Yâ-li-mí Sû 50

Pâ-pí-lùn Pûn-ngìn Cham-liâng

1Yû-koân Pâ-pí-lùn lâu Pâ-pí-lùn-ngìn ke thú-thi, Song-chú tui siên-tî Yâ-li-mí án-ngiòng kóng:

2Oi hiong lie̍t-koet siên-pu liá-ke sêu-sit!

Oi khià-hí thai-khì!

Oi fat-chhut kûng-ko, kûng-khôi chhòn-po:

Pâ-pí-lùn ham-lo̍k lé!

Kì ke sṳ̀n-mìn Mâ-thu-khiet#50:2 “Mâ-thu-khiet” nang-ngoi ya ham-cho “Pí-le̍t” ya-he “Mí-lò-tha̍t”. kiâng-tó lé!

Pâ-pí-lùn ke ngiéu-siong su-tó siû-yu̍k;

kì khó-vu ke sṳ̀n-siong pûn-ngìn te̍p-sui lé!

3“Yû yit-ke koet-kâ tui pet-fông lòi kûng-tá Pâ-pí-lùn, sṳ́ kì chhiòn-thi fông-fi, mò-ngìn he̍t; ngìn lâu yâ-chhu chhiòn-phu chéu chhiang-chhiang.”

Yî-set-lie̍t-ngìn Chón Ku-hiông

4Song-chú kóng: “To ke-sṳ̀, Yî-set-lie̍t lâu Yù-thai ke ngìn-mìn voi khiung-ha lòi, kín-hàng kín-kieu lòi chhìm Ngài — kì-têu ke Song-ti. 5Kì-têu voi mun oi ngióng-pân chón-hi Siak-ôn. Kì-têu voi cheu ke fông-hiong lòi, lâu Ngài li̍p yún-yén ke yok, yún-yén m̀-voi m̀ ki-tet.

6“Ngài ke chṳ́-mìn chhiong mì-lu ke yòng. Kì-têu ke mu̍k-ngìn hoi kì-têu chhai sân-chûng mì-sṳt, tui yit-ke sân-thèu liù-long to nang-ngoi yit-ke sân-thèu, chhìm m̀-tó chhṳ-kâ ke yòng-liàu. 7Só-yû tù-tó kì-têu ke chhiu chiông kì-têu sṳ̍t-thet. Kì-têu ke thi̍t-ngìn kóng: ‘Ngài-têu án-ngiòng cho pin mò m̀-chho̍k, yîn-vi kì-têu tet-chhui Song-chú. Kì-têu ke chú-siên sin-kho Song-chú, kì-têu ya yin-kôi tui Song-chú chûng-sṳ̍t.’

8“Yî-set-lie̍t-ngìn â, oi kiak-kiak tui Pâ-pí-lùn thò-miang! Ngì-têu oi chhiong sân-yòng-kú án-ngiòng hàng chhai yòng-khiùn mien-chhièn, tai-thèu tui Pâ-pí-lùn-ngìn ke thi-fông chéu chhut-lòi! 9Ngài oi fat-thung pet-fông ke thai-koet lièn-ha̍p hí-lòi, kûng-tá Pâ-pí-lùn. Kì-têu voi pài-chhṳn chin-kûng, chiông Pâ-pí-lùn tá hâ-lòi. Kì-têu ke chien chhiong sṳ̀n-chien-sú sa ke chien, kî-kî sa-tó muk-phêu. 10Pâ-pí-lùn voi pûn-ngìn chhióng chhiang-chhiang; chhióng kì ke lûng-chúng voi chhióng-to tông mân-chiuk. Ngài — Song-chú án-ngiòng siên-pu lé.”

Pâ-pí-lùn Lùn-ham

11Song-chú kóng: “Pâ-pí-lùn-ngìn â, ngì-têu sṳt chhióng Ngài ke sán-ngia̍p, chhióng-to tông fôn-hí, chhiong chhai mu̍k-chhòng tha̍p-kuk ke ngiù-chhṳ-é, yu chhiong kín-sê ke mâ; 12chúng-he ke chhiong â-mê sên-yông ngì ke thai-sàng voi pûn-ngìn siû-yu̍k. Pâ-pí-lùn voi pien-cho chui-ngio̍k ke koet-kâ, sàng-cho khóng-yâ, hôn-thi, sâ-mo̍k. 13Yîn-vi Ngài thai fat-khién, mò ngìn yû khó-nèn ki-siu̍k he̍t chhai Pâ-pí-lùn. Kì voi vàn-chhiòn fông-fi; tak-ke ko-lu ngìn chhiòn-phu voi pûn kì só su ke châi-nan hak-tó, ya voi khon m̀-hí kì.

14“Kiûng-chien-sú â, oi pài-chhṳn chin-kûng, pâu-vì Pâ-pí-lùn! Oi khôi-kiûng, chiông chien tui-chún Pâ-pí-lùn, m̀-hó m̀ phan-tet ngì ke chien, yîn-vi kì tet-chhui Ngài — Song-chú. 15Oi chhai Pâ-pí-lùn ke si chû-vì thai-sâng hêm! Pâ-pí-lùn yí-kîn thèu-hòng lé, kì ke sú-mong-thap lap-thet, kì ke sàng-chhiòng pûn-ngìn chhak-thet lé. Yîn-vi Ngài oi po-fu̍k Pâ-pí-lùn-ngìn, ngì-têu ya oi hiong kì-têu po-sù; kì-têu ngióng-pân tui-thai phe̍t-ngìn, ngì-têu ya oi cheu án-ngiòng tui-thai kì-têu. 16M̀-hó pûn Pâ-pí-lùn-ngìn ve-chúng, ya m̀-hó pûn kì-têu khià vò-liàm sû-kot. Sàng-tú só-yû ke ngoi-koet ngìn vi-tó oi sám chhîm-fam ke kiûn-chhui chhiòn-phu oi chéu-chón pún-chhu̍k, pún-thi hi lé.”

Yî-set-lie̍t-ngìn Chón Ku-hiông

17Song-chú kóng: “Yî-set-lie̍t-ngìn chhiong pûn sṳ̂-é kiuk-san ke yòng-khiùn. Â-sut-vòng siên sṳ̍t kì-têu ke ngiuk; chui-heu Pâ-pí-lùn-vòng Nì-pu-kap-nì-sat khie kì-têu ke kut-thèu. 18Vi-tó liá yèn-ku, Ngài — Song-chú, Van-kiûn ke Ngièn-soi, Yî-set-lie̍t ke Song-ti oi chit-fa̍t Pâ-pí-lùn-vòng lâu kì ke koet-kâ, chhiong Ngài yî-chhièn chit-fa̍t Â-sut-vòng yit-yong. 19Ngài oi tai-liâng Yî-set-lie̍t-ngìn chón-to kì-têu ke ku-hiông. Kì-têu voi yû-hó sṳ̍t Kâ-me̍t-sân lâu Pâ-sân ke thú-sán, hióng-su Yî-fap-lièn sân-khî lâu Kî-lie̍t thi-khî chhut-sán ke ńg-kuk. 20To ke-sṳ̀, chhai Yî-set-lie̍t chhìm m̀-tó má-ke chhui-ngiak; chhai Yù-thai ya chhà m̀-chhut má-ke chhui-ok; yîn-vi Ngài só chhûn hâ-lòi ke chṳ́-mìn, Ngài oi sa-miên kì-têu. Ngài — Song-chú án-ngiòng siên-pu lé.”

Song-ti Sṳ́m-phan Pâ-pí-lùn

21Song-chú kóng: “Ngì-têu oi hi kûng-kit Mí-lâ-thai-vûng-ngìn lâu he̍t chhai Pí-kot ke ngìn-mìn, tûi kì-têu, chiông kì-têu chiáu-me̍t. Ngì-têu oi cheu Ngài ke min-lin chṳp-hàng. Ngài — Song-chú án-ngiòng siên-pu lé. 22Pâ-pí-lùn koet-nui voi thâng-tó chan-chên ke sâng, he thai fí-me̍t ke sâng. 23Pâ-pí-lùn sṳt chhiong thai thiet-chhùi chṳ̂n-fu̍k chhiòn sṳ-kie, chúng-he liá-ha liá thiet-chhùi voi pûn-ngìn chám-thôn tá-lan. Lie̍t-koet yîn-vi khon-tó kì ke fông-liòng chhiu chhin chho̍k-kiâng. 24Pâ-pí-lùn â, ngì lâu Ngài cho tui-thi̍t; ngì pûn Ngài chok-tó; ngì yí-kîn tiet-lo̍k Ngài vi ngì sat ke lò-mióng, chúng-he ngì hàn m̀-tî. 25Ngài yí-kîn tá-khôi chhông-khu, pân-chhut Ngài fat-khién ke sṳ̀ yung ke vú-hi; yîn-vi Ngài — Chṳ-kô ke Song-chú, Van-kiûn ke Ngièn-soi oi tui-fu Pâ-pí-lùn. 26Ngì-têu oi tui si-mien lòi chin-kûng! Tá-khôi kì ke kuk-chhông, chiông chan-li-phín tôi hí-lòi, chhiu-chhiong tôi-kuk khiung-yong! Oi chiông yit-chhiet me̍t chhiang-chhiang, má-ke tû m̀-hó liù hâ-lòi! 27Chhṳ̀-sí kì-têu ke sṳ-pîn! Chiông kì-têu chhiong ngiù-kú khiên-to thù-chái-chhòng chhiòn-phu sêu-me̍t! Pâ-pí-lùn-ngìn chhám lé! Kì-têu su chit-fa̍t ke ngit-è to lé!”

28(Tui Pâ-pí-lùn thò chhut-lòi ke nan-mìn chón-to Siak-ôn yî-heu, kì-têu yû kóng-hí Song-chú — ngài-têu ke Song-ti yîn-vi Pâ-pí-lùn-ngìn sêu-thet Kì ke sṳn-thien ngióng-pân sṳ̂-hàng po-fu̍k.)

29“Oi seu-si̍p kiûng-chien-sú chin-kûng Pâ-pí-lùn; ham só-yû voi sa-chien ke chhiòn-phu lòi ôn-yàng pâu-vì liá-sàng, m̀-chún yit-sà chéu-thet. Oi cheu kì yin-kôi su ke po-fu̍k kì; kì ngióng-pân tui-thai phe̍t-ngìn, chhiu cheu án-ngiòng tui-thai kì, yîn-vi kì kiêu-ngau phoi-ngia̍k Ngài — Song-chú, Yî-set-lie̍t ke sṳn-chá. 30Kì ke heu-sâng-ngìn voi chhai kiê-hong pûn-ngìn chhṳ̀-sí; só-yû ke chan-sṳ chhiòn-phu khiung-ngit thôn-hi, m̀-voi chhut-sâng. Ngài — Song-chú án-ngiòng siên-pu lé.

31“Pâ-pí-lùn â, ngì thet kiêu-ngau lé! Ngài — Chṳ-kô ke Song-chú, Van-kiûn ke Ngièn-soi oi lâu ngì cho tui-thi̍t! Ngài chit-fa̍t ngì ke ngit-è to lé. 32Ngì liá kiêu-ngau ke koet-kâ voi tiet-tó, mò-ngìn fù ngì hong hí-lòi. Ngài oi piong-fó sêu ngì ke sàng-sṳ, lièn chû-vì ke yit-chhiet ya voi sêu-to chhiang-chhiang.”

33Song-chú — Van-kiûn ke Ngièn-soi kóng: “Yî-set-lie̍t lâu Yù-thai ngìn-mìn chhiòn-phu pûn-ngìn khî-fu. Chok kì-têu ke ngìn chiông kì-têu hèn-hèn chok-tén, m̀-hén piong kì-têu chéu. 34Chúng-he kì-têu ke kiu-su̍k-chá thai-yû nèn-li̍t; Kì ke miàng he Song-chú — Van-kiûn ke Ngièn-soi. Kì oi chha̍t-tái vi kì-têu sṳ̂n-yên, sṳ́ chhiòn-thi tet-tó phìn-ôn; chúng-he, Kì oi sṳ́ Pâ-pí-lùn ngìn-mìn kiâng-to chhiòn-mò phìn-ôn.”

35Song-chú kóng:

Pâ-pí-lùn voi me̍t-mòng lé!

Voi yû tô-kiam lìm-to Pâ-pí-lùn ke ngìn-mìn, thúng-chhṳ-chá lâu mèu-sṳ!

36Voi yû tô-kiam lìm-to kì ke ká siên-tî,

sṳ́ kì-têu pien-to chhiong thai-ngong-fân!

Voi yû tô-kiam lìm-to kì ke chan-sṳ,

sṳ́ kì-têu kiâng-to pi̍t-pi̍t-chhat!

37Voi yû tô-kiam kûng-kit kì ke mâ-chhui lâu chan-chhâ,

lièn ngoi-koet chhiáng-lòi ke pîn-é ya voi pûn-ngìn chhṳ̀-sí;

kì-têu voi pien-cho chhiong fu-ńg án ngiôn-ngio̍k!

Chan-lon voi fí-me̍t kì ke chhòi-pó,

chhióng-chéu kì só-yû ke tûng-sî!

38Voi yû hôn-châi kong chhai kì ke hò-pa,

sṳ́ hò-pa chhiòn-phu châu-thet!

Pâ-pí-lùn he ngiéu-siong chhin-tô ke koet-kâ;

ngiéu-siong hoi ngìn-mìn pot-tiên.

39“Só-yî, khóng-yâ ke chéu-chhu, yâ-kiéu lâu thò-niâu voi chhai Pâ-pí-lùn chhut-ngi̍p; yún-yén m̀-voi yû-ngìn he̍t, sṳ-sṳ thoi-thoi m̀-voi chai yû-ngìn he̍t chhai ke-vi. 40Thèu-pái Ngài — Song-ti fí-me̍t Só-tô-mâ, Ngò-mô-lâ, pin chû-vì ke chhûn-chông, Pâ-pí-lùn ya voi án-ngiòng su-tó fí-me̍t, m̀-voi chai yû-ngìn chhai ke-vi he̍t. Ngài — Song-chú án-ngiòng siên-pu lé.”

41Khon â, yû yit-ke mìn-chhu̍k tui pet-fông lòi,

he yén-fông yit-ke khiòng-thai ke koet-kâ;

ya yû chhin-tô kiûn-vòng chún-phi lòi siông-chhṳ̀.

42Kì-têu yung kiûng-chien lâu tô-kiam chông-phi chhṳ-kâ;

kì-têu tông chhàn-ngiûn, mò lìn-mén ke sîm.

Kì-têu khì-mâ ke sâng,

chhiong hói-long ho-ho-kún;

kì-têu pài-chhṳn hó-se oi kûng-tá Pâ-pí-lùn.

43Pâ-pí-lùn-vòng thâng-tó liá fûng-sâng, sûng-sú chhiu ngiôn-thet;

kì chhiu-chhiong sán-fu chhṳn-thung, fî-sòng thung-khú.

44“Khon â, chhiu-chhiong sṳ̂-é tui Yok-tan hò-sùn ke su-nà chéu chhut-lòi, hi-to chhiâng-chhui ke mu̍k-chhòng; khiung-yong, Ngài oi fut-yèn-kiên pet Pâ-pí-lùn-ngìn thò-chéu lì-khôi kì-têu ke koet-kâ. Yèn-heu Ngài só sién-li̍p lòi cho-vòng ke, chhiu voi thúng-chhṳ liá koet-kâ. Má-ngìn cho-tet lâu Ngài pí? Má-ngìn kám ngiâ Ngài? Nai-ke thúng-chhṳ-chá kám fán-tui Ngài? 45Só-yî, ngì-têu oi thâng Ngài — Song-chú ke kie-va̍k: Ngài oi lâu Pâ-pí-lùn cho tui-thi̍t, tui-fu Pâ-pí-lùn ke ngìn-mìn, lièn kì-têu ke se-ngìn-è ya chhiòn-phu voi pûn-ngìn lâi-chéu; tak só-chhai voi chhûng-mân thai chho̍k-kiâng. 46Pâ-pí-lùn pûn-ngìn cham-liâng ke sṳ̀ voi yû thai sâng-yîm, lièn thi ya kín-chûn, mò-kat mò-sat ke kieu-sâng voi chhòn-to khì-thâ ke koet-kâ.”

Currently Selected:

Yâ-li-mí Sû 50: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yâ-li-mí Sû 50

Video for Yâ-li-mí Sû 50

Jeremiah 46-52

BibleProject

Yâ-li-mí Sû 50

Popular Bible Verses from
Yâ-li-mí Sû 50

Video for Yâ-li-mí Sû 50

Jeremiah 46-52

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Sû 50

Yâ-li-mí Sû 50

Popular Bible Verses from Yâ-li-mí Sû 50

Video for Yâ-li-mí Sû 50

Jeremiah 46-52

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yâ-li-mí Sû 50

Popular Bible Verses from
Yâ-li-mí Sû 50