Osọha lẹ 33
33
1EHELẸ wẹ gbéjizọnlin ovi Islaeli tọn lẹ lọ tọn lẹ, whenuena yé jẹgbonu tón sọn aigba Egipti tọn lọ ji yì gbọn awhànpa yetọn lẹ dali to alọ Moṣe po Aalọn po tọn glọ. 2Moṣe sọ wlanwé tintón jẹgbonu yì yetọn lẹ tọn kẹdẹdi gbéjizọnlin yetọn lẹ gbọn gbèdide OKLUNỌ lọ tọn dali: podọ ehelẹ sọ wẹ gbéjizọnlin yetọn lẹ kẹdẹdi tintón jẹgbonu yì yetọn lẹ, 3Yé yígbéjizọnlin yetọn sọn Lamesesi to osùn tintan lọ mẹ, to azán fọtọ̀ntọ osùn tintan lọ tọn gbè; to azán awetọ gbè to juwayi lọ godo ovi Islaeli tọn lẹ lọ jẹgbonu yì po awà yìji de po to nukun Egiptinu lẹ lọ lẹpo tọn mẹ, 4whenuena Egiptinu lẹ lọ to plọnji yetọn lẹ siọdi, he OKLUNỌ lọ ko hò to yé ṣẹnṣẹn: OKLUNỌ lọ sọ hẹn whẹ́dída lẹ ọ sẹ to ovòdún yetọn lẹ ji ga. 5Ovi Islaeli tọn lẹ lọ sọ yígbéjizọnlin sọn Lamesesi mẹ, bo whèsla do Sokoti mẹ. 6Yé sọ yígbéjizọnlin sọn Sokoti mẹ, bo whèsla do Etami mẹ, he tin to otónu zùngbo lọ tọn. 7Yé sọ yígbéjizọnlin sọn Etami mẹ, bo sọ lẹ́ dogodo jẹ Pihahilotì mẹ, he tin to Baali-zefoni nukọn, yé sọ whèsla do Migdoli nukọn. 8Yé sọ yígbéjizọnlin sọn Hahiloti nukọn bo gbọn gblagbla ohù tọn mẹ jẹ zùngbo lọ mẹ: yé sọ yì azàn atọ́n gbéjizọnlin to zùngbo Etami tọn lọ mẹ, bo whèsla do Mala mẹ.
9Yé sọ yígbéjizọnlin sọn Mala mẹ, bo wá jẹ Elimi mẹ: podọ to Elimi mẹ wẹ owhín osìn tọn wiawe te po odetin kandegbàn po; yé sọ whèsla do finẹ. 10Yé yígbéjizọnlin sọn Elimi mẹ, bo whèsla do Ohù Vẹ̃ lọ dali. 11Yé yígbéjizọnlin sọn Ohù Vẹ̃ lọ kòn, bo whèsla do zùngbo Sini tọn lọ mẹ. 12Yé yígbéjizọnlin sọn zùngbo Sini tọn lọ mẹ, bo whèsla do Dofka mẹ. 13Yé yígbéjizọnlin sọn Dofka mẹ, bo whèsla do Alusi mẹ. 14Yé yígbéjizọnlin sọn Alusi mẹ, bo whèsla do Lefidimi mẹ, fie osìn de ma tin te na gbẹtọ lẹ lọ nado nù. 15Yé sọ yígbéjizọnlin sọn Lefidimi mẹ, bo whèsla do zùngbo Sinai tọn lọ mẹ. 16Yé sọ yígbéjizọnlin sọn zùngbo Sinai tọn lọ mẹ, bo whèsla do Kibloti-hattaava mẹ. 17Yé yígbéjizọnlin sọn Kiblotihattaava mẹ, bo whèsla do Hazeloti mẹ. 18Yé yígbéjizọnlin sọn Hazeloti mẹ, bo whèsla do Litma mẹ. 19Yé sọ yígbéjizọnlin sọn Litma mẹ, bo whèsla do Limmoni-pelezi mẹ. 20Yé sọ yígbéjizọnlin sọn Limmoni pelezi mẹ, bo whèsla do Libna mẹ. 21Yé yígbéjizọnlin sọn Libna mẹ, bo whèsla do Lissa mẹ. 22Yé yígbéjizọnlin sọn Lissa mẹ, bo whèsla do Kehelata mẹ. 23Yé sọ yígbéjizọnlin sọn Kehelata mẹ, bo whèsla do Ṣẹfeli mẹ. 24Yé yígbéjizọnlin sọn Ṣẹfeli mẹ, bo whèsla do Halada mẹ. 25Yé yígbéjizọnlin sọn Halada mẹ, bo whèsla do Makheloti mẹ. 26Yé sọ yígbéjizọnlin sọn Makheloti mẹ, bo whèsla do Tahati mẹ. 27Yé yígbéjizọnlin sọn Tahati mẹ, bo whèsla do Tela mẹ. 28Yé yígbéjizọnlin sọn Tela mẹ, bo whèsla do Mitka mẹ. 29Yé yígbéjizọnlin sọn Mitka mẹ, bo whèsla do Hasinona mẹ. 30Yé yígbéjizọnlin sọn Hasinona mẹ, bo whèsla do Moseloti mẹ. 31Yé yígbéjizọnlin sọn Moseloti mẹ, bo whèsla do Bene-jaakani mẹ. 32Yé yígbéjizọnlin sọn Bene-jaakani mẹ, bo whèsla do Holi-haggidgadi mẹ. 33Yé sọ yígbéjizọnlin sọn Holihaggidgadi mẹ, bo whèsla do Jotbata mẹ. 34Yé yígbéjizọnlin sọn Jotbata mẹ, bo whèsla do Ablona mẹ. 35Yé yígbéjizọnlin sọn Ablona mẹ, bo whèsla do Ezioni-gebeli mẹ. 36Yé yígbéjizọnlin sọn Ezioni-gebeli mẹ, bo whèsla do zùngbo Zini tọn lọ mẹ (dopolọ we Kadesi). 37Yé yígbéjizònlin sọn Kadesi mẹ, bo whèsla do osé Holi mẹ, to otónu aigba Edomi tọn lọ tọn me. 38Aalọn yẹ whenọ lọ sọ hẹji yì osé Holi mẹ to gbèdide OKLUNỌ lọ tọn ji, bo kú to finẹ, to owhè kandetọ lọ mẹ godo he ovi Islaeli tọn lẹ lọ jẹgbonu sọn aigba Egipti tọn lọ mẹ wá, to osùn atọ̀ntọ lọ mẹ, to azán tintan osùn lọ tọn gbè. 39Aalọn sọ yín owhè kantọ̀nnukunatọ̀n mẹho whenuena é kú to osé Holi mẹ. 40Kananinu lọ, Ahọlu Aladi tọn lọ, he nọnọ̀ huwaji lọ mẹ to aigba Kanani tọn lọ mẹ, sè dọ ovi Islaeli tọn lẹ lọ ja. 41Bó sọ yígbéjizọnlin sọn osé Holi mẹ, bo whèsla do Zalmona me 42Yé yígbéjizọnlin sọn Zalmona mẹ, bo whèsla do Punoni mẹ. 43Yé yígbéjizọnlin sọn Punoni mẹ, bo whèsla do Oboti mẹ. 44Yé yígbéjizọnlin sọn Oboti mẹ, bo whèsla do Iye-abahmi mẹ, to agboji Moabi tọn lọ mẹ. 45Yé yígbéjizọnlin sọn Iyimi mẹ, bo whèsla do Diboni-gadi mẹ. 46Yé yígbéjizọnlin sọn Diboni-gadi mẹ, bo whèsla do Almoni-diblataimi mẹ. 47Yé yígbéjizọnlin sọn Almoni-diblataimi mẹ, bo whèsla do osé Abalimi tọn lẹ lọ mẹ to Nebo nukọn. 48Yé yígbéjizọnlin sọn osé Abalimi tọn lẹ lọ mẹ, bo whèsla do dànfáfá Moabi tọn lẹ lọ mẹ to Jọdani dali to Jẹliko. 49Yé bo whèsla do Jọdani dali, sọn Beti-jesimoti mẹ yèdọ jẹ Abeli-sìttimi to dànfáfá Moabi tọn lẹ lọ mẹ.
50OKLUNỌ lọ sọ dọhó hlan Moṣe to dànfáfá Moabi tọn lẹ lọ mẹ to Jọdani dali to Jẹliko, dọmọ, 51Dọhó hlan ovi Islaeli tọn lẹ lọ, bo dọ hlan yé dọmọ, Whenuena mì juyì Jọdani godo jẹ aigba Kanani tọn lọ mẹ, 52Whenẹnu mì na yàn tòmẹnu aigba lọ tọn lẹpo jẹgbonu sọn mì nukọn, bo sukún zannu winwlan yetọn lẹpo tọn do, bo sọ sukún bosiọ kinkòn yetọn lẹpo tọn do, bo sọ và ofi yìji yetọn lẹpo: 53míwlẹ nasọ yí aigba lọ na nútindo bo nọ nọ̀ e mẹ finẹ: na mì wẹ yẹn ko na aigba lọ hlan nado tindo e. 54Mìwlẹ nasọ yí aigba lọ do dugú gbọn ovò dali kẹdẹdi whédo mìtọn lẹ; mì na na ogú sùhu hlan omẹ sùhu, podọ hiẹ nasọ na ogú vude hlan omẹ vude; fidepope ovò lọ flẹ do hlan omẹ de lẹ, enẹ na yín etọn; kẹdẹdi whẹndo otọ́ mìtọn lẹ tọn lẹ wẹ mì na do yígú 55Ṣigba eyín mìwlẹ ma na yàn tòmẹnu aigba lọ tọn lẹ lọ jegbonu sọn mì nukọn gba; whenẹnu wẹ enẹlẹ he mì gbọ e pòai sọn yé mẹ na tin di okẹ́n to nukun mìton lẹ mẹ, podọ di owùn lẹ to adà mìtọn lẹ mẹ, yé nasọ dotukla mi to aigba hemẹ mì nọnọ lọ. 56E nasọ wá jọ, dọ le yẹn lẹn nado wà hlan yé do, mọwẹ yẹn na wà hlan mì.
Currently Selected:
Osọha lẹ 33: BWL23
Highlight
Share
Compare
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
