Osọha lẹ 9
9
1OKLUNỌ lọ sọ dọhó hlan Moṣe, to zùngbo Sinai tọnlọ mẹ, to osùn tintan owhè awetọ tọn lọ mẹ ehegodo yè hen yé jegbonu sọn aigba Egipti tọn mẹ wa, dọmọ, 2Humo gbọ ovi Islaeli tọn lẹ lọ ni payi juwayi lọ go to osã didè etọn mẹ. 3To azán wiẹnẹto osùn he me tọn, to whèjai awelẹ ṣẹnṣẹn, we mìwlẹ na nọ payi e go to osã didè etọn mẹ: kededi asedai etọn lẹpo, podọ kẹdẹdi oséndai etọn le wẹ mì na do nọ payi e go. 4Mosẹ bo so dọhó hlan ovi Islaeli tọn lẹ lọ, do yé ni payi juwayi lọ go 5Ye: sọ payi juwayi lọ go to osùn tintan lọ mẹ to azán wiẹnẹtọ osùn lọ tọn gbè, to whèjai awelẹ ṣẹnṣẹn, to zùngbo Sinai tọn lọ mẹ: kẹdedi ehe OKLUNỌ lọ degbèna Mosé lẹpo, mọwẹ ovi Islaeli tọn lẹ lọ wà do 6Omẹ dẽlẹ bo tin to finẹ, mẹhe yín mawé gbọn osiọ dawe de tọn dali, sọmọ bọ yé ma sọgan payi juwayi lọ go to azán nẹ gbè gba: yé bo sọ wá Moṣe hukọn podọ to Aalọn nukọn to azán nẹ gbè: 7Omẹ nele sọ dọ hlan ẹn dọ; Mìwlẹ yín mawé gbọn osiọ dawe de tọn dali: etẹwutu wẹ yè do glọn mí do godo, bọ mí ma na do yí avọ́nunina OKLUNỌ lọ tọn na to osá didè etọn mẹ to ovi Islaeli tọn lẹ ṣẹnṣẹn? 8Moṣe bo sọ dọ hlan yé domọ, Mì nọte whẹ; na yẹn nido sè núhe OKLUNỌ lọ na degbèna gbọn mì tọn dali.
9OKLUNỌ lọ sọ dọhó hlan Moṣe, dọmọ, 10Dọhó hlan ovi Islaeli tọn lẹ lọ, dọmọ, eyin omẹ de sọn mì mẹ kavi sọn whẹndo mìtọn lẹ mẹ na yín mawé gbọn agbasa oṣiọ de tọn dali, kavi tin to gbéjizọnlin de mẹ to aganu boboe, gãnṣo é na payi juwayi lọ go hlan OKLUNỌ lọ: 11to osùn awetọ mẹ to azán wiẹnẹtọ lọ gbè to whèjai awele ṣẹnṣẹn wẹ ye na payi e go; akla madotón po oma po wẹ ye na do dù i: 12yé ma na jo ode sọn e mẹ do jẹ afọnnu lọ gba, kavi gbà ohú etọn de gba: kẹdẹdi asẹdai juwayi lọ tọn wẹ yé na do nọ payi e go. 13Ṣigba omẹ he yín mawé lọ, bo ma sọ tin gbéjizọnlin de ji gba, bo sọ jódo nado to ayipa juwayi lọ go, alindọn nẹ na yín sinsán sẹ̀ sọn omẹ etọn lẹ ṣẹnṣẹn: na é ma yí avọ́nunina OKLUNỌ lọ tọn na to osã didè etọn mẹ wutu, omẹ nẹ na zé ylando etọn hẹn. 14Podọ eyín ojónọ de na wáwási to mì ṣẹnṣẹn, bo na payi juwayi lọ go hlan OKLUNỌ lọ, kededi asẹdai juwayi lọ tọn, podọ kẹdẹdi osendai etọn, mọwẹ ewọ na wà do, asẹdai dopo wẹ mì na tindo, na ojonọ lọ, podọ na ewọ he yè ji to aigba lọ ji.
15Podọ to azán lọ gbè he gohọ̀túntún lọ yín gigla dote aslọ lọ ṣinyọn gohótúntún lọ ji, yèdọ ogohò okunnuhó lọ tọn ji: podọ to whèjai é tin to gohọ̀túntún lọ ji di é yín awusọhia miyọn lọ tọn, kakajẹ afọnnu. 16Mowẹ é te whepoponu: aslọ lọ ṣinyọn ẹn, po awusọhia miyọn lọ tọn po to ozánmẹ. 17Podọ whedepoponu yè zé aslọ lọ daga sọn Ogohò lọ ta, whenẹnu enẹ godo ovi Islaeli tọn lẹ lọ jẹgbéjizònlin ji: podọ otẹn lọ mẹ fie aslọ lọ nò, finẹ ovi Islaeli tọn lẹ lọ nọ dosla do. 18To gbèdide OKLUNỌ lọ tọn ji wẹ ovi Islaeli tọn lẹ lọ nọ jẹgbéjizọnlin ji, podọ to gbèdide OKLUNỌ lọ tọn ji wẹ yé do nọ dosla: dẹn sọle aslọ lọ nó gohọ̀túntún lọ ji do wẹ yé do nọnọ̀ osla mẹ. 19Podọ whenuena aslọ lọ dọngbàn to gohọ̀túntún lọ jì azán susu, whenẹnu ovi Islaeli tọn lẹ lọ nọ to ayipa asẹ OKLUNỌ lọ tọn go, bo ma nọ jẹgbéjizọnlin ji gba. 20Podọ whedèlẹnu aslọ lọ nọ tin azán vude to gohọ̀túntún lọ ji; whenẹnu kẹdẹdi gbèdide OKLUNỌ lọ tọn wẹ yé do nọ dosla, podọ kẹdẹdi gbèdide OKLUNỌ lọ tọn wẹ yé do nọ jẹgbéjizọnlin ji. 21Podọ whedẽlẹnu aslọ lọ nọ tin sọn whèjai kakajẹ afọnnu; podọ whenuena yè zé aslọ lọ daga to afọnnu lọ mẹ, yé nọ jẹgbéjizọnlin ji: kavi eyín é nọai to okle po ozán po, whenuena yo zé aslọ daga yé nọ jẹgbójizọnlin ji. 22Eyín é yín azán awe, kavi osùn dopo, kavi owhè dopo, wẹ aslọ lọ do nọai to gohọ̀túntún lọ ji, ninó e ji finẹ, ovi Islaeli tọn lẹ lọ nọ dosla, bo ma nọ jẹgbéjizọnlin ji gba. 23To gbèdide OKLUNỌ lọ ton ji wẹ yé do nọ dosla, podọ to gbedide OKLUNỌ lọ tọn ji wẹ yé do nọ jẹgbéjizònlin ji; yé nọ payi asẹ OKLUNỌ lọ tọn lọ go, to gbèdide OKLUNỌ lọ tọn ji gbọn alọ Moṣe tọn mẹ.
Currently Selected:
Osọha lẹ 9: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
