Â-mô-sṳ̂ Sû 9

Chú ke Sṳ́m-phan

1Ngài khon-tó Chú khî chhai chi-thàn ke sùn-thèu; Kì kóng: “Ngài oi khau sṳn-thien ke tung-liòng, sṳ́ kûi-kiên vuk lap hâ-lòi, tá-lan tak-sà ke thèu-nà. Ngài oi yung tô-kiam chhṳ̀-sí khì-thâ ke ngìn, mò yit-sà sám tet-khôi, mò yit-sà chéu tet-hi. 2Chhiu-son kì-têu yet thi-lùng, chon-ngi̍p yîm-kiên, Ngài ya oi chiông kì-têu khiú chhut-lòi! Chhiu-son kì-têu pak-sông thiên, Ngài ya oi chiông kì-têu lâi hâ-lòi! 3Chhiu-he kì-têu chéu-to Kâ-me̍t-sân táng, Ngài ya oi hi sêu-sân, chiông kì-têu chhìm chhut-lòi! Chhiu-son kì-têu khong chhai hói-tái, Ngài ya oi ham hói-sà ngâu kì-têu#9:3 “hói-sà ngâu kì-têu” ya-he yi̍t-cho “hói-koai chiông kì-têu thûn-lo̍k-hi”.! 4Chhiu-son kì-têu yí-kîn pûn-ngìn chok-chéu, Ngài ya oi ham thi̍t-ngìn chhṳ̀-sí kì-têu! Ngài oi yung muk-chû hìm kì-têu, Ngài oi kong châi-fo, mò-oi kong fuk-hi.”

5Chṳ-kô ke Song-chú — Van-kiûn ke Ngièn-soi yit miâ-tó thi,

thi chhiu yùng-thet;

thi-song ke ngìn-mìn chhiòn-phu sông-sîm thai-kieu,

thi chhiong Nì-lò-hò ke súi fèu-hí chhṳ̀m-lo̍k.

6Song-chú chhai thiên-táng hí kiûng-thien,

chiông kiûng-chhông ôn chhai thai-thi ke táng-kô,

Kì fûn-fu thai-hói ke súi,

tó chhai thi-song.

Kì ke miàng he Song-chú.

7Song-chú kóng: “Yî-set-lie̍t-ngìn nâ, Ngài me koân-sîm Kú-sṳ̍t-ngìn, chhiu-chhiong Ngài koân-sîm ngì-têu. Ngài me thu Fî-li-sṳ-ngìn chhut Khiet-lî-thi̍t#9:7 “Khiet-lî-thi̍t” kú miàng ôn-to “Kâ-fî-thok”., thu Si-li-â-ngìn chhut Kit-ngí, chhiu-chhiong Ngài tui Âi-khi̍p chiông ngì-têu thu chhut-lòi. 8Ngài — Chṳ-kô ke Song-chú yung muk-chû hìm liá chhui-thai ok-khi̍t ke Yî-set-lie̍t-koet. Ngài oi tui thi-mien-song chiông kì chhù-thet, chúng-he Ngài m̀-voi chiông Ngâ-kok ke heu-thoi chhiòn-phu sêu-me̍t.

9“Ngài oi min-lin, chiông Yî-set-lie̍t-ngìn piong chhai lie̍t-koet tông-chûng chhî, chhiong piong-ngi̍p chhî-é, chiông phai-lui chhiòn-phu chhî-thet. 10Chhai Ngài ke chṳ́-mìn tông-chûng, ke-têu kóng: ‘Khú-nan m̀-voi lìm-to ngài-têu’ ke chhui-ngìn, chhiòn-phu voi sí chhai tô-kiam chṳ̂-ha.”

Yî-set-lie̍t ke Fu̍k-hîn

11Song-chú kóng: “Yû yit-ngit, Ngài oi chhùng-kien Thai-ví ke pho-sui ke vòng-koet. Ngài oi siû-cháng kì ke sàng-chhiòng; Ngài oi chiông kì chhùng-sîn hí-to lâu thèu-pái vàn-chhiòn khiung-yong; 12Ngài oi sṳ́ Yî-set-lie̍t-ngìn yû nèn-li̍t kûng-tá só-chhûn ke Yî-tûng-ngìn, sû-fu̍k su̍k Ngài miàng-hâ só-yû ke koet.” Liá-ke fa he cho liá-têu sṳ ke Song-chú kóng ke.

13Song-chú kóng:

Khon â, ke-ngit voi to lé,

ńg-kuk fûng-tên màng kot chhiû, chhiu to sṳ-thièn ke sṳ̀,

phù-thò mân-phàng màng tha̍p chhiû, yu to ve-chúng ke sṳ̀#9:13 “ńg-kuk ... ve-chúng ke sṳ̀” Hî-pak-lòi-vùn chhṳ̍t-yi̍t he “kâng-chung ke yit-thin voi kiuk-tó sû-kot ke; tha̍p phù-thò ke voi kiuk-tó ve-chúng ke”..

Thai-sân liù-chhut hó-chiú, liù-ko ke-têu se-sân.

14Ngài oi thu Ngài ke chṳ́-mìn Yî-set-lie̍t-ngìn chón-lòi pún-thi;

kì-têu oi chhùng-kien pho-sui ke sàng-sṳ,

yún-kiú he̍t chhai ke-vi.

Kì-têu oi chhùng-sîn kâng-chung phù-thò-yèn,

lîm chhṳ-kâ só-kiuk ke chiú;

kì-têu oi chhùng-sîn kîn-yìn kó-chṳ́-yèn,

sṳ̍t khì-chûng chhut-sán ke súi-kó.

15Ngài oi chiông Ngài ke chṳ́-mìn chung chhai Ngài su-pûn kì-têu ke thú-thi;

kì-têu chhie̍t-tui m̀-voi chai pûn-ngìn lièn-kîn pâng-thet.

Song-chú — ngì-têu ke Song-ti án-ngiòng siên-pu lé.

Currently Selected:

Â-mô-sṳ̂ Sû 9: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Â-mô-sṳ̂ Sû 9

Videos for Â-mô-sṳ̂ Sû 9

Amos 7-9

BibleProject

Jesus In All of Amos 7-9

Spoken Gospel

Â-mô-sṳ̂ Sû 9

Popular Bible Verses from
Â-mô-sṳ̂ Sû 9

Videos for Â-mô-sṳ̂ Sû 9

Amos 7-9

Jesus In All of Amos 7-9

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Â-mô-sṳ̂ Sû 9

Â-mô-sṳ̂ Sû 9

Popular Bible Verses from Â-mô-sṳ̂ Sû 9

Videos for Â-mô-sṳ̂ Sû 9

Amos 7-9

Jesus In All of Amos 7-9

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Â-mô-sṳ̂ Sû 9

Popular Bible Verses from
Â-mô-sṳ̂ Sû 9