HOSEA 8

1ZE opèn lọ do onù towe Ewọ wá di akùn de do ohò OKLUNỌ tọn go: na yé ko jẹsẹnmẹna alẹ́nù ṣie wutu, bo sọ jẹsénme do osẹ́n ṣie go. 2Yé na dawháylọ hlan mi dọ, Jiwheyẹwhe ṣie, mí Islaeli lẹ yón we. 3Islaeli ko zé enẹ he yín dagbe dlangbé: kẹ̀ntọ lọ na domọna ẹn. 4Yé ko zé ahọlu lẹ daga, ṣigba gbọn yẹn dali ma gba; yé ko dè yé sẹ́, bọ yẹn ma yọ́n ẹn gba: fataka yetọn po sika yetọn po mẹ wẹ yé ko basi vodun lẹ sọn, na yé nido yín sinsán sẹ́. 5Ewọ ko zé oyìnvú towe dlangbé, hiẹ Samalia; yè hẹn adi ṣie jimiọn do yé ji: dẹn sọ nawẹ é na yín whẹpo yé na jẹ otẹn homẹvọ́ tọn mẹ? 6Na yèdọ Islaeli mẹ wẹ ehe tin sọn; azọ́nwàtọ basi i, é má yín Jiwheyẹwhe gba: mọwẹ, oyìnvú Samalia tọn lọ na yín gbigbà hanyanhanyan. 7Na yé do ojẹhọn, yé na sọ yà yujẹhọn: é ma tin ozìnkán de; apà lọ ma na dè núdùdù de jó gba; eyín é yín dọ é dèjó, ojonọ lẹ wẹ na zé e mì. 8Yè zé Islaeli mì: dinvie wẹ yé tin to akọta lẹ ṣẹnṣẹn di núzinzán de ehemẹ homẹhùn de ma te. 9Na yè hẹn yé hẹji yì jẹ Asilia, taidi kẹtẹkẹtẹ gbémẹ tọn de soganna na ede: Eflaimi ko dapà owanyi lẹ. 10Mọwẹ, le yé tlẹ dapà to akọta lẹ ṣẹnṣẹn, dinvie wẹ yẹn na ṣinyan yé; podọ na ojlẹ vude wẹ yé na blawu gbọn agbàn aholu po ahọvi lẹ po tọn lọ tọn dali. 11Na Eflaimi ko hẹn agbà lẹ jideji nado wàylando, agbà lẹ ko tin hlan ẹn nado wàylando. 12Yẹn wlan onú fọtọ́n ao na ẹn sọn osẹ́n ṣie mẹ, ṣigba yè hia yé di onú jonọ de. 13Na avọ̀sánnu avọ́ nunina ṣie lẹ tọn lẹ tọn, yé yí olàn lẹ do sánvọ́ bo sọ to dùdù i; ṣigba OKLUNỌ ma kẹalọyi yé gba: dinvie wẹ ewọ na flin oylanwà yetọn, bo sọ dla ylando yetọn lẹ pọ́n; yé na lẹ́gọ̀ do Egipti. 14Na Islaeli ko wòn Obasitọ etọn, bo sọ do templi lẹ; podọ Juda ko sọ hẹn tòdaho odokọnọ lẹ jideji: ṣigba yẹn na do miyọn de hlan tòdaho etọn lẹ ji, é bo na sọ dù ohònmẹ etọn lẹ lọ và.

Currently Selected:

HOSEA 8: BWL23

Highlight

Copy

Compare