Yî-sî-kiet Sû 12

Siên-tî Tá-pan Cho Nan-mìn

1Song-chú lâu ngài kóng-fa; 2Kì kóng: “Ngìn-chṳ́ â, ngì he̍t chhai phoi-ngia̍k ke ngìn tông-chûng. Kì-têu yû muk-chû, chúng-he khon m̀-tó, yû ngí-kûng, chúng-he thâng m̀-tó, yîn-vi kì-têu he phoi-ngia̍k ke ngìn.

3“Só-yî, ngìn-chṳ́ â, ngì oi chún-phi thò-nan oi yung ke pâu-fu̍k, chhai thôn-vû yî-chhièn chhut-fat. Ngì oi tông kì-têu ke mien-chhièn lì-khôi, to nang-ngoi yit-ke só-chhai hi. Hî-mong ke-têu phoi-ngia̍k ke ngìn voi chu-yi tó ngì ke hàng-thung#12:3 “Hî-mong ... hàng-thung” ya-he yi̍t-cho “Hî-mong kì-têu voi mìn-pha̍k chhṳ-kâ he phoi-ngia̍k ke ngìn”.. 4Ngì oi chhai ngit-sṳ̀-thèu chún-phi hó thò-nan oi yung ke pâu-fu̍k, hó-pûn kì-têu khon-tó ngì só-cho ke. To lìm-am-é, ngì oi chhai kì-têu ke muk-chû chhièn lì-khôi, chhiu-chhiong oi thò-nan án-ngiòng. 5Kì-têu hàn khon-tén ke sṳ̀, ngì oi chiông ngiâ vuk-hâ ke piak yet yit-chak khûng-é, tui ke-chak khûng-é chiông pâu-fu̍k tai chhut-hi. 6Ngì oi chhai kì-têu mien-chhièn chiông pâu-fu̍k pà chhai kiên-thèu, êm-tén muk-chû hàng chhut-hi. Ngì só péu-yên ke chhiu-he Ngài oi pûn Yî-set-lie̍t-ngìn ke kín-ko.”

7Ngài cheu Song-chú só fûn-fu ke hi cho. Ke-ngit, ngài chún-phi hó thò-nan oi yung ke pâu-fu̍k, yit-to lìm-am-é, ngài chhiu yung-sú chiông piak yet yit-chak khûng-é, yèn-heu chhai kì-têu ke muk-chû chhièn pà-tén pâu-fu̍k lì-khôi.

8Thi-ngi chêu-sṳ̀n, Song-chú lâu ngài kóng-fa; 9Kì kóng: “Ngìn-chṳ́ â, ke-têu phoi-ngia̍k ke Yî-set-lie̍t-ngìn kám m̀-he mun ngì, oi tî ngì cho má-ke? 10Ngì oi chiông Ngài — Chṳ-kô ke Song-chú oi tui kì-têu kóng ke fa lâu kì-têu kóng. Liá he yû-koân chhai Yâ-lu-sat-lâng thúng-chhṳ ke liâng-chhiu lâu kì chû-vì Yî-set-lie̍t ngìn-mìn ke sin-sit. 11Oi lâu kì-têu kóng, ngì só-cho ke he yit-chúng seu-thèu, péu-sṳ oi fat-sên chhai kì-têu sṳ̂n-hong ke sṳ. Kì-têu oi pûn-ngìn chok-hi cho nan-mìn. 12Kì-têu chûng-kiên ke liâng-chhiu oi chhai thôn-vû ke sṳ̀ pà-hí pâu-fu̍k, tui kì-têu vi kì yet-khôi ke piak khûng-é thò-chéu. Kì oi êm-tén muk-chû, khon m̀-tó oi hi ke só-chhai. 13Ngài oi tá-khôi Ngài ke lò-mióng chok kì, chiông kì tai-hi Pâ-pí-lùn-sàng. Kì sûi-yèn sí chhai ke-vi, ya m̀-voi khon-tó ke-sàng. 14Ngài oi chiông kì phòng-piên só-yû ke ngìn, pâu-hàm ku-mun lâu kiûn-chhui si-san to lie̍t-koet hi. Ngài oi chhai tak só-chhai kiuk kì-têu, chhṳ̀ kì-têu.

15“Ngài chiông kì-têu kiuk-chéu, si-san chhai ngoi-koet yî-heu, kì-têu chhiu voi tî Ngài he Song-chú. 16Chúng-he, Ngài oi chhai kì-têu tông-chûng liù-hâ séu-su ke ngìn, m̀-sṳ́ su-tó chan-lon, kî-fông, pot-vûn ke châi-hoi. Án-ngiòng, ke-têu chhûn-tó ke ngìn oi chhai pûn-ngìn chok-hi ke tak-koet, kóng-hí chhṳ-kâ yî-chhièn só-cho ke he ngióng-pân chit-ok, yu oi sṳ̀n-ngin Ngài he Song-chú.”

Siên-tî Thai Chho̍k-kiâng ke Seu-thèu

17Song-chú lâu ngài kóng-fa; 18Kì kóng: “Ngìn-chṳ́ â, ngì oi kín-sṳ̍t kín-chûn; kín-lîm kín-kiâng, mò-kat mò-sat. 19Ngì oi tui chhiòn-koet ke ngìn-mìn kóng, liá he Chṳ-kô ke Song-chú oi lâu liù chhai Yî-set-lie̍t pún-thú só-chhûn ke Yâ-lu-sat-lâng-ngìn kóng ke fa. Kì-têu oi kín-sṳ̍t kín-chûn, kín-lîm kín-kiâng, mò-kat mò-sat. Kì-têu ke thú-thi oi fông-fi, yîn-vi ngìn-mìn chhiòn-phu mò-vòng mò-fap. 20Ngìn-khiéu tô ke sàng-sṳ voi fông-thet, chhûn-chông pien-cho khóng-yâ. Án-ngiòng, kì-têu chhiu voi tî Ngài he Song-chú.”

Phìn-fàm ke Siu̍k-ngî lâu Mò Phìn-fàm ke Sin-sit

21Song-chú lâu ngài kóng-fa; 22Kì kóng: “Ngìn-chṳ́ â, Yî-set-lie̍t-ngìn cho-má-ke liù-chhòn kóng ‘Yit-ngit yu ko yit-ngit, yi-siong chhiòn mò sṳ̍t-hien’ liá-ki siu̍k-ngî nè? 23Ngì oi lâu kì-têu kóng, Ngài — Chṳ-kô ke Song-chú án-ngiòng kóng: Ngài oi kiet-suk liá-ki siu̍k-ngî; Yî-set-lie̍t tông-chûng m̀-voi chai liù-chhòn liá ki-fa. Ngì fán-chón oi lâu kì-têu kóng: ‘Ngit-è to lé, yi-siong oi sṳ̍t-hien lé!’

24“Chhai Yî-set-lie̍t-ngìn tông-chûng m̀-voi chai yû ká yi-siong lâu mì-fe̍t ngìn ke yi-ngièn. 25Ngài — Song-chú chhṳ-kâ oi tui kì-têu kóng-fa; Ngài kóng ke fa yit-thin oi sṳ̍t-hien, chhie̍t-tui m̀-voi thìn-thò. Phoi-ngia̍k ke ngìn â, Ngài tui ngì-têu fat-chhut ke kín-ko, yit-thin oi chhai ngì-têu hàn-sâng ke sṳ̀ chṳp-hàng. Ngài — Chṳ-kô ke Song-chú án-ngiòng siên-pu lé.”

26Song-chú yu lâu ngài kóng-fa; 27Kì kóng: “Ngìn-chṳ́ â, Yî-set-lie̍t-ngìn láu-tó ngì só khon-tó ke yi-siong, só kóng ke yi-ngièn, chhiòn-phu he chṳ́-tén tông-kiú yî-heu ke sṳ. 28Só-yî, ngì oi lâu kì-têu kóng, Ngài — Chṳ-kô ke Song-chú án-ngiòng kóng: Ngài ke fa lièn yit-ki m̀-voi chai thìn-thò; Ngài kóng ke fa yit-thin oi sṳ̍t-hien. Ngài — Chṳ-kô ke Song-chú án-ngiòng siên-pu lé.”

Currently Selected:

Yî-sî-kiet Sû 12: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 12

Videos for Yî-sî-kiet Sû 12

Ezekiel 12-24

BibleProject

Ezekiel 1-32

BibleProject

Ezekiel 12-14

Spoken Gospel

Yî-sî-kiet Sû 12

Popular Bible Verses from
Yî-sî-kiet Sû 12

Videos for Yî-sî-kiet Sû 12

Ezekiel 12-24

Ezekiel 1-32

Ezekiel 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 12

Yî-sî-kiet Sû 12

Popular Bible Verses from Yî-sî-kiet Sû 12

Videos for Yî-sî-kiet Sû 12

Ezekiel 12-24

Ezekiel 1-32

Ezekiel 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 12

Popular Bible Verses from
Yî-sî-kiet Sû 12