Tan-yî-lî Sû 5

Pak-sâ-sat-vòng ke Yèn-si̍t

1Yû yit am-pû, Pak-sâ-sat-vòng yêu-chhiáng yit-chhiên ke thai-sṳ̀n lòi chhâm-kâ sṳn-thai ke yèn-si̍t, khiung-ha lîm-chiú chok-lo̍k. 2Kì lîm-chiú ke sṳ̀, Pak-sâ-sat min-lin chiông kiâ-pâ#5:2 “kiâ-pâ”: Cheu Pâ-pí-lùn ke li̍t-sṳ́, tui Nì-pu-kap-nì-sat-vòng to Pak-sâ-sat-vòng tông-chûng yû kí-ke kiûn-vòng. “kiâ-pâ” ke yi-sṳ khó-nèn he “kiâ chú-siên” ya-he “kì chhièn-ngim ke kiûn-vòng”. Nì-pu-kap-nì-sat tui Yâ-lu-sat-lâng sṳn-thien chhióng-lòi ke kîm-pî ngiùn-vón pân chhut-lòi, hó-pûn kì lâu kì ke thai-sṳ̀n, vòng-heu, pîn-fî lîm-chiú yung. 3Phu̍k-ngìn chhiu chiông Yâ-lu-sat-lâng Song-ti sṳn-thien ke-têu kîm-pî ngiùn-vón pân chhut-lòi, pûn kì-têu lîm-chiú yung. 4Kì-têu kín lîm-chiú, kín siung-chan ke-têu yung kîm, ngiùn, thùng, thiet, su-thèu, sa̍k-thèu chṳ-chho ke sṳ̀n-mìn.

5Fut-yèn-kiên, yû yit-chak ngìn-sú chhut-hien, yung sú-chṳ́ chhai vòng-kiûng fún-ko ke piak-táng, tên-thòi tui-mien ke só-chhai siá-sṳ. Vòng khon-tó ke siá-sṳ ke sú, 6mien-set yit-ha-é chhiu pien-to la̍k-chhiâng, kiâng-to lióng-kiok pi̍t-pi̍t-chhat, chhit-thèu chûn-to siông-ka̍p. 7Kì chhin-miang hêm, min-lin ngìn chiông hàng sià-su̍t ke, voi fap-su̍t ke, lâu sên-siong-kâ ham-lòi. Kì-têu yit-to, vòng tui Pâ-pí-lùn liá-têu ngàu-ngìn kóng: “Má-ngìn voi thu̍k piak-táng ke sṳ, kié-sṳt kì ke yi-sṳ, ngài chhiu su kì chok vòng ke chṳ́-phàu, tai kîm pha̍t-lien, chhai vòng-koet nui chhô thi-sâm chak kô-vi.” 8Vòng-kiûng ku-mun chhiòn-phu hàng-chhièn hi; chúng-he mò yit-sà voi thu̍k ke-têu sṳ, ya mò-ngìn yû phan-fap lâu vòng kié-sṳt kì ke yi-sṳ. 9Pak-sâ-sat-vòng fî-sòng chho̍k-kiâng, mien-set thai-pien; chung thai-sṳ̀n chhiòn-phu mò-kat mò-sat.

10Thai-heu thâng-tó vòng lâu thai-sṳ̀n chhin-miang hêm ke sâng, chhiu ngi̍p-to yèn-si̍t thai-thâng, tui vòng kóng: “Ngien vòng van-soi! M̀-sṳ́ kiâng-to mien mò hiet-set. 11Ngì koet-nui yû yit-ke ngìn, kì sîm-tú yû chṳ-sṳn sṳ̀n-mìn#5:11 “sṳ̀n-mìn” ya-he yi̍t-cho “Song-ti”, 5:14 khiung-yong. ke lìn. Ngiâ-pâ chhai-vi ke sṳ̀, liá-ke ngìn sṳt péu-hien chhêu-ko fàm-ngìn ke chhòi-nèn, chṳ-sṳt lâu chhiong sṳ̀n-mìn ke-chúng ke chṳ-fi. Ngiâ-pâ Nì-pu-kap-nì-sat-vòng#5:11 “Ngiâ-pâ Nì-pu-kap-nì-sat-vòng” chhâm-kháu 5:2. sat-li̍p kì cho só-yû son-miang ke, hàng sià-su̍t ke, voi fap-su̍t ke, lâu sên-siong-kâ ke liâng-chhiu. 12Kì ke nèn-li̍t fî-sòng li-hoi, yû chṳ-fi yu yû thi̍t-phe̍t ke chhòi-nèn, voi kié-mung, kié-tap ngì-nàn, kié-sṳt o-pi ke sṳ. Só-yî, chhiáng phai-ngìn ham kì lòi. Kì ke miàng ôn-to Tan-yî-lî; vòng yu lâu kì ôn-to Pak-thì-sâ-sat. Kì voi vi ngì kié-sṳt liá-têu sṳ ke yi-sṳ.”

Tan-yî-lî Kié-sṳt Piak-táng ke Sṳ

13Tan-yî-lî chhiu pûn-ngìn tai-to vòng mien-chhièn. Vòng mun kì: “Ngì he Tan-yî-lî, he ngâ fu-vòng tui Yù-thai chok-lòi ke Yù-thai-ngìn he-mò? 14Ngài thâng-kóng ngì sîm-tú yû sṳ̀n-mìn ke lìn; ngì yû thi̍t-phe̍t ke chhòi-nèn, chṳ-sṳt lâu chṳ-fi. 15Ngài ham liá-têu ku-mun lâu hàng sià-su̍t ke lòi, oi kì-têu thu̍k liá piak táng-kô ke sṳ, vi ngài kié-sṳt sṳ ke yi-sṳ; chúng-he kì-têu chhiòn-phu cho m̀-to. 16Ngài thâng-kóng ngì tông voi kié-sṳt o-pi, ya voi kié-tap ngì-nàn. Na-he ngì yû phan-fap thu̍k liá-têu sṳ, vi ngài kié-sṳt sṳ ke yi-sṳ, ngì chhiu voi tet-tó chióng-sóng, chok vòng ke chṳ́-phàu, tai kîm pha̍t-lien, chhai vòng-koet nui chhô thi-sâm chak kô-vi.”

17Tan-yî-lî en-kóng: “Chhiáng vòng chiông chióng-sóng liù-tén, ya-he sóng-pûn phe̍t-ngìn. Chúng-he, ngài hàn-he voi vi vòng thu̍k liá-têu sṳ, pin kié-sṳt sṳ ke yi-sṳ.

18“Vòng â, Chṳ-kô ke Song-ti sṳt chiông koet-vi, thai-khièn, yùng-yeu lâu vî-ngiàm su-pûn ngiâ-pâ Nì-pu-kap-nì-sat; 19só-yî, tak-koet, tak-chhu̍k, kóng tak-chúng fa ke ngìn chhiòn-phu chhin kiâng kì. Kì kón sâng-sí thai-khièn, ya yû-khièn cheu chhṳ-kâ ke yi-sṳ thì-kô ya-he kong-tâi ngìn ke thi-vi. 20Chúng-he, kì kiêu-ngau, ngàn-ku, chhàn-ngiûn ke sṳ̀, kì pûn-ngìn kié-chhù vòng-vi, sṳt-thet kông-yùng. 21Kì tui ngìn-khiùn chûng pûn-ngìn kiuk-chéu, kì ke sîm pien chhiong yâ-chhu yit-yong. Kì lâu yâ-lì khiung-ha sên-fa̍t, chhiong ngiù án-ngiòng sṳ̍t-chhó, soi chhai yâ-ngoi, yù-chhai lu-súi tá-sṳp. Chui-mî, kì sṳ̀n-ngin Chṳ-kô Song-ti yû-khièn chóng-kón ngìn ke koet-kâ, yû-khièn chiông koet-khièn su-pûn Kì só kién-sién ke ngìn.

22“Pak-sâ-sat â, ngì he Nì-pu-kap-nì-sat ke lai-é#5:22 “lai-é” ke yi-sṳ khó-nèn he “heu-thoi” ya-he “ki-sṳ̀n-ngìn”, chhâm-kháu 5:2., ngì sûi-yèn tî liá yit-chhiet, chúng-he m̀-tî khiâm-pî, 23fán-chón kiêu-ngau, lâu thiên-táng ke Chú cho tui-thi̍t. Ngì chiông tui Kì sṳn-thien chhióng-lòi ke pî-vón pân chhut-lòi, pûn ngì chhṳ-kâ lâu ngì ke thai-sṳ̀n, vòng-heu, pîn-fî lîm-chiú yung, yu siung-chan ke-têu yung kîm, ngiùn, thùng, thiet, su-thèu, sa̍k-thèu chṳ-chho ke sṳ̀n-mìn, chhiu-he ke-têu m̀-voi khon, m̀-voi thâng, má-ke ya m̀-tî ke ngiéu-siong. Ngì mò chûn-kin ke kiet-thin ngì sâng-sí, chóng-kón ngì hàng-thung ke Song-ti, 24só-yî, Song-ti phai yit-chak sú lòi siá liá-têu sṳ.

25“Liá-têu sṳ he:

‘Son-sṳ, son-sṳ, chhṳn-thò, fûn-lie̍t#5:25 “son-sṳ, chhṳn-thò, fûn-lie̍t” chhai ngièn-vùn fat-yîm he “mì-nì, thì-hak-le̍t, fap-ngí-sîn”, liá sâm-chak sṳ nang-ngoi yi-sṳ khó-nèn he sâm-chúng chhûng-liong..’

26‘Son-sṳ’, yi-sṳ he: Song-ti yí-kîn son-hó ngì koet-kâ ke ngièn-ngit, sṳ́ koet-yun chûng-chṳ́.

27‘Chhṳn-thò’, yi-sṳ he: Song-ti yí-kîn chiông ngì piong chhai chhṳn-é táng-kô, chhṳn-chhut ngì ke fun-liong m̀-la.

28‘Fûn-lie̍t’, yi-sṳ he: Ngì ke koet oi fûn-lie̍t, kûi-pûn Mí-tí-â-ngìn lâu Pô-sṳ̂-ngìn#5:28 “Pô-sṳ̂-ngìn” lâu Â-làn-vùn “fûn-lie̍t” fat-yîm siông-khiun..”

29Só-yî, Pak-sâ-sat chhiu min-lin phu̍k-ngìn pûn Tan-yî-lî chok vòng ke chṳ́-phàu, tai kîm pha̍t-lien, yu siên-pu kì chhai vòng-koet nui chhô thi-sâm chak kô-vi.

30Ke am-pû, Pâ-pí-lùn-vòng Pak-sâ-sat pûn-ngìn am-sat. 31Liuk-sṳ̍p ngi se ke Mí-tí-â-ngìn Thai-liù-sṳ tet-tó thúng-chhṳ-khièn.

Currently Selected:

Tan-yî-lî Sû 5: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)