Ngò-pâ-tí-â Sû 1

Song-chú Oi Chit-fa̍t Yî-tûng

1Hâ-poi he Ngò-pâ-tí-â só khon-tó ke yi-siong, he Chṳ-kô ke Song-chú lun Yî-tûng ke fa.

Song-chú chhâi-phai sṳ́-chá to lie̍t-koet hi;

ngài-têu thâng-tó sṳ́-chá só-chhòn ke sin-sit.

Kì kóng: Hong hí-lòi ô!

Ên-têu oi lâu Yî-tûng siông-chhṳ̀!

2Song-chú tui Yî-tûng kóng:

Ngài oi sṳ́ ngì chhai lie̍t-koet chûng sàng-cho chui-ngio̍k ke,

pûn-ngìn thai-thai khon-khiâng.

3Ngì kiêu-ngau ke sîm khî-phien chhṳ-kâ.

Ngì ke kîn-sàng he ngàm-sa̍k hí ke sàng-pó;

ngì he̍t chhai kô-sân táng,

só-yî ngì chhiu tui chhṳ-kâ kóng:

“Má-ngìn yû phan-fap chiông ngài lâi hâ-lòi?”

4Ngì sûi-yèn chhiong thai yeu-phò pî chhin-kô,

cho-teu chhai sên-sṳ̀n kiên,

Ngài ya oi chiông ngì lâi hâ-lòi.

5Chhe̍t-é lòi, ya-he khiòng-tho am-pû-thèu lòi,

kì-têu voi nâ-chéu só-oi ke tûng-sî thin-thin;

lòi chak phù-thò ke ngìn,

kì-têu hàn-voi liù têu-é;

chúng-he ngì ke sù-thi̍t voi chiông ngì chhióng-to chhiang-chhiang.

6Yî-so ke chṳ́-sûn â,

ngì khong ke chhòi-pó yí-kîn pûn-ngìn sêu chhut-lòi chhióng-chéu!

7Lâu ngì kiet-yok ke chhiòn-phu chhut-mai ngì,

chiông ngì kiuk-chhut chhṳ-kâ ke koet-kâ;

lâu ngì siông-hó ke, liá-ha chṳ̂n-fu̍k ngì;

sṳ̍t ngiâ fan ke ngìn, sat kî-koân ham-hoi ngì.

Kì-têu chhṳ́-seu ngì kóng:

“Ngì ke chhûng-mìn chhai nai-vi?”

8Song-chú kóng:

Ngài chit-fa̍t Yî-tûng ke-ngit,

Ngài oi chhù-thet kì-têu ke chhûng-mìn-ngìn,

tui Yî-so-sân sêu-me̍t kì-têu ke chṳ-fi-ngìn.

9Thì-man ke chan-sṳ voi kiâng-to voi sí,

Yî-so-sân ke ngìn chhiòn-phu voi pûn-ngìn chhṳ̀ chhiang-chhiang.

Yî-tûng Su Chit-fa̍t ke Ngièn-yîn

10Yîn-vi ngì tui ngì ke hiûng-thi Ngâ-kok#1:10 “ngì ke hiûng-thi Ngâ-kok”: Yî-set-lie̍t-ngìn he Ngâ-kok ke heu-thoi, Yî-tûng-ngìn he Ngâ-kok ke â-kô Yî-so ke heu-thoi. án chhàn-ngiûn,

ngì voi pûn siû-yu̍k châ-tén, yún-yén pûn-ngìn sêu-me̍t.

11Thi̍t-ngìn ngi̍p Ngâ-kok ke sàng-mùn lòi chhióng kì ke sṳ̀,

ngì khî chhai sùn-thèu khon nau-ngie̍t;

ngoi-chhu̍k-ngìn ngiâm-khiêu lòi pûn tui Yâ-lu-sat-lâng chhióng-tó ke chhòi-pó sṳ̀,

ngì tông-chhiong he lâu kì-têu khiung-tóng ke ngìn.

12Ngì ke hiûng-thi tù-tó châi-nan ke-ngit,

ngì mò yin-kôi muk-chû kîm-kîm khon-tén kì-têu.

Yù-thai-ngìn me̍t-mòng ke-ngit,

ngì mò yin-kôi chhiong tông fôn-hí.

Kì-têu tù-tó châi-nan ke-ngit,

ngì mò yin-kôi kóng sâu-nat ke fa.

13Ngài ke chṳ́-mìn tù-tó châi-nan ke-ngit,

ngì mò yin-kôi ngi̍p kì-têu ke sàng-mùn.

Kì-têu tù-tó châi-nan ke-ngit,

ngì mò yin-kôi muk kîm-kîm khon kì-têu su-khú.

Kì-têu tù-tó châi-nan ke-ngit,

ngì mò yin-kôi chhióng kì-têu ke chhòi-sán.

14Ngì mò yin-kôi khî chhai chhâ-lu-héu,

chok ke-têu thò-nan ke ngìn.

Ngì mò yin-kôi chhai kì-têu tù-tó châi-nan ke-ngit,

chiông chhûn-tó ke ngìn kâu-pûn sù-thi̍t.

Song-ti Oi Sṳ́m-phan Van-koet

15Ngài — Song-chú sṳ́m-phan van-koet ke ngit-è voi to lé.

Yî-tûng â, ngì voi cheu ngì só-cho ke tet-tó po-yin;

ngì só-cho ke, yit-thin voi kûi-to ngì ke thèu-nà-táng.

16Chhiong Ngài ke chṳ́-mìn chhai Ngài ke sṳn-sân#1:16 “Ngài ke sṳn-sân”: Chṳ́ Yâ-lu-sat-lâng, Siak-ôn-sân. lîm khú-pî,

van-koet oi lîm hàn-kha khú ke pî;

kì-têu oi lîm-liáu yu lîm, lîm-to châu-châu,

yèn-heu kì-têu chhiu sêu-sṳt thet.

Yî-set-lie̍t ke Tet-sṳn

17Chúng-he Siak-ôn sân-táng yit-thin voi yû-ngìn thò-nan chhut-lòi;

liá-sân voi sàng-cho sṳn-sân.

Ngâ-kok-kâ voi chhùng-sîn tet-tó ngièn-lòi ke sán-ngia̍p.

18Ngâ-kok-kâ voi sàng-cho thai-fó,

Yok-sit-kâ voi sàng-cho fó-yam,

kì-têu oi chiông Yî-so-kâ sêu-thet,

chhiong fó sêu vò-kón.

Yî-so ke heu-thoi mò liù pan-sà.

Ngài he Song-chú, Ngài án-ngiòng siên-pu lé.

19Yù-thai nàm-phién ke ngìn oi cham-liâng Yî-so-sân;

sî-phién sân-kiok hâ ke ngìn oi kûng-chhí Fî-li-sṳ.

Yî-set-lie̍t-ngìn oi cham-liâng Yî-fap-lièn lâu Sat-mâ-li-â ke thú-thi;

Phien-ngâ-mén-ngìn oi tet-tó Kî-lie̍t.

20Pet-koet Yî-set-lie̍t ke liù-mòng kiûn-chhui,

oi chón-lòi chṳ̂n-fu̍k Fî-nì-kî, chhṳ̍t-to Sat-le̍t-fap;

tui Yâ-lu-sat-lâng liù-mòng to Sat-thi̍t-sṳ̂ ke ngìn,

oi cham-liâng Yù-thai nàm-phu ke sàng-sṳ.

21Ke-têu tá-yàng ke ngìn oi sông-hi Siak-ôn-sân,

thúng-chhṳ Yî-so-sân#1:21 “sông-hi Siak-ôn-sân, thúng-chhṳ Yî-so-sân” ya-he yi̍t-cho “sông-hi Yâ-lu-sat-lâng, thúng-chhṳ Yî-tûng”..

Song-chú chhṳ-kâ oi cho vòng.

Currently Selected:

Ngò-pâ-tí-â Sû 1: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Ngò-pâ-tí-â Sû 1

Videos for Ngò-pâ-tí-â Sû 1

Obadiah 1:1-14

BibleProject

Obadiah 1:15-21

BibleProject

Ngò-pâ-tí-â Sû 1

Popular Bible Verses from
Ngò-pâ-tí-â Sû 1

Videos for Ngò-pâ-tí-â Sû 1

Obadiah 1:1-14

Obadiah 1:15-21

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Ngò-pâ-tí-â Sû 1

Ngò-pâ-tí-â Sû 1

Popular Bible Verses from Ngò-pâ-tí-â Sû 1

Videos for Ngò-pâ-tí-â Sû 1

Obadiah 1:1-14

Obadiah 1:15-21

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Ngò-pâ-tí-â Sû 1

Popular Bible Verses from
Ngò-pâ-tí-â Sû 1