1 PITA 4
4
1BE sọle Klisti jiya na mí to agbasalan mẹ, mì yí nuyọnẹn dopolọ do blagbajana mìde: na ewọ he jiya to agbasalan mẹ ko doalọte sọn ylando mẹ; 2dọ ewọ sọ yí ogbẹ̀ whenu etọn he pò do nọ̀ agbasalan mẹ ba blo, hlan wantúntún gbẹtọ tọn, adavo hlan ojlo Jiwheyẹwhe tọn. 3Na ogbè whenu mítọn he ko juwayì nido pekòna mí, nado ko wàzon ojlo Kosi lẹ tọn, whenuena mìwlẹ to zọnlinzin to wantúntún mẹ, nújijlo ylankan, ovẹnnù zẹjlego, pasadudu, ahangbédido, podọ to bosiọsinsèn he ylanhú mẹ. 4Ehe mẹ yé lẹn di nudabla dọ mì ma dowezun gbọn aliylankan ogbẹ̀ tọn ji po yé po, bo sọ to ohó oylan tọn dọ do mì go: 5yé he na whèdọ hlan ewọ he ko wleawu nado dawhè mẹhe to ogbẹ́ po oṣiọ lẹ po tọn. 6Na ehe wutu wẹ yè do dọyẹwheho wẹndagbe tọn hlan osiọ lẹ ga, na yè nido dawhèna yé kẹdẹdi gbẹtọ to agbasalan mẹ, ṣigba na yé nido nọ ogbè hlan Jiwheyẹwhe to gbigbọ mẹ.
7Ṣigba opò doonú popo tọn to sisẹpọ́; enẹwutu mì yín hùwhẹnọ, bo sọ nọ hó mìde hlan odè. 8Hú onú lẹpo, mì ni tindo owanyi he hùnzo to mìde ṣẹnṣẹn; na owanyi nọ sìnyọnnúdo ylando susu. 9Mì nọ hẹjo mìnọzo to mahlun mẹ. 10Le omẹ dopodopo mọ nunina yí do, mọwẹ mì ni nọ basi ode hlan awetọ, di hònkọnsi dagbe to ojọmiọn alọpalọpa Jiwheyẹwhe tọn mẹ. 11Eyín mẹde to hódọ, ni nọ dọ di ohó Jiwheyẹwhe tọn; eyín mẹde sọ to devizónwà, ni basi i di huhlọn he Jiwheyẹwhe na ẹn: na yè nido pagigona Jiwheyẹwhe to onú popo mẹ gbọn Jesu Klisti mẹ, mẹhe pipa po huhlọn po tin na kakadoi. Niṣẹ.
12Mẹyiwanna emi, mì lẹn di nudabla de blo gbọn whlepọ́n miyọnawu he ja mì whlepọ́n gbé, kẹdẹdi onú dabla de wẹ jọ hlan mì de: 13ṣigba mì ni jaya, sọle mì yín máhẹtọ to yajiji Klisti tọn mẹ do; na whenuena yè dè gigo etọn hia, mì nido jaya to homẹhùnhùn susu mẹ. 14Eyín yè to mì vlẹ na oyín Klisti tọn wutu, donanọ wẹ mì: na gbigbọ gigo tọn po Jiwheyẹwhe tọn po jẹ do mì ji; gbọn yewlẹ dali yè to nùzan do e go, ṣigba gbọn mìwlẹ dali yè tọ gigopa nẹ. 15Ṣigba mì dike mẹdepope to mì mẹ jiya di hlọnhutọ blo, kavi di ajotọ, kavi di ylanwàtọ, kavi di ajannọ to ohó mẹdevo tọn mẹ blo. 16Ṣigba eyín mẹde jiya di Klistiani, winyan hù i blo, ṣigba ni kúkú gbọ bo pagigona Jiwheyẹwhe na ehe wutu. 17Na ojlẹ lọ wá, bọ whẹ̀dida na sè sọn owhẹ́ Jiwheyẹwhe tọn gbè jànwẹ; eyín mìwlẹ whéwhé de wẹ è só sọn, etẹwẹ opòdo yé he ma setónuna wẹndagbe Jiwheyẹwhe tọn na yín? 18Yín é sọ yín, huhlọn talala wẹ dódónọ lẹ nado gán, fìe wẹ mẹylankan po ylandonọ lẹ po na gbọn? 19Enẹwutu mì gbọ yé he to yaji kẹdẹdi ojlo Jiwheyẹwhe tọn lẹ, ni yí ayiha yetọn do dagbe wiwà mẹ, hlan Mẹdatọ nugbonọ de.
Currently Selected:
1 PITA 4: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
