Osọha lẹ 17
17
1OKLUNỌ lọ sọ dọhó hlan Moṣe, dọmọ, 2Dọhó hlan ovi Islaeli tọn lẹ lọ, boyi opo lẹ sọn yési, dopo na owhé otọ́ lẹ tọn dopodopo, sọn ogán yetọn lẹpo si kẹdẹdi owhe otọ́ yetọn le tọn lẹ, opò wiawe: hiẹ ni wlan oyín omẹ dopodopo tọn do opò etọn ji. 3Hiẹ na wlan oyin Aalọn tọn do opò Levi tọn ji: na opò dopo é na yín na nukọntọ owhé otọ́ yetọn lẹ tọn dopodopo. 4Hiẹ na zé yé doai to ogohò opli tọn lọ mẹ to kunnuhó lọ nukọn, fie yẹn nọ pli hẹ mi te. 5E nasọ wá jọ dọ omẹ he yẹn na dè lọ, opò etọn na jòama: yẹn bo nasọ hẹn hunhlun ovi Islaeli tọn lẹ tọn nado doalọte, ehe yé hlun do mì ta. 6Moṣe sọ dọhó hlan ovi Islaeli tọn lẹ, ogán yetọn lẹpo sọ na opò lẹ ẹ, dopo na ogán dopodopo, kẹdẹdi owhé otọ́ yetọn lẹ tọn lẹ, yèdọ opo wiawe: opò Aalọn tọn lọ tin to opò yetọn lẹ ṣẹnṣẹn. 7Moṣe sọ zé opò lẹ lọ doai to OKLUNỌ lọ nukọn to ogohọ̀ kunnuhó lọ tọn mẹ. 8E sọ wá jọ to azán awetọ gbè, bọ Mọse yì ogohọ̀ kunnuhó lọ tọn mẹ; bo, dayi e go, yè hẹn opò Aalọn tọn lọ na owhé Levi tọn lọ jọ̀, bo sọ vlọ́nama lẹ jẹgbonu, bo sọ gbàsẹ́, bo sọ, zé almọndi bibia lẹ hẹn. 9Moṣe bo sọ hẹn opo lọ lẹpo jẹgbonu sọn OKLUNỌ lọ nukọn wá jẹ ovi Islaeli tọn lẹpo de: yé sọ pọ́n, omẹ dopodopo sọ yí opò etọn. 10OKLUNỌ lọ sọ dọ hlan Moṣe dọmọ, Gọ̀ opò Aalọn tọn lọ do kunnuhó lọ nukon, nado yín whiwhla na ohia de do ovi tolivivẹ́ tọn lẹ ji; na hiẹ nido basi opòdo hunhlun yetọn ton de do Ogo e, na yé do ku blo. 11Le wẹ Moṣe wa do: le OKLUNỌ lọ degbèna ẹn do, mọwẹ é wà do.
12Ovi Islaeli tọn lẹ lọ sọ dọhó hlan Moṣe, dọmọ, Dayi e go, mí dòn, mí yín tapono, mí mẹpo yín taponọ. 13Ome he wá sẹpọ́ lẹpo, he wá sẹpọ jẹ gohọ̀túntún OKLUNỌ lọ tọn kọn na kú: popo mí tọn na ku wẹ?
Currently Selected:
Osọha lẹ 17: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
