Osọha lẹ 2
2
1OKLUNỌ lọ sọ dọhó hlan Moṣe podọ hlan Aalọn, dọmọ, 2Ovi Islaeli tọn lẹ lọ na pénslahò omẹ dopodopo to awhànsia etọn lọsu dali, po asia owhọ̀ otò yetọn lẹ tọn lẹ po: pànnukọn ogohọ̀ opli tọn lọ wẹ yé na pénslahọ̀ lédo pé. 3Podọ yé he pénslahọ̀ to awà whèzẹtẹn tọn go hlan whèzizẹ dali na yín yé awhànsia osla Juda tọn lọ tọn mẹ tọn, kẹdẹdi awhànpa yetọn lẹ: podọ ogán lọ sọn ovi Juda tọn lẹ lọ mẹ na yín Nasoni visunnu Aminadabi tọn lọ. 4Podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandegbànnukunẹnẹ po nuọntọ̀n po. 5Podọ enẹlẹ he pénslahò sèpo jẹ e de lẹ na yín Issakali tọn lọ: podọ ogán lọ sọn ovi Issakali tọn lẹ lọ mẹ na yín Nẹtanẹli visunnu Zuali tọn lọ: 6podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandewiẹnẹ po fòwe po: 7po whẹndo Zẹbuluni tọn lọ po: ogán lọ sọn ovi Zẹbuluni tọn lẹ lọ mẹ na yín Eliabi visunnu Helọni tọn lọ: 8podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandefọtọ̀nnukunawe po fòwe po. 9Ehé yè yísọhana sọn osla Juda tọn mẹ lẹpo yín fọtọ̀n kẹnnẹsidopo po fòwe po, kẹdẹdi awhànpa yetọn lẹ. Yé wẹ tintan he na dèdo.
10To awànuwàji tọn lọ go wẹ awhànsia osla Lẹubeni tọn lo tọn na te kẹdẹdi awhànpa yetọn lẹ: podọ ogán lọ sọn ovi Lẹubeni tọn lẹ lọ mẹ na yín Elizuli visunnu Lẹubeni tọn lọ. 11Podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandesidopo po fòwekanweko po. 12Podọ enẹlẹ he pénslahò sèpọ jẹ e de lẹ na yín whẹndo Simeoni tọn lọ: podọ ogán lọ sọn ovi Simeoni tọn lẹ lọ mẹ na yín Ṣelumiẹli visunnu Zulisadai tọn lọ: 13podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandefọtònnukunẹnẹ po fọdekanweko po: 14po whẹndo Gadi tọn lọ po: podọ ogán lọ sọn ovi Gadi tọn lẹ lọ me na yín Eliasafi visunnu Leueli tọn lọ: 15podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kandeatòn po nuontònkandeao po. 16Ehe yè yísọhana sọn osla Lẹubeni tọn lọ mẹ lẹpo yín fọtọ́n kantọ̀ngbànatònnukundopo po fòwekandeao po, kẹdẹdi awhanpa yetọn lẹ. Podọ yé wẹ awetọ he na dèdo.
17Whenẹnu ogohò opli tọn lọ na dèdo nukọn, po osla Levinu lọ lẹ tọn po to gblagbla osla lọ lẹ tọn mẹ: le yé dosla do, mọwẹ yé na dèdo nukọn do, omẹ dopodopo to otẹn etọn mẹ, gbọn awhànsia yetọn lẹ dali.
18To awà whèyìhò tọn go wẹ awhànsia sọn osla Ẹflaimi tọn lọ mẹ na te kẹkẹdi awhànpa yetọn lẹ: podọ ogán lọ sọn ovi Ẹflaimi tọn lẹ lọ mẹ na yín Elisama visunnu Àmihudi tọn lọ. 19Podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n kande po fòwekanweko po. 20Podọ sèpọ jẹ e de na yín whẹndo Manasse tọn lọ: podọ ogán lọ sọn ovi Manasse tọn lẹ lọ mẹ na yín Gamalieli visunnu Pẹdazuli tọn lọ: 21podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ́n gbànnukunawe po fòde po: 22po whẹndo Bẹnjamini tọn lọ po: podọ ogán lọ sọn ovi Bẹnjamini tọn lẹ lọ mẹ na yín Àbidani visunnu Gideoni tọn lọ: 23podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ̀n gbànatọ́n po fòwe po. 24Ehe yè yísọhana sọn osla Ẹflaimi tọn lọ mẹ lẹpo yín fọtọ́n kanwekoatọ́nnukunatọ̀n po kanweko po, kẹdẹdi awhànpa yetọn lẹ. Podọ yé wẹ atọ̀ntọ he na dèdo.
25To awà agewaji tọn go wẹ awhànsia osla Dani tọn lọ tọn na te kẹdẹdi awhànpa yetọn lẹ: podọ ogán lo sọn ovi Dani tọn lẹ lọ mẹ na yín Ahiezeli visúnnu Amìsadai tọn Vọ 26Podọ awhànpa etọn, po enelẹ he yè yísọhana sọn yé mẹ le po, yín fọtọ́n kandekonukúnawe po nuọntọ̀nkanweko po. 27Podọ enẹlẹ he pénslahò sèpọ jẹ e de lẹ na yín whẹndo Àseli tọn lọ: podọ ogán lọ sọn ovi Aṣeli tọn lẹ lọ mẹ na yín Pagieli visunnu Oklani tọnlọ: 28podọ awhànpa etọn, po enẹlẹ he yè yísọhana sọn yé mẹ lẹ po, yín fọtọ́n kandenukundopo pò fowekanwebo po: 29po whẹndo Naftali tọn lọ po: podọ ogán lọ sọn ovi Naftali tọn lẹ lọ mẹ na yín Ahila visunnu Enani tọn lọ: 30podọ awhànpa etọn, po enẹlẹ he yè yísọhana sọn yé me lẹ po, yín fọtọ́n kandewiatòn po fòwe po. 31Ehe yè yísọhana sọn osla Dani tọn lọ me lẹpo yín fọtọ́n kantọ̀ngbànatọnnukunawe po nuọntọ̀n po. Yé wẹ na dèdo gbọn godopatapata gbọn awhànsia yetọn lẹ dali.
32Ehelẹ wẹ yé he yè yísọhana sọn ovi. Islaeli tọn lẹ lọ mẹ gbọn owhé otọ́ yetọn lẹ tọn lẹ dali: ehe yè yísọhana sọn osla lẹ lọ mẹ kẹdẹdi awhànpa yetọn lẹ yín fọtọ́n nuọntọ̀n nukun atọ̀n po fòwekantọ̀ngbàn po. 33Ṣigba Levinu lẹ lọ wẹ yè ma yí-ọhana to ovi Islaeli tọn lẹ lọ ṣẹnṣẹn gba; dile OKLUNỌ lọ degbèna Moṣe do. 34Le wẹ ovi Islaeli ton lẹ lọ wà do; kẹdedi ehe OKLUNỌ lọ degbèna Moṣe lẹpo, mọwẹ yé pénslahò gbọn awhànsia yetọn lẹ dali, podọ mọwẹ yé dèdo nukọn do, omẹ dopodopo gbọn whédo yetọn lẹ dali, kẹdẹdi owhé otọ́ yetọn lẹ tọn lẹ.
Currently Selected:
Osọha lẹ 2: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.