Hò-sî-â Sû 10

1Yî-set-lie̍t-ngìn he tô-sán ke phù-thò-su. Kì-têu ye̍t fàn-yùng, chi-thàn ye̍t chen-kâ; kì-têu ke thú-thi chhut-sán ye̍t fûng-fu, só-pai ke sa̍k-chhû-siong ya tá-pan to ye̍t-chiâng. 2Kì-têu sîm-fài kúi-cha, só-yî liá-ha yit-thin oi yîn chhṳ-kâ ke chhui su chit-fa̍t. Song-ti oi chhak-thet kì-têu ke chi-thàn, tá-fái kì-têu só-pai ke sa̍k-chhû-siong.

3Kì-têu chhiu voi kóng: “Ngài-têu mò kiûn-vòng, yîn-vi ngài-têu m̀ kin-vi Song-chú. Chúng-he, kiûn-vòng to-tái nèn vi ngài-têu cho-má-ke nè?” 4Kì-têu kóng khûng-fa, li̍p ká-sṳ, thin mò-háu ke thiàu-yok. Nàn-koai, ngìn tá kôn-sṳ̂ chhiu-chhiong thu̍k-chhó sâng-mân lài-hó ke thièn.

5Sat-mâ-li-â ke ngìn-mìn oi vi-tó Pak-Â-vùn#10:5 “Pak-Â-vùn”: Chhâm-kháu 4:15. ke kîm ngiù-siong tông chho̍k-kiâng. Kì-têu lâu chung-yi liá ngiéu-siong ke chi-sṳ̂, chhiòn-phu oi yîn kîm ngiù-siong sṳt-thet ngièn-tán ke kông-yùng chhiu chhin pî-sông. 6Liá ngiéu-siong voi pûn-ngìn tai-to Â-sut, cho lî-vu̍t hien-pûn Â-sut thai-vòng. Yî-set-lie̍t voi chhin kien-seu, kì-têu voi yîn-vi pai ngiéu-siong tù-tó kien-seu. 7Sat-mâ-li-â ke kiûn-vòng voi pûn-ngìn chok-hi, chhiong se su-khoá pûn súi chhùng-chéu. 8Pak-Â-vùn#10:8 “Pak-Â-vùn” Hî-pak-lòi-vùn chhṳ̍t-yi̍t he “Â-vùn”, yi-sṳ he “sià-ok” ya-he “ngiéu-siong”, chhai liá-vi khó-nèn chṳ́ “Pak-thi̍t-li” (khon 4:15). sân-kông táng ke chi-thàn, chhiu-he Yî-set-lie̍t-ngìn fam-chhui ke só-chhai, chhiòn-phu oi fí-me̍t. Kì-têu ke chi-thàn voi sâng-mân net-è lâu chhi̍t-lì. Kì-têu voi hiong thai-sân kóng: “Chiông ngài-têu khièm-tén!” Tui se-sân kóng: “Chak chhai ngài-têu sṳ̂n-song â!”

Song-chú Sṳ́m-phan Yî-set-lie̍t

9Song-chú kóng: “Chhṳ-chhiùng chhai Kî-pí-â#10:9 “Kî-pí-â”: Chhâm-kháu 9:9. fam-chhui yî-heu, Yî-set-lie̍t-ngìn yit-chhṳ̍t tet-chhui Ngài, kì-têu láu-tó tui-fu sià-ok ngìn-mìn ke chan-chên m̀-voi lìm-to kì-têu. 10Ngài oi sùi-yi chit-fa̍t kì-têu. Lie̍t-koet oi lièn-ha̍p hí-lòi kûng-tá kì-têu; kì-têu oi yîn-vi chúng-chúng ke chhui su chit-fa̍t.

11“Yî-set-lie̍t ngièn-tán chhiong yit-thiàu koâi ke ngiù-mà, sùi-sṳ̀ ngien-yi tha̍p-kuk. Ngài chhiu chiông ngiù-ak piong chhai kì yu-phì yu-chiâng ke kiáng-kîn, lòi sṳ́ kì. Ngài ham Yù-thai lài-thièn, ham Yî-set-lie̍t phà-thi. 12Ngài kóng: ‘Ngì-têu oi vi chhṳ-kâ khôi fông-thi, ve kûng-ngi, sû-sṳ̀n chhṳ̀-oi. Ngài he Song-chú, liá-ha chhiu-he ngì-têu chhìm-khiù Ngài ke sṳ̀-chiet, tén Ngài lòi-to, oi kong-hâ kûng-ngi chhiong lo̍k thai-yí.’ 13Chúng-he ngì-têu m̀-thâng, fán-chón ve sià-ok, sû-sṳ̀n chhui-ngiak, sṳ̍t fâ-liâu ke ok-kó.

“Yîn-vi ngì-têu yí-kho chhṳ-kâ ke li̍t-liong lâu thai-chhṳn ke kiûn-chhui, 14chan-chên oi lìm-to ngìn-mìn, sàng-pó chhiòn-phu voi fí-fái. Ke chhìn-khóng voi chhiong Sâ-le̍t-man-vòng fí-fái Pak-Â-pí-le̍t-sàng khiung-yong án chhî-chhám: Cho â-mê ke lâu kì-têu ke chṳ́-ńg chhiòn-phu voi pûn-ngìn te̍p-sí. 15Pak-thi̍t-li-ngìn â! Yîn-vi ngì-têu só-fam ke thai-chhui, ngì-têu ya oi su-tó khiung-yong ke châi-nan. Chan-chên yit fat-sên, Yî-set-lie̍t ke kiûn-vòng chhiu voi pûn-ngìn me̍t-thet.”

Currently Selected:

Hò-sî-â Sû 10: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Hò-sî-â Sû 10

Videos for Hò-sî-â Sû 10

Hosea 4-10

BibleProject

Hosea 8-10

Spoken Gospel

Hò-sî-â Sû 10

Popular Bible Verses from
Hò-sî-â Sû 10

Videos for Hò-sî-â Sû 10

Hosea 4-10

Hosea 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 10

Hò-sî-â Sû 10

Popular Bible Verses from Hò-sî-â Sû 10

Videos for Hò-sî-â Sû 10

Hosea 4-10

Hosea 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 10

Popular Bible Verses from
Hò-sî-â Sû 10