Hò-sî-â Sû 7

1“Ngài sióng-oi fu̍k-hîn Yî-set-lie̍t, yî-chhṳ Ngài chṳ́-mìn ke sṳ̀, Ngài chhiu khon-tó kì-têu chhai koet-nui lâu Sat-mâ-li-â-sàng ke chhui-ok: Kì-têu khî-phien, cho-chhe̍t, chhai kiê-lu tá-kiap; 2kì-têu mò sióng-tó Ngài voi ki-tet liá yit-chhiet ke chhui-ok; kì-têu chhui-ok mân-mân, chhiòn-phu hién-mìn chhai Ngài ke mien-chhièn.”

Kiûng-thìn Nui-teu

3Song-chú kóng: “Kì-têu cho fái-sṳ lòi sṳ́ kiûn-vòng fôn-hí, kóng fâ-liâu lòi sṳ́ liâng-chhiu khoai-lo̍k. 4Kì-têu chhiòn-phu phoi-ngia̍k, mò chûng-sîm. Kì-têu ke chhui-ok chhiong fó-lù tú hip-tén ke fó, cho-piáng sṳ̂-fu chhai mien-thòn fat hí-lòi yî-chhièn, hàn m̀-kám hi kiâu thîn-thûng, pûn fó mâng hí-lòi. 5Koet-vòng yû hí-sṳ ke sṳ̀, kì-têu sṳ́ liâng-chhiu lîm ngiàm-chiú to pot chiú-tiên, lièn koet-vòng ya pûn kì-têu phien-tó, hi lâu poi-phan ke ngìn khiên-sú. 6Kì-têu ke yîm-mèu chhiong hip chhai fó-lù tú ke fó, kûi am-pû chhut-yên, thiên-kông fó chho̍k-to tông-mâng.

7“Kì-têu chhiong tông-mâng ke fó chiông kì-têu ke liâng-chhiu sêu-thet. Kiûn-vòng ya yit-ke yit-ke pûn kì-têu tá vang-thet, chúng-he mò yit-sà hiong Ngài khiù pông-chhu.”

Yî-set-lie̍t lâu Lie̍t-koet

8Song-chú kóng: “Yî-set-lie̍t-ngìn lâu ngoi-pâng-ngìn chhâm-chha̍p khiung-ha, chhiong phoi ke piáng mò pién-mien, pan-sâng-su̍k. 9Kì-têu yí-kho chû-vì ke koet-kâ, fán-chón pûn só yí-kho ke sṳ-li̍t thûn-sṳ̍t thet. Kì-têu chhiong thèu-nà-mô kín pha̍k, ya m̀-tî chhṳ-kâ ke sí-khì voi to lé. 10Yî-set-lie̍t-ngìn ke kiêu-ngau chhiu-he kì-têu tet-chhui ke chṳn-kí. Sûi-yèn án-ngiòng, kì-têu hàn-he m̀ kûi-hiong Ngài — Song-chú, kì-têu ke Song-ti, hàn-he m̀ chhìm-khiù Ngài. 11Yî-set-lie̍t-ngìn chhiong ngong ngie̍t-kap-è pî-lòi pî-hi; kì-têu hiong Âi-khi̍p khiù pông-chhu, yu hiong Â-sut khiù pông-chhu. 12Ngài oi chhai lu-hong sat lò-mióng, chhiong chok tiâu-é án-ngiòng lòi chok kì-têu. Ngài thâng kì-têu chhai chhi-si̍p chhiâm-yok ke sṳ̀, Ngài oi chit-fa̍t kì-têu.

13“Chhám lé! Kì-têu oi tù-tó châi-nan lé! Yîn-vi kì-têu lì-khôi Ngài. Kì-têu voi pûn-ngìn fí-me̍t lé, yîn-vi kì-têu phoi-ngia̍k Ngài. Ngài sióng-oi chṳ́n-kiu kì-têu, chúng-he kì-têu kóng pha̍k-chhe̍t fán-tui Ngài. 14Kì-têu m̀-he chṳ̂n-sîm hiong Ngài khì-khiù, fán-chón ho̍k yi-kau-thù chhai mìn-chhòng táng chhin-hêm chhin-sê; kì-têu kot-sông chhṳ-kâ, lòi khiù ńg-kuk mî-chiú. Kì-têu sṳ̍t-chhai he phan-thù! 15He Ngài yông-yuk kì-têu, sṳ́ kì-têu khiòng-chong, chúng-he kì-têu tiên-to thù-mèu fán-khong Ngài. 16Kì-têu yit-chhṳ̍t phoi-ngia̍k Ngài, hi thèn ke-têu mò lu-yung ke sṳ̀n-mìn#7:16 “hi thèn ... sṳ̀n-mìn” Hî-pak-lòi-vùn ke yi-sṳ mò chhîn-chhú.. Kì-têu lâu ngiú vâi-thet ke kiûng khiung-yong yung m̀-tet. Kì-têu ke liâng-chhiu voi sí chhai tô-hâ, yîn-vi kì-têu kóng kiêu-ngau ke fa. Liá-sṳ oi sàng-cho Âi-khi̍p-ngìn ke seu-piang.”

Currently Selected:

Hò-sî-â Sû 7: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Hò-sî-â Sû 7

Videos for Hò-sî-â Sû 7

Hosea 4-10

BibleProject

Hosea 6-7

Spoken Gospel

Hò-sî-â Sû 7

Popular Bible Verses from
Hò-sî-â Sû 7

Videos for Hò-sî-â Sû 7

Hosea 4-10

Hosea 6-7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 7

Hò-sî-â Sû 7

Popular Bible Verses from Hò-sî-â Sû 7

Videos for Hò-sî-â Sû 7

Hosea 4-10

Hosea 6-7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Hò-sî-â Sû 7

Popular Bible Verses from
Hò-sî-â Sû 7