HEBLU LẸ 10
10
1NA osén tintindo oyè onú dagbe he ja lẹ tọn, ma yín ojlẹmọ onú lẹ lọ tọn, gbọn avọ́ he yè to sinsan whepọponu to whèmẹ-whèmẹ le dali sọgan hẹn yé he dọn sẹpọ lẹ: sọgbè gbà. 2Be enẹwutu yè ma do gbọ yé yí do sánvọ gbá; na sinẹnto he yè lẹ̀wé whladopo lẹ ma do sọ tindo ayi ylando ton ba gba. 3Ṣigba to avọ́ nẹlẹ mẹ wẹ yè sọ to ylando nẹlẹ flin to whèmẹ-whèmẹ. 4Na é glo do ohùn oyìnsu tọn po gbọgbọẹ tọn po nado dè ylando sè. 5Enẹwutu, whenuena é wá aihọn mẹ, é dọmọ,
Avọ́ po nunina avọ́ tọn po hiẹ ma jlo,
Ṣigba agbasa wẹ hiẹ ko wleawu etọn dai na mi:
6Avó nunina mimẹ̀ podọ avọ́ na ylando hiẹ ma sọ tindo họmẹhùnhùn na.
7Whenẹnu wẹ yẹn dọmọ, Do ayi e go, yẹn wá,
(To apò owé lọ tọn mẹ wẹ yè wlanwe ṣie do,),
Nado wàọjlo towe, Jiwheyẹwhe È.
8Didọ jẹnukọn, Avọ́, nunina avọ tọn, avọ́ nunina mimẹ̀ blebu, podọ avọ na ylando, hiẹ ma jlo, mọ hiẹ ma sọ tindo homẹvivi do e go; ehe yè to sinsán gbọn osén dali; 9whenẹnu wẹ é dọmọ, Do ayi ẹ, gọ, yẹn wá nado wà ojlo towe, E bẹ tintan sẹ̀, na é nido hẹn awetọ lódo. 10Gbọn ojlo he mẹ yè hẹn mí zùn wiwe gbọn yíyí agbasa Jesu Klisti tọn do sánvọ́ whladopo akàn dali. 11Yẹwhenọ lẹ dopodopo nọ nọte egbésọegbésọ, bo nọ to sinsẹ̀n, bo sọ nọ to avọ́ dopolọ sán whepoponu, he ma sọgan bé ylando sé gbède. 12Ṣigba dawe he, ehegodo é ko sánvọ́ dopọ kakadoi na ylando, é sinai to adusilọ. Jiwheyẹwhe tọn mẹ; 13sọn dinvie, é to tódo kaka yè nado yí kèntọ etọn lẹ do basi tokloafọligbé etọn tọn. 14Na gbon avọ́ dopo dali, é ko hẹn yé he yè diọ zùn wiwe lẹ pégan kakadoi. 15Ehetọn Gbigbọ Wiwe yin kunnudetọ mítọn: na to ehegodo é ko dọ jẹnukọn, dọ,
16Ehe we alènu he yẹn na basi hẹ ye to
Azán nẹlẹ godo, wẹ Oklunọ dọ,
Yẹn na yí osẹn ṣie do ayiha yetọn mẹ,
Otù yetọn ji wẹ yẹn na wlan yé do;
17Ylando yetọn po oylanwà yetọn lẹ po go wẹ yẹn ma to na flinnu jẹ ba.
18Mo fie odesẹ onú helẹ tọn tin te, avọ́sán na ylando ma tin ba.
19Mẹmesunnu, be le mí tindo tugbigbo nado bio ofì he we gbahú mẹ gbọn ohùn Jesu tọn dali 20gbon ali yọ́yọ́ ogbènọ de ji ehe yè lèwé na mí, gbọn avọ̀ yè do gbòabò lọ mẹ, enẹ wẹ nado dọ agbasalan etọn; 21podọ le mí tindo yẹwhenọ daho de to owhè Jiwheyẹwhe tọn ji; 22mì gbọ mí ni yí ayiha nugbo de do dòn sepo ẹ, to ogigó yise tọn mẹ, na yè ni yí nuyìnnú do kló ayiha ylankan mítọn mẹ, bo sọ yí osìn wiwe do kló agbasa mítọn wé. 23Mì gbọ mí ni hẹn ogbèyí yise mítọn tọn go gligli to mado ayi awe mẹ; (na nugbonọ wẹ ewọ he dopagbe;) 24mì gbọ mí ni sọ nọ lẹn mìnọzo tọn pọ́n nado nọ jlahomẹdona to owanyi po azọ́n dagbe lẹ po mẹ: 25to ma gbé opli mìde tọn mẹ, dile jijo mẹdelẹ tọn te; ṣigba mí ni nọ to homẹjladona mìnọzo; humọ na le mì mọ dọ azán lọ to sisepó.
26Na eyín mìwlẹ yọnẹn gàn bo wà oylan whenuena mìwlẹ ko mọ oyọnẹn nugbo tọn yí godo, avọ́ na ylando ma tin ba gba, 27ṣigba nukundido he dóbu owhẹdida tọn de, po homegble he hùnzo tọn po, he na hù kèntọ lẹ súdo. 28Mẹhe gbẹwanna osén Moṣe tọn, kú matin lẹblanu to kunnudetọ awe kavi atọ̀n glọ: 29nẹmunẹmu wẹ mìwlẹ lẹn dọ, yè na lẹn ẹn dọ é jẹ na oya he vé, mẹhe yí afọ do zín Ovi Jiwheyẹwhe tọn dai, bo sọ hia ohùn alènu tọn lọ, he yè do hẹn ẹn zùn wiwe, di onú mawé de, bo sọ wà ovlẹ hlan Gbigbọ ojọmiọn tọn go? 30Na mìwlẹ yón ewọ he dọmọ, Ahọsuyí wẹ ṣie, yẹn na suahọ. Podọ, Oklunọ na dawhèna omẹ etọn lẹ. 31Onú dobu wẹ nado jai jẹ alọ Jiwheyẹwhe ogbènọ tọn mẹ.
32Ṣigba mì ni flin azán nukọn tọn lẹ, ehe mẹ, ehegodo yè hùnnukunna mì vò, mì sinyẹnlin do doakónna avùn daho nukunbibia tọn; 33to apade, whenuena yé yí mì do basi núpinpón na kiko po nukunbibia po; podọ to apade, whenuena mì sọ lẹzun ogbé yé he yè to zinzán gbọn mọ lẹ tọn ga. 34Na mìwlẹ do awubla na mi to ogàn ṣie mẹ, mì sọ yí homẹhùnhùn do yí agbàn mìtọn yè hẹngble le, na le mì ko yọnẹn to mìde home dọ, mì tindo adọkun he pọ́nte he ma nọ gble humọ to olọn mẹ. 35Enẹwutu mì zé tudido mìtọn dlan blo, ehe tindo ahọsu ale daho tọn. 36Na mì ma sọgan nọma tindo homẹfa, dọ, ehegodo mìwlẹ wà ojlo Jiwheyẹwhe tọn vọ̀, mì nido mọ opagbe yi.
37Na ojlẹ vude dogọ́,
Ewọ he ja na wá, é ma to na dẹn.
38Omẹ dódónọ na nò ogbẹ̀ gbọn yise dali;
Ṣigba eyín mẹdepope joagò yì godo, ayiha ṣie ma na tindo homẹhùn do e go gba.
39Ṣigba mìwlẹ ma tin to yé he to agòjo yì godo hlan dindọn mẹ lẹ gba; adavo yé he yise hlan whlẹngan ayiha tọn.
Currently Selected:
HEBLU LẸ 10: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
