Â-mô-sṳ̂ Sû 8

Súi-kó ke Yi-siong

1Chṳ-kô ke Song-chú pûn ngài khon-tó yit-ke kông-kín: Ngài khon-tó yit-làm tông-siuk ke súi-kó. 2Kì mun ngài: “Â-mô-sṳ̂, ngì khon-tó má-ke?”

Ngài en-kóng: “Yit-làm tông-siuk ke súi-kó.”

Song-chú tui ngài kóng: “Ngài chṳ́-mìn Yî-set-lie̍t ke ma̍t-khì#8:2 “ma̍t-khì” lâu “tông-siuk ke súi-kó” chhai Hî-pak-lòi-vùn fat-yîm siông-chhiong. yí-kîn to lé. Liá-pái Ngài chhie̍t-tui m̀-voi sa-miên kì-têu! 3Ke-ngit, kiûng-thìn ke kô-sâng voi pien-cho pî-ôi ke kieu-sâng; sṳ̂n-sṳ̂ fit-to mân-phien he. M̀-hó chhut-sâng.”

Yî-set-lie̍t ke Miang-yun

4Ngì liá-têu chien-tha̍p kân-khú ngìn, pok-siok khiùng-khú ngìn ke, ngì-têu oi thâng! 5Ngì-têu chhṳ-kâ kóng: “Chhû-yit ke chiet-ngit ngióng m̀ kiak-kiak ko-hi, hó-pûn ngài-têu hi thiau-kuk? Ôn-sit-ngit ngióng m̀ kiak-kiak kiet-suk, hó-pûn ngài-têu hi cho sên-lî? Ngài-têu cho-tet thì-kô ka-chhièn, yung ká chhṳn-thò, se sṳ̂n-téu hi phien ngìn-hak lé. 6Ngài-têu lòi-mai fái-thet ke ma̍k-é; ngài-têu yung chhièn-ngiùn mâi khiùng-khú ngìn, yung yit-sûng chhó-hài von phìn-khiùng ngìn#8:6 “ngài-têu yung ... phìn-khiùng ngìn” ya-he yi̍t-cho “ngài-têu lòi-chhìm ke mò fap-thu vàn chai ke khiùng-ngìn, yung yit-sûng chhó-hài án-séu ke ka-chhièn chiông kì mâi hâ-lòi cho nù-chhòi”..”

7Song-chú — Yî-set-lie̍t ke Song-ti#8:7 “Yî-set-lie̍t ke Song-ti” ya-he yi̍t-cho “Ngâ-kok só yùng-yeu ke Song-ti”. fat-sṳ kóng: “Ngài chhie̍t-tui m̀-voi m̀ ki-tet Yî-set-lie̍t-ngìn ke fái hàng-vì. 8Vi-tó án-ngiòng, Ngài kám m̀-voi sṳ́ thi-thûng fat-sên? Só-yû he̍t liá thi-fông ke ngìn kám m̀-voi pî-sông than-sit? Thai-thi voi chṳ́n-thung, chhiong Nì-lò-hò ke hò-súi án-ngiòng fèu-hí chhṳ̀m-lo̍k. 9To ke-ngit, Ngài oi sṳ́ ngit-thèu hàn tông-chu chhiu lo̍k-sân, ngit-sṳ̀-thèu pien-cho am mô-mô. Liá he Ngài — Chṳ-kô ke Song-chú kóng ke. 10Ngài oi sṳ́ ngì-têu ke khin-tién pien-cho chong-lî, fôn-lo̍k ke kô-sâng pien-cho sông-sîm thai-kieu. Ngài oi sṳ́ ngì-têu thi-kông-thèu, chok mà-sâm. Ngì-têu voi sông-sîm to chhiong sí tân-tên-chṳ́ án-ngiòng, kûi-ngit fî-sòng thung-khú.

11“Ngit-è voi to lé, Ngài oi sṳ́ Yî-set-lie̍t chhiòn-thi kî-fông. Kì-têu tú-kî, m̀-he yîn-vi mò piáng hó-sṳ̍t; kì-têu choi-châu, m̀-he yîn-vi mò súi hó-lîm; he yîn-vi thâng m̀-tó Song-chú ke fa. Liá he Ngài — Chṳ-kô ke Song-chú kóng ke. 12Kì-têu voi tui-nàm to-pet hàng-sông hàng-hâ, tui-tûng to-sî chéu-lòi chéu-hi, tak só-chhai chhìm Song-chú ke fa, chúng-he chhìm m̀-tó. 13Chhai ke-ngit, lièn chhin-chiâng ke se-moi-é lâu khiòng-chong ke chhiâng-ngièn ya voi yîn-vi choi-châu lòi fûn-thet. 14Ke-têu pai-ko Sat-mâ-li-â ke ngiéu-siong#8:14 “ngiéu-siong” ya-he yi̍t-cho “sṳ̀n-mìn Â-sṳ-mâ” (chhâm-kháu Lie̍t-vòng Ki-ha 17:29-30)., hiong Tan lâu Phe̍t-sṳ-pâ ke sṳ̀n-mìn hí-ko ngien ke ngìn, chhiòn-phu voi vang lo̍k-hi, yún-yén hong m̀ hí-lòi.”

Currently Selected:

Â-mô-sṳ̂ Sû 8: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Â-mô-sṳ̂ Sû 8

Videos for Â-mô-sṳ̂ Sû 8

Amos 7-9

BibleProject

Jesus In All of Amos 7-9

Spoken Gospel

Â-mô-sṳ̂ Sû 8

Popular Bible Verses from
Â-mô-sṳ̂ Sû 8

Videos for Â-mô-sṳ̂ Sû 8

Amos 7-9

Jesus In All of Amos 7-9

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Â-mô-sṳ̂ Sû 8

Â-mô-sṳ̂ Sû 8

Popular Bible Verses from Â-mô-sṳ̂ Sû 8

Videos for Â-mô-sṳ̂ Sû 8

Amos 7-9

Jesus In All of Amos 7-9

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Â-mô-sṳ̂ Sû 8

Popular Bible Verses from
Â-mô-sṳ̂ Sû 8