HEBLU LẸ 9
9
1YÈDỌ dinvie alènu tintan tindo osén doai núwiwa sinsẹ̀n wiwe tọn, po fiwiwe aihọn he mẹ tọn po 2Na yè gbá gohọtúntún de, nukọn tọn, to ofi; zogbántin, po tafo po, po akla sọhia tọn po te, he yè nọ ylọ dọ fiwiwe 3To avọ̀ yè do gbòabò awetọ godó, wẹ gohọ̀túntún he yè nọ ylọ dọ Ofi Wiwe hú popo lẹpo. 4Ehe tindo sika siklẹ nuwhenwan tọn, po apotin alènu tọn po he yè kòn sika lédo, ehe mẹ sika-zén mana tọn te, po opò Aalọn tọn he joamà po, po tafo alènu tọn lẹ po. 5Podo to e ji wẹ kelubin gigo tọn he ṣinyọn oyẹ̀ aisintẹn lẹblanu tọn ji te; ehe yè ma sọgan yí onù do dọ hézéhézé dinvie gba. 6Dinvie le yè wleawu onú helẹ tọn do mọ, yẹwhenọ lẹ nọ biọ gohò he ji ye na plọnjẹ mẹ to whepoponu, bo no yì basi sinsẹ̀n Jiwheyẹwhe tọn. 7Ṣigba awetọ lọ mẹ wẹ yẹwhenọ daho dopokẹdẹ nọ biọ whladopo to owhè mẹ, é ma yín to ma hẹn ohùn to alọ mẹ gba, ehe é yi do sánvẹ́ na ede whẹ́, podọ na alíbubu gbẹtọ lẹ tọn: 8Gbigbọ Wiwe sọ yí ehe do dohia dọ, ali biọ ofi wiwe he hú popo lẹpo mẹ ma ko sọawúhia gba, whenuena gohò tintan tin to ote: 9ehe yín ohia na ojlẹ whenẹnu tọn, ehe mẹ yè na nunina po avọ́ po te, ehe ma sọgan hen mẹhe to sinsẹ̀n basi lọ sọgbè gbọn ehe yín ayiha tọn dali; 10ehe nọte to dùdù po nùnù po kẹdẹ mẹ, podọ to nukiklọ alọpalọpa tọn mẹ, po to nudoai agbasa tọn lẹ po mẹ, ehe yè zé do ote na yé kaka é na do jẹ vọwà whenu.
11Ṣigba Klisti ko wá nado yín yẹwhenọ daho onú dagbe he ja tọn, gbọn gohò he klo bo sọ sọgbè gbahú dali, ehe yè ma yí alọ do basi, enẹ wẹ nado dọ, é ma sọn dida he mẹ gba; 12mọ é ma yín gbọn ohùn gbọgbọẹ po oyìnvu tọn po dali, ṣigba gbọn ohùn etọn titi mẹ wẹ é biọ fiwiwe nẹ mẹ whladopo, to ehegodo é mọ ofligọ̀ madopodo yí na mí. 13Na eyín ohùn oyìnsu tọn po gbọgbọẹ tọn po, po afín oyìnasiwhe tọn he yè nọ húnhún do mawenọ lẹ go po, nọ hẹn omẹ zùn wiwe na olèwé agbasalan tọn: 14nẹmunẹmu wẹ ohùn Klisti tọn, mẹhe gbon Gbigbọ madopodo mẹ yí agbasa ede tọn do sánvẹ madodiho hlan Jiwheyẹwhe, ma na lè ayiha mìton wé sọn azon kúkú mẹ nado sẹn Jiwheyẹwhe ogbẹ̀nọ lọ? 15Na ehe tọn wutu wẹ é yín whẹgbotọ alènu yoyo tọn, na gbọn okú mẹ, na ofligọ̀ ylando hóhó tọn he tin to alẹ nu tintan glọ, yé he yè ylọ lẹ nido mọ opagbe ogú madopodo tọn yí. 16Na fie owé alẹ̀nu ton te, okú alẹnutọ tọn ma sọgan nọma tin to finẹ ga. 17Na owé alènu tọn tindo huhlọn to whenuena gbẹtọ kú godo; eyín é ma yín mọ, é ma tindo huhlọn lala whenuena alènuto tin to, ogbẹ̀. 18Enẹwutu yèdọ yè ma klán alènú tintan do wiwe matin ohùn gba. 19Na whenuena Moṣe dọhó osẹn dopodopo tọn hlan gbẹtọ lẹpo kededile osẹn te é yí ohùn oyinvu po gbogboe tọn po, po osìn po, sekanvẹ, po hibọpu po, bo mi do owhe po gbẹtọ lẹpo po go, 20bo dọmọ, Ehe wẹ ohùn alènu ton he Jiwheyewhe degbèna hlan mi dali. 21Humọ e sọ yí ohùn do yìn gohò, po núzinzán he yẹwhenọ lẹ do nọ sèn po 22E blà yín onu lẹpo gbọn osen dali wẹ yè yí ohùn do lèwẹ́, podọ matin ohùn kọ̀ndai odèsẹ̀ ylando tọn ma tin.
23Enẹwutu é jẹ dọ yè ni yí ehelẹ do klọ́ onú he yín ohia olọn tọn lẹ, ṣigba onú olọn tọn lẹ lọsu wẹ yè ni yí avọ he yónwhanpẹ hú ehẹlẹ do kló. 24Na Klisti ma biọ fiwiwe he yè yí alo lẹ do basi mẹ gba, ehe basi ohia nugbo ton; ṣigba é biọ olọn lọsu mẹ, dinvie nado tọn wá Jiwheyẹwhe nukọn na mí: 25na é ma sọ yín dọ é nido to ede yí do to avọsán whẹwhẹ gba, dile yẹwhenọ daho lẹ nọ biọ fiwiwe mẹ do to whèmẹ whèmẹ, pọ ohùn mẹdevo tọn po to alọ mẹ gba; 26be ewọ ma sọgan nọma to yaji whẹ̃whẹ̃ sọn aihọn dòdó whenu wá: ṣigba dinvie é sọawúhia whladopo to aihọn pòdọ nado dè ylando sè gbọn avọ́ sinsán ede tọn dali. 27Podọ sọle yè dè hlan gbẹtọ whladopo nado kú, ṣigba to enegodo whẹ̀dida: 28mọwẹ yè yí Klisti do sánvọ́ whladopo nado zé ylando mẹsusu tọn hen: podọ hlan yé he sọ to nukundo: aliho nẹ lẹ wẹ é na sọawúhia whlawetọ jẹla sọn ylando mẹ hlan whlẹngan.
Currently Selected:
HEBLU LẸ 9: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
