Yî-sî-kiet Sû 42

Sṳn-thien Fu-khiun ke Lióng-chho Vuk

1Ke-ngìn tai ngài to ngoi-yen, ngi̍p sṳn-thien pet-phién ke yit-chho vuk; liá-chho vuk yit-phién hiong sṳn-thien ke khung-thi, yit-phién hiong pet-phién ke vuk. 2Liá-chho vuk chhòng ńg-sṳ̍p kûng-chhak, fat ngi-sṳ̍p ńg kûng-chhak, yû hiong-pet ke mùn. 3Kì yit-mien hiong sṳn-thien sùn-thèu sṳ̍p kûng-chhak fat ke khung-thi, nang-ngoi yit-mien hiong phû sa̍k-thèu ke ngoi-yen. Liá-chho vuk yû sâm-chhèn, song-chhèn pí hâ-chhèn kha-ha̍p. 4Vuk-è pet-phién yû thûng-lu, fat ńg kûng-chhak, chhòng ńg-sṳ̍p kûng-chhak#42:4 “chhòng ńg-sṳ̍p kûng-chhak” he kîn-kí kú yi̍t-pún, Hî-pak-lòi-vùn ke yi-sṳ mò chhîn-chhú., mùn hiong pet-phién. 5Chui song-chhèn ke kiên-fòng pí chûng-chhèn ke lâu tái-chhèn ke kha-ha̍p, yîn-vi song-chhèn ke chéu-lòng pí hâ-chhèn ke chéu-lòng cham kha-tô thi-fông. 6Liá-têu kiên-fòng chhiòn-phu mò chhû-tún, mò-chhiong ngoi-yen tú khì-thâ ke vuk-è sî-yeu chhû-tún lòi tù-tén, só-yî song-chhèn chhiu pí chûng-chhèn lâu hâ-chhèn kha-ha̍p. 7-8Tái-chhèn ke ngoi-piak chhòng ngi-sṳ̍p ńg kûng-chhak, fòng-kiên ya chhòng ngi-sṳ̍p ńg kûng-chhak. Hiong-tén sṳn-thien ke kiên-fòng chhòng ńg-sṳ̍p kûng-chhak. 9-10Liá-têu kiên-fòng hâ-poi, tui tûng-phién khôi-sṳ́, yû mùn cho-tet thûng-to ngoi-yen.

Sṳn-thien nàm-phién#42:9 “nàm-phién” he kîn-kí yit kú yi̍t-pún, Hî-pak-lòi-vùn he “sṳn-thien tûng-phién”. yû vuk, yit-phién hiong sṳn-thien ke khung-thi, yit-phién hiong nàm-phién ke vuk. 11Fòng-kiên thèu-chhièn yû thûng-lu, lâu pet-phién ke-chho vuk khiung-yong. Vuk ke chhak-chhun, sat-kie, lâu mùn chhiòn-phu lâu ke-chho khiung-yong. 12Nàm-phién ke-têu fòng-kiên ke mùn, lâu pet-phién ke khiung-yong, tui tûng chhiòng-thèu khôi-sṳ́ ke só-chhai ya yû mùn cho-tet ngi̍p-hi.

13Ke-ngìn lâu ngài kóng: “Nàm-phién lâu pet-phién liá-têu kiên-fòng chhiòn-phu he chṳ-sṳn ke. Ngi̍p-hi Song-chú mien-chhièn ke chi-sṳ̂ chhai liá-vi sṳ̍t chṳ-sṳn ke chi-vu̍t. Yîn-vi fòng-kiên he sṳn ke, chi-sṳ̂ oi chiông chṳ-sṳn ke chi-vu̍t — su-chi, su̍k-chhui-chi, lâu su̍k-ko-sṳt-chi liù chhai ke-vi. 14Chi-sṳ̂ ngi̍p sṳn-thien heu, oi chai to ngoi-yen sṳ̀, kì-têu yit-thin oi chiông sṳ-fung Song-chú sṳ̀ chok ke sṳn-sâm liù chhai liá-vi. Kì-têu yit-thin oi chok phe̍t-chúng sâm-fu chang cho-tet to ngìn-mìn chhi-si̍p ke só-chhai.”

Sṳn-thien Chû-vì ke Chhak-chhun

15Ke-ngìn liòng-hó sṳn-thien nui-phu ke chhak-chhun heu, chhiu tai ngài chhôn-ko tûng-mùn, hi liòng sṳn-thien ke si-vì. 16Kì yung chhet-liòng chhak hi liòng, tûng-phién chhòng lióng-pak ńg-sṳ̍p kûng-chhak, 17-19yu liòng pet-phién, nàm-phién, sî-phién, tak-phién chhòng lióng-pak ńg-sṳ̍p kûng-chhak. 20Yû vì-chhiòng vì-tén liá-te lióng-pak ńg-sṳ̍p kûng-chhak si-fông hìn ke thi. Liá vì-chhiòng chiông sṳn-thi lâu siu̍k-thi kak khôi-lòi.

Currently Selected:

Yî-sî-kiet Sû 42: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)