Yî-sî-kiet Sû 13

Chit-phi Ká Siên-tî

1Song-chú lâu ngài kóng-fa; 2Kì kóng: “Ngìn-chṳ́ â, ngì oi kóng yi-ngièn; ngì oi chit-phi Yî-set-lie̍t ke-têu kho chhṳ-kâ kóng yi-ngièn ke siên-tî. Lâu kì-têu kóng, oi chu-yi thâng Song-chú ke fa.”

3Chṳ-kô ke Song-chú án-ngiòng kóng: “Liá-têu ngong siên-tî chhám lé! Kì-têu ke lìn-kám he cheu chhṳ-kâ ke nong-sióng; kì-têu ke yi-siong he chhṳ-kâ phiên ke. 4Yî-set-lie̍t-ngìn â, ngì ke-têu siên-tî lâu chhai fông-phû chhut-ngi̍p ke yâ-kiéu#13:4 “yâ-kiéu” ya-he yi̍t-cho “fù-lì”. khiung-yong. 5Lie̍t-phung kì-têu m̀ hi pú; vang-thet ke chhiòng, kì-têu m̀ hi cháng. Só-yî, Song-chú ke ngit-è lòi-to, chan-chên fat-sên ke sṳ̀, Yî-set-lie̍t-ngìn chhiu khî m̀-he̍t. 6Kì-têu ke yi-siong he ká ke; kì-têu ke yi-ngièn he phien-ngìn ke; kì-têu láu-tó chhṳ-kâ he chhòn-kóng Ngài ke sin-sit, khì-sṳ̍t, Ngài pin mò phai kì-têu. Kì-têu ngióng hàn hî-mong só-kóng ke fa voi sṳ̍t-hien! 7Ngài lâu kì-têu kóng: ‘Ngì-têu só khon-tó ke yi-siong he ká ke; ngì-têu ke yi-ngièn he phien-ngìn ke. Ngì-têu láu-tó liá-têu fa he Ngài kóng ke, khì-sṳ̍t, Ngài pin mò lâu ngì-têu kóng má-ke!’ ”

8Chṳ-kô ke Song-chú yu lâu kì-têu kóng: “Ngì-têu só-kóng ke fa he phien-ngìn ke; ngì-têu só khon-tó ke yi-siong he ká ke; só-yî Ngài fán-tui ngì-têu. 9Ngì liá-têu khon-tó ká yi-siong, lon-kóng yi-ngièn ke siên-tî â, Ngài oi chit-fa̍t ngì-têu! Ngì-têu cho-m̀-tet chhâm-kâ Ngâ chṳ́-mìn ke chhi-fi; ngì-têu ke miàng cho-m̀-tet tên-ki chhai Yî-set-lie̍t-kâ ke miàng-chhak tî-poi. Ngì-têu chhie̍t-tui cho-m̀-tet chón-to Yî-set-lie̍t ke ku-hiông. Án-ngiòng, ngì-têu chhiu voi tî Ngài he Chṳ-kô ke Song-chú.

10“Siên-tî khî-phien Ngài ke chṳ́-mìn, kóng: ‘Phìn-ôn!’ Khì-sṳ̍t mò phìn-ôn. Ngài ke chṳ́-mìn hí mò kiên-ku ke vì-chhiòng, siên-tî chhiu yung pha̍k-fôi mat sông-hi. 11Ngì oi lâu ke-têu siên-tî kóng, kì-têu só mat ke vì-chhiòng oi vang-thet. Ngài oi sṳ́ khòng-fûng thai-yí lâu thai pên-pho̍k chhôi-tá vì-chhiòng, 12vì-chhiòng chhiu vang-thet. Yû-ngìn voi mun: ‘Ngì-têu mat vì-chhiòng yû má-ke yung nè?’ ”

13Só-yî, Chṳ-kô ke Song-chú án-ngiòng kóng: “Ngài oi fat-khién, yung khòng-fûng thai-yí lâu thai pên-pho̍k lòi tá-fái liá vì-chhiòng. 14Ngài oi chhak-thet ngì-têu mat-ko ke vì-chhiòng, chhak-to tap-tap, pûn thi-kî hién chhut-lòi; vì-chhiòng oi vang-thet, voi chak-sí ngì-têu. Án-ngiòng, ngì-têu chhiu voi tî Ngài he Song-chú.

15“Ngài oi chhai vì-chhiòng lâu mat vì-chhiòng ke ngìn sṳ̂n-hong chiông Ngài ke thai fat-khién piang-to chhiang-chhiang. Ngài oi lâu ngì-têu siên-pu, vì-chhiòng lâu mat vì-chhiòng ke ngìn chhiòn-phu mò-thet hi lé. 16Ke-têu chhai mò phìn-ôn ke chhìn-khóng chṳ̂-ha, lâu Yâ-lu-sat-lâng pó-chṳn phìn-ôn ke Yî-set-lie̍t siên-tî chhiòn-phu mò-thet hi lé.” Chṳ-kô ke Song-chú án-ngiòng siên-pu lé.

Chit-phi Ká ke Ńg Siên-tî

17Song-chú kóng: “Ngìn-chṳ́ â, liá-ha ngì oi chit-phi chhai ngìn-mìn tông-chûng lon-kóng yi-ngièn ke fu-ńg. 18Ngì oi lâu kì-têu kóng, Chṳ-kô ke Song-chú án-ngiòng kóng:

‘Ngì liá-têu fu-ńg chhám lé! Ngì-têu tak-ke ngìn chhai sú-vón hong liòn hàng sià-su̍t ke tai-é, tai khièm thèu-nà ke thèu-kîn cho fù-kau, lòi khúng-chṳ ngìn ke sâng-miang. Ngì-têu sióng-oi tet-tó yit-chúng nèn-li̍t, khúng-chṳ Ngâ chṳ́-mìn ke sâng-sí, lòi-khiù chhṳ-kâ ke li-yit mâ? 19Ngì-têu vi-tó kí-kha̍k thai-ma̍k, kí-te piáng, chhiu chhai Ngài ke chṳ́-mìn mien-chhièn vú-yu̍k Ngài. Yin-kôi sâng ke, ngì-têu chhṳ̀-thet; kôi-sí ke, ngì-têu liù-tén. Ngì-têu lâu Ngài ke chṳ́-mìn kóng fâ-liâu, kì-têu ya siông-sin ngì-têu.’ ”

20Só-yî, Chṳ-kô ke Song-chú án-ngiòng kóng: “Ngài nâu ngì-têu nâ-lòi khúng-chṳ ngìn sâng-miang ke hàng sià-su̍t ke tai-é. Ngài oi tui ngì-têu ke sú-vón khiú-thet ke-têu sià-su̍t ke tai-é, kiu ke-têu pûn ngì-têu khúng-chṳ ke ngìn. 21Ngài oi khiú-thet ngì-têu ke cho fù-kau ke thèu-kîn, kiu Ngài ke chṳ́-mìn, sṳ́ kì-têu yún-yén m̀-voi chai su-tó ngì-têu ke khúng-chṳ. Án-ngiòng, ngì-têu chhiu voi tî Ngài he Song-chú.

22“Ngài mò-oi pûn hó-ngìn sông-sîm, ngì-têu tiên-to kóng fâ-liâu hoi kì-têu sṳt-mong. Ngì-têu m̀ pûn fái-ngìn hi-sià kûi-chṳn lòi tet-kiu. 23Só-yî, ngì-têu chhṳ-kâ só sióng chhut-lòi ke ká yi-siong, lâu lon-phiên ke yi-ngièn chhiòn-phu oi kiet-suk lé. Ngài oi kiu Ngài ke chṳ́-mìn lì-khôi ngì-têu ke khúng-chṳ. Án-ngiòng, ngì-têu chhiu voi tî Ngài he Song-chú.”

Currently Selected:

Yî-sî-kiet Sû 13: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 13

Videos for Yî-sî-kiet Sû 13

Ezekiel 12-24

BibleProject

Ezekiel 1-32

BibleProject

Ezekiel 12-14

Spoken Gospel

Yî-sî-kiet Sû 13

Popular Bible Verses from
Yî-sî-kiet Sû 13

Videos for Yî-sî-kiet Sû 13

Ezekiel 12-24

Ezekiel 1-32

Ezekiel 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 13

Yî-sî-kiet Sû 13

Popular Bible Verses from Yî-sî-kiet Sû 13

Videos for Yî-sî-kiet Sû 13

Ezekiel 12-24

Ezekiel 1-32

Ezekiel 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 13

Popular Bible Verses from
Yî-sî-kiet Sû 13