Osọha lẹ 34
34
1OKLUNỌ lọ sọ dọhó hlan Moṣe, dọmọ, 2Naṣẹ ovi Islaeli tọn lẹlọ, bo dọ hlan yé dọmọ, Whenuena mì wá jẹ aigba Kanani tọn lọ mẹ, (ehe wẹ aigba lọ he na jẹ mi si na ogú de, yèdọ aigba Kanani tọn lọ kẹdẹdi agboji etọn lẹ;) 3whenẹnu huwaji dali mìtọn na yín sọn zùngbo Zini tọn lọ mẹ to gáji gbọn adà Edomi tọn lọ dali, podọ agboji huwaji tọn mìtọn lọ na yín sọn opòdo Ohù Ojẹ tọn lọ hlan whèzẹtẹn dali: 4podọ agboji mìtọn na lékò hlan huwaji jeiaga Aklabbimi tọn lọ dali bo gbọn gàji jẹ Zini: po gbonujẹ yì etọn lẹ lọ po na tin hlan huwaji Kadesi-balnea dali; é bo nasọ jẹgbonu yì jẹ Hazali-addali, bo sọ gbọn gãji jẹ Azmoni: 5podọ agboji lọ nasọ lékò sọn Azmoni jẹ tọ̀pẹsẹ Egipti tọn lọ kòn, podọ gbonu jẹ yì etọn na tin to ohù lọ kòn. 6Podọ na agboji hlan whèyihọ dali, mì na tindo ohù daho lọ na agboji de: ehe wẹ na yín agboji whèzẹtẹn tọn mìtọn. 7Podọ ehe wẹ na yín agboji agewaji tọn mìtọn: sọn ohù daho lọ mẹ wẹ mì na dohia osé Holi na mìde: 8sọn osé Holi mẹ mì na dohia jẹ bibiọ Hamati tọn lọ mẹ; podọ gbonu jẹ sọn agboji lọ mẹ yì lẹ na tin to Zedadi: 9podọ agboji lọ na jẹgbonu yì jẹ Zifloni, podọ gbonujẹ yì etọn lẹ lọ na tin to Hazalenani: ehe wẹ na yín agboji agewaji tọn mìtọn. 10Mì nasọ dohia agboji whèzẹtẹn tọn mìtọn sọn Hazalenani mẹ jẹ Sefami: 11podọ agboji lọ na yì odò sọn ṣefami mẹ jẹ Libla, to awà whèzẹtẹn Aini tọn lọ ji, podọ agboji lọ nasọ yì odò, bo na yì jẹ awà ohù Keneleti tọn lọ ji hlan whèzẹtẹn dali: 12podọ agboji lọ nasọ yì odò jẹ Jọdani, podọ gbonujẹ yì etọn lẹ nasọ tin to Ohù Ojẹ tọn lọ kọ̀n: ehe wẹ na yín aigba mìtọn kẹdẹdagboji etọn lẹ lẹ́do pé. 13Moṣe sọ naṣẹ ovi Islaeli tọn lẹ lọ, dọmọ, Ehe wẹ aigba lọ he mì na yínagú gbọn ovò dali, he OKLUNỌ lọ ko degbèna nado na hlan whẹndo sinẹnẹ lẹ lọ, podọ hlan odá whẹndo lọ tọn: 14na whẹndo ovi Lẹubeni tọn lẹ lọ tọn kẹdẹdi owhé otọ́ yetọn lẹ tọn lẹ, po whẹndo ovi Gadi tọn lẹ lọ tọn po kẹdẹdi owhé otọ yetọn lọ lọ tọn, ko yí, podọ odá whẹndọ Manasse tọn lọ ko yí ogú yetọn: 15whẹndo awe lẹ po odá whẹndo tọn lọ po ko yí ogú yetọn to Jọdani gododọ̃n to Jẹliko hlan whèzẹtẹn dali, hlan whèzizẹ dali.
16OKLUNỌ lọ sọ dọhó hlan Moṣe, dọmọ, 17Ehelẹ wẹ oyín omẹ lẹ lọ tọn lẹ he na má aigba lọ hlan mì na ogú: Eleazali yẹwhenọ lọ, po Jọsua visunnu Nuni tọn lọ po. 18Míwlẹ nasọ yí ogán dopo sọn whẹndo dopodopo mẹ, nado má aigba lọ na ogú. 19Podọ ehelẹ sọ wẹ oyín omẹ lẹ lọ tọn lẹ: sọn whẹndo Juda tọn mẹ, Kalebi visunnu Jẹfunẹ tọn lọ. 20Podọ sọn whẹndo ovi Simeoni tọn lẹ lọ tọn mẹ, Semueli visunnu Amihudi tọn lọ. 21Sọn whẹndo Benjamini tọn lọ mọ, Elidadi visunnu Kisloni tọn lọ. 22Podọ sọn whẹndo ovi Dani tọn lẹ lọ mẹ ogán de, Bukki visunnu Jogli tọn lọ. 23Sọn ovi Josefu tọn lẹ lọ mẹ: sọn whẹndo ovi Manasse tọn lẹ lọ tọn mẹ ogán de, Hannieli visunnu Efodi tọn lọ: 24podọ sọn whẹndo ovi Eflaimi tọn lẹ lọ tọn mẹ ogan de, Kennueh visunnu Sìftani tọn lọ. 25Podọ sọn whẹndo ovi Zebuluni tọn lẹ lọ tọn mẹ ogán de, Elizafani visunnu Palnaki tọn lọ. 26Podọ sọn whẹndo ovi Issakali tọn lẹ lọ tọn mẹ ogán de, Paltieli visunnu Azzani tọn lọ. 27Podọ sọn whẹndo ovi Aṣeli tọn lẹ lọ tọn mẹ ogán de, Ahihudi visunnu Ẹelomi tọn lọ. 28Podọ sọn whẹndo ovi Naftali tọn le lọ tọn mẹ ogán de, Pedaheli visunnu Ámmihudi tọn lọ. 29Ehelẹ wẹ yé mẹhe OKLUNỌ lọ nasẹ nado má ogú lọ hlan ovi Islaeli tọn lẹ lọ to aigba Kanani tọn lọ mẹ.
Currently Selected:
Osọha lẹ 34: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
