pûn-ngìn chok-chéu yî-heu ke thi sâm-sṳ̍p chhit-ngièn sṳ̍p-ngi ngie̍t ngi-sṳ̍p ńg. 32Yî-vi-Mí-lò-tha̍t ya ên-thai Yok-ngâ-kîn, pûn kì ke sṳ̂n-fun kô-ko ke-têu pûn-ngìn chok-to Pâ-pí-lùn hi ke khì-thâ koet-vòng. 33Yok-ngâ-kîn thot-thet fam-ngìn ke sâm, yit-sên-ngìn lâu Pâ-pí-lùn-vòng khiung-chok sṳ̍t-fan. 34Kì hàn-sâng ke ngièn-ngit, Pâ-pí-lùn-vòng yu su-pûn kì tak-ngit ke sên-fa̍t fi-yung, chhṳ̍t-to kì sí ke-ngit.

Currently Selected:

Yâ-li-mí Sû 52: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yâ-li-mí Sû 52

Videos for Yâ-li-mí Sû 52

The Way of the Exile

BibleProject

Chaos Dragon

BibleProject

Jeremiah 46-52

BibleProject

Yâ-li-mí Sû 52

Popular Bible Verses from
Yâ-li-mí Sû 52

Videos for Yâ-li-mí Sû 52

The Way of the Exile

Chaos Dragon

Jeremiah 46-52

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Sû 52

Yâ-li-mí Sû 52

Popular Bible Verses from Yâ-li-mí Sû 52

Videos for Yâ-li-mí Sû 52

The Way of the Exile

Chaos Dragon

Jeremiah 46-52

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Sû 52

Popular Bible Verses from
Yâ-li-mí Sû 52