JẸLEMIA 6
6
1MI hònyi na ogingán, mì ovi Bẹnjamini tọn lẹ emi, tón sọn gblagbla Jelusalẹm tọn mẹ bo kún opèn lọ to Tekoa mẹ, bo sọ zé ohia de daga to Bẹti-hakelẹmi go: na oylan pọ́n hlan gbonu sọn agéwaji, po vivà daho de po. 2Omẹ whanpẹnọ de madogánnọ, viyọnnu Ziọni tọn wẹ yẹn na sán sẹ̀. 3Lẹngbọhọtọ lẹ po lẹngbọpa yetọn lẹ po na wá e de: Yé na whè oslahò yetọn lẹ pánnukọn ẹn lédo; yé omẹ dopodopo na to yìnyin to otẹn etọn mẹ. 4Mì lẹ́ awhàn wé do e ji; mì tite, bo gbọ mí ni hẹji yì to whèmẹ. Dìndọn hlan mí I na okle to agòjo, na yè to oyẹ̀ whèjai tọn lẹ hẹn dlẹn jẹgbonu. 5Mì tite, mì gbọ mí ni hẹji yì to ozánme, bo gbọ mí ni và hònmẹ etọn lẹ. 6Na le wẹ OKLUNỌ awhànpa lẹ tọn ko dọ, mì gbò atin etọn lẹ liai, bo bẹ́ okiti de daga do Jelusalẹm ji; ehe wẹ tòdaho lọ nado yín didlapón; ewọ wẹ awusinyẹnnu pete to ogbla e tọn mẹ. 7Le odòtọ de nọ ví osìn etọn lẹ jẹgbonu do, mọwẹ ewọ to kanyinylan etọn hẹn jẹyọyọ do: huhlọnnú po ohẹngble po wẹ yè to sisè to ewọ mẹ; lànmẹzọ̀n po alán lẹ po wẹ to nukọn ṣie whepoponu 8Yè ni naplón we, Hiẹ Jelusalẹm, yè nika jó alindọn ṣie hlan sọn de we; yẹn nikã hẹn we zùn ovọ́ de, aigba manọmanọ̀ de.
9Le wẹ OKLUNỌ awhànpa lẹ tọn dọ, yé na wéwelu pipòtọ Islaeli ton di ovẹ̃ntin de: sọ lé alọ towe di vẹnhuhúsinyantọ de to jija lẹ ji. 10Mẹnu wẹ yẹn na dọhó bo dekunnu hlan na yé nido sè? dayi e go, yè ma gbowhèna otọ́ jetọn, yé ma sọ sọgan tuntóai: dayi e go, ohó OKLUNỌ ton tin lẹzùn ovlẹ de hlan yé: yé ma tindo ohomẹhùn de to e mẹ gba. 11Enẹwutu wẹ yẹn ga na homewlu OKLUNỌ tọn, nuṣikọnanọ wẹ yen to hinhẹn dote mẹ: kọ̀n ẹn jẹgbonu do ovi lẹ ji to aligboji, podọ to obẹ́pli yọ̀pọ sunnu lẹ tọn ji dopọ: na yèdọ asú po asi po na yín wiwle, yọnhónọ po ewọ he gọ́ na azán lẹ po. 12Yè na lẹ́ owhé yetọn lẹ hlan mẹdevo lẹ, ogle yetọn lẹ po asi yetọn lẹ po dopọ: na yẹn na dlẹn alọ ṣie do tòmẹnu aigba lọ tọn lẹ ji, wẹ OKLUNỌ dọ. 13Na sọn mẹpẹvipete yé tọn mẹ yèdọ jẹ mẹdahopete yé tọn ji wẹ yè jó omẹ dopodopo hlan nukunkẹn; podọ sọn yẹwhegán yèdọ jẹ yẹwhenọ ji wẹ omẹ dopodopo to olalo zán. 14Yé ko hẹnazọ̀ngbọna kikè viyọnnu omẹ ṣie lẹ tọn lẹ dohlà, bo didọmọ, Jijọho, jijọho; whenuena jijọho de ma tin. 15Yè na hẹn winyanhu yé na yé ko wà osùnú wutu: mọwẹ, yé ma yín owinyannọ lala, mọ yé ma sọ sọgan zùn ùnpẹnnọ: enẹwutu wẹ yé na jai to yé he jai le ṣẹnṣẹn: to ojlẹ he me yẹn dla yé pọ́n yé na dahli, wẹ OKLUNỌ dọ.
16Le wẹ OKLUNỌ dọ, Mì site to aliho lẹ mẹ bo pọ́n, bo sọ kàn omọ́ji hóhó lẹ biọ, fie aliho dagbe lọ te, bo nọ zinzọnlin to e mẹ, mìwlẹ na sọ mọ ogbọje na alindọn mìtọn lẹ: ṣigba yé dọmọ, Mìwlẹ ma to na zinzọnlin to e mẹgba. 17Yen sọ dè hihótọ lẹ do mì ji dọmọ, Mì ni tuntóai hlan ogbè opẹ̀n lọ ton; ṣigba ye dọmọ, Míwlẹ ma to na tuntóai gba. 18Enẹwutu mì akọta lẹ mì sè bo sọ yónẹn, Mì agùn emi, núhe tin to mì ṣẹnṣẹn 19Sè, Hiẹ aigba: dayi e go, Yẹn na hẹn oylan wá omẹ he lẹ ji, yèdọ sinsẹ́n linlẹn yetọn lẹ tọn, na yé ma ko tuntóai hlan ohó ṣie lẹ wutu; podọ na osén ṣie tọn, yé ko gbé ẹ dai. 20Hlan etẹ́ tamẹ wẹ nuyọnwan sọn Ṣeba do wá dẽ finẹ, podọ atinsinnọ vivi sọn otò dindẹn mẹ? avọ́ nunina mimẹ̀ mitọn lẹ ma sọ yín alọkẹyí gba, mọ avọ́ mitọn lẹ ma yín homẹhùn hlan mi gba. 21Enẹwutu le wẹ OKLUNỌ dọ, Dayi e go, Yen na yí zannuagbali lẹ do nukọnna omẹ he lẹ: otọ̀ lẹ po visunnu lẹ po na dahli jẹ yé go; kọmẹnu lọ po họntọn etọn po na súdo.
22Le wẹ OKLUNỌ dọ, Dayi e go, gbẹtọ delẹ ja sọn otò agéwaji tọn mẹ; yè na sọ fọ́nadan akọta daho de daga sọn aga opòdo aigba tọn pete mẹ. 23Yé hẹn ogá po owhán po go; okanọ wẹ yé, bo ma tindo lẹblanu de; ogbè yetọn nọ to gbigbó taidi ohù, Yé sọ nọ hẹ́ osọ́ lẹ ji; omẹ dopodopo tò do haji, di dawe de hlan awhànfuntẹn, do oji we, Hiẹ viyọnnu Ziọni tọn. 24Mí ko sè linlin etọn; alọ mítọn lẹ zùn madogannọ: awuvẹ́ ko hẹn mi go, podọ ajlu lẹ di yọnnu de tọn to ajipa mẹ. 25Mì tọ̀n yì dangbo blo, bo sọ zinzọnlin gbọn aliho blo; na finẹ wẹ ohi okẹntọ lọ tọn te, po obudaho po to awà lẹpo ji. 26Viyọnnu omẹ ṣie lẹ tọn emi, Yí odẹ́vò do gbàn dewe, bo sọ hẹn dewe bli to afin mẹ: hẹn dewe blawu, di na visunnu dopoakan de, avi vivé susutalala; na hẹngbletọ lọ na wá mí ji ajiji. 27Yẹn ko yí we do basi whèdodintọ de po figángán de po to omẹ ṣie lẹ ṣẹnṣẹn; na hiẹ nido yọnẹn bo sọ nọ whlé aliho yetọn pon. 28Atẹṣitọ adinọ wẹ yé mẹpó, he to yìyì pé po mẹnúdidọ lẹ po; gànvẹ po ogànyú po wẹ yé: Yé popo yé tọn wẹ yí ogble do to zinzán. 29Yè mè owọhún lẹ po fifiẹ po; yè dù osunmi súdo sọn miyọn me: ovọ́ mẹ wẹ yé kinkòn; na yè ma dọ̀n mẹylankan lẹ sùn sẹ̀ gba. 30Fataka gbédai wẹ gbẹtọ lẹ na nọ ylọ yé, na OKLUNỌ ko gbẹ́ yé dai wutu.
Currently Selected:
JẸLEMIA 6: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
