MATIU 19
19
1E sọ wá jọ, whenuena Jesu dotana ohó helẹ vò, é fọ́nyì sọn Galili, bo wá Judé dali, to Jọdani godo. 2Agùn daho gbẹtọ le tọn hodo e: é sọ hẹnazọ̀ngbọna yé to finẹ.
3Falesi lẹ ga sọ wá e de finẹ, yé to whiwhle e pọ́n, bo, domọ, Be é jẹ na sunnu de nado gbé asi etọn dai na owhèhó lẹpo? 4E sọ gblọn bo dọmọ Be mìwlẹ ma ko hia, dọ mẹhe da ye to whéwhéwhenu, da yé asú po asi po? 5E sọ dọmọ, 1 Na ehe tọn wẹ sunnu na jo otọ po onọ etọn po dai, bo na sẹbọ do asi etọn de: yé omẹ awe lẹ nasọ lezun agbasalan dopo. 6Sọmọ yé ma sọ yín omẹ awe ba gba, adavo agbasalan dopo. Enẹwutu, onú he Jiwheyẹwhe kòndopọ mì dìke gbẹtọ klán ẹn blo. 7Yé sọ do hlan ẹn, dọmọ, Etẹwutu wẹ Moṣe degbè nado nọ na owé gbédai tọn de, bó sọ jo e dai? 8Ẹ sọ dọ hlan yé, dọmọ, Sinsinyẹn ayiha mìtọn tọn wutu wẹ Moṣe do dikena mì nado jo asi mìtọn lẹ dai, ṣigba sọn whéwhéwhenu é ma to mọ gba. 9Podọ Yẹn sọ dọ hlan, mì, 2 Mẹdepope he na jo asi etọn dai, adavo na owhèhó ogalilọ tọn, bo sọ wlealọ hẹ devo, é dẹayò: podọ ewọ he wlealọ hẹ ẹ whenuena yè gbẹ́ ẹ dai, é deayò. 10Nuplọntọ lẹ sọ dọ hlan en dọmọ, Eyín owhẹ̀ sunnu lọ tọn yín mọ po asi etọn po, è ma jẹ nado wlealọ gba. 11Ṣigba é dọ hlan ye, dọmọ, Omẹ popo ma sọgan yí didọ he gba, adavo mẹhe e yin nina hlan lẹ. 12Na ojọ delẹ tin he yè ji do mọ sọn adò onọ yeton ton mẹ; ojọ dele sọ tin he yè hẹn Zùn ojọ gbọn alọ gbẹtọ tọn mẹ: ojọ delẹ sọ tin he hẹn yede Zùn ojọ na ahọludu olọn tọn wutu. Mẹhe tin sọgan nado yí i, gbọ e ni yí i.
13Whenẹnu wẹ yè hẹn yọpọvu lẹ wá e de to finẹ na e nido yí alọ etọn do yé ji, bo hodè: nuplọntọ lẹ sọ wọhẹ yé. 14Ṣigba Jesu dọmọ, Mì jo yọpọvu lẹ do, mì sọ glọnali na yé nado wá dẽ blo, na omẹ mọ hunkọ lẹ tọn wẹ ahọludu olọn tọn. 15E sọ yí alọ etọn do yé ji, bo fọ́nyì sọn finẹ.
16Do ayi e go, omẹ de wá e de, bo sọ dọmọ. Mẹplọntọ dagbe, onú dagbe tẹwẹ yẹn na basi, na yẹn nido tindo ogbẹ́ madopodo? 17E sọ dọ hlan ẹn, dọmọ, Etẹwutu wẹ hiẹ ylọ mi dagbe? Mẹdagbe de ma tin, adavo omẹ dopo, enẹ wẹ Jiwheyẹwhe: ṣigba eyín hiẹ jlo na biọ ogbẹ̀ mẹ, yìn osén lẹ. 18E sọ dọ hlan ẹn, dọmọ, Etẹwẹ? Jesu sọ dọmọ, 1 Hiẹ ma na hùmẹ, Hiẹ ma na deayò, Hiẹ ma na fìnnúyí, Hiẹ ma na dè lalo kunnu. 19Gbogbéna otọ́ towe po onọ towe po: podọ, Hiẹ na yiwanna kọmọnu towe di dewe. 20Dẹpẹmẹ lọ sọ dọ hlan ẹn dọmọ, Onú helẹ pó wẹ yẹn ko payi e go: etẹwẹ sọ whèdo mi? 21Jesu sọ dọ hlan ẹn dọmọ, Eyín hiẹ jlo na yín pipé, yì, sà onu he hiẹ tindo, bo yína wamọnọ lẹ, hiẹ nasọ tindo adọkunnú to olọn mẹ: bo wá bo to hihodo mi. 22Ṣigba whenuena dẹpẹmẹ lọ sè didọ lọ pó, é tọ́njẹgbonu po awúbla po; na é yín mẹde he tindo nutindo susu.
23H Jesu sọ dọ hlan nuplọntọ etọn lẹ, dọmọ, Nugbo wẹ yẹn dọ hlan mì, E sinyẹnawú na adọkunno nado biọ ahọludu olọn tọn mẹ. 24Yẹn sọ vò dọ hlan mì, E bọawú na kanklosọ-póawenọ de nado gbọn nuvo yẹnvi tọn mẹyì, hú na adọkunnọ nado biọ ahọludu Jiwheyẹwhe tọn mẹ. 25Whenuena nuplọntọ lẹ sè e avọ̀ vò yé talala, yé dọmọ, Be mẹnu wẹ sọgan yín whinwhlẹn gán? 26Jesu pinpọ́n yé, dọ hlan ye, dọmọ, Gbẹto de wẹ ehe yín giglo, ṣigba to Jiwheyẹwhe de onú lẹpo wẹ wiwà. 27Whenẹnu wẹ Pita gblọn bo dọ hlan ẹn, dọmọ, Pọ́n, mìwlẹ ko jo onú lẹpo dai bo sọ to hidodo we; be etẹwẹ mí na tindo? 28Jesu sọ dọ hlan yé, dọmọ, Nugbo wẹ yẹn dọ hlan mì, dọ, Mì mẹhe ko hodo mi to vọji mẹ, whenuena Ovi gbẹtọ tọn na sinai to ofìn gigo etọn tọn ji, mìwlẹ ga na sinai to ofìn wiawe ji, bo to whèdana whẹndo wiawe Islaeli tọn lẹ. 29Mẹdepope he ko sọ jo owhé dai, kavi mẹmẹsunnu, kavi mẹmẹyọnnu, kavi otọ́, kavi onọ, kavi asi, kavi ovi, kavi aigba, na oyín ṣie tọn wutu, na mọyí do gbesusuji, yé na sọ dugú ogbẹ̀ madopodo tọn. 30Ṣigba omẹ susu he yín nukọn tọ na yín godotọ podọ godotọ lẹ wẹ tintan.
Currently Selected:
MATIU 19: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
MATIU 19
19
1E sọ wá jọ, whenuena Jesu dotana ohó helẹ vò, é fọ́nyì sọn Galili, bo wá Judé dali, to Jọdani godo. 2Agùn daho gbẹtọ le tọn hodo e: é sọ hẹnazọ̀ngbọna yé to finẹ.
3Falesi lẹ ga sọ wá e de finẹ, yé to whiwhle e pọ́n, bo, domọ, Be é jẹ na sunnu de nado gbé asi etọn dai na owhèhó lẹpo? 4E sọ gblọn bo dọmọ Be mìwlẹ ma ko hia, dọ mẹhe da ye to whéwhéwhenu, da yé asú po asi po? 5E sọ dọmọ, 1 Na ehe tọn wẹ sunnu na jo otọ po onọ etọn po dai, bo na sẹbọ do asi etọn de: yé omẹ awe lẹ nasọ lezun agbasalan dopo. 6Sọmọ yé ma sọ yín omẹ awe ba gba, adavo agbasalan dopo. Enẹwutu, onú he Jiwheyẹwhe kòndopọ mì dìke gbẹtọ klán ẹn blo. 7Yé sọ do hlan ẹn, dọmọ, Etẹwutu wẹ Moṣe degbè nado nọ na owé gbédai tọn de, bó sọ jo e dai? 8Ẹ sọ dọ hlan yé, dọmọ, Sinsinyẹn ayiha mìtọn tọn wutu wẹ Moṣe do dikena mì nado jo asi mìtọn lẹ dai, ṣigba sọn whéwhéwhenu é ma to mọ gba. 9Podọ Yẹn sọ dọ hlan, mì, 2 Mẹdepope he na jo asi etọn dai, adavo na owhèhó ogalilọ tọn, bo sọ wlealọ hẹ devo, é dẹayò: podọ ewọ he wlealọ hẹ ẹ whenuena yè gbẹ́ ẹ dai, é deayò. 10Nuplọntọ lẹ sọ dọ hlan en dọmọ, Eyín owhẹ̀ sunnu lọ tọn yín mọ po asi etọn po, è ma jẹ nado wlealọ gba. 11Ṣigba é dọ hlan ye, dọmọ, Omẹ popo ma sọgan yí didọ he gba, adavo mẹhe e yin nina hlan lẹ. 12Na ojọ delẹ tin he yè ji do mọ sọn adò onọ yeton ton mẹ; ojọ dele sọ tin he yè hẹn Zùn ojọ gbọn alọ gbẹtọ tọn mẹ: ojọ delẹ sọ tin he hẹn yede Zùn ojọ na ahọludu olọn tọn wutu. Mẹhe tin sọgan nado yí i, gbọ e ni yí i.
13Whenẹnu wẹ yè hẹn yọpọvu lẹ wá e de to finẹ na e nido yí alọ etọn do yé ji, bo hodè: nuplọntọ lẹ sọ wọhẹ yé. 14Ṣigba Jesu dọmọ, Mì jo yọpọvu lẹ do, mì sọ glọnali na yé nado wá dẽ blo, na omẹ mọ hunkọ lẹ tọn wẹ ahọludu olọn tọn. 15E sọ yí alọ etọn do yé ji, bo fọ́nyì sọn finẹ.
16Do ayi e go, omẹ de wá e de, bo sọ dọmọ. Mẹplọntọ dagbe, onú dagbe tẹwẹ yẹn na basi, na yẹn nido tindo ogbẹ́ madopodo? 17E sọ dọ hlan ẹn, dọmọ, Etẹwutu wẹ hiẹ ylọ mi dagbe? Mẹdagbe de ma tin, adavo omẹ dopo, enẹ wẹ Jiwheyẹwhe: ṣigba eyín hiẹ jlo na biọ ogbẹ̀ mẹ, yìn osén lẹ. 18E sọ dọ hlan ẹn, dọmọ, Etẹwẹ? Jesu sọ dọmọ, 1 Hiẹ ma na hùmẹ, Hiẹ ma na deayò, Hiẹ ma na fìnnúyí, Hiẹ ma na dè lalo kunnu. 19Gbogbéna otọ́ towe po onọ towe po: podọ, Hiẹ na yiwanna kọmọnu towe di dewe. 20Dẹpẹmẹ lọ sọ dọ hlan ẹn dọmọ, Onú helẹ pó wẹ yẹn ko payi e go: etẹwẹ sọ whèdo mi? 21Jesu sọ dọ hlan ẹn dọmọ, Eyín hiẹ jlo na yín pipé, yì, sà onu he hiẹ tindo, bo yína wamọnọ lẹ, hiẹ nasọ tindo adọkunnú to olọn mẹ: bo wá bo to hihodo mi. 22Ṣigba whenuena dẹpẹmẹ lọ sè didọ lọ pó, é tọ́njẹgbonu po awúbla po; na é yín mẹde he tindo nutindo susu.
23H Jesu sọ dọ hlan nuplọntọ etọn lẹ, dọmọ, Nugbo wẹ yẹn dọ hlan mì, E sinyẹnawú na adọkunno nado biọ ahọludu olọn tọn mẹ. 24Yẹn sọ vò dọ hlan mì, E bọawú na kanklosọ-póawenọ de nado gbọn nuvo yẹnvi tọn mẹyì, hú na adọkunnọ nado biọ ahọludu Jiwheyẹwhe tọn mẹ. 25Whenuena nuplọntọ lẹ sè e avọ̀ vò yé talala, yé dọmọ, Be mẹnu wẹ sọgan yín whinwhlẹn gán? 26Jesu pinpọ́n yé, dọ hlan ye, dọmọ, Gbẹto de wẹ ehe yín giglo, ṣigba to Jiwheyẹwhe de onú lẹpo wẹ wiwà. 27Whenẹnu wẹ Pita gblọn bo dọ hlan ẹn, dọmọ, Pọ́n, mìwlẹ ko jo onú lẹpo dai bo sọ to hidodo we; be etẹwẹ mí na tindo? 28Jesu sọ dọ hlan yé, dọmọ, Nugbo wẹ yẹn dọ hlan mì, dọ, Mì mẹhe ko hodo mi to vọji mẹ, whenuena Ovi gbẹtọ tọn na sinai to ofìn gigo etọn tọn ji, mìwlẹ ga na sinai to ofìn wiawe ji, bo to whèdana whẹndo wiawe Islaeli tọn lẹ. 29Mẹdepope he ko sọ jo owhé dai, kavi mẹmẹsunnu, kavi mẹmẹyọnnu, kavi otọ́, kavi onọ, kavi asi, kavi ovi, kavi aigba, na oyín ṣie tọn wutu, na mọyí do gbesusuji, yé na sọ dugú ogbẹ̀ madopodo tọn. 30Ṣigba omẹ susu he yín nukọn tọ na yín godotọ podọ godotọ lẹ wẹ tintan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.