Hò-sî-â Sû 9

Hò-sî-â Siên-pu Yî-set-lie̍t Oi Su ke Chit-fa̍t

1Yî-set-lie̍t-ngìn â, m̀-hó chai lâu yi-kau-thù khiung-yong án fôn-hí khin-chuk ngì-têu ke chiet-khì. Ngì-têu yí-kîn lì-khôi ngì-têu ke Song-ti, tui Kì put-chûng. Ngì-têu chhai tak-ke vò-thàng, chhiong kî-ńg án-ngiòng fôn-hí mai-sṳ̂n chhon-sṳ̍t. 2Chúng-he, vò-thàng ke ńg-kuk lâu yù-chhò ke kám-lám-yù mò-la ngì-têu sṳ̍t; phan-mong tet sîn-chiú ya khûng-khûng. 3Yî-set-lie̍t-ngìn cho-m̀-tet ki-siu̍k he̍t chhai Song-chú su-pûn kì-têu ke thú-thi song; kì-têu oi to-chón hi Âi-khi̍p, ya oi chhai Â-sut sṳ̍t mò chhiang-li ke sṳ̍t-vu̍t#9:3 “mò chhiang-li ke sṳ̍t-vu̍t”: Chhâm-kháu Li-vi Ki 11 chông.. 4Ke-sṳ̀, kì-têu mò khó-nèn chṳ̂m-chiú hien-pûn Song-chú, ya mò khó-nèn hiong Kì hien-chi. Kì-têu sṳ̍t ke tûng-sî chhiong sông-kâ ke sṳ̍t-vu̍t, voi tá-lá-sap sṳ̍t ke ngìn. Kì-têu ke sṳ̍t-vu̍t cho-tet sṳ̍t-páu thin-thin, cho-m̀-tet tai-ngi̍p Song-chú ke sṳn-thien cho chi-vu̍t. 5Án-ngiòng, chhai chṳ́-thin kin-pai Song-chú ke chiet-khì, kì-têu hàn cho-tet cho-má-ke nè? 6Yîn-vi, châi-nan voi to, kì-têu oi thò-chéu; chúng-he Âi-khi̍p-ngìn oi chiông kì-têu ke sṳ̂-thí sû chón-hi, ham Men-fì-sṳ̂-ngìn chiông kì-têu mài-thet! Kì-têu ke kâ-yèn, khong chhòi-pó ke só-chhai, chiông-lòi voi sâng-mân chha̍p-chhó lâu net-è.

7Chit-fa̍t ke ngit-è to lé! Po-yin ke ngit-è to lé! Liá-sṳ fat-sên ke sṳ̀, Yî-set-lie̍t chhiu tî lé! Ngì-têu kóng: “Liá siên-tî he thai ngong-kú; liá pûn lìn kám-thung ke ngìn he tiên-é.” Ngì-têu chhui-thai ok-khi̍t, chang án-ngiòng nâu ngài. 8Ngài he lâu Song-ti thùng-hàng ke siên-tî, chhiu-he Yî-set-lie̍t ke sú-mong-chá. Chúng-he, ngài mò-lun to má-ke só-chhai hi, kì-têu sat lò-mióng oi hoi ngài, chhiong chok tiâu-é khiung-yong. Chhai Song-ti ke thú-thi, tù-tó ngài ke kin-yèn chhiòn-phu khon ngài cho thi̍t-ngìn. 9Liá-têu ngìn yí-kîn chhṳ̀m-lo̍k chhui-ok tông-chûng, chhiu-chhiong kì-têu yî-chhièn chhai Kî-pí-â#9:9 “Kî-pí-â”: Liá-sàng chhai Phien-ngâ-mén kî-chhu̍k kin-nui, liá kî-chhu̍k ke Yî-set-lie̍t-ngìn chhai liá-vi khiòng-kiên Li-vi-ngìn ke se-chiá, yîn-hí nui-chan, Phien-ngâ-mén kî-chhu̍k chhâ-m̀-tô pûn-ngìn sêu-me̍t (khon Sṳ-sṳ̂ Ki 19–21). ke sṳ̀ khiung-yong. Song-ti yit-thin voi ki-tet kì-têu ke chhui-ok, chit-fa̍t kì-têu.

Yî-set-lie̍t ke Chhui lâu Kiet-khiu̍k

10Song-chú kóng: “Ngài thèu-pái tù-tó Yî-set-lie̍t, chhiu-chhiong chhai khóng-yâ fat-hien phù-thò; Ngài thèu-pái tù-tó ngì-têu ke chú-siên, chhiu-chhiong chhai vù-fâ-kó-su táng chhìm-tó sîn-chhut ke kó-chṳ́. Chúng-he, kì-têu yit lòi-to Phî-ngí-sân, chhiu khôi-sṳ́ pai Pâ-li̍t liá án kien-seu ke sṳ̀n-mìn, tông-kiak chhiu pien-cho lâu kì-têu só-oi ke sṳ̀n-mìn khiung-yong sià-ok. 11Yî-set-lie̍t ke kông-yùng voi chhiong tiâu-é pî-chéu. Chhai koet-nui, fu-ngìn-kâ m̀-voi chai kiung, m̀-voi chai fài-thôi, ya m̀-voi chai yû sṳ̂n-hong. 12Chhiu-son kì-têu yû yông-yuk se-ngìn-è, Ngài ya oi sṳ́ kì-têu ke chṳ́-ńg sí-thet, yit-ke ya mò-liù. Ngài lì-khôi Ngài ke chṳ́-mìn, ke-sṳ̀ kì-têu chhiu yû châi-fo lé!”

13Song-chú â! Ngài khon-tó Yî-set-lie̍t ke chṳ́-ńg chu-thin oi pûn-ngìn chok-hi#9:13 “chu-thin oi pûn-ngìn chok-hi” Hî-pak-lòi-vùn ke yi-sṳ mò chhîn-chhú., oi pûn-ngìn chhṳ̀. 14Án-ngiòng, ngài yin-kôi ngióng-pân khiù Ngì tui-thai Ngì ke chṳ́-mìn nè? Khiù Ngì sṳ́ kì-têu ke fu-ngìn-kâ lau-thôi, ya mò nen-súi!

Song-chú Sṳ́m-phan Yî-set-lie̍t-ngìn

15Song-chú kóng: “Yî-set-lie̍t-ngìn chhai Kit-kap hàng yit-chhiet ke ok-sṳ, Ngài chhiu-he chhai ke-vi khôi-sṳ́ hen kì-têu. Yîn-vi kì-têu só-cho ke fái-sṳ, Ngài oi chiông kì-têu kiuk-chhut Ngài ke thú-thi. Ngài m̀-voi chai siak kì-têu, yîn-vi kì-têu só-yû ke kôn-chóng chhiòn-phu phoi-ngia̍k Ngài. 16Yî-set-lie̍t-ngìn oi su chit-fa̍t chhiong su-thèu châu-thet, m̀-voi kiet kó-chṳ́. Kì-têu m̀-voi yû heu-thoi; chhiu-son kì-têu kiung se-ngìn-è, Ngài ya yit-thin oi chiông kì-têu só-oi ke chṳ́-ńg chhṳ̀-thet.”

Siên-tî Lun Yî-set-lie̍t

17Ngài só sṳ-fung ke Song-ti oi vok-thet Kì ke chṳ́-mìn. Yîn-vi kì-têu m̀ thâng-chhiùng Kì; kì-têu oi chhai lie̍t-koet chûng liù-long.

Currently Selected:

Hò-sî-â Sû 9: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Hò-sî-â Sû 9

Videos for Hò-sî-â Sû 9

Hosea 4-10

BibleProject

Hosea 8-10

Spoken Gospel

Hò-sî-â Sû 9

Popular Bible Verses from
Hò-sî-â Sû 9

Videos for Hò-sî-â Sû 9

Hosea 4-10

Hosea 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 9

Hò-sî-â Sû 9

Popular Bible Verses from Hò-sî-â Sû 9

Videos for Hò-sî-â Sû 9

Hosea 4-10

Hosea 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 9

Popular Bible Verses from
Hò-sî-â Sû 9