JẸLEMIA 17

1YLANDO Juda tọn wókantin oganyũ tọn wẹ yè yí do kàn, podọ obénù adamanti de tọn: yè wlan ẹn do tafo ayiha yetọn tọn ji, podọ do azò agbà yetọn lẹ tọn lẹ ji; 2whenuena ovi yetọn lẹ flin agbà yetọn lẹ po asányin yetọn lẹ po, to atin omú lẹ dali to, okọta yìji lẹ ji. 3Osó ṣie he to dangbo È, yẹn na na agbàn towe po adọkunnu towe lẹpo po na ogblannú de, po otẹn yìaga towe lẹ po, na ylando tọn wutu, tọ agboji towe lẹpo lédo. 4Podọ hiẹ, yèdọ sọn hiẹ lọsu mẹ, na jágò sọn ogú towe he yẹn na we kòn; yẹn na sọ hẹn we nado nọ sẹ́n kẹ̀ntọ towe lẹ to aigba hẹ hiẹ ma yọnẹn ji: na mìwlẹ ko pla miyọn de to adi ṣie mẹ he na to jiji kakadoi.

5Le wẹ OKLUNỌ dọ: Dèhodonọ wẹ omẹ lọ he dotudo gbẹtọ go, bo hẹn agbasalan zùn awà etọn, podọ ayiha mẹhetọn fọ́nyì sọn OKLUNỌ dẹ̃ 6Na ewọ na tin taidi tudonú to zunkàn mẹ, bo ma na mọ whenuena dagbe ja; ṣigba bo na nò otẹn húhú lẹ mẹ to zùngbo mẹ, ojẹigba he mẹ yè ma ninò gba. 7Donanọ wẹ omẹ lọ he dotudo OKLUNỌ go, podọ tudonú mẹhetọn OKLUNỌ yín. 8Na ewọ na tin di atin yè do to osìn lẹ dali de, podọ ehe dlẹn adò etọn lẹ jẹgbonu to otò dali bo ma na mọ whenuena yózo wá, ṣigba amà etọn na yín omú; bo ma na yín tuklanọ to owhè akúdido lọ tọn mẹ, mọ bo ma na so doalọte sọn osinsẹ́n sinsẹ́n me. 9Ayiha yín oklenọ hugan onú lèpo, pọdọ e sọ yín awutunọ; tupmpènnọ mẹnu wẹ sọgan yón ẹn? 10Yẹn OKLUNỌ nọ din ayiha mẹ pọn, yẹn nọ whle homẹ pon, yèdọ nado na omẹ dopodopo kẹdedi aliho etọn lẹ, kẹdedi sinsẹn wiwà etọn le tọn. 11Dile asọkle nọ sín azìn he ewọ ma ko do lẹ ji do, mọwẹ ewọ he tindo adọkun, bo ma gbọn ojlọjẹ dali; to gblagbla azán etọn lẹ tọn mẹ, ewọ na jó yé do, podọ to opòdo etọn ewọ na yín oklenọ de.

12Ofìn gigonọ de, yè zé doaga sọn whẹwhewhenu wẹ mtẹh fiwiwe mítọn tọn. 13OKLUNỌ È, otódo Islaeli tọn, mehe gbé we dai lẹpo na yín memọwinyan; yé he fọ́nyì sọn dẽ lẹ na yín winwlan to aigba mẹ, na yé ko gbó OKLUNỌ dai wutu, asisa osìn ogbènọ lẹ tọn. 14Mẹnazòngbọna mi, OKLUNỌ E, yẹn na sọ yín hinhẹnazòngbọna; whlẹn mi, yẹn na sọ yín whinwhlẹn: na hiẹ wẹ opipà ṣie. 15Dayi e go, Yé didọ hlan mi dọ, Fie wẹ ohó OKLUNỌ tọn lọ te? gbọ é ni wá dinvie. 16Na yẹn tọn, yẹn ma ko yawu sọn yínyín lengbọhọtọ de mẹ hodo we gba; mọ yẹn ma ko sọ jlo whẹdazán gbẹtọ tọn gba; hiẹ yọnen: enẹ he tón sọn nùflo ṣie lẹ mẹ jẹgbonu wá ko tin to nukunmẹ towe nukọn. 17A yín núdobu de hlan mi blo: hiẹ wẹ fibẹ̀tado ṣie to azán óylan tọn mẹi 18Gbọ yé he to homẹkendo mi lẹ ni yín mẹmọwinyan, ṣigba a dike yẹn yín mẹmọwinyan blo; gbọ yé ni yín ofiuno, ṣigba a dike yẹn yín oflunọ blo: hẹn azán oylan tọn wá yé ji, yí kikè awẽpọ de do gbà yé.

19Whenẹnu wẹ OKLUNỌ do hlan mi dọ, Yì, bo site to họngbo mẹotọ lẹ tọn le mẹ, fiedali ahọlu Juda tọn lẹ gbòn jà whégbè, podọ ehé dali yé nọ gbòn jẹgbonu yì, podo to hòngbo Jelusalẹm tọn lẹpo mẹ; 20bó dọ hlan yé dọ, Mì sè ohó OKLUNỌ tọn, mì ahọlu Juda tọn lọ, po Juda lẹpo po, po tòmẹnu Jelusalẹm tọn lẹpo po, he nọ biọ whégbè gbọn hòngbo helẹ dali; 21le wẹ OKLUNỌ dọ: Mi payi na ogbè mitọn tọn wutu, bo zé agbàn de hẹn to gbọjẹzán gbè blo, kavi hẹn ẹn wá whégbè gbọn hòngbo Jelusalẹm tọn lẹ dali blo; 22mọ mì sọ hẹn agbàn de tón jẹgbonu sọn owhé mitọn lẹ gbè to gbọjẹzán gbè blo, mọ mì sọ wà azón depope blo: ṣigba mì ni hiọ gbọjẹzán lọ, dile yẹn degbèna otọ́ mitọn lẹ do; 23ṣigba yé ma tuntóai gba, kavi tẹ oto yetọn dai gba, ṣigba hẹn okò yetọn sinyen, na yé ma nido sè, bo ma nido mọ oplọn yí. 24E na sọ wá jọ, eyín míwlẹ yí sọwhiwhe do tuntóai hlan mìj wẹ OKLUNỌ dọ, ma nado hẹn agbàn de wá whégbe gbọn hòngbo tòdaho he tọn lẹ mẹ to gbọjẹzán gbè, adavo nado hiọ gbọjẹzán, ma nado wà azọ́n de to e mẹ; 25whenẹnu wẹ ahọlu lẹ po ahọvi lẹ po na nọ biọ whégbè finẹ gbọn hòngbo tòdaho he tọn lẹ dali do sín ofìn Davidi tọn ji, bo nọ hé kẹkẹ lẹ mẹ po osọ́ lẹ po ji, yé, po ahọvi yetọn lẹ po, Omẹ Juda tọn lẹ, po tòmẹnu Jelusalẹm tọn lẹ po: podọ tòdaho he mẹ na sọ yín ninò. 26Yé na sọ sọn tòdaho Juda tọn lẹ mẹ wá, podọ sọn otẹn lẹ mẹ lédo Jelusalẹm, podọ sọn aigba Bẹnjamini tọn mẹ, podọ sọn agbàdo mẹ, podọ sọn osé le mẹ, podọ sọn huwaji; bo hinhẹn avọ́ núnina mimẹ̀ lẹ wá, po avósannú lẹ po, po avọ́ núnina ojinulili lẹ po, po nujọnwan po, bó to avósannú opé tọn lẹ hẹnwá jẹ ohò OKLUNỌ tọn kón. 27Ṣigba eyín mìwlẹ ma na tuntóai hlan mi nado hiọ gbọjẹzán, podọ ma nado zé agban de hẹn bo biọ whégbè to hóngbo Jelusalẹm tọn lẹ ji to gbọjẹzán gbè; whenenu wẹ yẹn na pla mìyọn de to hòngbo etọn le mẹ, é na sọ dù ohònmẹ Jelusalẹm tọn lẹ súdo, é ma sọ to na yín sisi gba.

Currently Selected:

JẸLEMIA 17: BWL23

Highlight

Copy

Compare