Yî-sî-kiet Sû 8

Yî-sî-kiet Khon-tó ke Thi-ngi Ke Yi-siong

(8:1–11:25)

Yâ-lu-sat-lâng-sàng ke Ngiéu-siong Chhùng-pai

1Ngài-têu pûn-ngìn chok-lòi ke thi-liuk ngièn, liuk-ngie̍t chhû-ńg, ke-têu tui Yù-thai pûn-ngìn chok-lòi ke chóng-ló to ngâ vuk-hâ lòi khon ngài. Chṳ-kô Song-chú ke nèn-li̍t fut-yèn-kiên lìm-to ngài. 2Ngài yit-khon, khon-tó yit-ke hìn-siong chhiong ngìn ke yong-é; kì ke sṳ̂n-thí yêu-khiên hâ-poi chhiong fó, yêu-khiên yî-song chhiong fat-kông ke sùn-kîm#8:2 Chhâm-kháu 1:4, 27.. 3Kì chhûn-chhut yit-chak chhiong sú ke yong-é, chok-tén ngài ke thèu-nà-mô. Chiap-tén, chhai yi-siong chûng, Song-ti ke Lìn chiông ngài khià-to khûng-chûng, tai ngài to Yâ-lu-sat-lâng, to sṳn-thien pet-mùn nui-yen ke ngi̍p-héu. Ke-vi yû yit-chak ngiâ Song-ti fat-khién ke ngiéu-siong.

4Chhai ke-vi, ngài khon-tó Yî-set-lie̍t Song-ti ke yùng-kông, chhiu-chhiong ngài chhai Kâ-pâ-lû hò-pa sùn só khon-tó ke khiung-yong. 5Song-ti lâu ngài kóng: “Ngìn-chṳ́ â, ngì hiong-pet khon!” Ngài chhiu hiong-pet khon, chhiu khon-tó chhai chéu-lòng ngi̍p-héu ke chi-thàn sùn-thèu, ke-vi yû yit-chak ngiâ Song-ti fat-khién ke ngiéu-siong.

6Song-ti lâu ngài kóng: “Ngìn-chṳ́ â, ngì khon-tó kì-têu cho má-ke mò? Ngì khon, Yî-set-lie̍t-ngìn chhai liá-vi cho án sià-ok ke sṳ, pet Ngài lì-khôi Ngài ke sṳn-só yén-yén. Chúng-he, ngì voi khon-tó pí liá hàn-kha sià-ok ke sṳ.”

7Kì tai ngài hi ngoi-yen ke ngi̍p-héu, khon-tó vì-chhiòng yû yit-chak khûng-é. 8Kì kóng: “Ngìn-chṳ́ â, ngì oi chhai vì-chhiòng liá-vi yet yit-chak thai khûng-é.” Ngài yet yit-chak thai khûng-é, khon-tó yû yit-chak mùn. 9Kì lâu ngài kóng: “Ngi̍p-hi, khon kì-têu chhai ke-vi só-cho sià-ok ke fái-sṳ.” 10Ngài chhiu ngi̍p-hi khon; khon-tó mân-piak va̍k tông-tô sà lâu khì-thâ mò chhiang-li ke thung-vu̍t, hàn-yû Yî-set-lie̍t-ngìn só-pai ke ngiéu-siong. 11Yû chhit-sṳ̍p ke Yî-set-lie̍t chóng-ló chhai ke-vi, Sâ-fân ke lai-é Ngâ-sat-nì-â ya chhai tông-chûng. Tak-sà têu-tén yit-chak hiông-lù, yên ke hiông-mi chhung-tén sông. 12Song-ti lâu ngài kóng: “Ngìn-chṳ́ â, ngì yû khon-tó Yî-set-lie̍t ke chóng-ló thêu-thêu-é cho má-ke mò? Kì-têu chhai chhûng-mân ngiéu-siong ke fòng-kiên tú lî-pai. Kì-têu chhìm lî-yù kóng: ‘Song-chú khon m̀-tó ngài-têu; Kì fit-thet liá só-chhai lé.’ ”

13Chiap-tén, Song-chú lâu ngài kóng: “Ngì hàn-voi khon-tó kì-têu cho pí liá hàn-kha sià-ok ke sṳ.” 14Yèn-heu Kì tai ngài to sṳn-thien pet-mùn, pûn ngài khon yit-khiùn fu-ngìn-kâ; kì-têu tú-hó chhô chhai ke-vi vi Tap-mù-sṳ̂-sṳ̀n#8:14 “Tap-mù-sṳ̂-sṳ̀n”: Pâ-pí-lùn ke sṳ̀n-mìn. Pâ-pí-lùn-ngìn ngin-vì chhṳ̍t-vu̍t khû-châu sí-thet ke sṳ̀, Tap-mù-sṳ̂-sṳ̀n ya sí-thet, thi-ngi ngièn chai sâng ko-lòi. Fu-ngìn-kâ voi vi liá lî-ngì song ke sí lòi kieu-chṳ̂. ke sí kieu-chṳ̂.

15Song-chú kóng: “Ngìn-chṳ́ â, ngì yû khon-tó mò? Ngì hàn-voi khon-tó pí liá hàn-kha sià-ok ke sṳ.” 16Yèn-heu Kì tai ngài to sṳn-thien ke nui-yen. Chhai sṳn-thien nui-yen ke ngi̍p-héu, chhai chi-thàn lâu chéu-lòng chûng-kiên, thai-yok yû ngi-sṳ̍p ńg-ke ngìn, poi hiong nui-yen, mien-hiong tûng-fông, chhai pai chang chhut-lòi ke ngit-thèu.

17Song-chú lâu ngài kóng: “Ngìn-chṳ́ â, ngì yû khon-tó mò? Ngì khon, liá-têu Yù-thai-ngìn chhai chhiòn-koet tak só-chhai hàng phau-li̍t ke sṳ hàn m̀ mân-chiuk, hàn-oi chéu-to sṳn-thien tú lòi cho liá sià-ok ke sṳ lòi ngiâ Ngài fat-khién. Khon â, kì-têu yung chui mò lî ke hàng-thung#8:17 “yung chui mò lî ke hàng-thung” Hî-pak-lòi-vùn chhṳ̍t-yi̍t he “chiông su-kî chṳ́-hiong phi-kûng”, khó-nèn chṳ́ tông-sṳ̀ ke yit-chúng yi-kau ngì-sṳt, ya-he yit-chúng péu-sṳ khon-khiâng ke hàng-thung. vú-yu̍k Ngài. 18Só-yî, Ngài oi hiong kì-têu thai fat-khién. Ngài m̀ ngièu kì-têu, ya m̀ lìn-mén kì-têu. Chhiu-son kì-têu thai-sâng hêm lòi-khiù Ngài, Ngài ya m̀-thâng.”

Currently Selected:

Yî-sî-kiet Sû 8: THV12Rdb

Highlight

Copy

Compare