Yî-sî-kiet Sû 41

1Chiap-tén, ke-ngìn tai ngài to sṳn-só. Kì liòng sṳn-só ke mùn-héu, chhṳ̂m sâm kûng-chhak#41:1 Hî-pak-lòi-vùn nang-ngoi hàn-yû lióng-chak sṳ, yi-sṳ mò chhîn-chhú., 2fat ńg kûng-chhak, lióng-phién piak ke chhû-tún khiung-yong phûn lióng kûng-chhak pan. Kì yu liòng sṳn-só, chhòng ngi-sṳ̍p kûng-chhak, fat sṳ̍p kûng-chhak.

3Yèn-heu, kì to nui-thien hi. Kì liòng nui-thien ke mùn-héu, chhṳ̂m yit kûng-chhak, fat sâm kûng-chhak, lióng-phién piak ke chhû-tún khiung-yong phûn sâm kûng-chhak pan. 4Kì yu liòng nui-thien, he sṳ̍p kûng-chhak si-fông. Kì lâu ngài kóng: “Liá he chṳ-sṳn-só.”

Sṳn-thien ke Vàng-vuk

5Ke-ngìn liòng sṳn-thien ke piak, phûn sâm kûng-chhak. Sṳn-thien chû-vì ke piak ngoi-hiong yû vàng-vuk, tak-kiên fat lióng kûng-chhak. 6Vàng-vuk yû sâm-chhèn, tak-chhèn yû sâm-sṳ̍p chak kiên-fòng. Sṳn-thien ke piak ngoi-hiong ke tak-chhèn chhiòn-phu pí ha yit-chhèn kiû-têu lo̍k-hi, song yit-chhèn chhiu pí ha yit-chhèn kha-pho̍k têu-é, só-yî vàng-vuk ke liòng-sún cho-tet piong chhai ha yit-chhèn kha-fat ke piak táng-kô, m̀-sṳ́ yung tâng-é ku-thin. 7Án-ngiòng, tui ngoi-poi khon sṳn-thien ke piak, tui táng-kô to hâ-poi, tông-chhiong chhiòn-phu phiàng-phûn. Pen-tén sṳn-thien ngoi-piak lâu liá-têu vàng-vuk ngoi-phién yû lióng-ke fat-fat ke lèu-thôi, ngìn cho-tet tui yit-lèu sông-to ngi-lèu, chai to sâm-lèu. 8-11Liá-têu vàng-vuk ngoi-hiong ke piak phûn lióng kûng-chhak pan. Sṳn-thien ke pet-phién yû yit-chak mùn cho-tet thûng-to vàng-vuk, nàm-phién ya yû yit-chak mùn thûng-to vàng-vuk. Ngài khon-tó sṳn-thien chû-vì yû lióng kûng-chhak pan fat ke khì-lèu; liá khì-lèu lì thi-mien sâm kûng-chhak, lâu pen-tén sṳn-thien ngoi-hiong piak táng-kô ke-têu fòng-kiên ke thi-kî phiàng-kô. Chhai sṳn-thien sâm-mien ke khì-lèu lâu chi-sṳ̂ yung ke fòng-kiên chṳ̂-kiên yû khung-thi, fat sṳ̍p kûng-chhak.

Sî-phién ke Fòng-vuk

12Sṳn-thien sî-phién khung-thi ke chhin-mî yû yit-chho vuk, chhòng si-sṳ̍p ńg kûng-chhak, fat sâm-sṳ̍p ńg kûng-chhak, si chû-vì ke piak phûn lióng kûng-chhak pan.

Sṳn-thien ke Chhak-chhun

13Ke-ngìn liòng sṳn-thien, chhòng ńg-sṳ̍p kûng-chhak. Tui sṳn-thien heu-piak to khung-thi chhin-mî sî-phién ke-chho vuk ke heu-piak, yû ńg-sṳ̍p kûng-chhak. 14Sṳn-thien ke thèu-chhièn lâu lióng-phién ke khung-thi chhòng ya he ńg-sṳ̍p kûng-chhak. 15Kì yu liòng sî-phién ke-chho vuk, pâu-hàm lióng-phién ke chéu-lòng, ya he ńg-sṳ̍p kûng-chhak.

Sṳn-thien ke Nui-phu

16Sṳn-thien ke chhièn-thòng, sṳn-só, lâu chṳ-sṳn-só, tui thi-mien to chhûng-mùn héu ke piak chhiòn-phu siông su-piông. Liá-têu chhûng-mùn cho-tet koân hí-lòi#41:16 Pún-chiet chhai Hî-pak-lòi-vùn ke yi-sṳ mò chhîn-chhú.. 17Sṳn-thien si chû-vì ke piak, tui thi-mien to mùn ke táng-kô#41:17 Pún-chiet chhai Hî-pak-lòi-vùn ke yi-sṳ mò chhîn-chhú., 18nui-ngoi chhiòn-phu tiâu-khiet kî-lu-pak lâu chûng-su. Kî-lu-pak lâu chûng-su yit-chak kak yit-chak phài-tén. Tak-chak kî-lu-pak chhiòn-phu yû lióng-chak mien: 19-20Chhiong ngìn ke mien hiong-tén liá-phién ke chûng-su, chhiong sṳ̂-é ke mien hiong-tén ke-phién ke chûng-su. Piak ke si-vì, tui thi-mien to mùn ke táng-kô chhiòn-phu he án-ngiòng. 21Sṳn-só ke mùn-chhû he si-fông ke.

Su-liau Cho ke Chi-thàn

22Chhai chṳ-sṳn-só ke mùn-héu thèu-chhièn yû yit-chak su-liau cho ke chi-thàn, kô yit kûng-chhak pan, fat yit kûng-chhak. Chi-thàn si-kok ke chhû-é, thàn-mien, lâu thàn-sùn chhiòn-phu he su-liau cho ke. Ke-ngìn lâu ngài kóng: “Liá he pài chhai Song-chú mien-chhièn ke chok-è.”

Mùn

23Sṳn-só lâu chṳ-sṳn-só ke mùn-héu kok-yû lióng-chhèn mùn. 24Tak-chhèn mùn chhiòn-phu he sûng-san ke, tak-san mùn cho-tet chhṳ-yù khôi-ha̍p. 25Sṳn-só ke mùn mien-táng tiâu-khiet yû chûng-su lâu kî-lu-pak, chhiong piak-hong ke khiung-yong. Chhièn-thòng mùn ke mùn-mì ngoi-hiong yû yung piông-é châ-tén. 26Chhièn-thòng lióng-phién chhiòn-phu yû se chhûng-mùn, piak-hong yû tiâu-khiet chûng-su#41:26 Hî-pak-lòi-vùn nang-ngoi hàn-yû sâm-chak sṳ, yi-sṳ mò chhîn-chhú..

Currently Selected:

Yî-sî-kiet Sû 41: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)