JẸLEMIA 18
18
1OHÓ he wá Jẹlemia de sọn OKLUNỌ de, dọmọ, 2Tite, bo jẹte yì owhé zéndotọ tọn gbè, finẹ wẹ yẹn na hẹn we nado sè ohó ṣie lẹ te. 3Whenẹnu wẹ yẹn jẹte yì owhé zéndotọ lọ tọn gbè, bo, dayi e go, é to azón etọn wà to kẹkẹ lẹ ji. 4Podọ whenuena yè hẹn núzinzán he é basi sọn Okò lọ mẹ gble to alọ zéndotọ lọ tọn mẹ, é sọ vó yí i do basi núzinzán dẽvo, dile é sọawuhia dagbe hlan zéndotọ lọ do nado basi i.
5Whenẹnu wẹ ohó OKLUNỌ tọn wá dẽ, dọmo, 6Owhé Islaeli tọn E, bé yẹn ma sọgan wà hẹ mì di zéndotọ he wẹ? wẹ OKLUNỌ dọ. Dayi e go, di okò to alọ zéndotọ lọ tọn mẹ mọwẹ míwlẹ te to alọ ṣie mẹ, mì owhé Islaeli tọn E. 7Adónu he mẹ yẹn na dọhó gbọn akọta dè tọn dali, podọ: gbọn ahọludu de tọn dali, nado dòn sùn podọ nado gbà liai podọ nado sú i do; 8Eyín akọta nẹ gbọn ehe tọn dali yẹn ko dọhó, lé sọn oylan yetọn mẹ, Yẹn na diòlinlẹn sọn oylan lọ mẹ he yen lẹn nado wà hlan yé 9Podọ adónu he mẹ yẹn na dọhó gbọn akọta de tọn dali, podọ gbọn ahọludu de tọn dali, nado doaì podọ nado do e; 10Eyín é wà oylan to nukun ṣie mẹ, bọ é ma sètónuna ogbè ṣie gba, whenẹnu yẹn na diọlinlẹn sọn dagbe lọ mẹ ehe tọn yẹn dọ yẹn do wàdagbena yé. 11Enẹwutu dinvie, yì nado dọhó hlan ome Juda tọn lẹ, podọ hlan tomẹnu Jelusalẹm tọn lẹ, dọmọ, Le wẹ OKLUNỌ dọ; Dayi e go, Yẹn ṣẹ̀ oylan do mì go, bo sọ bladọ obladọ de do mì go: mì ni lẹ́gọ̀ dinvie omẹ dopodopo sọn ali ylankan ẹtọn mẹ, bo jla ali mitọn le do po wiwà mitọn lẹ po 12Ṣigba yé dọmọ, Otódo de ma tin gba: na mìwlẹ na to zọnlinzin hodo núbladọ mítọn lẹ, mí na sọ nọ wà omẹ dopodopo hodo otasinyẹn ayiha ylankan etọn tọn.
13Enẹwutu le wẹ OKLUNỌ dọ: Mì kanbiọ dinvie to akọta lẹ ṣẹnṣẹn, menu wẹ ko sè onú mọnkọ lẹ; awhli Islaeli tọn ko wà onú dobu talala de. 14Bó osìnago Lẹbanọni tọn na gbodà sọn osé danji tọn mẹ wẹ? kavi osìn miọnmiọn lẹ sọn aigba ojonọ lẹ mẹ he sà jẹte na yín húhú wẹ? 15Na omẹ ṣie lẹ ko wọnji ogo e, yé ko mè nuwhẹnwan hlan ovó; yé ko sọ hẹn yé nado mùsa to aliho yetọn lẹ mẹ, to omó hóhó lẹ mẹ, nado nọ zinzọnlin to núglọmó lẹ mẹ, to aliho yè ma dè de mẹ, 16Nado basi aigba yetọn awujiji de, podọ pislọdidè de whepoponu; omẹ dopodopo he gbọn fìnẹdali jujei lẹ nayín awujinọ, bo sọ mimí ota etọn. 17Yẹn na vúnvún yé di po jẹhọn whèzẹtẹn tọn de po to kẹ̀ntọ lẹ nukọn; yẹn na do nẹgbé hia yé é ma yín nukunmẹ gba, to azán oya yetọn tọn gbè.
18Whenẹnu wẹ yé dọmọ, Wá, bo gbọ mí ni bladọ núbladọ lẹ do Jẹlemia go; na osén ma na súdo sọn yẹwhenọ lọ de gba, kavi ohónamẹ sọn nuyọnẹntọ de, kavi ohó sọn yẹwhegán lọ de. Wá, bo gbọ mí ni yí odó do hò e, a sọ dike mí na ayipa ohó etọn lẹ depope blo.
19Na ayipa hlan mi, OKLUNỌ E, bo sọ tuntóai hlan ogbè he to avùnho hẹ mi lẹ tọn. 20Bé yè na yí oylan do súahọ na dagbe wẹ? na yé ko kùn odò de na alindọn ṣie. Flin le yẹn site to nukọn towe nado dọhó dagbe na yé do, nado lè homẹwlu towe sọn yé de. 21Enẹwutu jó ovi yetọn lẹ hlan ohùvé, bo sọ jó yé hlan na huhlọn ohi tọn; bo sọ gbọ asi yetọn lẹ ni lẹzùn madovinọ, asusiọsi; bo sọ gbọ sunnu yetọn lẹ ni yin alántọsiọ okú tọn, podọ yọ̀pọ sunnu yetọn lẹ mẹhiho ohi tọn to awhànfuntẹn mẹ. 22Gbọ ogbè de ni yín sisè sọn owhé yetọn lẹ gbè, whenuena hiẹ na hẹn awhànfuntọ de wá yé ji ajiji: na yé ko kùn odò de nado wle mi, bo sọ whla omò lẹ dai na afọ ṣie lẹ. 23Gãnṣo, OKLUNỌ hiẹ yón hónamẹ yetọn lẹpo do oji e nado hù mi; a jona oylanwà yetọn blo, kavi súnsún ylando yetọn sè sọn nukun towe me blo: ṣigba gbọ yè ni hẹn yé nado mùsa to nukọn towe; zán hẹ yé to ojlẹ adi towe tọn mẹ.
Currently Selected:
JẸLEMIA 18: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
