Yî-sî-kiet Sû 7

Yî-set-lie̍t ke Kiet-khiu̍k Khiun lé

1Song-chú lâu ngài kóng-fa; 2Kì kóng: “Ngìn-chṳ́ â, liá chhiu-he Ngài — Chṳ-kô ke Song-chú oi tui Yî-set-lie̍t-thi siên-pu ke fa: Yî-set-lie̍t kôi-sí lé, chhiòn-thi ke kiet-suk khiun lé!

3“Yî-set-lie̍t â, ngì ke kiet-suk to lé. Ngài oi hiong ngì fat-chhut Ngài ke thai fat-khién. Ngài oi yîn-vi ngì só-cho ke sṳ sṳ́m-phan ngì; Ngài oi yîn-vi ngì sià-ok ke hàng-vì chit-fa̍t ngì. 4Ngài m̀ ngièu ngì, ya m̀ lìn-mén ngì. Ngài oi yîn-vi ngì só-cho sià-ok ke sṳ chit-fa̍t ngì. Án-ngiòng, ngì chhiu voi tî Ngài he Song-chú.”

5Chṳ-kô ke Song-chú án-ngiòng kóng: “Châi-nan oi yit-pái yu yit-pái#7:5 “Châi-nan oi yit-pái yu yit-pái” ya-he yi̍t-cho “Châi-nan, vì-yit ke châi-nan oi”. lìm-to ngì. 6Kôi-sí lé, kiet-khiu̍k khiun lé. Ngì tî sí lé! 7Yî-set-lie̍t ngìn-mìn ke kiet-khiu̍k to lé. Sân-táng ke chi-thàn m̀-voi chai yû fôn-lo̍k, chṳ́-yû fun-lon; ke ngit-è voi to lé.

8“Ngài tông-kiak chhiu oi hiong ngì piang-chhut Ngài ke thai fat-khién. Ngài oi cheu ngì só-cho ke sṳ sṳ́m-phan ngì; Ngài oi cheu ngì só-cho sià-ok ke sṳ chit-fa̍t ngì. 9Ngài m̀ ngièu ngì, ya m̀ lìn-mén ngì. Ngài oi cheu ngì só-cho sià-ok ke sṳ chit-fa̍t ngì. Án-ngiòng, ngì chhiu voi tî he Ngài Song-chú chhai chit-fa̍t ngì.”

10Châi-nan ke ngit-è to lé. Tak-vi tû yû phau-li̍t lâu kiêu-ngau ke sṳ fat-sên. 11Chhàn-phau sàng-cho fái-ngìn ke khièn-sṳ. Yî-set-lie̍t-ngìn ke chhòi-sán, thí-mien, kông-chhái chhiòn-phu mò lé.

12Sṳ̀-kî to lé, ngit-è khiun lé; mâi ke ngìn m̀-sṳ́ fôn-hí, mai ke ngìn ya m̀-sṳ́ yù-sèu; yîn-vi Song-ti ke thai fat-khién voi lìm-to tak-sà ke sṳ̂n-hong. 13Mò yit-ke sên-lî-ngìn chhai hàn-sâng ke sṳ̀ chhon tet-chón kì só sún-sṳt ke, yîn-vi Song-ti ke thai fat-khién voi lìm-to tak-sà ke sṳ̂n-hong. Fái-ngìn cho-m̀-tet sên-chhùn. 14Ho-kok hióng lé; tak-sà chún-phi hó lé. Chúng-he mò-ngìn chhut-hi siông-chhṳ̀, yîn-vi Song-ti ke thai fat-khién voi lìm-to tak-sà ke sṳ̂n-hong.

Chit-fa̍t Yî-set-lie̍t ke Chhui-ok

15Ngoi-poi yû chan-chên, nui-tú yû pot-vûn, kî-fông. Sàng-ngoi ke ngìn chhiòn-phu oi sí chhai tô-kiam hâ; sàng-tú ke ngìn chhiòn-phu oi phiang-sí, ngo-sí. 16Yû-têu ngìn oi chhiong sân-lak tú chho̍k-kiâng ke ngie̍t-kap-è thò-to sân-táng hi. Kì-têu chhiòn-phu vi chhṳ-kâ ke chhui chhin-chhên. 17Tak-sà chhiòn-phu sú-ngiôn kiok-lài. 18Kì-têu oi chok mà-sâm, chhiòn-sṳ̂n pi̍t-pi̍t-chhat, thi-kông-thèu, chhin kien-seu. 19Kì-têu oi chiông kîm-ngiùn te̍p-to kiê-hong, chhiu-chhiong vok-thet lá-sap. Yîn-vi chhai Song-chú thai fat-khién ke ngit-è, kîm-ngiùn kiu m̀-tó kì-têu. Kîm-ngiùn mò fap-thu mân-chiuk kì-têu ke yu̍k-mong, ya mò fap-thu sṳ́ kì-têu ke tú-sṳ́ sṳ̍t-páu. Kîm-ngiùn fán-chón yín-yu kì-têu fam-chhui. 20Kì-têu sṳt khoâ-khiéu kì-têu ke chû-pó chhin-chiâng, chúng-he kì-têu yung ke-têu chû-pó chho sià-ok ke ngiéu-siong. Só-yî, Song-chú sṳ́ kì-têu khon chhṳ-kâ ke chû-pó cho lá-sap.

21Song-chú kóng: “Ngài oi pûn ngoi-koet-ngìn lòi-chhióng kì-têu, ham mò thiên-liòng ke ngìn chhióng-tho̍t kì-têu ke chû-pó, yu thai-thai vú-yu̍k. 22Ngài só pó-kui ke sṳn-thien pûn-ngìn siet-thu̍k ke sṳ̀, khiòng-tho ngi̍p-hi, vú-yu̍k kì ke sṳ̀, Ngài chhie̍t-tui m̀-voi kôn-sa̍p.

23“Chhiòn-koet fun-lon#7:23 “Chhiòn-koet fun-lon” he kîn-kí yit kú yi̍t-pún, Hî-pak-lòi-vùn chhṳ̍t-yi̍t he “Oi chho só-lien”.. Thi-mien-song hiûng-sat chhûng-mân, sàng-sṳ tú chhàn-phau ke sṳ mân-phien he. 24Ngài oi chiông chhin-ok ke mìn-chhu̍k tai-to liá-vi lòi, cham-liâng ngì-têu ke vuk-è. Ngài pûn lie̍t-koet siet-thu̍k ngì-têu kin-pai chhòng-só ke sṳ̀, ngì-têu chhin-khiòng ke yúng-sṳ ya mò pan-si̍t tám-liong. 25Fí-me̍t ke sṳ̀ to lé! Ngì-têu oi khiù fò-phìn, chúng-he m̀-voi yû fò-phìn. 26Châi-nan kín fat-sên; fái sêu-sit lièn-lièn lòi. Ngì-têu voi chhìm siên-tî khiù yi-siong; chi-sṳ̂ mò má-ke hó kâu-ngìn; chóng-ló ya m̀-voi kie-va̍k. 27Kiûn-vòng kín-chhên, liâng-chhiu tông sṳt-mong; ngìn-mìn chho̍k-kiâng to pi̍t-pi̍t-chhat. Ngài oi yîn-vi ngì-têu só-cho ke sṳ chit-fa̍t ngì-têu; ngì-têu ngióng-pân sṳ́m-phan phe̍t-ngìn, Ngài ya oi ngióng-pân sṳ́m-phan ngì-têu. Án-ngiòng, ngì-têu chhiu voi tî Ngài he Song-chú.”

Currently Selected:

Yî-sî-kiet Sû 7: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 7

Videos for Yî-sî-kiet Sû 7

Ezekiel 1-32

BibleProject

Ezekiel 1-7

BibleProject

Ezekiel 6-7

Spoken Gospel

Yî-sî-kiet Sû 7

Popular Bible Verses from
Yî-sî-kiet Sû 7

Videos for Yî-sî-kiet Sû 7

Ezekiel 1-32

Ezekiel 1-7

Ezekiel 6-7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 7

Yî-sî-kiet Sû 7

Popular Bible Verses from Yî-sî-kiet Sû 7

Videos for Yî-sî-kiet Sû 7

Ezekiel 1-32

Ezekiel 1-7

Ezekiel 6-7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 7

Popular Bible Verses from
Yî-sî-kiet Sû 7