Osọha lẹ 1

1OKLUNỌ lo sọ dọho hlan Moṣe to zùngbo Sinai tọn mẹ, to ogoho opli tọn lọ me, to azán tintan osun awẹtọ tọn gbè, to owhè awetọ lọ me godo ye ko yín hinhẹn jẹgbonu sọn aigba Egipti tọn lọ mẹ wá, dọmọ, 2Mì yi osọha agùn ovi Islaeli tọn lẹ tọn lẹpo, gbọn owhedo yetọn lẹ dali, gbọn owhé oto yetọn lẹ tọn lẹ dali, kẹkedi osọha oyìn lẹ lọ tọn, sunnu dopodopo, gbọn ota yetọn lẹ dali; 3sọn owhè òko mẹho podọ humọ, ehe tin sọgan nado tọn yì jẹ awhàn kòn to Islaeli mẹ, hiẹ po Aalon po na yísọhana ye gbọn awhànpá yetọn lẹ dali. 4Podọ tọ mì de finẹ we sunnu dopo na te sọn whẹndo dopodopo me; omẹ dopodopo nukọntọ owhé oto etọn tọn 5Podọ ehelẹ wẹ oyín omẹ lẹ lo tọn lẹ he na site to mì de: sọn Lẹubeni mẹ; Elizuli visunnu Sedeuli tọn lọ. 6Son Simeoni mẹ; Selumieli visunnu Zulisadai tọn lọ. 7Son Juda mẹ; Nasoni visunnu Aminadabi tọn lọ. 8Sọn Issakali mẹ; Nẹtanẹli visunnu Zuali tọn lọ. 9Sọn Zẹbuluni me; Eliabi visunnu Heloni tọn lọ 10Sọn ovi Jọsefu Tọn lẹ lọ me: son Ẹflaimi mẹ; Elisama visunnu Amihudi tọn lọ: sọn Manasse mẹ; Gamaheli visunnu Pedahuli tọn lọ. 11Sọn Bẹnjamini mẹ; Abidanì visunnu Gideoni tọn lọ. 12Sọn Dani mẹ; Ahiezeli visunnu Amisadai tọn lọ. 13Sọn Aṣeli mẹ, Pagieli visunnu Oklani tọn lọ. 14Sọn Gadi mẹ, Eliasafi visunnu Deueli tọn lọ. 15Sọn Naftali mẹ; Ahila visunnu Enani tọn lọ 16Ehelẹ wẹ yé he yè ylọ sọn agùn lọ mẹ, ogán lẹ lọ sọn whẹndo oto yetọn le tọn, lẹ mẹ; yé wẹ nukọntọ, whẹdo Islaeli tọn, lẹ lọ tọn. 17Moṣe po Aalọn po sọ yi omè helẹ he ye ylọ gbọn oyín dali: 18ye bo sọ pli agùn lọ lẹpo dopo to azán tintan osùn awetọ lọ tọn gbe, yé sọ pitan whẹndo yetọn le tọn kededi whédo yetọn lẹ, gbọn owhe otọ yetọn lẹ tọn dali, kẹdẹdi osọha oyín le lọ ton son owhè oko mẹho podọ humọ, gbọn ota yetọn lẹ; dali 19Le OKLUNỌ lọ degbèna Moṣe do, mọ wẹ é yísọhana yé do to zùngbo Sinai tọn lọ mẹ.

20Podo ovi Lẹubeni tọn lẹ lọ, oplọnji Islaeli tọn, whendo yetọn lẹ, gbon whédo yetọn lẹ dali, gbọn owhé otọ̀ yetọn le tọn lẹ dali, kẹdẹdi osọho oyín lẹ lọ tọn, gbọn ota yetọn lẹ dali, sunnu dopodopo sọn owhè òko mẹho podọ humọ, ehe tín sọgan nado jẹgbonu yì jẹ awhàn kòn; 21enẹlẹ he yè yísọhana sọn yé mẹ, sọn whẹndo Lẹubeni tọn lọ mẹ, yín fọtọ̀n kándeṣidopo po fowekanweko po.

22Sọn ovi Simeoni tọn lẹ lọ mẹ, gbọn whédo yetọn lẹ dali, gbọn owhe otọ́ yetọn lẹ tọn dali, enẹlẹ he yè yísọhana sọn yé mẹ finẹ, kẹdẹdi osọha oyín lẹ lọ tọn, gbọn ota yetọn lẹ dali, sunnu dopodopo sọn owhè òko mẹho podọ humọ, ehe tin sọgan nado jẹgbonu yì je awhàn kọn lẹpo; 23enẹlẹ he yè yísọhana sọn yé mẹ, sọn whẹndo Simeoni tọn mẹ, yín fọtọ́n kandefọtọ̀nnukunẹnẹ po fọdekanweko po.

24Sọn ovi Gadi tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otọ́ yetọn lẹ tọn dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; 25enẹlẹ he yè yísọhana sọn yé mẹ, sọn whẹndo Gadi tọn lọ mẹ, yín fọtọ́n kandeatọ́n po nuọntọ̀nkandeao po.

26Sọn ovi Juda tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otọ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo: 27enẹlẹ he yè yísọhana sọn yé mẹ, sọn whendo Juda tọn lọ mẹ, yín fọtọ́n kandegbànnukunẹnẹ po nuọntọ̀n po.

28Sọn ovi Issakali tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otẹ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; 29enẹlẹ he yè yísọhana sọn yé mẹ, sọn whẹndo Issakali tọn lọ mẹ, yín fọtọ́n kandewiẹnẹ po fowe po.

30Sọn ovi Zẹbuluni tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhó oté yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sogan nado jẹgbonu yì jẹ awhàn kòn lẹpo; 31enẹlẹ he yè yísọhana sọn yé mẹ, sọn whẹndo Zẹbuluni tọn lọ mẹ, yín fọtọ́n kandefọtònnukunawe po fòwe po.

32Sọn ovi Josẹfu tọn lẹ lọ mẹ, enẹ wẹ nado dọ, sọn ovi Ẹflaimi tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otọ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; 33enẹlẹ he yè yísọhana sọn yé mẹ, sọn whẹndo Ẹflaimi tọn lọ mẹ, yín fọtọ́n kande po fòwekanweko po.

34Sọn ovi Manasse tọn lẹ lọ mẹ, whẹndo yetọn lẹ, gbọn whédo yetọn le dali, gbọn owhé otọ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; 35enẹlẹ he yè yísọhana sọn yé mẹ, sọn whẹndo Manasse tọn lọ mẹ, yín fọtọ́n gbánnukunawe po fọ̀de po.

36Sọn ovi Bẹnjamini tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otọ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo, 37enẹlẹ he yè yísọhana sọn yé mẹ, sọn whẹndo Bẹnjamini tọn lọ mẹ, yín fọtọ́n gbanatẹ́n po fòwe po.

38Sọn ovi Dani tọn lẹ lọ mẹ, whendo yetọn lẹ, gbọn whédo yetọn le dali, gbọn owhé otọ́ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè oko mẹho podọ humọ, ehe tin sọgan nado jegbonu yì jẹ awhàn kòn lẹpo; 39enelẹ he ye yísọhana sọn yé mẹ, sọn whendo Dani tọn lẹ lọ mẹ, yin fọtọ́n kandekonukunawe po nuọntọ̀nkanweko po.

40Sọn ovi Aṣeli tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhẹ́ otọ yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko meho podọ humọ, ehe tin sọgan nado jẹgbonu yì jẹ awhàn kòn lẹpo; 41enẹlẹ he yè yísọhana sọn yé mẹ, sọn whẹndo Aṣeli tọn lọ mẹ, yín fọtọ́n kandenukundopo po fòwekanweko po. 42Sọn ovi Naftali tọn lẹ lọ mẹ, whẹndo yetọn lẹ, gbọn whédo yetọn lẹ dali, gbọn owhé otè yetọn lẹ tọn lẹ dali, kẹdẹdi osọha oyín lẹ lọ tọn, sọn owhè òko mẹho podọ humọ, ehe tin sọgan nado jẹgbonu yì jẹ awhàn kòn lẹpo; 43enẹlẹ he yè yísọhana sọn yé mẹ, sọn whẹndo Naftali tọn lọ mẹ, yín fọtọ́n kandewiatòn po fòwe po. 44Ehelẹ wẹ yé he yè yísọhana, he Moṣe po Aalọn po yísọhana, po ogán Islaeli tọn lẹ lọ po, yín yín sunnusi wiawe: yé tin omẹ dopodopo na owhé otọ́ etọn lẹ tọn. 45Mowẹ yé he yè yísọhana sọn ovi Islaeli tọn lẹ lọ mẹ gbọn owhé otẹ́ yetọn lẹ tọn lẹ daíi, sọn owhé òko meho podọ humọ, ehe tin sọgan nado jẹgbonu yì jẹ awhàn kọ̀n to Islaeli mẹ lẹpo; 46yèdọ yé he yè yísọhana lẹpo yín fọtọ́n nuọntọ̀nnukunatọ̀n po fòwekantọ̀ngbàn po. 47Ṣigba Levinu lẹ kẹdedi whẹndo otọ́ yetọn lẹ tọn wẹ yè ma yísohana to yé ṣẹnṣẹn gba. 48Na OKLUNỌ lọ dọhó hlan Moṣe, dọmọ, 49Whẹndo Levi tọn lọ kẹdẹ wẹ hiẹ ma na yísọhana gba, mọ hiẹ ma na yí lẹndopọ yé tọn lọ to ovi Islaeli tọn lẹ lọ ṣẹnṣẹn gba. 50Ṣigba hiẹ ni dè Levinu lẹ lọ do gohọ̀túntún okunnuhó lọ tọn lọ ji, podọ do aṣọvànu etọn lẹpo ji, podọ do ehe yín é tọn lẹpo ji: yé na nọ zé gohọ̀túntún lọ hẹn, po asọvànu etọn lẹpo po; yé bo nasọ nọ wàdevizọn hlan ẹn, bo nasọ dosla lédo gohọ̀túntún lọ pé. 51Podọ whenuena gohọ̀túntún lọ dèdo nukọn, Levinu lẹ na yí i wádò: podọ whenuena gohọ̀túntún lọ tin nado yín pinpén, Levinu lẹ lọ na zé e dote: podọ ojónọ he wá dònsòpọ lọ na yín hùhù. 52Podọ ovi Islaeli tọn lẹ lọ na pọ́n ogohò yetọn lẹ, omẹ dopodopo to osla etọn lọsu dali, podọ omẹ dopodopo to awhànsia etọn lọsu dali, kẹdẹdi awhànpa yetọn lẹ. 53Ṣigba Levinu lẹ lọ na pénslahò lédo gohọ̀túntún okunnuhó lọ tọn lọ pó, na homẹgble de ma na do tin to agùn ovi Islaeli tọn lẹ tọn ji to finẹ gba: Levinu lẹ lọ wẹ nasọ nọ payi asó gohọ̀túntún okunnuhó lọ tọn lọ go. 54Le wẹ ovi Islaeli tọn lẹ lọ wà do; kẹdẹdi ehe OKLUNỌ lọ degbèna Moṣe lẹpo, mọwẹ yé wà do.

Currently Selected:

Osọha lẹ 1: BWL23

Highlight

Copy