ISAIA 59

1DAYI e go, alọ OKLUNỌ tọn ma whète, bọ é mado sọgan whlẹnmẹ; mọ otó etọn ma pẹ́n, bọ é ma na do sọgan sè: 2ṣigba ylankan mitọn wẹ klán mì sọn Jiwheyẹwhe mitọn go, podọ ylando mitọn wẹ yí nukun etọn whla sọn mì de, bọ ewọ ma na do sè. 3Na alọ mitọn zùn mawé na ohùn, podọ alọvi mitọn na ylankan; nuflo mitọn to lalodo, odẹ́ mitọn sọ to onú gbigble dọ. 4Mẹde ma din whówhinwhẹn, mọ mẹde ma to owhẹ̀ nugbo da: yé dotudo nuvọ́ go, yé to lalodo; yé mọhò okà tọn, bo ji ylando. 5Yé fle azìn lopá tọn, bo lọ̀n okàn tọ́gboyẹyẹ tọn: ewọ he dù to azìn yetọn mẹ na kú, podọ ehe yè finyọ́n tlú amapoe jẹgbonu. 6Okàn yetọn ma na lẹzùn avọ̀, mọ yé ma na yí azọ́n yetọn sinyón yéde: azọ́n yetọn wẹ azọ́n okà tọn, nudakàndakan sọ tin to alọ yetọn mẹ. 7Afọ yetọn họ̀nwezun hlan oylan, yé sọ nọ yawu nado kọ̀n ohùn homẹvọnọ tọn dai: linlẹn yetọn linlẹn ylankan wẹ, gbàkija po hẹngble po tin to aliho yetọn ji. 8Áliho jijọho tọn wẹ yé ma yónẹn; whẹ̀dida ma sọ tin to yìyì yetọn mẹ: yé ko basi ali gbìngbán na yẹ́de: medepope he gbọn é ji ma na yọ́n jijọho. 9Enẹwutu wẹ whẹ̀dida dẹn do mí, mọ dódó ma sọ pla mí: mí nọtepọ́n hinhọ́n, ṣigba dayi e go, avìvì; mí nọtepọ́n hinhọn, ṣigba mí to zọnlìnzin to zinvlu mẹ. 10Mí to alọdla adó go dí nukuntọ́nnọ, mí sọ to alọdla di mẹhe ma tindo nukun: mí to ahlida to owhè sádádá mẹ di to ozán mẹ; mí tin to ofi jẹvó di oṣiọ. 11Mí omẹ pó to lìlì di beali, bo sọ to awubla di apoe: mí donukun whẹ̀dida, ṣigba é ma tin; na whlẹngán, ṣigba é dẹn do mí. 12Na sẹ́nmẹjijẹ mítọn to susu deji to nukọn towe, ylando mítọn sọ dekunnu do mí go: na sẹ́nmẹjijẹ mítọn tin to mí de: eyín ylankan mítọn tọn, mí yọ́n yé. 13To sẹ́nmejijẹ po lalodido po do OKLUNỌ go mẹ, tìntón sọn Jiwheyẹwhe mítọn de, didọhó awufinyẹnnamẹ tọn po atẹṣiṣi po, hómimón po ohó lalo-didọ po sọn ayiha mẹ jẹgbonu. 14Yè lẹ́ whẹ̀dida do godo, whẹwhinwhẹn sọ nọte to aganu: nugbo jai to tòhomẹ, nugbowà ma sọgan biọ whégbè. 15Nugbo vọ́, ewọ he sọ tón sọn oylan mẹ yí ede do basi ogbànna: OKLUNỌ mọ ẹn, é sọ gblehomẹ nẹ na whẹ̀dida ma tin wutu. 16E mọ dọ omẹ de ma tin, é sọ jawu do e dọ vẹ̀vẹ̀tọ ma tin: enẹwutu alọ etọn hẹn whlẹngán wá nẹ́, dódó etọn, é gọalọ nẹ. 17E zé dódó dogo di akọ́nnupánko, bo yí ogàn-gbakun whlẹngán tọn ṣinyọn ota etọn ji; é zé awu ahọsuyí tọn do di avọ́, yè sọ zé vivẹnu do nẹ̃ di otèwu. 18Kẹdẹdi owàlọ yetọn, mọkẹdẹ wẹ é na suahọ do, homẹgble hlan kẹ̀ntọ etọn lẹ, ahọsu hlan kẹ̀ntọ etọn lẹ; na jlopo lẹ é na yí ahọsu. 19Yé na sọ dibuna oyín OKLUNỌ tọn sọn whèyìhọ, gigo etọn sọn whèzizẹ. Whenuena kẹ̀ntọ na wá di otò gigọ́, Gbigbọ OKLUNỌ tọn na zé asia doaga do e ji. 20Omẹflitọ de na wá Ziọni, podọ hlan yé he lẹ́ sọn sẹ́nmẹjijẹ mẹ to Jakob mẹ lẹ, wẹ OKLUNỌ dọ. 21Na yẹn tọn, ehe wẹ alẹnu ṣie hẹ́ yé, wẹ OKLUNỌ dọ; Gbigbọ ṣie he tin to hiẹ go, po ohó ṣie he yẹn yí do onù towe mẹ po, ma na tón sọn onù towe mẹ, kavi sọn onù okún towe tọn mẹ, kavi sọn onù okún okún towe tọn mẹ, wẹ OKLUNỌ dọ sọn dinvie kakadoi.

Currently Selected:

ISAIA 59: BWL23

Highlight

Compare

Copy