MATIU 21
21
1Podọ whenuena yé dòn sẹpọ́ Jelusalẹm, bo wá jẹ Bẹtfagi, jẹ osó olivie tọn ji, whenenu wẹ Jesu do nuplọntọ awe hlan, 2Bo dọ hlan yé, dọmọ, Mì yì biọ otò pẹvi he pànnukon mì mẹ, to afọdoponẹji mì na mọ kẹtẹkẹtẹ de to sínsín, po ovi etọn po: mì tún yé, na mí ni hẹn yé wá dẽ. 3Eyín mede sọ dọ nude hlan mì, mì na dọmọ, Oklunọ do onú na yí yé do wà; afọdoponẹji é nasọ do yé hlan. 4Dinvie ehe lẹpo sọ jọ, na ehe yè dọ gbọn yẹwhegán lọ mẹ nido di, dọmọ,
5Mì dọ na oviyọnnu Ziọni tọn, dọ,
Pọ́n, Ahọlu towe ja de we, Homẹmimiọnno,
é hé ketẹkẹtẹ de ji, Podọ kẹtẹkẹtẹ ovu de ji.
6Nuplọntọ lẹ sọ yì, bo basi dile Jesu dè na yé do. 7Yé sọ hẹn ketekẹtẹ lọ wá po ovú lọ po, bo sọ tó avọ̀ yetọn do yé ji, ewọ sọ sinai do e ji. 8Omẹ sọn agùndaho lọ mẹ susu sọ tó avọ̀ yetọn do aliho ji; omẹ devo lẹ sọ sán ala atin tọn flínflín sọn atin lẹ mẹ, bo sọ tẹ́ yé do aliho ji. 9Agùndaho he to yìyì nukọn lẹ, po ehe hodo yé to godo lẹ po to awhádo, dọmọ, Hosana hlan ovi sunnu Davidi tọn: Donanọ wẹ ewọ he ja to oyín Oklunọ tọn mẹ; Hosana to oji aga. 10Whenuena e sọ jẹ Jelusalẹm, otò lẹpo hòzin, dọmọ, Menu wẹ ehe? 11Agùndaho lẹ lọ sọ dọmọ, Ehe wẹ Yẹwhegán lọ Jesu, sọn Nazalẹti Galili tọn mẹ.
12Jesu sọ biọ tẹmpli me, bo yàn yé mẹhe to sisà, bo sọ to hihò to templi mẹ lẹ jẹgbonu, bo sọ takitina tafo akuẹdiọtọ lẹ tọn, po aìsintẹn apoesatọ lẹ tọn po zíndai; 13E bo so dọ hlan yé, dọmọ, Yè kanwe dọ, Ohò odè tọn de wẹ yè na nọ ylọ ohò ṣie; ṣigba mìwlẹ ko lẹ́ ẹ do basi odò ajotọ lẹ tọn. 14Podọ nukuntọ́nnọ lẹ, po sẹkunọ lẹ po wá e de to tẹmpli mẹ; é sọ hẹnazọ̀ngbọna yé. 15Ṣigba whenuena ogán yẹwhenọ lẹ tọn, po wekantọ lẹ po mọ onú jawu lẹ he é basi, bọ Yọpọvu lẹ to awhádo to; tẹmpli mẹ dọ Hosana hlan ovi sunnu Davidi tọn; é gblehomẹ na yé susu, 16Yé sọ dọ hlan ẹn, dọmọ, Hiẹ sè onú he ome helẹ to didọ? Jesu sọ dọ hlan yé, dọmọ, Mọwẹ: mìwlẹ ma ko hia gbède, dọ, 1 Sọn onù yọpọvu lẹ tọn mẹ, podọ sọn ovi he to anónu le tọn mẹ wẹ hiẹ ko hẹn pipa sọgbè te? 17E sọ jo yé dai, bo tón jẹgbonu sọn otò lọ mẹ yì Bẹtani; bo sọ nò finẹ.
18Dinvie to afọnnu, le é lẹ́gọ̀ ja otò daho mẹ, huvẹ to hùhù i. 19Podọ mimọ ovotin dopoakan de to aliho, é wá e kòn, é ma sọ mọ nude to e ji, adavo amà dodo, é sọ dọ hlan ẹn dọ, Sọn dinvie kaka doidoi a dike sinsẹ́n sọ sén to oji we gbèdegbède blo. Tẹndoponẹmẹ ovotin lọ sọ fiọ. 20Whenuena nuplọntọ lẹ sọ mọ ẹn, avọ̀ vò yé, yé sọ dọmọ, Nawẹ ovotin he yawu fiọ dole 21Jesu sọ gblọn bo dọ hlan yé, dọmọ, Nugbo wẹ yẹn dọ hlan mì, Eyín mìwlẹ tindo yise, bo ma do ayi awe, mìwlẹ ma to na basi onú he yè wà do ovotin lọ go kẹdẹ gba, ṣigba yèdọ eyín mì na dọ hlan osó he, dọ, Yè ni zé hiẹ daga bo zédlan biọ ohù mẹ; è na yín wiwà. 22Onú depope he mì na kanbiọ to odẹ̀ mẹ, bo yise, mì na mọ yí.
23Whenuena é sọ wá biọ tẹmpli mẹ, ogán yẹwhenọ lẹ tọn, po mẹho gbẹtọ lẹ tọn lẹ po wá e de, le é to gbẹtọ lẹ plọ́n, bo dọmọ, Asẹ tẹwẹ hiẹ do to onú helẹ wà? Podọ mẹnu wẹ na asẹ helẹ hiẹ? 24Jesu sọ gblọn bo dọ hìan yé, dọmọ, Yẹn ga nasọ kàn onú dopo biọ mì, eyín mi dọ na mi, yẹn ga nasọ dọ na mì asẹ he yẹn do to onú helẹ basi. 25Baptẹm Johanu tọn, fie wẹ é sọn? Sọn olón mẹ, kavi sọn gbẹtọ de? Yé sọ to linlẹn hẹ yé nọzo dọmọ, Eyín mí na dọmọ, Sọn olọn mẹ, e na dọmọ, Be etẹwutu wẹ mì ma yí i se? 26Ṣigba eyín mìwlẹ na sọ dọmọ, Sọn gbẹtọ de; mí dibu na agùndaho lẹ lọ; na omẹpo wẹ yí Johanu di yẹwhegán de, 27Yé sọ gblọnna Jesu, dọmọ, Mìwlẹ ma yọnẹn gba Ewọ ga sọ dọ hlan yé, dọmọ, Be yẹn ma sọ to na dọ asẹ he yẹn do to onú helẹ basi na mì gba. 28Ṣigba etẹwẹ mí lẹn? Dawe de tindo ovisunnu awe; é wá tintan de, bo dọmọ, Ovi, yì wàzón to vẹ̃ngle mẹ to egbé. 29E sọ gblọn bo dọmọ, Yẹn ma jlo gba: ṣigba to godo mẹ, é diọlinlẹnna ede, bo sọ yì. 30E sọ wá awetọ de, bo dọ mọ doponẹ. Ewọ sọ gblọn bo dọmọ, Baba, yẹn na yì: é ma sọ yì. 31Be mẹnu to yé omẹ awe lẹ mẹ wẹ basi ojlo Otọ́ etọn tọn? Yé dọmọ Tintan. Jesu sọ dọ hlan yé, dọmọ, Nugbo wẹ yẹn dọ hlan mì, Tòkuẹsinyantọ lẹ, po ogàlọtọ lẹ po biọ ahọludu Jiwheyẹwhe tọn mẹ yi jẹnukọn na mì. 32Na Johanu gbọn aliho dódó tọn ji wá mì de, mì ma yí i se: ṣigba tòkuẹsinyantọ lẹ, po ogàlọtọ lẹpo yí i se: podọ mìwlẹ, whenuena mì mọ ẹn, mì ma diọlinlẹnna mìde to godo mẹ gba na mì nido yi i se.
33Mì sè oló devo: Whenọ de tin, he do vẹ̃ngle de, bo sọ dopá lédo e, bo kùn ahandatẹn do e mẹ, bo sọ dó atọhò de, bo sọ ẹ haya na glesi lẹ, bo biọ otò devo mẹ. 34Whenuena ojlẹ sinsẹ́n tọn dòn sẹpọ́, é do afanumẹ etọn lẹ hlan glesi lẹ, na yé ni mó sinsẹ́n e tọn yí 35Glesi lẹ sọ wlé afànumẹ etọn lẹ, bo hò ode, bo hù awetọ, bo sọ dlẹn zannu do devo. 36E sọ vó do afànumẹ devo hlan hú tintan tọn: yé sọ wà do ye mọkẹdẹ. 37Ṣigba to godo, é do ovi sunnu etọn hlan yé, dọmọ, Yé na gbògbéna ovi sunnu ṣie. 38Ṣigba whenuena glesi lẹ mọ ovi sunnu lọ, yé dọ to yéde ṣẹnṣẹn, dọmọ, Ehe wẹ whédutọ lọ; mì wá, mì gbọ mi ni hù i, bo bé ogú etọn. 39Yé sọ wlé e, bo zé e dlẹn sọn vẹ̃ngle mẹ, bo sọ hù i. 40Enẹwutu whenuena klunọ vẹ̃ngle tọn na wá, etẹwẹ é na wà hlan glesi nẹlẹ? 41Yé dọ hlan ẹn, dọmọ, E na yí oya do hù omẹ oyanọ nẹlẹ súdo, bo nasọ haya vẹ̃ngle etọn na glesi devo lẹ, ehe na na sinsẹ́n ẹn to ojlẹ yetọn mẹ. 42Jesu sọ dọ hlan yé, dọmọ, Be mìwlẹ ma ko hia to Owé wiwe lẹ mẹ gbède, dọ,
Zannu he didótọ lẹ gbé dai,
Doponẹ wẹ yè hẹn yín gángánsu hòlọnglọnẹn tọn,
Ehe wẹ sọn Oklunọ de,
E sọ jawu to nukun mìtọn mẹ.
43Enẹwutu wẹ yẹn dọ hlan mì, dọ, Yè na yí ahọludu Jiwheyẹwhe tọn sọn mì de, yè nasọ yí na akọta de he na dè sinsẹ̀n etọn jẹgbonu. 44Podọ mẹdepope he jai jẹ zannu he ji, na yín gbigbà hanyanhanyan: ṣigba mẹdepope he ji é na jai jẹ, é na vúnvún in di kọgudu. 45Whenuena ogán yẹwhenọ lẹ tọn, po Falesi lẹ po sè oló etọn lẹ, yé mọ hlan dọ ohó yewlẹ tọn dọ wẹ e te. 46Ṣigba whenuena yé to ali din nado yí alọ do e go, yé dibuna agùndaho lọ lẹ, na yé yí i na yẹwhegán de.
Currently Selected:
MATIU 21: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
MATIU 21
21
1Podọ whenuena yé dòn sẹpọ́ Jelusalẹm, bo wá jẹ Bẹtfagi, jẹ osó olivie tọn ji, whenenu wẹ Jesu do nuplọntọ awe hlan, 2Bo dọ hlan yé, dọmọ, Mì yì biọ otò pẹvi he pànnukon mì mẹ, to afọdoponẹji mì na mọ kẹtẹkẹtẹ de to sínsín, po ovi etọn po: mì tún yé, na mí ni hẹn yé wá dẽ. 3Eyín mede sọ dọ nude hlan mì, mì na dọmọ, Oklunọ do onú na yí yé do wà; afọdoponẹji é nasọ do yé hlan. 4Dinvie ehe lẹpo sọ jọ, na ehe yè dọ gbọn yẹwhegán lọ mẹ nido di, dọmọ,
5Mì dọ na oviyọnnu Ziọni tọn, dọ,
Pọ́n, Ahọlu towe ja de we, Homẹmimiọnno,
é hé ketẹkẹtẹ de ji, Podọ kẹtẹkẹtẹ ovu de ji.
6Nuplọntọ lẹ sọ yì, bo basi dile Jesu dè na yé do. 7Yé sọ hẹn ketekẹtẹ lọ wá po ovú lọ po, bo sọ tó avọ̀ yetọn do yé ji, ewọ sọ sinai do e ji. 8Omẹ sọn agùndaho lọ mẹ susu sọ tó avọ̀ yetọn do aliho ji; omẹ devo lẹ sọ sán ala atin tọn flínflín sọn atin lẹ mẹ, bo sọ tẹ́ yé do aliho ji. 9Agùndaho he to yìyì nukọn lẹ, po ehe hodo yé to godo lẹ po to awhádo, dọmọ, Hosana hlan ovi sunnu Davidi tọn: Donanọ wẹ ewọ he ja to oyín Oklunọ tọn mẹ; Hosana to oji aga. 10Whenuena e sọ jẹ Jelusalẹm, otò lẹpo hòzin, dọmọ, Menu wẹ ehe? 11Agùndaho lẹ lọ sọ dọmọ, Ehe wẹ Yẹwhegán lọ Jesu, sọn Nazalẹti Galili tọn mẹ.
12Jesu sọ biọ tẹmpli me, bo yàn yé mẹhe to sisà, bo sọ to hihò to templi mẹ lẹ jẹgbonu, bo sọ takitina tafo akuẹdiọtọ lẹ tọn, po aìsintẹn apoesatọ lẹ tọn po zíndai; 13E bo so dọ hlan yé, dọmọ, Yè kanwe dọ, Ohò odè tọn de wẹ yè na nọ ylọ ohò ṣie; ṣigba mìwlẹ ko lẹ́ ẹ do basi odò ajotọ lẹ tọn. 14Podọ nukuntọ́nnọ lẹ, po sẹkunọ lẹ po wá e de to tẹmpli mẹ; é sọ hẹnazọ̀ngbọna yé. 15Ṣigba whenuena ogán yẹwhenọ lẹ tọn, po wekantọ lẹ po mọ onú jawu lẹ he é basi, bọ Yọpọvu lẹ to awhádo to; tẹmpli mẹ dọ Hosana hlan ovi sunnu Davidi tọn; é gblehomẹ na yé susu, 16Yé sọ dọ hlan ẹn, dọmọ, Hiẹ sè onú he ome helẹ to didọ? Jesu sọ dọ hlan yé, dọmọ, Mọwẹ: mìwlẹ ma ko hia gbède, dọ, 1 Sọn onù yọpọvu lẹ tọn mẹ, podọ sọn ovi he to anónu le tọn mẹ wẹ hiẹ ko hẹn pipa sọgbè te? 17E sọ jo yé dai, bo tón jẹgbonu sọn otò lọ mẹ yì Bẹtani; bo sọ nò finẹ.
18Dinvie to afọnnu, le é lẹ́gọ̀ ja otò daho mẹ, huvẹ to hùhù i. 19Podọ mimọ ovotin dopoakan de to aliho, é wá e kòn, é ma sọ mọ nude to e ji, adavo amà dodo, é sọ dọ hlan ẹn dọ, Sọn dinvie kaka doidoi a dike sinsẹ́n sọ sén to oji we gbèdegbède blo. Tẹndoponẹmẹ ovotin lọ sọ fiọ. 20Whenuena nuplọntọ lẹ sọ mọ ẹn, avọ̀ vò yé, yé sọ dọmọ, Nawẹ ovotin he yawu fiọ dole 21Jesu sọ gblọn bo dọ hlan yé, dọmọ, Nugbo wẹ yẹn dọ hlan mì, Eyín mìwlẹ tindo yise, bo ma do ayi awe, mìwlẹ ma to na basi onú he yè wà do ovotin lọ go kẹdẹ gba, ṣigba yèdọ eyín mì na dọ hlan osó he, dọ, Yè ni zé hiẹ daga bo zédlan biọ ohù mẹ; è na yín wiwà. 22Onú depope he mì na kanbiọ to odẹ̀ mẹ, bo yise, mì na mọ yí.
23Whenuena é sọ wá biọ tẹmpli mẹ, ogán yẹwhenọ lẹ tọn, po mẹho gbẹtọ lẹ tọn lẹ po wá e de, le é to gbẹtọ lẹ plọ́n, bo dọmọ, Asẹ tẹwẹ hiẹ do to onú helẹ wà? Podọ mẹnu wẹ na asẹ helẹ hiẹ? 24Jesu sọ gblọn bo dọ hìan yé, dọmọ, Yẹn ga nasọ kàn onú dopo biọ mì, eyín mi dọ na mi, yẹn ga nasọ dọ na mì asẹ he yẹn do to onú helẹ basi. 25Baptẹm Johanu tọn, fie wẹ é sọn? Sọn olón mẹ, kavi sọn gbẹtọ de? Yé sọ to linlẹn hẹ yé nọzo dọmọ, Eyín mí na dọmọ, Sọn olọn mẹ, e na dọmọ, Be etẹwutu wẹ mì ma yí i se? 26Ṣigba eyín mìwlẹ na sọ dọmọ, Sọn gbẹtọ de; mí dibu na agùndaho lẹ lọ; na omẹpo wẹ yí Johanu di yẹwhegán de, 27Yé sọ gblọnna Jesu, dọmọ, Mìwlẹ ma yọnẹn gba Ewọ ga sọ dọ hlan yé, dọmọ, Be yẹn ma sọ to na dọ asẹ he yẹn do to onú helẹ basi na mì gba. 28Ṣigba etẹwẹ mí lẹn? Dawe de tindo ovisunnu awe; é wá tintan de, bo dọmọ, Ovi, yì wàzón to vẹ̃ngle mẹ to egbé. 29E sọ gblọn bo dọmọ, Yẹn ma jlo gba: ṣigba to godo mẹ, é diọlinlẹnna ede, bo sọ yì. 30E sọ wá awetọ de, bo dọ mọ doponẹ. Ewọ sọ gblọn bo dọmọ, Baba, yẹn na yì: é ma sọ yì. 31Be mẹnu to yé omẹ awe lẹ mẹ wẹ basi ojlo Otọ́ etọn tọn? Yé dọmọ Tintan. Jesu sọ dọ hlan yé, dọmọ, Nugbo wẹ yẹn dọ hlan mì, Tòkuẹsinyantọ lẹ, po ogàlọtọ lẹ po biọ ahọludu Jiwheyẹwhe tọn mẹ yi jẹnukọn na mì. 32Na Johanu gbọn aliho dódó tọn ji wá mì de, mì ma yí i se: ṣigba tòkuẹsinyantọ lẹ, po ogàlọtọ lẹpo yí i se: podọ mìwlẹ, whenuena mì mọ ẹn, mì ma diọlinlẹnna mìde to godo mẹ gba na mì nido yi i se.
33Mì sè oló devo: Whenọ de tin, he do vẹ̃ngle de, bo sọ dopá lédo e, bo kùn ahandatẹn do e mẹ, bo sọ dó atọhò de, bo sọ ẹ haya na glesi lẹ, bo biọ otò devo mẹ. 34Whenuena ojlẹ sinsẹ́n tọn dòn sẹpọ́, é do afanumẹ etọn lẹ hlan glesi lẹ, na yé ni mó sinsẹ́n e tọn yí 35Glesi lẹ sọ wlé afànumẹ etọn lẹ, bo hò ode, bo hù awetọ, bo sọ dlẹn zannu do devo. 36E sọ vó do afànumẹ devo hlan hú tintan tọn: yé sọ wà do ye mọkẹdẹ. 37Ṣigba to godo, é do ovi sunnu etọn hlan yé, dọmọ, Yé na gbògbéna ovi sunnu ṣie. 38Ṣigba whenuena glesi lẹ mọ ovi sunnu lọ, yé dọ to yéde ṣẹnṣẹn, dọmọ, Ehe wẹ whédutọ lọ; mì wá, mì gbọ mi ni hù i, bo bé ogú etọn. 39Yé sọ wlé e, bo zé e dlẹn sọn vẹ̃ngle mẹ, bo sọ hù i. 40Enẹwutu whenuena klunọ vẹ̃ngle tọn na wá, etẹwẹ é na wà hlan glesi nẹlẹ? 41Yé dọ hlan ẹn, dọmọ, E na yí oya do hù omẹ oyanọ nẹlẹ súdo, bo nasọ haya vẹ̃ngle etọn na glesi devo lẹ, ehe na na sinsẹ́n ẹn to ojlẹ yetọn mẹ. 42Jesu sọ dọ hlan yé, dọmọ, Be mìwlẹ ma ko hia to Owé wiwe lẹ mẹ gbède, dọ,
Zannu he didótọ lẹ gbé dai,
Doponẹ wẹ yè hẹn yín gángánsu hòlọnglọnẹn tọn,
Ehe wẹ sọn Oklunọ de,
E sọ jawu to nukun mìtọn mẹ.
43Enẹwutu wẹ yẹn dọ hlan mì, dọ, Yè na yí ahọludu Jiwheyẹwhe tọn sọn mì de, yè nasọ yí na akọta de he na dè sinsẹ̀n etọn jẹgbonu. 44Podọ mẹdepope he jai jẹ zannu he ji, na yín gbigbà hanyanhanyan: ṣigba mẹdepope he ji é na jai jẹ, é na vúnvún in di kọgudu. 45Whenuena ogán yẹwhenọ lẹ tọn, po Falesi lẹ po sè oló etọn lẹ, yé mọ hlan dọ ohó yewlẹ tọn dọ wẹ e te. 46Ṣigba whenuena yé to ali din nado yí alọ do e go, yé dibuna agùndaho lọ lẹ, na yé yí i na yẹwhegán de.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.