MATIU 20
20
1NA ahọludu olọn tọn sọ tin jijlẹ do dawe he yín whénọ de go, he tọ́n to afọnnufù nado dà pakanọ lẹ do vẹ̃ngle etọn mẹ. 2Whenuena é whleahi hẹ pakanọ lẹ na abọgan-kuẹ dopo egbesọ, é do yé hlan vẹ̃ngle etọn mẹ. 3E sọ tọn to ojlẹ ogàn atọ̀ntọ tọn mẹ, bo mọ adidọnọ devo lẹ site to ahi mẹ. 4E dọ hlan yé, dọmọ, Mì yì vẹ̃ngle mẹ ga, onú depope he jẹ yẹn na na mì. Yé sọ yì. 5E sọ vọ tọ́n to ogàn sidopotọ po sinẹnẹlọ po mẹ, bo sọ basi mọ. 6To ojlẹ ogan widopotọ mẹ, é sọ tón bo mọ devo lẹ site, e sọ dọ hlan yé, dọmọ, Etẹwutu wẹ mìwlẹ site to ofi sọn gbẹnnegbọ̃n azonmawa? 7Ye sọ dọ hlan ẹn, dọmọ, Na mẹde ma dapa mi wutu wẹ. E sọ dọ hlan ye, dọmọ, Mì yì vẹ̃ngle mẹ ga: 8Whenuena tenu do, Oklunọ vẹ̃ngle tọn dọ hlan honkọnsi etọn, dọmọ, Ylọ pakanọ lẹ bo na azọn kuẹ yetọn yé, hẹn ẹn sọn mẹhe gbọn godo ji, yì mẹtintan ji. 9Whenuena mehe yè dapa to ogàn widopotọ mẹ lẹ wa, dopo dopo yetọn mọ abọgan-kuẹ dopodopo yí. 10Ṣigba whenuena omẹ nukọntọn lẹ wá, yé lẹn dọ yé na mọ yí hú mọ; dopodopo yetọn sọ mọ abọgan-kuẹ dopo dopo yí. 11Whenuena yé yí i, ye to hunhlun do whenọ lo go. 12Dọmọ, omẹ godotọn helẹ wazọn ojlẹ dopo kẹdẹ, hie sọ hẹn yé sọzẹn hẹ mi mẹhe hẹn agban po yózo azán tọn po. 13Ṣigba é gblọn bo dọ hlan dopo to yé mẹ, dọmọ, Họnton, yẹn ma wàylan do we gba: e ma yín abọgan-kuẹ dopo wẹ hiẹ magbè hẹ mi do? 14Yí onú he yín towe bo tọn yì: ojlo ṣie wẹ nado na godotọ he dile yẹn na hiẹ do. 15Be é ma jẹ na yẹn ni yí onú he yín ṣie do wà onú he jlo mi? nukun towe ylàn na yẹn yín mẹdagbe wutu? 16Mọwẹ yé mẹhe yín godotọ lẹ na lẹzun nukọntọ, yé mẹhe sọ yín nukọntọ le na lẹzun godotọ: na omẹ susu wẹ yè ylọ, pevide wẹ yè na mọ sinyan.
17Podọ le Jesu sọ hẹji jei Jelusalẹm, é yí nuplọntọ etọn wiawe lẹ do apadopo to aliho, bo dọ hlan yé, dọmọ, 18Pọ́n, míwle hẹji jei Jelusalẹm; yè nasọ yí Ovi gbẹtọ tọn do alọ mẹ na ogán yẹwhenọ lẹ tọn, pó wekantọ lẹ po, yé nasọ gblewhè okú tọn do e, 19Bo nasọ jo e do alọ mẹ na Kosi lẹ nado vlẹ ẹ, nado hò e, podọ nado whè e do satin go: podo to azán atọntọ gbè, é nasọ fọ́n.
20Whenẹnu wẹ onọ ovi Zebẹdé tọn lẹ po ovi etọn le po wá e de, bo vevẹ nẹ, bo sọ to onú de biọ to e si. 21E sọ dọ hlan ẹn dọmọ, Etewẹ hiẹ jlo? Ewọ sọ dọ hlan ẹn, dọmọ, Degbè dọ ovi sunnu ṣie awe helẹ ni do sinai, dopo to adusilọ towe mẹ, awetọ to amivọnlọ towe mẹ to ahọludu towe mẹ. 22Ṣigba Jesu gblọn bo dọmọ, Mìwlẹ ma yon onú he mì bibiọ gba. Be mìwlẹ tin sọgan nado nù kọfo lọ he yẹn wleawu nado nù? Yé sọ dọ hlan ẹn, dọmọ, Mìwlẹ tin sọgan. 23E sọ dọ hlan yé, dọmo, Nugbo we mìwlẹ na nù kọfo ṣie; ṣigba nado sinai to adusilọ ṣie mẹ podọ to amiyọnlọ ṣie mẹ, ma yín ṣie nado na omẹ gba, adavo mehe yè ko wleawu etọn dai na lẹ sọn Otọ́ ṣie de. 24Whenuena omẹ aó lẹ sè e, yé gblehomẹ do mẹmẹsunnu awe lẹ go. 25Ṣigba Jesu ylọ ye do ede de, bo dọmọ, Mìwlẹ yónen dọ gándutọ Kosi lẹ tọn nọ dùklunọ to yé ji, podo megángan yetọn lẹ nọ zán huhlọn to yé ji. 26E ma to na yín mọ to mì mẹ gba ṣigba mẹdepope he jlo na lezun kiklo to mì mẹ na yín devi mìtọn; 27Medepope he sọ jlo na yín nukọntọ to mì mẹ na yín afànumẹ mìtọn: 28Yèdọ Dile Ovi gbẹtọ ton ma wá nado yilizọn na, adavo nado yilizọn na ome, podọ nado yí ogbẹ̀ etọn do basi ofligò na omẹ susu.
29Le yé to tintón sọn Jeliko, agùndaho de hodo e. 30Bo do ayi e go, dawe nukuntọ́nnọ awe sinai to alihotó, whenuena yé sè dọ Jesu ju jei, dawhá daga dọmọ, Wàleblanu na mí, Oklunọ, hiẹ ovi sunnu Davidi tọn. 31Agùndaho lọ sọ wọhẹ yé dọ, yé ni naboẹ: ṣigba yé sọ dawhá daga humọ, dọmọ, Wàlẹblanuna mí, Oklunọ, hiẹ ovi sunnu Davidi tọn. 32Jesu sọ site, bo ylọ yé, bo dọmọ, Etẹwẹ mì jlo na yẹn ni basi na mì? 33Yé sọ dọ hlan ẹn, dọmọ, Oklunọ, na nukun mìtọn nido hùn. 34Podọ Jesu yíyí lẹblanu do whàn, yí alọ do nukun yetọn go: to afọdoponẹji nukun yetọn mọnú, yé sọ hodo e.
Currently Selected:
MATIU 20: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
MATIU 20
20
1NA ahọludu olọn tọn sọ tin jijlẹ do dawe he yín whénọ de go, he tọ́n to afọnnufù nado dà pakanọ lẹ do vẹ̃ngle etọn mẹ. 2Whenuena é whleahi hẹ pakanọ lẹ na abọgan-kuẹ dopo egbesọ, é do yé hlan vẹ̃ngle etọn mẹ. 3E sọ tọn to ojlẹ ogàn atọ̀ntọ tọn mẹ, bo mọ adidọnọ devo lẹ site to ahi mẹ. 4E dọ hlan yé, dọmọ, Mì yì vẹ̃ngle mẹ ga, onú depope he jẹ yẹn na na mì. Yé sọ yì. 5E sọ vọ tọ́n to ogàn sidopotọ po sinẹnẹlọ po mẹ, bo sọ basi mọ. 6To ojlẹ ogan widopotọ mẹ, é sọ tón bo mọ devo lẹ site, e sọ dọ hlan yé, dọmọ, Etẹwutu wẹ mìwlẹ site to ofi sọn gbẹnnegbọ̃n azonmawa? 7Ye sọ dọ hlan ẹn, dọmọ, Na mẹde ma dapa mi wutu wẹ. E sọ dọ hlan ye, dọmọ, Mì yì vẹ̃ngle mẹ ga: 8Whenuena tenu do, Oklunọ vẹ̃ngle tọn dọ hlan honkọnsi etọn, dọmọ, Ylọ pakanọ lẹ bo na azọn kuẹ yetọn yé, hẹn ẹn sọn mẹhe gbọn godo ji, yì mẹtintan ji. 9Whenuena mehe yè dapa to ogàn widopotọ mẹ lẹ wa, dopo dopo yetọn mọ abọgan-kuẹ dopodopo yí. 10Ṣigba whenuena omẹ nukọntọn lẹ wá, yé lẹn dọ yé na mọ yí hú mọ; dopodopo yetọn sọ mọ abọgan-kuẹ dopo dopo yí. 11Whenuena yé yí i, ye to hunhlun do whenọ lo go. 12Dọmọ, omẹ godotọn helẹ wazọn ojlẹ dopo kẹdẹ, hie sọ hẹn yé sọzẹn hẹ mi mẹhe hẹn agban po yózo azán tọn po. 13Ṣigba é gblọn bo dọ hlan dopo to yé mẹ, dọmọ, Họnton, yẹn ma wàylan do we gba: e ma yín abọgan-kuẹ dopo wẹ hiẹ magbè hẹ mi do? 14Yí onú he yín towe bo tọn yì: ojlo ṣie wẹ nado na godotọ he dile yẹn na hiẹ do. 15Be é ma jẹ na yẹn ni yí onú he yín ṣie do wà onú he jlo mi? nukun towe ylàn na yẹn yín mẹdagbe wutu? 16Mọwẹ yé mẹhe yín godotọ lẹ na lẹzun nukọntọ, yé mẹhe sọ yín nukọntọ le na lẹzun godotọ: na omẹ susu wẹ yè ylọ, pevide wẹ yè na mọ sinyan.
17Podọ le Jesu sọ hẹji jei Jelusalẹm, é yí nuplọntọ etọn wiawe lẹ do apadopo to aliho, bo dọ hlan yé, dọmọ, 18Pọ́n, míwle hẹji jei Jelusalẹm; yè nasọ yí Ovi gbẹtọ tọn do alọ mẹ na ogán yẹwhenọ lẹ tọn, pó wekantọ lẹ po, yé nasọ gblewhè okú tọn do e, 19Bo nasọ jo e do alọ mẹ na Kosi lẹ nado vlẹ ẹ, nado hò e, podọ nado whè e do satin go: podo to azán atọntọ gbè, é nasọ fọ́n.
20Whenẹnu wẹ onọ ovi Zebẹdé tọn lẹ po ovi etọn le po wá e de, bo vevẹ nẹ, bo sọ to onú de biọ to e si. 21E sọ dọ hlan ẹn dọmọ, Etewẹ hiẹ jlo? Ewọ sọ dọ hlan ẹn, dọmọ, Degbè dọ ovi sunnu ṣie awe helẹ ni do sinai, dopo to adusilọ towe mẹ, awetọ to amivọnlọ towe mẹ to ahọludu towe mẹ. 22Ṣigba Jesu gblọn bo dọmọ, Mìwlẹ ma yon onú he mì bibiọ gba. Be mìwlẹ tin sọgan nado nù kọfo lọ he yẹn wleawu nado nù? Yé sọ dọ hlan ẹn, dọmọ, Mìwlẹ tin sọgan. 23E sọ dọ hlan yé, dọmo, Nugbo we mìwlẹ na nù kọfo ṣie; ṣigba nado sinai to adusilọ ṣie mẹ podọ to amiyọnlọ ṣie mẹ, ma yín ṣie nado na omẹ gba, adavo mehe yè ko wleawu etọn dai na lẹ sọn Otọ́ ṣie de. 24Whenuena omẹ aó lẹ sè e, yé gblehomẹ do mẹmẹsunnu awe lẹ go. 25Ṣigba Jesu ylọ ye do ede de, bo dọmọ, Mìwlẹ yónen dọ gándutọ Kosi lẹ tọn nọ dùklunọ to yé ji, podo megángan yetọn lẹ nọ zán huhlọn to yé ji. 26E ma to na yín mọ to mì mẹ gba ṣigba mẹdepope he jlo na lezun kiklo to mì mẹ na yín devi mìtọn; 27Medepope he sọ jlo na yín nukọntọ to mì mẹ na yín afànumẹ mìtọn: 28Yèdọ Dile Ovi gbẹtọ ton ma wá nado yilizọn na, adavo nado yilizọn na ome, podọ nado yí ogbẹ̀ etọn do basi ofligò na omẹ susu.
29Le yé to tintón sọn Jeliko, agùndaho de hodo e. 30Bo do ayi e go, dawe nukuntọ́nnọ awe sinai to alihotó, whenuena yé sè dọ Jesu ju jei, dawhá daga dọmọ, Wàleblanu na mí, Oklunọ, hiẹ ovi sunnu Davidi tọn. 31Agùndaho lọ sọ wọhẹ yé dọ, yé ni naboẹ: ṣigba yé sọ dawhá daga humọ, dọmọ, Wàlẹblanuna mí, Oklunọ, hiẹ ovi sunnu Davidi tọn. 32Jesu sọ site, bo ylọ yé, bo dọmọ, Etẹwẹ mì jlo na yẹn ni basi na mì? 33Yé sọ dọ hlan ẹn, dọmọ, Oklunọ, na nukun mìtọn nido hùn. 34Podọ Jesu yíyí lẹblanu do whàn, yí alọ do nukun yetọn go: to afọdoponẹji nukun yetọn mọnú, yé sọ hodo e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.