HEBLU LẸ 13
13
1GBỌ owanyi mẹmẹsunnu tọn ni tin to ote jeijei. 2Mi wọn nado nọ do owanyi hia hlan jonọ lẹ blo; na gbọn enẹ dali mẹdelẹ hẹjo angẹli lẹ mayọnẹn. 3Mì nọ flin yé he tin to ogàn mẹ lẹ, di mẹhe to ogàn mẹ po yé po; podọ mẹhe yè yí oylan do to zinzán hẹ dile mìlọsu ga tin to agbasa mẹ do. 4Mì gbọ alọwle ni yín tintindo to ogbégbigbo mẹ to omẹ popo mẹ, mì sọ dike ye hẹn adọ̀ flu blo: na gàlọtọ po ayòdetọ lẹ po wẹ Jiwheyẹwhe na dawhẹna. 5Mì gbọ owalọ mìtọn ni tin matin nukunkẹn; onú he mì tindo ni pé mì: na é ko dọmọ, Yẹn ma to na jo we dai gbède, kavi gbẹ́ we gba. 6Sọmọ bọ mìwlẹ po tugbigbo po do dọmọ,
Oklunọ wẹ alọgọtọ ṣie, yẹn ma to obu na di;
Na onú he gbẹtọ na wà do mi:
7Mì flin yé he yín ogán to mì ji lẹ, yé he to ohó Jiwheyẹwhe tọn dọ hlan mì lẹ: mì nọ hodo yise yeton, bo sọ nọ lẹn opòdo owalọ yetọn tọn pọ́n. 8Jesu Klisti dopolọ to osọ, egbé, mọwẹ podọ kakadoidoi. 9Mì yin omẹ yè yí oplọ́n wunmẹdẽvo he jagọ̀ do dọ̀n danpé blo. Na onú dagbe wẹ, eyín yè yí ojọmiọn do hẹn ayiha mìtọn lódo; é ma yín gbọn núdùdù dali gba, ehe ma doale na yé he yè to zinzán to e mẹ lẹ. 10Mìwlẹ tindo agbà de, ehe mẹ yé he to sinsẹ̀n to gohò mẹ lẹ ma tindo huhlọn nado nọ dù te. 11Na olan kanlin nẹlẹ ton, ohùn ehe tọn yè hẹnwá fiwiwe mẹ gbọn alọ yẹwhenọ daho tọn mẹ na ylando, dokọ godo wẹ yè nọ mè yé te. 12Enẹwutu Jesu ga, dọ é nido lè gbẹtọ lẹ wé gbọn ohún ede tọn mẹ jiya to dòkọ godo ga. 13Enewutu mì gbọ mi ni jẹgbonu yì jẹ e de to osla lọ godo, bo to ovlẹ etọn hẹn. 14Na mìwlẹ ma tindo otòdaho he na nọte dẹn kaka to ofi gba, sigba mí to todaho he ja lọ din. 15Enẹwutu gbọn ewọ mẹ, mìgbọ mí ni nọ sánvọ́ pipa tọn de hlan Jiwheyẹwhe whepoponu, enẹ wẹ, sinsẹ́n nuflo mí tọn tọn, he basi ogbèyíyí hlan oyín etọn. 16Ṣigba nado nọ wàdagbe podọ nado nọ mánamẹ, mì wọn blo: na avọ́ mọtọ hunkọ go wẹ homẹ Jiwheyẹwhe tọn nọ vivi do talala. 17Mì nọ yí mẹhe dugán to mì ji lẹ se, bo nọ litai hlan yé: na yé to alindọn mìtọn lẹ hẹó, yé he ma sọgan nọma dogbè onú yè wà lẹ tọn, na ye nido yí ayajijẹ do basi i, é yín po homẹgble po blo: na enẹ ma yín alenú na mì gba.
18Mì nọ hodẹ́ na mí: na mí dotu dọ mí tindo ayiha dagbe bo sọ jlo nado tin to owalọ dagbe mẹ to onú lẹpo mẹ. 19Ṣigba yẹn kúkú gbọ bo vẹ́ mì nado nọ basi ehe, na yè nido yawu dè mi dote na mì.
20Dinvie Jiwheyẹwhe jijọho tọn, mẹhe hẹn Jesu Oklunọ mítọn sọn osiọ mẹ wá ogbẹ́, Lẹngbọhọtọ daho lẹngbọ lẹ tọn lọ, po ohùn alènu madopodo tọn po, 21ni hẹn mì sọgbè to azọ́n dagbe lẹpo mẹ nado nọ wà ojlo etọn, bo sọ wàzón to mì mẹ nado basi onú he yín homẹvivi talala to nukun etọn mẹ, gbọn Jesu Klisti dali; mẹhe gigo tin na kakadoidoi. Niṣẹ.
22Yẹn sọ vẹ́ mì, mẹmẹsunnu emi, mì yí ohó homẹjlado tọn, na yẹn ko wlanwe hlan mì to ohó vude mẹ. 23Na mì ni yọnẹn dọ, yè dè Timoti mẹmẹsunnu mítọn dote; yẹn po mẹhe po, eyín é yawu wá, na mọ mì.
24Mì dọnúdo omẹ he yín ogán to mì ji le, po mẹwiwe lepo po. Omẹ he tin to Itali lẹ dọnúdo mì.
25Ojọmiọn ni tin to mì omẹ popo de. Niṣẹ.
Currently Selected:
HEBLU LẸ 13: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
