Hò-sî-â Sû 8

Song-chú Chit-phi Yî-set-lie̍t-ngìn Pai Ngiéu-siong

1Song-chú kóng: “Oi phùn yòng-kok â! Thi̍t-ngìn chhiu-chhiong ên-tiâu kûng-kit Ngài ke thú-thi. Ngài ke chṳ́-mìn yí-kîn vì-poi Ngài lâu kì-têu só-li̍p ke yok, vì-fam Ngài ke kau-hiun. 2Sûi-yèn kì-têu hiong Ngài ôi-khiù, kóng: ‘Ngài-têu ke Song-ti â, ngài-têu Yî-set-lie̍t-ngìn ngin-sṳt Ngì!’ 3Chúng-he kì-têu khî-chhie̍t liòng-san. Só-yî, thi̍t-ngìn yit-thin voi kiuk-tó kì-têu.

4“Kì-têu m̀ cheu Ngài ke yi-sṳ sién-li̍p kiûn-vòng; chṳ́-phai liâng-chhiu me mò tet-tó Ngài ke thùng-yi. Kì-têu yung kîm-ngiùn chṳ-chho ngiéu-siong, hoi chhṳ-kâ ngiâ-lòi me̍t-mòng. 5Sat-mâ-li-â-ngìn â, Ngài oi piâng-thet ngì-têu só-pai ke kîm ngiù-siong; Ngài tui pai ngiéu-siong ke ngìn thai fat-khién. Ngì-têu oi to kí-sṳ̀ chang voi vok-thet ngiéu-siong nè? 6Yî-set-lie̍t ke sṳ̂-fu chṳ-chho ngiéu-siong, chúng-he liá ngiéu-siong pin m̀-he sṳ̀n. Sat-mâ-li-â ke kîm ngiù-siong yit-thin oi tá-to sui-sui. 7Kì-têu ve ke he fûng, sû ke he khòng-fûng! Fat-ngà chúng-he m̀-voi tá-chṳ́, ya mo m̀-chhut mien-fún; chhiu-son cho-sṳ̀n mien-fún, ya voi pûn ngoi-koet-ngìn sṳ̍t-thet. 8Yî-set-lie̍t pûn-ngìn sṳ̍t-thet; liá-ha chhai lie̍t-koet chûng, chhiong lan-thet ke fì-è, mò pan-si̍t lu-yung. 9Kì-têu chhiong yâ-lì án ngang-kiáng hàng chhṳ-kâ ke lu; kì-têu hi kho Â-sut-koet, yu nâ-chhièn sû-mâi ngoi-koet lòi pó-fu kì. 10Chúng-he Ngài oi chiông kì-têu chhiòn-phu si̍p khiung-ha, hìn-fa̍t kì-têu. Tông Â-sut ke thai-vòng ap-pet kì-têu ke sṳ̀, kì-têu chhiu oi chhiam-chhiam sôi-ngio̍k.

11“Vi-tó oi chhù-thet chhṳ-kâ ke chhui, Yî-set-lie̍t-ngìn hí chhin-tô chi-thàn; chi-thàn ye̍t-tô, fán-chón fam ye̍t-tô chhui. 12Ngài vi kì-têu siá chhin-tô fap-li̍t, chúng-he kì-têu chhiòn-mò khon-chhûng, chhiu-chhiong lâu kì-têu mò koân-he khiung-yong. 13Kì-têu hiong Ngài hien-chi, thâm-sṳ̍t chi-ko ke ngiuk; chúng-he Ngài — Song-chú m̀ tân-chhiang mò fôn-hí liá-têu chi, fán-chón oi ki-tet kì-têu ke chhui, chit-fa̍t kì-têu; Ngài oi chiông kì-têu sung-chón Âi-khi̍p.

14“Yî-set-lie̍t-ngìn hí tông-tô vòng-kiûng, chúng-he m̀ ki-tet kì-têu ke Chhóng-chho Chú; Yù-thai-ngìn hí tông-tô kiên-ku ke sàng-pó. Chúng-he Ngài oi kong-fó sêu-thet kì-têu ke vòng-kiûng lâu sàng-pó.”

Currently Selected:

Hò-sî-â Sû 8: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Hò-sî-â Sû 8

Videos for Hò-sî-â Sû 8

Hosea 4-10

BibleProject

Hosea 8-10

Spoken Gospel

Hò-sî-â Sû 8

Popular Bible Verses from
Hò-sî-â Sû 8

Videos for Hò-sî-â Sû 8

Hosea 4-10

Hosea 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 8

Hò-sî-â Sû 8

Popular Bible Verses from Hò-sî-â Sû 8

Videos for Hò-sî-â Sû 8

Hosea 4-10

Hosea 8-10

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 8

Popular Bible Verses from
Hò-sî-â Sû 8